المساعد الشخصي الرقمي

مشاهدة النسخة كاملة : تلات خرفان



محمد رفعت
27-06-2004, 09:12 PM
شاهدت عند اح اصدقائي حفلة لجامعة عين شمس و اعجبني جدا التلات خرفان لاحد الطلبة و يدعي هشام الجخ الرجاء محاولة القراة باللغة العامية

تلات خرفان

تلات خرفان و دي حكاية و كان ياما كان
و لا يحلي لي أي كلام الا بذكر النبي الهمام علية الصلاة و السلام
تلات خرفان و معزايه و شجرايه و بير بترول و بيت عمران
و غيط سارح لحد عيننا ما تودي و شمس اصيله بتجمع و لا تودي
و ديب فجعان
تلات خرفان ما يتكلوش في يوم واحد ما يتهضموش
راح للخروف اتخن خروف
جال يا خروف عيال اخوك متنعنعين و متنغنغين
وانت هنا في اسوا ظروف يادي الكسوف
راح الخروف علشان خروف ضرب الخروف الديب ها يسكت ؟ !
راح للخروف تالت خروف شوفت الخروف ضرب الخروف احميك انا
و ابات معاك في الدار هنا و اديني بس انت مكان
راح الخروف علشان خروف اداه مكان
يوما سنقرا في الجريدة يابلادي اننا كنا خراف
سيجف هذا النفط فوق جلودنا و نودع السبع السمان و نلتقي الفا عجاف
سيدون التاريخ اسماء الملوك العادلين الصابرين الساكتين الكاتمين الصوت بين شعوبهم مثل الزراف
سيحاسب التاريخ حكام العروبة كلها و ينزع الاظفار منهم في سبيل الاعتراف
اني احبك يا بلادي مرغما و اقول شعرا يا بلادي مرغما
و الشعر ان مس السياسة يستحل مصائبا
و الشعر ان مس الصعيديين مثلي يستحل كحد سيف لا يخاف وانا لا اخاف
من كام سنة بنهش بايدينا الفيران و نجول مندخلش في امور الجيران
من كام سنة راسمين رجولتنا ادب
نجشين ادينا نجش حنة و جلنا سنة
و رامينا من ايدنا سلحنا وجلنا هدنه
و بلدنا بكر بغتصب يعلى صوتها غصب عنها نتهمها بالشغب
يابلاد ماليها الا العجب يا معر.................
يابلاد ماليها الا العجب يا معرمين شعر و ادب
هي الرجوله تتوزن وقت الغضب غير بالغضب
هو اللي متاخد غصب مش برضة يتاخد غصب
يابلاد ماليها الا العجب يا معرمين شعر وادب
الوزن هو اللي اختلف و ال الميزان هو اللي انقلب
من كام سنة بنسال بهيه من قتل و احنا اللي قتلينا بايدينا
مدينا ادنا للغريب و في بعض عضينا و عدينا
مين اللي ظالم في الحكاية و مين جبان
منلومشي عالديب اللي خان
احنا اللي خرفان بالوراثة
الصبر وارثينه وراثه
و الطاعه وارثينها وراثه
و حاجات كتيرة مش وراثة احنا خدنها وراثه
انا كل ما اتذكر تحية العلم يسرح خيالي كان صوتي لسه عيالي بس عالي
كنت احس اني بهز المدرسه كان العلم من فرحته يرقص علي الساري اللي شايله
طب كنت ليه بتعلمونا نحفظ البر و جمايله
طب كنتوا ليه بتعلمونا نكره الظلم و عمايله
لما انتوا ناوين تسجنونا في ارضنا طب ايه لزوم العلم و همومه و رزايله
طب كنتوا سبتونا بهايم كنا نبقي مرتاحين
ازاي ابيع ارضي و عارف اني جسمي اصله طين
طب كنتوا علمتونا اننا من اصل تركي او اوروبي
ان جسمنا اصله حلاوة او ملبس
اشمعنا طين ؟ !
طب و لما الطين يروح ايه اللي فاضل و لمين نغني و نفدي روح و لمين نناضل
و لمين اعود واشتاق و احب و لمين اكافح و لمين اغني و اقول بحبك
يابلد بصوت واضح
لامو علي الناس عايزيني اقول اشعار في محمد الدرة مش جايل مش جايل
منا لما جولت زمان يابلادي يارحبة رحبه
جالو عليا ده واد سافل واللي اتلوت مني و اللي اتجمص مني ونزلت عينهم من الخجل في الارض
و عذبوني و بهدلوني و حدفوني لبعض و جالو عيب القاعه فيها بنات
طب و فلسطين مش برضه فيها بنات ؟ !
و الله دي فلسطين نسوانها رجاله
هما اللي عماله و احنا اللي قواله
عندينا تبقي الست و لدها طول الباب و تخاف يروح مشوار
و هناك حريم من الغضب شايفين عيالهم دهب و عشان مايلمع زيادة لازم يدوق النار
و تقول اقول اشعار مش قايل مش قايل
هما تلات كلمات نعم اكيد طبعا
و طول مافيه جبان فرعون هايتفرعن
و الشعر اصله جبان اللي يقوله جبان و اللي يعيده جبان
قلنا نكتب للحرب اولادنا قالو بلاش و النبي خلو لينا اولادنا
خايفين علي عيالهم من الجنة و نعيمها شفتوش خيابه وهم
الاسم رجاله و الاسم عندنا دم
دي ام موسي المرا خافت علي ابنها رميته في قلب اليم
و احنا بتسولج و بنتشوي قرارت تطلع قرارتنا صورة جماعية علي صفحة الجرنان
يا ما أشجع الفرسان و اتجول اجول أشعار مش جايل مش جايل



منقوووووووووووووووووووووووووول

amo
27-06-2004, 09:19 PM
كلام جميل ...
ما يصدر من القلب يصل الى القلب

daria
27-06-2004, 09:27 PM
رائع
وفعلا مشكور علي النقل

محمد رفعت
27-06-2004, 09:31 PM
شكرا لاهتمامكم انتم و تحياتي لكم

بنت مصر
27-06-2004, 11:16 PM
موضوع اكتر من رائع ونقل يستحق الاشادة
اشكرك جدا mraet على هذا الموضوع الجميل


بسنت

atefhelal
28-06-2004, 11:21 AM
أحلى كلام وأوجع كلام يامحمد يارفعت ، وياريت تعرفنا بصاحبك ، أو على الأقل تقول هو قال إيه كمان ..

تحياتى/عاطف هلال

محمد رفعت
02-07-2004, 01:37 AM
للاسف انا لا اعرف صاحب الكلمات شخصيا و ان كنت اعرف اسمه و هو هشام الجخ حيث انني شهدته علي شريط فيديو لاحدي حفلات جامعة عين شمس و ساحاول ان انقل لكم مزيدا من كلماته و تحياتي لكم

Shoshou
02-07-2004, 02:50 AM
كلمات رائعه يا اخى الكريم

جزاك الله عنا خيرا لنقلها

ارق تحياتى...

shody20
06-07-2004, 10:52 AM
الأخ العزيز mreat
رائع ما نقلته...
و الأروع أنه يتحدث في أكثر من موضوع يستحق كل واحد بهم افراد صفحات لمناقشته...


موضوع التلت خرفان...
ازاي خروف يجيب الديب ويقوله احميني؟؟؟ و الغريب أن العدوى انتقلت للبعض الآخر..

دائماً ما كنت أقول مقوله ذكرها سعيد صالح لا أريد ذكرها حتى لا اثير حفيظة البعض ... رغم أن الرقابة أجازتها ... و لكن كل سيفهمها لوحده ..

جبتونا لييه؟؟؟ ما مشتهوش " ... " بس ليييييه؟؟!!!
سؤال يطرح نفسه حقيقة..
اذا كنتم أتيتوا بنا لتعلمونا الصح .. فأين هو ما تفعلوه من صواب؟؟
طب مش حتعملوا الصح؟؟ علمتهولنا ليه؟؟؟
طب مش حتعلمونا الصح... جبتونا من الأصل ليه؟؟؟

و لكن أتوجه بالحديث لصاحب الطلقات الكلماتية ...
عليك أن تطلق كلماتك... و لا تكتمها ... لا تسجها بين احشائك...
و اعمل على أن تقوها بقوة تحميها.. حينها .. كمل نصف دينك.. و أعطي الراية لأبنائك... و ارمهم في اليم...و لا تخف.. كما خاف أهلونا...

تحياتي للجميع*8*


Photo Gallery