المساعد الشخصي الرقمي

مشاهدة النسخة كاملة : ملف لأكلات شم النسيم



الصفحات : [1] 2

nova_n
05-04-2011, 06:13 PM
http://www.loly-ho.com/data/media/3/stamp2011----_copy.gif




http://img.123greetings.com/thumbs/eapr_easter_gifts/8869-016-03-1075b.gif


كل سنة وأنتم طيبين بعيد الربيع
وشم النسيم

ومعروف ان يوم شم النسيم هو احتفال مصرى من ايام الفراعنة
اعتقد المصريون القدماء أن يوم شم النسيم هو بداية خلق العالم ،
ولأن الحياة في اعتقادهم بدأت في الماء قدسوا أكل الأسماك
في يوم إشراق الحياة "شم النسيم" ،
وكذلك البصل الذي ارتبط في أساطيرهم القديمة بقدرته علي طرد الأرواح الشريرة ،
فالتاريخ يؤكد أن الفراعنة هم أول من احتفل بعيد الربيع المعروف بشم النسيم

والموضوع هنا هو أحتفال بيوم شم النسيم معكم
من أول البيض الملون الى حفلات أكلات شم النسيم المميزة

اولا البيض الملون المسلوق

وكلنا بنفضل نلونه بالالوان الطبيعية لانها أمان على الصحة
مثلا لو أحتاجنا لون برتقالى نسلق البيض بس يكون البيض ابيض مع قشر البصل الناشف
محتاجه لون بنفسجى اسلقى البيض ويكون بيض ابيض مع كركديه
محتاجه لون اخضر اسلقى البيض و يكون بيض ابيض مع اى اوراق خضراء
مثل الكسبره الخضراء
محتاجه لون برتقالى تقيل شويه اسلقى البيض مع شويه شاى
محتاجه لون اصفر اسلقى البيض و يكون ابيض مع ملعقه كركم


وعلى فكره فى طريقه يمكن تعجبكم نجيب البيضه المسلوقه و نطليها باى ماده لاصقه
ونبدا بلف خيوط الصوف المختلفه الالوان بشكل عشوائى هتعطيكى نتيجه جميله جدا
جربوها و قولوا لى ايه رايكوا

http://www.arabseyes.com/vb/uploaded/25202_1175947386.jpg


http://www.arabseyes.com/vb/uploaded/25202_1175948118.jpg

وأنتظرونا مع فطيرة ضفيرة البيض

http://www.arabiccards.com/cards/sham_elneseem/sham_elneseem_4_L.gif

شكرا

nova_n
05-04-2011, 07:18 PM
فطيرة شم النسيم

فطيرة البريوش المميزة


http://img717.imageshack.us/img717/5633/555za.jpg


المقادير

كيلو دقيق – 30 ج خميرة – 100 ج حليب – 100 ج سكر – 8 بيضات –

25 ج زيت – 300 ج زبدة طرية

بيض مسلوق ملون


http://img203.imageshack.us/img203/4050/5555h.jpg

الطريقة

ندوب الخميرة ( م ك ) فى شوية ماء دافيه
نضع فى الخلاط كيلو الدقيق و1/4 كوب الزيت و1/2 كوب السكر و1/2 كوب الحليب
ونخلطهم على سرعه بطيئة جدا ثم نبدء فى وضع البيض بيضة بيضة ورشة ملح
ثم نضع الخميرة المذابة مع الضرب ثم نضع الذبدة الطرية حتة حتة صغيرة
ثم اعلى السرعه واضع رشة رشة دقيق علشان العجينة بس تلم بعد ماتتلم
اشيلها واخليها تريح على جنب لمدة نص ساعه ثم اعملها قطع صغيرة
وكل قطعه ابرمها على هيئة صباع طويل واعمل ضفيرة بكل 3 صوابع واضعها على الصاج
او الفها فى قالب مدور واتركها تخمر حوالى نص ساعه
ثم اجيب بيضة وسنة ماء وسنة سكر ونضربهم مع بعض كويس
وندهن بيهم وش الضفيرة بالفرشاة علشان تلمع وندخلها الفرن على 180 لمدة نص ساعه

ملحوظة

لما نعمل ضفيرة شم النسيم او فطيرة شم النسيم بعد مانعمل الفطيرة
بنغز البيض المسلوق الملون فيها قبل ما ادخلها الفرن

اليمامة
05-04-2011, 07:28 PM
تسلم ايدك يا نوفا ..ايه الجمال دا ..
فتحتى نفسى للإبداع..أصل أنا بحب أجمل أكتر ما أطبخ ..
والفطيرة دى بتبقى شهية جدا ..
عن تجربة ..
فى انتظار المزيد من ابداعات شم النسيم يا قمر
وفين الفسيخ والرنجا والأنشوجة..
اوعى تنسيهم
وإلا مايبقاش شم فسيخ ..
هههههه
تحياتى يا نوفا
:f2:

nova_n
05-04-2011, 07:32 PM
فطيرة البيض والجبن

http://forum.hawahome.com/nupload/85543_1252656831.jpg

المقادير:

3 كاس دقيق
4 ملاعق طعام سكر
4 ملاعق زيت زيتون
ملعقة طعام خميرة
كاس ونصف ماء دافئ


الحشو:

بيض مسلوق
جبن فيتا
جبن كيري
زيتون اسود
بقدونس اخضر مفروم


الطريقة:

نعجن العجينة ونخمرها ليتضاعف حجمها

http://forum.hawahome.com/nupload/85543_1252656881.jpg

نخلط الجبن والبقدونس والزيتون سوا ونفرد العجينة بشكل طولي
وندهنها من الوسط بخليط الجبن ونصف البيض المسلوق عليه بهذا الشكل

http://forum.hawahome.com/nupload/85543_1252657090.jpg


http://forum.hawahome.com/nupload/85543_1252657133.jpg

ثم نقفلها من الأطراف

http://forum.hawahome.com/nupload/85543_1252657156.jpg

ونلف العجيبنة حول البيض بهذا الشكل

http://forum.hawahome.com/nupload/85543_1252657198.jpg


ونعمل لها فتحات طويلة بالسكين على الوحه وندهن الوجه بالبيض ونتركها تختمر مرة تانية
ربع ساعة ثم نحمرها بالفرن

http://forum.hawahome.com/nupload/85543_1252657233.jpg


وهنا بعد ان احمر وجهها

http://forum.hawahome.com/nupload/85543_1252657598.jpg

http://forum.hawahome.com/nupload/85543_1252657659.jpg

واذا زاد عندك عجينة يمكن ان تستخدميها بهذة الطريقة

http://forum.hawahome.com/nupload/85543_1252657337.jpg

http://forum.hawahome.com/nupload/85543_1252657359.jpg

وهنا بعد ان احمرت

http://forum.hawahome.com/nupload/85543_1252657409.jpg

http://forum.hawahome.com/nupload/85543_1252657713.jpg

وانتظرونا مع الفسيخ والرنجة

بالهتا والشفا

اسكندرانى
06-04-2011, 02:15 PM
تسلم ايدك يا نوفا
فكرة جميله
وحتحلينا ندخل المطبخ من تانى مع اننا قررنا التوبه
متابع معك هذا الابداع والنشاط
كل سنة وانتى طيبه

محمد حسيـــن
06-04-2011, 06:34 PM
كل سنه وانتي طيبه يانوفا وشكرا علي الدعوه الجميله
الحقيقه انا شكيت كده للحظات في وسط الاحداث السريعه اللي بنعيشها كل يوم
ان يكون شم النسيم جه وخلص ولا ايه
*7*
بس اتاكدت لقيت لسه مجاش .. بس خلاص قرب
*8**8*
عيد ربيع سعيد عليكي ..وعلي الاسره الكريمه يارب

جيهان محمد على
06-04-2011, 07:04 PM
ياااااااااه تخيلى انى كنت ناسية شم النسيم دا خالص يا نوفا
رغم انى بحب اليوم دا بجد وببقى فرحانة فيه من غير سبب والله
حتى انا ماليش فى الفسيخ اوى بس ساعات باكله عند عشان ابقى زى باقى الناس فى اليوم دا ههههههههه:d
ماما الله يرحمها كانت بتعمل فطيرة شم النسيم دى دايما لنا وفعلا كانت بتبقى تحفة
كل سنة وانتى طيبة يا قمر وأكيد هاتبقى أعياد الربيع السنادى احلى واجمل من كل سنة
:f2:

جيهان محمد على
06-04-2011, 07:12 PM
http://www.almlf.com/get-4-2011-almlf_com_0d9tp0jh.jpg (http://www.almlf.com)


http://www.almlf.com/get-4-2011-almlf_com_l9osrspp.jpg (http://www.almlf.com)


*8*

nariman
07-04-2011, 12:05 AM
نوفااااا.. وحشتينا قوي *3*

عايزة اقولك ريحة الموضوع معبئة المطبخ وجابتني على ملا وشي
أنا مستنية الرنجة بقى علشان دي حبيبتي فعلا وبأكثر من طريقة

ان شاء الله ربنا يفتح عليا كده وانزلكم طريقتها من مطبخنا العامر بالصور

nova_n
07-04-2011, 06:52 AM
تسلم ايدك يا نوفا ..ايه الجمال دا ..
فتحتى نفسى للإبداع..أصل أنا بحب أجمل أكتر ما أطبخ ..
والفطيرة دى بتبقى شهية جدا ..
عن تجربة ..
فى انتظار المزيد من ابداعات شم النسيم يا قمر
وفين الفسيخ والرنجا والأنشوجة..
اوعى تنسيهم
وإلا مايبقاش شم فسيخ ..
هههههه
تحياتى يا نوفا
:f2:


أختى اليمامة

اهلا بكى فى شم النسيم ومعاكى حق التجميل مهم جدا فى التقديم
ودى نفس هوايتى لان العين بتأكل قبل الفم
هههههههههههههههههههههههه
وكل سنة وانتى طيبة وياترى هتشمى النسيم فين وهتاكلى ايه ؟؟؟
وطبعا بقى مع ابداعات اليمامة هنشوف جديد
منتظرة تضيفى لنا أكلة حلوة لشم النسيم عشان كلنا نستفيد
ونتعلم لان قائدة مطبخنا العامر بتتهمنى انى باهدر المال العام فى المطبخ
وعشان كده بادخل معايا محامى المطبخ لأثبات اى حالة فساد منى
اما الرنجة والفسيخ من عيونى لازم طبعا صحيح مش بحب الفسيخ لكن نجيبه
بانتظارك ان شاء الله

شكرا

nova_n
07-04-2011, 07:08 AM
الرنجة

http://media.kenanaonline.com/photos/1238050/1238050532/large_1238050532.jpg?1283413791

ندخل بقى على الرنجة وبما ان قائدة المطبخ عندينا
بتجيب صندوق رنجة فممكن نختلس كام واحدة وننوع فيهم وممكن اسلفكم تجربوا

اولا :سلطة الرنجة بالليمون والبصل الاخضر

المقادير


350 جم شرائح رنجة مدخنة مقطعة قطعا صغيرة
ملعقتان كبيرتان بصل أخضر مقطع
ملعقة صغيرة عصير ليمون
1/2 كوب جبن كريمي طري (جبنة مطبوخة سايلة كوب )
ثمن ملعقة صغيرة فلفل أسود طازج مطحون
ملعقة كبيرة شبت طازج مقطع

http://media.kenanaonline.com/photos/1238050/1238050499/large_1238050499.jpg?1283411371

طريقة التحضير

1- اخلطى جميع المقادير معا ثم غطيها.
2- اتركي الخليط عدة ساعات في الثلاجة أو إلى أن يبرد تماما.
3- قدمي الرنجة مع رقائق من البسكويت المملح أو الخبز المحمص.

http://www.lakii.com/vb/smile/7-2.jpg

ثانيا : سلطة الرنجة بالبطاطس والمايونيز

http://media.kenanaonline.com/photos/1238050/1238050504/large_1238050504.jpg?1283412021

المقادير

1/2 كيلو رنجة
2 حبة بطاطس مسلوقة
مايونيز
بصلة مقطعة
ليمون
زيت زيتون
خل
بصل أخضر
ثمرة جزر
بقدونس مفروم

طريقة التحضير

1- احضري الرنجة واشويها على النار، ثم انزعي منها الجلد والشوك، وقطّعيها قطع صغيرة،
وضعى عليها عصير الليمون.

2- خذى البطاطس المسلوقة وقطّعيها لمكعبات، وقطعي البصل والجزر والبصل الأخضر لشرائح رفيعة.

3- ضعي الخضار المقطع وباقي المكونات فوق الرنجة وقلّبيهم جيد مع بعض حتي يتجانسوا تماما ،
وحطّيهم في الثلاجة، وعند التقديم حطّيها في طبق التقديم وزينيها بالبقدونس .

ملحوظة هامة :
إن تسخين الرنجة أو الفسيخ في الفرن عند 100 درجة مئوية لمدة ربع ساعة بيزيد من الأمان الصحي
لإنه بيساعد على التخلص من الكائنات الدقيقة، وما تفرزه من بعض السموم.


انتظرونا تانى لسة الكرتونة مخلصتش
ومنتظرين ابداعاتكم

nova_n
07-04-2011, 07:14 AM
تسلم ايدك يا نوفا
فكرة جميله
وحتحلينا ندخل المطبخ من تانى مع اننا قررنا التوبه
متابع معك هذا الابداع والنشاط
كل سنة وانتى طيبه



مرحبا أستاذ اسكندرانى

كل سنة وأنت طيب وهتشم النسيم فين مع العائلة
اصل الشم لازم يكون جماعى وليس انفرادى دى تعليمات اليوم
هههههههههههههههههههههههههه
حضرتك منور الموضوع بس كده داخل فاضى عايزيين منك
شوية مشهيات ومقبلات جنب الوصفات بتاعتنا اى حاجة احنا راضيين
ولو محتاج اى خامات ممكن نلطش من مطبخنا العامر اى شيئ
صحيح القائدة هتعاقبنى بفرض حظر التجوال لكن ولا يهمك نضحى عشانكم
منتظرينك تضيف لنا اكلات مميزة

شكرا

nova_n
07-04-2011, 07:19 AM
كمان رنجة

http://media.kenanaonline.com/photos/1238050/1238050529/large_1238050529.jpg?1283413693


ثالثا : سلطه الرنجة بالخس

المقادير:

رنجة مقطعة
خس مقطع مكعبات
جرجير مقطع قطع متوسطه
ثوم
فلفل
مكعبات خبز توست
خردل
زيت
زبده
ملح خفيف

طريقة التحضير :

- تبلي مكعبات الخبز بالثوم و الزبده و الملح و حمصيها فى الفرن.
-ضعى الخس و الجرجيرمع بعض و تبليهم بالخردل و الفلفل و الزيت.
- ضعي الخس و الجرجير فى طبق التقديم , ضعي فوقهم قطع الرنجه و أخيرا انثري الخبز المحمص .


طرق سهلة وخفيفة لتحضير الرنجة


الطريقةالاولى :
تقشر الرنجة وتقطع قطع صغيرة ويضاف اليها الخل والزيت والليمون

الطريقة الثانية :
نفس الطريقة السابقة مع اضافةالطحينة

الطريقة الثالثة :
يتم نزع الرأس والاحشاء من الرنجة وتقشر وتكون جاهزة للاكل بدون أي إضافات

الطريقة الرابعة :
تعمل تسبيكة من البصل والزيت والطماطم ويضاف اليها قليل من الماء ثم توضع قطع الرنجة الصغيرة
لمدة 3 دقائق على النار.

ملحوظة هامة :

في حالة وضع الرنجة علي النار للشوي يزيد بها نسبة الملح فلا تتبليها بالملح .

بالهنا والشفا


http://kenanaonline.com/photos/1238050/1238050498/large_1238050498.gif?1283411234

اليمامة
07-04-2011, 07:32 PM
أختى اليمامة

اهلا بكى فى شم النسيم ومعاكى حق التجميل مهم جدا فى التقديم
ودى نفس هوايتى لان العين بتأكل قبل الفم
هههههههههههههههههههههههه
وكل سنة وانتى طيبة وياترى هتشمى النسيم فين وهتاكلى ايه ؟؟؟
وطبعا بقى مع ابداعات اليمامة هنشوف جديد
منتظرة تضيفى لنا أكلة حلوة لشم النسيم عشان كلنا نستفيد
ونتعلم لان قائدة مطبخنا العامر بتتهمنى انى باهدر المال العام فى المطبخ
وعشان كده بادخل معايا محامى المطبخ لأثبات اى حالة فساد منى
اما الرنجة والفسيخ من عيونى لازم طبعا صحيح مش بحب الفسيخ لكن نجيبه
بانتظارك ان شاء الله

شكرا

ازيك يا نوفا ..
شكرا يا حبيبة قلبى على استقبالك الجميل ..وكلامك الطيب ..
ماشاء الله ..انتى أبدعتى فى الموضوع وفتحتى نفسى يا نوفا ..
أنا بحب الأسماك بوجه عام ..وبحب الرنجا بالتأكيد حتى لو كانت سمك بس مدخن ..
انا فعلا بحب جدا جدا أذوق الأكل ..وأقدمه بشياكة حتى لو كان طعمية وفول ..وطبعا أنا لما بقول بشياكة دا لأنه أولا بيبقى طعمه حلو وشكله بيفتح النفس فبتحسى انك عايزة تقدريه ..يعنى مثلا الرز لازم أصبه فى بريوش أو بولة ..الكيك أقطعه موش مكعبات وإنما شرائح رفيعة طوليه ..أحب أعمله فى قوالب ..هى حاجات عادية مابتحتاجش اضافات كتير لكنها فيها فنيات صغيرة ومنظر حلو ..
الطماطم أعملها شرائح على شكل وردة وفى النص زيتونة مثلا وطالع خستين كأنهم أوراقها ..خضوصا مع الأطفال يا نوفا ..بيفرحوا ..وصدقينى الكبار بيفرحوا وبيسعدوا على الأكل ..
أما عن الفسيخ ..فدا بنجيبه من واحد أصيل ..محترف فى الصنعة ونضيف أوى وأنا ساعات نفسى بتروح ليه بس غالبا بجيب الرنجة وبابا بيجيبلى سردين حلو جدا وفسيخ برضو من عند واحد فى المنصورة صديقه وضامنه ..
غالبا بقاوم فى اليوم دا انى أحافظ على مجرد تقليد علشان أحيانا الناس بتعترض على اننا بنحتفل مع الأقباط مع انى بشجع كدا كمشاركة..ايه المشكلة ؟!! وللسبب دا بتلاقينى أعمل برضو سمك مشوى او مقلى أو أى صنف علشان نكسر العادة وأرضى كل الأذواق وأهو تنويع وخاصة ان الأولاد برضو موش هايعرفوا ياكلوا كويس من الرنجا والفسيخ ..

هارجعلك يا نوفا ان شاء الله بصنف أو أصناف تعجبك ..ومتشكرة جدا على ذوقك ..سلمت ايديكى ..

ندى
:f2:

اليمامة
08-04-2011, 06:27 PM
مساء الفل يا نوفا ..رجعت لك بالوصفات ..يارب تعجبك..ودى على طريقتى ..

وهبدأ بسلطة الرنجا...نص كيلو سمك رنجا نخليه ونطلع اللحم..انا بحبها على البارد من غيرتسخين...وكل واحد على حسب مزاجه..هنحط علية فى سلطانية كبيرة عصير ليمون وشوية خل وشوية زيت وبصل متقطع مكعبات وفلفل الوان مكعبات وفيليه لحم الطماطم بدون قلبها الطرى ونقلبهم مع لحم الرنجا ونسيب الخلطة دى فى التلاجة قبل ما ناكلها بيوم يعنى الحقوا عملوها من دلوقتى لو تحبوا...ساعة التقديم ابشروا طماطماية كاملة وحطوها عليها مع حزمتين بقدونس ونقلب كويس والطحينة طبعا ممكن تتحط اختيارى..هانحضر طبق نفرشة بخس الكابوتشو والجرجير ونحط فوقة السلطة بشكل هرمى ونزوق بشرايح الليمون ويارب تعجبكوا...احيانا انا باحطها فى علبة تلاجة بغطا محكم وباقعد اهز فيها كويس وارجها بعنف علشان المكونات تتجانس كويس ولما بافتح الغطاء بلاقيها طبعا متجانسة وجميلة.....

اليمامة
08-04-2011, 06:30 PM
سلطة الرز بالتونة
هنسوى رز ابيض عادى مفلفل وهانجيب علبتين تلاتة تونة ونقطع كمية حلوة من الفلفل الالوان وخضروات مسلوقة زى البسلة والجزر والبطاطس ونراعى ان كل الخضروات تكون متقطعة فى حجم واحد هناخد الخضروات ونقلبها مع التونة ونسيبهم مع بعض شوية كتار والفلفل والبصل المتقطعين ونزود الخل والزيت والبهارات والملح ...بعد كده هناخد الرز تقليب وخلط ولخبطة مع سلطة التونة ونعمله فى سلطانية او بريوش ونقلبه فى طبق التقديم الواسع ونزوقه بقطع التونة السليمة..والبقدونس المتقطع...على فكرة شهية جدا...الرزمع التونة مع الصوص بتاعها والبهارات عامة بتدى طعم هايل والحكاية دى على فكرة تنفع تتقدم طبقات ..طبقة رز وطبقة تونة بالخضروات زى التورتة كدة وتتزوق بالمايونيز وردات او بالتومية او بالبطاطس البيورية بالتوم...وخاصة لوعندنا ضيف عايزين نبين له المواهب الجبارة...

اليمامة
08-04-2011, 06:31 PM
سلطة البطاطس بالرنجا
هنجيب جزرتين نبشرهم رفيع وبصلتين ونقطعهم جوانح رفيعة ونمسك الرنجا نخليها كويس ونقطعها برضو رفيع وهانجيب سلطانية ونرمى فيها البصل وبعدين نحط شوية رنجا وبعدين مبشور الجزر وشوية رنجا وبعدين نحط شوية خل ونغطى السلطانية بالزيت ونحطها فى التلاجة من بليل...لو هانقدمها انهاردة هنجهز بطاطس مسلوقة ومتقطعة مكعبات وهنصب عليها من صلصة الرنجا المنقوعة طول الليل مع البصل والجزر ونسيب البطاطس حوالى ساعة فى الصوص دا تتشرب وتبقى تمام...وبعد كده هنحط البطاطس مع البصل والجزر والرنجا ونقلبهم على بعض كويس ونزينها بدوائر الفلفل الرومى ونقدمها

nariman
08-04-2011, 09:30 PM
سلطة البطاطس بالرنجا
هنجيب جزرتين نبشرهم رفيع وبصلتين ونقطعهم جوانح رفيعة ونمسك الرنجا نخليها كويس ونقطعها برضو رفيع وهانجيب سلطانية ونرمى فيها البصل وبعدين نحط شوية رنجا وبعدين مبشور الجزر وشوية رنجا وبعدين نحط شوية خل ونغطى السلطانية بالزيت ونحطها فى التلاجة من بليل...لو هانقدمها انهاردة هنجهز بطاطس مسلوقة ومتقطعة مكعبات وهنصب عليها من صلصة الرنجا المنقوعة طول الليل مع البصل والجزر ونسيب البطاطس حوالى ساعة فى الصوص دا تتشرب وتبقى تمام...وبعد كده هنحط البطاطس مع البصل والجزر والرنجا ونقلبهم على بعض كويس ونزينها بدوائر الفلفل الرومى ونقدمها

عجبتني دي ووصفة الرز..حاجربهم

*3*

اسكندرانى
08-04-2011, 11:36 PM
http://up.haridy.org/storage/100_1324.JPG

ايه رايك يا نوفا فى طبق انشوجه

وشوية زيت زيتون وفلفل اخضر ونص لمونه وبصل اخضر

اليمامة
09-04-2011, 11:19 AM
عجبتني دي ووصفة الرز..حاجربهم

*3*

ان شاء الله ينجحوا يا ناريمان ويعجبوكى ..
بالهنا والشفا ..
:f2:

اليمامة
09-04-2011, 11:21 AM
http://up.haridy.org/storage/100_1324.JPG

ايه رايك يا نوفا فى طبق انشوجه

وشوية زيت زيتون وفلفل اخضر ونص لمونه وبصل اخضر





تانىىىىىىى
احنا لسه خلصنا من الأولانى .
ان كنت ناسى أفكرك بالسمك اللى فى موضوع اللى تحت دا ..اللى محطوط على الرخامة وبيلمع
على فكرة بقى وجدى قال ان خبير الأرصاد الجوية الأستاذ " بطرخ " قال انه سمك بلاستيك ..:d
موش معقول هانفهم احسن من بطرخ السمك..
أنا مصدقاه على ضمانة وجدى
هههههه

nova_n
09-04-2011, 07:34 PM
كل سنه وانتي طيبه يانوفا وشكرا علي الدعوه الجميله
الحقيقه انا شكيت كده للحظات في وسط الاحداث السريعه اللي بنعيشها كل يوم
ان يكون شم النسيم جه وخلص ولا ايه
*7*
بس اتاكدت لقيت لسه مجاش .. بس خلاص قرب
*8**8*
عيد ربيع سعيد عليكي ..وعلي الاسره الكريمه يارب


أخى محمد حسين

وأنت طيب وبأذن الله تشم النسيم وتكون مبسوط
ويكون يوم ربيعى حلو ومتقلقش لسه مجاش شم النسيم
فى فرصة تخطط وترتب هتاكل ايه وتروح تشم عطر النسيم فين
ههههههههههههههههههههههههه
بتهيألى بدرى عن التاريخ ده شوية صغنونة
متشكرة جدا وتابعنا يمكن فى أكله تعجبك

nova_n
09-04-2011, 07:41 PM
ياااااااااه تخيلى انى كنت ناسية شم النسيم دا خالص يا نوفا
رغم انى بحب اليوم دا بجد وببقى فرحانة فيه من غير سبب والله
حتى انا ماليش فى الفسيخ اوى بس ساعات باكله عند عشان ابقى زى باقى الناس فى اليوم دا ههههههههه:d
ماما الله يرحمها كانت بتعمل فطيرة شم النسيم دى دايما لنا وفعلا كانت بتبقى تحفة
كل سنة وانتى طيبة يا قمر وأكيد هاتبقى أعياد الربيع السنادى احلى واجمل من كل سنة
:f2:


أختى الأمورة جيهان

طيب شوفتى بقى انا فكرتك اهو بالنسيم
وانا كمان مش بحب الفسيخ بس هيه طقوس ومش عارفه ليه
كلنا بنبقى فرحانين جايز لأنى كنت زمان محرومة
انى أحس بكل المناسبات وانا برة مصر
بس الان بادور على المناسبات بمنكاش
ههههههههههههههههه
وشكرا للبيض الجميل ده وهانتظر كمان طرق حلوة لاى أكلة تساعدينا بيها
فى اليوم الجميل ده وعشان ضيوفنا

شكرا

nova_n
09-04-2011, 07:46 PM
نوفااااا.. وحشتينا قوي *3*

عايزة اقولك ريحة الموضوع معبئة المطبخ وجابتني على ملا وشي
أنا مستنية الرنجة بقى علشان دي حبيبتي فعلا وبأكثر من طريقة

ان شاء الله ربنا يفتح عليا كده وانزلكم طريقتها من مطبخنا العامر بالصور



أختى ناريمان

اهلا انتى حقيقى منورة وانتى كمان وحشانى
بس كانت ظروف الامتحانات وشوية قلق بالكلية بس الحمد لله
اصبحت أتأقلم
اما الريحة هى منتظراكى كل اللى هتتمنيه هتلاقية هنا
بس انتى تعالى وهاتى كمان طريقة الرنجة من عندك عشان كلنا نستفيد
ولو عايزة اى حاجة احنا تحت أمرك
كل سنة وأنتى طيبة ومتشكرا انك جيتى

شكرا

nova_n
09-04-2011, 07:53 PM
http://forum.hwaml.com/imgcache2/hwaml.com_1290841332_420.jpg



طريقة عمل الفسيخ
فى البيت وللبيت

طبعا ناس كتير بيحبوا الفسيخ والبعض الاخر بيحبه بس بيخاف انه يشتريه من بره..

هنقول لكم على طريقة حلوة وسهله ومايكونش عندك اى شك وانت بتاكلى الفسيخ
حتى ريحته مش بتكون منفره..

بصى ياستى انت تجيبى سمك بورى طبعا اى حجم انت تحبى فيه الفسيخ ...

اغسليه كويس قوى بماء دافىء ..بعدين تجيبى ملح وطبعا الكميه حسب الملوحه اللى تحبيها
وتحطى فى خياشيم السمكه كميه كويسه كمان حوالين السمكه كأنك بتعمليها بدقيق نفس الطريقة يعنى

بعد كده هتجيبى اكياس تلاجه هتحتاجى كتير ممكن كل سمكتين مع بعض تحطيهم فى كيس تلاجه
وترشى شوية ملح كمان فى الكيس واربطى وتجيبى كمان كيس وتحطيهم بعكس ماحطيتى
الكيس الاول وهكذا حوالى 4 اكياس واخر كيس مش تربطيه لا تبرشميه على النار
يعنى مشى طرف الكيس المفتوح على النار هتلاقى الطرف ساح ولزق فى الطرف التانى

وطبعا كده تضمنى ان مفيش اى حاجه ممكن تدخل له وبكمل باقى السمك بنفس الطريقة لغاية ما يخلص
كله بعدين تحطيهم فى كيس ابيض اى كيس عندك يكون نضيف واعملى نفس حركة الاكياس
بتاعت التلاجه يعنى كيس عكس كيس كل مازودتى كل ما كان افضل واخر كيس تربطيه كويس
وبعدين بجيب بكرة السوليتب (اللزاق)الكبيره

وتلفيه كويس جدا يعنى متخليش ولا حته صغيره من الكيس مش عليها سوليتب

وخلاويص

عندك علبة كبيره حطيه فيه مش عندك سيبيه فى الفرن او اى مكان وماتقلقيش خاالص
لا هتلاقى اى حاجه جايه نحيته ولا حتى فيه اى ريحه ونضيف وطازه كمان
وكل يومين اقلبيه على الناحيه التانيه

بيقولوا صدقونى جربوه مره ومش هتندموا...

لو فى الصيف يابنات سبوه اسبوع ولو فى الشتا يبقى اسبوعين ودوقى احلى فسيخ

وبالهنا والشفا

طبعا الطريقة منقولة
ههههههههههههههههه

nova_n
10-04-2011, 08:04 PM
ازيك يا نوفا ..
شكرا يا حبيبة قلبى على استقبالك الجميل ..وكلامك الطيب ..
ماشاء الله ..انتى أبدعتى فى الموضوع وفتحتى نفسى يا نوفا ..
أنا بحب الأسماك بوجه عام ..وبحب الرنجا بالتأكيد حتى لو كانت سمك بس مدخن ..
انا فعلا بحب جدا جدا أذوق الأكل ..وأقدمه بشياكة حتى لو كان طعمية وفول ..وطبعا أنا لما بقول بشياكة دا لأنه أولا بيبقى طعمه حلو وشكله بيفتح النفس فبتحسى انك عايزة تقدريه ..يعنى مثلا الرز لازم أصبه فى بريوش أو بولة ..الكيك أقطعه موش مكعبات وإنما شرائح رفيعة طوليه ..أحب أعمله فى قوالب ..هى حاجات عادية مابتحتاجش اضافات كتير لكنها فيها فنيات صغيرة ومنظر حلو ..
الطماطم أعملها شرائح على شكل وردة وفى النص زيتونة مثلا وطالع خستين كأنهم أوراقها ..خضوصا مع الأطفال يا نوفا ..بيفرحوا ..وصدقينى الكبار بيفرحوا وبيسعدوا على الأكل ..
أما عن الفسيخ ..فدا بنجيبه من واحد أصيل ..محترف فى الصنعة ونضيف أوى وأنا ساعات نفسى بتروح ليه بس غالبا بجيب الرنجة وبابا بيجيبلى سردين حلو جدا وفسيخ برضو من عند واحد فى المنصورة صديقه وضامنه ..
غالبا بقاوم فى اليوم دا انى أحافظ على مجرد تقليد علشان أحيانا الناس بتعترض على اننا بنحتفل مع الأقباط مع انى بشجع كدا كمشاركة..ايه المشكلة ؟!! وللسبب دا بتلاقينى أعمل برضو سمك مشوى او مقلى أو أى صنف علشان نكسر العادة وأرضى كل الأذواق وأهو تنويع وخاصة ان الأولاد برضو موش هايعرفوا ياكلوا كويس من الرنجا والفسيخ ..

هارجعلك يا نوفا ان شاء الله بصنف أو أصناف تعجبك ..ومتشكرة جدا على ذوقك ..سلمت ايديكى ..

ندى
:f2:


اهلا أختى الطيبة المامة

انتى منورة حقيقى ومبسوطة ان الموضوع عجبك
بس بجد انا كمان بحب الأسماك جدا جدا لانى مش من هواة الدجاج ولا اللحمة الا انواع معينة
واى نوع سمك بحبة ماعدا السمك الصغير اللى اسمه السردين بس
مش بحبة عشان ريحتة صعبة قوى والشوك كتير
هههههههههههههههههههههه
لكن غير كده بحب كل الأنواع والتجديد فى طريقة عملة
وان شاء الله نملأ الموضوع وصفات وأكلات
متشكرة جدا لوجودك

عزة نفس
16-04-2011, 08:27 AM
http://forum.hwaml.com/imgcache2/hwaml.com_1290841332_420.jpg



طريقة عمل الفسيخ في البيت


لو فى الصيف يابنات سبوه اسبوع ولو فى الشتا يبقى اسبوعين ودوقى احلى فسيخ

وبالهنا والشفا

طبعا الطريقة منقولة
ههههههههههههههههه




الله عليكي يا نوفا بجد الذ موضوع قريته انهارده عارفه انتوا جوعتوني انتي واليمامه واسكندراني بجد

ههههههههههه انا عاشقة من عشاق كل الاكلات الفظيعه دي وباءيدي بعمل الفسيخ من سنين ومش بفوت على فسخانيه

انا بعتمد عليا في الحكايه دي بس سيبيني اضيف معلومه بسيطه في تمليح الفسيخ المفترض فترة التمليح بتتوقف على

نسبة الحدق بتاعة الفسيخ يعني مثلا انا بحبه مش مالح وفي نفس الوقت معقول مش دلع فبسيبه 4 أيام فقط اما اذا حاباه مالح اوي بخليه 5 او 6 أيام وبعد المرحله دي مش باكله مباشرة لا لازم يبات في الفريزر على الاقل 6 ساعات او نص يوم علشان يتماسك لحمه ونقدر ناكل منه

اما طريقة حفظه فبتكون برضه في الفريزر على طول انا عن نفسي بحط كل فسيخه على حده بلفها في كيس وفي النهايه بحطهم كلهم في كيس واحد ليه ؟ ده السؤال

علشان طبعا لما اجي اسحب منه مش معقوله هقعد افتحه كله وانا باخد حباية فسيخ

بعد ما بشيل كل فسيخه لوحدها بجمعهم داخل كيسين وفي النهايه بقفلهم كويس

بلفهم في ورقة جريده واحطهم في كيس اخير ومعاهم قطعة فحم كبيره علشان تمتص الريحه

ومتخليش في الفريزر عندي اي روائح

نيجي للتنضيف والاكل انا عن نفسي بستخدم اثناء تنضيفه الجوانتي المطاطي بتاع الطبيب

وبخلع الراس خالص وارميها على أفا اي حد بكون متغاظه منه وحابه انتقم منه ههههههه

وارجع اارش عليه شطه وكمون وليمون وزيت واحيانا زيت زيتون و طبعاً اي حد بيوضبه بالطريقة اللي بتعجبه

وللعلم لما باجي اكله برضه بكون لابسه جوانتي مطاط علشان امحي اي معالم للجريمه ههههههههه

ودلوقتي قررت قرار نهائي لا رجعة فيه اني ادخل اهجم على الفريزر عندي واخرج الفسيختين اللي حيلتي

واوضبهم وانقض عليهم انا وبنوتي ههههههههههه مش هعدي اليوم ده على خير


ارق تحياتي واحترامي لكم اخواتي الحبيبات نوفا واليمامه *165**166*

ولك اخي العزيز نادر اسكندراني *174**162*

قلب مصر
16-04-2011, 12:06 PM
فطير بيض جبنة أحمدك يارب
أيوة كدة الواحد ياكل اللي نفسه فيه قبل ما يتخطف ويتاخد من قفاه على موضوع الريجيم بتاع اليمامة
هيا اليمامة جت هنا *4*
أوعوا حد يقولها أن احنا هنا بناكل على كيفنا وقاعدين نلون وغرقانين في الرنجا والبيض والفطير
الحمد لله شكلها مشغولة مع الناس اللي عايزة تخس :d
نوفا مش عارفة اقولك ايه بس بابقى سعيدة قوي وانا قاعدة الون البيض والعب بيه انا والعيال المراويش ولادي
قررنا السنة دي نلون البيض بألوان علم مصر تماشيا مع الثورة يبقى بيض ثوري
الموضوع تحفة بس اوعي تقولي لليمامة لحسن تيجي تحدد لنا السعرات الحرارية في كل رنجاية وبيضاية وفطيراية ونلاقي نفسنا في الآخر قاعدين نلعب بالقشر بس
تسلم ايدك يا قمراية *8*

اليمامة
16-04-2011, 03:16 PM
فطير بيض جبنة أحمدك يارب
أيوة كدة الواحد ياكل اللي نفسه فيه قبل ما يتخطف ويتاخد من قفاه على موضوع الريجيم بتاع اليمامة
هيا اليمامة جت هنا *4*
أوعوا حد يقولها أن احنا هنا بناكل على كيفنا وقاعدين نلون وغرقانين في الرنجا والبيض والفطير
الحمد لله شكلها مشغولة مع الناس اللي عايزة تخس :d
نوفا مش عارفة اقولك ايه بس بابقى سعيدة قوي وانا قاعدة الون البيض والعب بيه انا والعيال المراويش ولادي
قررنا السنة دي نلون البيض بألوان علم مصر تماشيا مع الثورة يبقى بيض ثوري
الموضوع تحفة بس اوعي تقولي لليمامة لحسن تيجي تحدد لنا السعرات الحرارية في كل رنجاية وبيضاية وفطيراية ونلاقي نفسنا في الآخر قاعدين نلعب بالقشر بس
تسلم ايدك يا قمراية *8*

ههههههههههههه
قفشتكم !!!
فطير !!
بيض!!
رنجا!!
يا إلهى

ههههههههههههه
عموما ماتخافوش ...عيشوا حياتكم وانت أحرار بقى ..
وموش هاقدر أمنع شهياتنا فى يوم الربيع الجميل ..
وبعدين لو على البيض والرنجا بسيطة وسهلة
ما أجمل البيض المسلوق ..دا مطلوب كمان
والرنجا كمان خفيفة
أما الفطير
معاكوا ربنا
بس أنا لأ

كل سنة وانتم طيبين ومحبين يا قمرات

:f2:

اليمامة
16-04-2011, 03:18 PM
الله عليكي يا نوفا بجد الذ موضوع قريته انهارده عارفه انتوا جوعتوني انتي واليمامه واسكندراني بجد

ههههههههههه انا عاشقة من عشاق كل الاكلات الفظيعه دي وباءيدي بعمل الفسيخ من سنين ومش بفوت على فسخانيه

انا بعتمد عليا في الحكايه دي بس سيبيني اضيف معلومه بسيطه في تمليح الفسيخ المفترض فترة التمليح بتتوقف على

نسبة الحدق بتاعة الفسيخ يعني مثلا انا بحبه مش مالح وفي نفس الوقت معقول مش دلع فبسيبه 4 أيام فقط اما اذا حاباه مالح اوي بخليه 5 او 6 أيام وبعد المرحله دي مش باكله مباشرة لا لازم يبات في الفريزر على الاقل 6 ساعات او نص يوم علشان يتماسك لحمه ونقدر ناكل منه

اما طريقة حفظه فبتكون برضه في الفريزر على طول انا عن نفسي بحط كل فسيخه على حده بلفها في كيس وفي النهايه بحطهم كلهم في كيس واحد ليه ؟ ده السؤال

علشان طبعا لما اجي اسحب منه مش معقوله هقعد افتحه كله وانا باخد حباية فسيخ

بعد ما بشيل كل فسيخه لوحدها بجمعهم داخل كيسين وفي النهايه بقفلهم كويس

بلفهم في ورقة جريده واحطهم في كيس اخير ومعاهم قطعة فحم كبيره علشان تمتص الريحه

ومتخليش في الفريزر عندي اي روائح

نيجي للتنضيف والاكل انا عن نفسي بستخدم اثناء تنضيفه الجوانتي المطاطي بتاع الطبيب

وبخلع الراس خالص وارميها على أفا اي حد بكون متغاظه منه وحابه انتقم منه ههههههه

وارجع اارش عليه شطه وكمون وليمون وزيت واحيانا زيت زيتون و طبعاً اي حد بيوضبه بالطريقة اللي بتعجبه

وللعلم لما باجي اكله برضه بكون لابسه جوانتي مطاط علشان امحي اي معالم للجريمه ههههههههه

ودلوقتي قررت قرار نهائي لا رجعة فيه اني ادخل اهجم على الفريزر عندي واخرج الفسيختين اللي حيلتي

واوضبهم وانقض عليهم انا وبنوتي ههههههههههه مش هعدي اليوم ده على خير


ارق تحياتي واحترامي لكم اخواتي الحبيبات نوفا واليمامه *165**166*

ولك اخي العزيز نادر اسكندراني *174**162*

أشكرك أختى العزيزة عزة نفس
أتمنى الوصفات تعجبك وتنجح معاكى
واللى تستحق الشكر هى نوفا على الموضوع الجميل واللمة الحلوة
وكل سنة وانتى طيبة
:f2:

nova_n
17-04-2011, 05:04 PM
سلطة الرز بالتونة
هنسوى رز ابيض عادى مفلفل وهانجيب علبتين تلاتة تونة ونقطع كمية حلوة من الفلفل الالوان وخضروات مسلوقة زى البسلة والجزر والبطاطس ونراعى ان كل الخضروات تكون متقطعة فى حجم واحد هناخد الخضروات ونقلبها مع التونة ونسيبهم مع بعض شوية كتار والفلفل والبصل المتقطعين ونزود الخل والزيت والبهارات والملح ...بعد كده هناخد الرز تقليب وخلط ولخبطة مع سلطة التونة ونعمله فى سلطانية او بريوش ونقلبه فى طبق التقديم الواسع ونزوقه بقطع التونة السليمة..والبقدونس المتقطع...على فكرة شهية جدا...الرزمع التونة مع الصوص بتاعها والبهارات عامة بتدى طعم هايل والحكاية دى على فكرة تنفع تتقدم طبقات ..طبقة رز وطبقة تونة بالخضروات زى التورتة كدة وتتزوق بالمايونيز وردات او بالتومية او بالبطاطس البيورية بالتوم...وخاصة لوعندنا ضيف عايزين نبين له المواهب الجبارة...


سلطة البطاطس بالرنجا
هنجيب جزرتين نبشرهم رفيع وبصلتين ونقطعهم جوانح رفيعة ونمسك الرنجا نخليها كويس ونقطعها برضو رفيع وهانجيب سلطانية ونرمى فيها البصل وبعدين نحط شوية رنجا وبعدين مبشور الجزر وشوية رنجا وبعدين نحط شوية خل ونغطى السلطانية بالزيت ونحطها فى التلاجة من بليل...لو هانقدمها انهاردة هنجهز بطاطس مسلوقة ومتقطعة مكعبات وهنصب عليها من صلصة الرنجا المنقوعة طول الليل مع البصل والجزر ونسيب البطاطس حوالى ساعة فى الصوص دا تتشرب وتبقى تمام...وبعد كده هنحط البطاطس مع البصل والجزر والرنجا ونقلبهم على بعض كويس ونزينها بدوائر الفلفل الرومى ونقدمها


أختى العزيزة اليمامة

ايه الجمال ده تسلم ايديكى على الوصفات الحلوة
عارفة انا غدايا انهردة بطاطس مسلوقة وارز مسلوق
وكان نفسى اضع علبة تونة من غير زيت بس خفت جدا من ألم المعدة
كفاية اللى جرالى من البطة ههههههههههههههههه
وجميلة طريقة الرنجة بالبطاطس
بجد طرق سهلة واذيذة ولسة عايزيين تانى تانى لسه الفرصة قدامنا

شكرا

nova_n
17-04-2011, 05:12 PM
http://up.haridy.org/storage/100_1324.JPG

ايه رايك يا نوفا فى طبق انشوجه

وشوية زيت زيتون وفلفل اخضر ونص لمونه وبصل اخضر






الأستاذ القدير أسكندرانى

بجد انا هاموت فعلا على منظر الطبق مشهى جدا جدا
وانا باكل كله مسلوق يعنى بجد هاعيط دلوقتى نفسى فيه
ولو قلت اكل منه هانضرب بالنار من القيادة حضرتك عارف
بس خليه لما يناموا هاجى اكله واللى يحصل يحصل
ههههههههههههههههههههههه
مش ممكن شكله يا بختك يا أستاذ أسكندرانى بس الخبز قليل قوى
مفيش اتنين كمان مش هيفوا دول والفلفل يجنن والبصل الأخضر
دة بقى بالذات اللى الشحرورة هتضربنا عليه بجد لو شافته
ربنا يفتح نفسك يا فندم

شكرا منتظرة أكل تانى زهقت مسلوق

قلب مصر
17-04-2011, 07:25 PM
ههههههههههههه
قفشتكم !!!
فطير !!
بيض!!
رنجا!!
يا إلهى

ههههههههههههه
عموما ماتخافوش ...عيشوا حياتكم وانت أحرار بقى ..
وموش هاقدر أمنع شهياتنا فى يوم الربيع الجميل ..
وبعدين لو على البيض والرنجا بسيطة وسهلة
ما أجمل البيض المسلوق ..دا مطلوب كمان
والرنجا كمان خفيفة
أما الفطير
معاكوا ربنا
بس أنا لأ

كل سنة وانتم طيبين ومحبين يا قمرات

:f2:

فطير .. بيض ..جبنة
مين جاب سيرة الجبنة أنا قولت جبنة :d
مال الجبنة وشم النسيم
ماشي اصلي كنت باكل ساندويتش جبنة
نطت فطت جوا الكمبيوتر ودخلت جوا المنتدى :d
طب ياريت شم النسيم كل يوم طالما اجازة مسموح فيها بالأكل على كيفنا
وبعدين خلاص يا ندى احنا لازم نعيش أحرار أحرار ولآخر مدى أحرار
امال احنا عملنا الثورة ليه :d
الريجيم دا من فللول النظام القديم ولازم نحاربه ونقضي عليه ..
كل سنة وأنتم جميعا بخير يارب ودايما متجمعين في شم نسيم الحرية الجميل

اسكندرانى
18-04-2011, 11:15 PM
علشان الناس اللى ملهاش فى اكل الفسيخ والسردين والرنجه

برده نعمل حسابهم معانا فى شم النسيم

شوية سمك طاااااااااااااااااااااااازه

يالا يانوفا

ورينا حنعمل منهم ايه

ورينا شطارتك

http://up.haridy.org/storage/Ushrashd-2.jpg

nova_n
21-04-2011, 06:12 PM
الله عليكي يا نوفا بجد الذ موضوع قريته انهارده عارفه انتوا جوعتوني انتي واليمامه واسكندراني بجد

ههههههههههه انا عاشقة من عشاق كل الاكلات الفظيعه دي وباءيدي بعمل الفسيخ من سنين ومش بفوت على فسخانيه

انا بعتمد عليا في الحكايه دي بس سيبيني اضيف معلومه بسيطه في تمليح الفسيخ المفترض فترة التمليح بتتوقف على

نسبة الحدق بتاعة الفسيخ يعني مثلا انا بحبه مش مالح وفي نفس الوقت معقول مش دلع فبسيبه 4 أيام فقط اما اذا حاباه مالح اوي بخليه 5 او 6 أيام وبعد المرحله دي مش باكله مباشرة لا لازم يبات في الفريزر على الاقل 6 ساعات او نص يوم علشان يتماسك لحمه ونقدر ناكل منه

اما طريقة حفظه فبتكون برضه في الفريزر على طول انا عن نفسي بحط كل فسيخه على حده بلفها في كيس وفي النهايه بحطهم كلهم في كيس واحد ليه ؟ ده السؤال

علشان طبعا لما اجي اسحب منه مش معقوله هقعد افتحه كله وانا باخد حباية فسيخ

بعد ما بشيل كل فسيخه لوحدها بجمعهم داخل كيسين وفي النهايه بقفلهم كويس

بلفهم في ورقة جريده واحطهم في كيس اخير ومعاهم قطعة فحم كبيره علشان تمتص الريحه

ومتخليش في الفريزر عندي اي روائح

نيجي للتنضيف والاكل انا عن نفسي بستخدم اثناء تنضيفه الجوانتي المطاطي بتاع الطبيب

وبخلع الراس خالص وارميها على أفا اي حد بكون متغاظه منه وحابه انتقم منه ههههههه

وارجع اارش عليه شطه وكمون وليمون وزيت واحيانا زيت زيتون و طبعاً اي حد بيوضبه بالطريقة اللي بتعجبه

وللعلم لما باجي اكله برضه بكون لابسه جوانتي مطاط علشان امحي اي معالم للجريمه ههههههههه

ودلوقتي قررت قرار نهائي لا رجعة فيه اني ادخل اهجم على الفريزر عندي واخرج الفسيختين اللي حيلتي

واوضبهم وانقض عليهم انا وبنوتي ههههههههههه مش هعدي اليوم ده على خير


ارق تحياتي واحترامي لكم اخواتي الحبيبات نوفا واليمامه *165**166*

ولك اخي العزيز نادر اسكندراني *174**162*


أختى عزة نفس

اهلا بك فى الموضوع
وكل ربيع وانتى طيبة وتشمى معانا النسيم
وتأكلى من أكلاتنا بس طريقة الفسيخ جميلة تسلم ايديك
ولو فى عندك طرق ثانية هننتظرك وانتى اللى فتحتى نفسنا بوجودك
ولسة قدامنا فرصة

شكرا لوجودك

nova_n
21-04-2011, 06:25 PM
فطير بيض جبنة أحمدك يارب
أيوة كدة الواحد ياكل اللي نفسه فيه قبل ما يتخطف ويتاخد من قفاه على موضوع الريجيم بتاع اليمامة
هيا اليمامة جت هنا *4*
أوعوا حد يقولها أن احنا هنا بناكل على كيفنا وقاعدين نلون وغرقانين في الرنجا والبيض والفطير
الحمد لله شكلها مشغولة مع الناس اللي عايزة تخس :d
نوفا مش عارفة اقولك ايه بس بابقى سعيدة قوي وانا قاعدة الون البيض والعب بيه انا والعيال المراويش ولادي
قررنا السنة دي نلون البيض بألوان علم مصر تماشيا مع الثورة يبقى بيض ثوري
الموضوع تحفة بس اوعي تقولي لليمامة لحسن تيجي تحدد لنا السعرات الحرارية في كل رنجاية وبيضاية وفطيراية ونلاقي نفسنا في الآخر قاعدين نلعب بالقشر بس
تسلم ايدك يا قمراية *8*


الأستاذة الغالية قلب مصر

وحشتينا حمدالله على سلامتك منورة الموضوع
وكل سنة وأنتى طيبة بعيد الربيع واهلا بكى فى شم النسيم معانا
وبالهنا والشفا كل الأكلات اللى هنا
وطبعا جميلة فكرة تلوين البيض بالوان علم مصر
وجودك معانا جميل ومتخفيش كلى كل اللى نفسك فيه من هنا وأعتبرية
يوم الفرى فى نظام الدايت وانا اجيبلك طريقة تخسى 3 كيلوا فى 4 ايام ولا يهمك
هههههههههههههههههههههه
ومش هاقول ابدا لليمامة

متشكرا جدا

nova_n
21-04-2011, 06:35 PM
http://www.masrawy.com/Recipes/Pics/Herring2_15017-10-2010-13-13-44.jpg

صينية الرنجة بالطحينة

http://www.shmou3.com/vb/uploaded/1142/709ec34cc8.gif

كيلو ونص رنجه (منظفه ومنزوعة الاشواك فيليه)
1/4 كوب خل
1/4 كوب زيت زيتون او نباتى
300 جرام طحينه
1/2 كوب ماء ساخن
رشه شطه ناعمه
رشة كمون ناعم

http://photos.azyya.com/store/uploads/080306092356cjrw.gif

الطريقة

ترص قطع الرنجه فى طبق صينيه متجاوره لبعضها.
- فى وعاء طهو يوضع الزيت ويضاف اليه الثوم ويتبل بالشطه والكمون.
- تضاف الطحينه مع التحريك على نار هادئه جدا ويضاف نصف كوب ماء ساخن
وتخلط الصلصه جيدا.
- تضاف الصلصه الى الرنجه بملعقه وبالتساوى وتوضع فى الفرن
لمدة 10 دقائق على درجة حراره 180 درجه. وتقدم مجمله بشرائح البصل الاخضر والبقدونس.

بالهنا والشفا

http://www.m5znk.com/up3/uploads/images/m5znk-ed55b52122.gif

الشحرورة
21-04-2011, 10:25 PM
الجميلة العسولة قووووى
الشيفة نوفا

وحشتينى يا قمرايا وكل ربيع ونسيم
وانتى أجمل وأحلى وأشطر
ايوة كده العلام جاب نتيجة فللى
هههههههههههههههههههههههه
فسيخ ورنجة وبط واخر دلع كل دة وانا مش هنا
طيب يا ستى محبتش اجى وايدى فاضية
اتفضلى

http://ts3.mm.bing.net/images/thumbnail.aspx?q=546257249886&id=23c3f5ba14b6f3bdb50f50f9461aa79e&url=http%3a%2f%2fwww.andalusiaexpress.com%2fimages %2fgreen-onion-01.jpg
البصل الأخضر رفيقى الجميل
ههههههههههههههههههههههههههه
ياللا بقى خلينى انزل حتتك بتتك على رنجاتك وفسيخاتك
وكل أكلاتك
تسلميلى يا عسولة وهاجى تانى اشوف سمكات المدرسة الغالى
استاذى أسكندرانى
واسمحيلى بقى اطبخهمله انا وازود له الشطة والتتبيلة
استنوووووووووووووونى

الشحرورة

أم أحمد
23-04-2011, 10:51 PM
كل سنة وانتي طيبة يا نوفا
وعيد ربيع سعيد عليكي وعلي كل اعضاء المنتدي
ريحة الموضوع جابتني من اول المنتدي
انا من عشاق الفسيخ والسردين والرنجة والاسماك بكل انواعها
ونفسي اوي في طبق فسيخ او حتي طبق الانشوجة بتاع اسكندراني ههههههه
تسلم ايدك يا قمر انتي ويمامة

nova_n
24-04-2011, 07:00 PM
ههههههههههههه
قفشتكم !!!
فطير !!
بيض!!
رنجا!!
يا إلهى

ههههههههههههه
عموما ماتخافوش ...عيشوا حياتكم وانت أحرار بقى ..
وموش هاقدر أمنع شهياتنا فى يوم الربيع الجميل ..
وبعدين لو على البيض والرنجا بسيطة وسهلة
ما أجمل البيض المسلوق ..دا مطلوب كمان
والرنجا كمان خفيفة
أما الفطير
معاكوا ربنا
بس أنا لأ

كل سنة وانتم طيبين ومحبين يا قمرات

:f2:


هههههههههههههههههههههههههه
حرام عليكى خليهم ياكلوا برحاتهم الريجيم مش هيخلص
باطلب لهم سماح فى شم النسيم بس وبعدين يروحوا للريجيم ممكن يا يمامة
لانهم شكلهم خاف

شكرا لتواجدك

nova_n
24-04-2011, 07:03 PM
فطير .. بيض ..جبنة
مين جاب سيرة الجبنة أنا قولت جبنة :d
مال الجبنة وشم النسيم
ماشي اصلي كنت باكل ساندويتش جبنة
نطت فطت جوا الكمبيوتر ودخلت جوا المنتدى :d
طب ياريت شم النسيم كل يوم طالما اجازة مسموح فيها بالأكل على كيفنا
وبعدين خلاص يا ندى احنا لازم نعيش أحرار أحرار ولآخر مدى أحرار
امال احنا عملنا الثورة ليه :d
الريجيم دا من فللول النظام القديم ولازم نحاربه ونقضي عليه ..
كل سنة وأنتم جميعا بخير يارب ودايما متجمعين في شم نسيم الحرية الجميل


ههههههههههههههههه
مين بس جاب سيرة الجنة معقولة بشم النسيم جبنة
لا هنا فيه رنجة وفسيخ وملوحة وانشوجة وسردين وتونة وسمك
أحمدك يارب
منتظرينك دايما تنورينا ونقدم لكى أطباق تجنن
وبالهنا والشفا استاذة قلب مصر

شكرا

nova_n
24-04-2011, 07:08 PM
علشان الناس اللى ملهاش فى اكل الفسيخ والسردين والرنجه

برده نعمل حسابهم معانا فى شم النسيم

شوية سمك طاااااااااااااااااااااااازه

يالا يانوفا

ورينا حنعمل منهم ايه

ورينا شطارتك

http://up.haridy.org/storage/Ushrashd-2.jpg


اهلا استاذ أسكندرانى

صاحب الهدايا الحلوة المشهية شكل السمك بيلمع وجميل جدا
حضرتك اللى صايدة والا ايه انا شاطرة فى الصيد
السمك ده كنت باشوفه كتير فى الخليج لكن هنا لا
وصح فى ناس كتير مش بياكلوا رنجة ولا فسيخ عندنا كل القسم الرجالى
ضد الحاجات المشهية دى وهنعمل لهم سمك
احنا هنعمل الأكل ونشم النسيم غدا بالهواء الطلق برحلة
ادعولى بقى الأمور تمشى جميلة
ههههههههههههههههههههههههه
تسلم يداك أستاذ أسكندرانى
بس الشيف شحرورة قالت هيه هتعملة اعمل ايه بقى ؟؟؟
اخدته منى وقالت هتعملة وتقدمة لك
بالهنا والشفا

وشكرا لوجودك

nova_n
24-04-2011, 07:26 PM
http://alyra3.com/vb/images/ggg.gif

سلطة رنجة شكل تانى


http://inlinethumb25.webshots.com/45464/2561355300037290910S600x600Q85.jpg


المقادير

سمك رنجة مدخن ( يمكن استبدلها باي نوع اخر من الاسماك المدخنة - او تونة مقطعة)
بطاطس مسلوقة ( او بقايا بطاطس مقلية اهريسها - الذ و اطعم )
ملعقتين كبيرتين زبت
طماطم تشيري
بان كيك (يمكن استبداله باومليت )
شبت ( او بقدونس )
توابل ( باربيكا – ملح – فلفل )
قالب مقعر

للتزين ( اوراق من الخس – طماطم تشيري – قليلا من الجبن المبشور - بقدونس)

http://inlinethumb28.webshots.com/47003/2799537920037290910S600x600Q85.jpg

الطريقة

طريقة الخلطة

التونة او الرنجة المدخنة بعد تنظيفها من الشوك نضعها فى الخلاط مع بصل قطع صعيرة
وليمون وتتبيلة و2 ملعقة ص مابونيز ونضربهم حتى يصبح الخليط ناعما

ثم

ضعي واحدة من البان كيك و و افردي عليها القليل من الخلطة ثم ضعي واحدة اخري علي حرفها
و افردي عليها ايضا القليل من الخلطة
افرمي الشبت و رشيه علي الوجه

http://inlinethumb18.webshots.com/43793/2078277500037290910S600x600Q85.jpg

وابدأي بلفهم كـ ( رول ) واحد

http://inlinethumb49.webshots.com/43696/2084568440037290910S600x600Q85.jpg

ضعيه بالعرض

http://inlinethumb54.webshots.com/8949/2920320830037290910S600x600Q85.jpg

وقطعيه - قطع متساوية

http://inlinethumb29.webshots.com/21596/2960104900037290910S600x600Q85.jpg

احضري الاناء المقعر وبطنيه بورق البلاستيك...و ابدأي بوضع القطع

http://inlinethumb59.webshots.com/17978/2176624480037290910S600x600Q85.jpg

واحدة في المنتصف..والباقي حولها

http://inlinethumb37.webshots.com/46884/2936280590037290910S600x600Q85.jpg

نظفي السمك المدخن من الشوك ( او التونة ) وتقطع قطع صعيرة

http://inlinethumb56.webshots.com/47671/2691349100037290910S600x600Q85.jpg

ضعية علي البطاطس و عليهم ملعقتين الزبادي و التوابل

http://inlinethumb22.webshots.com/44053/2493183200037290910S600x600Q85.jpg

امزجهيم جيدا ثم ضعي نصف الكمية و عليها القليل من الطماطم

http://inlinethumb33.webshots.com/5600/2560420630037290910S600x600Q85.jpg

http://inlinethumb27.webshots.com/33050/2049810030037290910S600x600Q85.jpg

النصف الاخر من الكمية

http://inlinethumb20.webshots.com/30355/2784032920037290910S600x600Q85.jpg

غطيها بالبلاستيك و اضغطي برفق
احضري طبق التقديم و ضعي اوراق الخس
افتحي الورق البلاستك و اقلبي برفق

http://inlinethumb08.webshots.com/11399/2436650880037290910S600x600Q85.jpg

http://inlinethumb60.webshots.com/44347/2098977440037290910S600x600Q85.jpg

الشكل النهائى

http://inlinethumb07.webshots.com/4230/2377830810037290910S600x600Q85.jpg

بالهنا والشفا

جيهان محمد على
24-04-2011, 07:53 PM
ههههههههههههه الحقيقة يا نوفا ما كنتش فاكرة ان الرنجا فيها كم الابتكارات دى هى وصلت تتعمل بالبان كيك والاومليت :d

دا ناقص نعمل بيها معارض دولية عشان السياحة http://cdn.content.sweetim.com/sim/cpie/emoticons/000202EA.gif (http://www.sweetim.com/s.asp?im=gen&lpver=3&ref=10&p=%7BDBD750C9-69DD-11E0-9DD6-00219772D49F%7D)
تسلم ايدك يا قمر وكل سنة وانتو طيبين
http://cdn.content.sweetim.com/sim/cpie/emoticons/000203A1.gif (http://www.sweetim.com/s.asp?im=gen&lpver=3&ref=10&p=%7BDBD750C9-69DD-11E0-9DD6-00219772D49F%7D)

الشحرورة
25-04-2011, 09:07 AM
http://m002.maktoob.com/alfrasha/ups/u/27517/32084/407633.gif

طبعا زى ما قالت نوفا مش كل الناس بتاكل رنجة وفسيخ
عشان كده أستاذى الغالى أسكندرانى
قال اعملوا سمك
ودى طريقة أسكندرانية فى السمك

سمك البورى بالزيت

http://i345.photobucket.com/albums/p381/magy_life/samak/147753fa.jpg

المقادير

كيلو سمك بورى

1 بصله متوسطه مقطعه مربعات

1 طماطم صغيره مقطعه مربعات

2 فص توم مفرى

نصف باقه كرفس

ملح / فلفل / كمون ناعم

ليمون ترنشات

دقيق / زيت


الطريقه


ننظف السمك بان نقص بالمقص بحذر من اسفل بطن السمكه حتى الخياشيم

http://i345.photobucket.com/albums/p381/magy_life/samak/89925fef.jpg


و نخرجها هى و الامعاء و نغسلها

http://i345.photobucket.com/albums/p381/magy_life/samak/6bd0edb8.jpg

نحضر الحشو بخلط البصل و الطماطم و الكرفس
و الثوم بالملح و الفلفل و الكمون خلط جيد

http://i345.photobucket.com/albums/p381/magy_life/samak/66d7f13a.jpg

ثم نبدأ بحشو بطن السمك حتى الخياشيم

http://i345.photobucket.com/albums/p381/magy_life/samak/cd056d58.jpg

نحضر صنيه ( مغطاه بورق الالمونيوم حتى لا تتسخ و يصعب تنظيفها )
و نضع بها زيت و نبدأ بوضع السمك فى الدقيق

http://i345.photobucket.com/albums/p381/magy_life/samak/4c095380.jpg

ثم نضعه على الزيت فى الصنيه و نقلبه على الوجه الاخر حتى يدهن بالزيت

http://i345.photobucket.com/albums/p381/magy_life/samak/317ea0f5.jpg

نعصر ليمونه على السمك كله ثم نرش السمك بالملح ثم الكمون و نقطع الليمون ترانشات
رفيعه و نرصها فوق السمك ونضع باقى الليمون فى الصنيه لامتصاص الروائح

http://i345.photobucket.com/albums/p381/magy_life/samak/621aa115.jpg

نشعل الفرن على اعلا نار ونتركه يسخن جيدا (هذا مهم جدا حتى لا يفسد السمك)
ثم ندخل السمك الفرن على الصاج (على ارضيه الفرن)

يترك السمك من ربع الى تلت ساعه حتى يحمر من اسفل ثم نضعه فى الشوايه
حتى يحمر الوجه لا يأخد وقت
كل وقت السوا حوالى نصف ساعه ونخرجه من الصنيه

http://i345.photobucket.com/albums/p381/magy_life/samak/8b15dfa7.jpg

ويوضع فى طبق التقديم

http://i345.photobucket.com/albums/p381/magy_life/samak/0fa9dac2.jpg

ويقدم معه أرز صياديه او أرز ابيض
و طبعا سلطه و مخلل و طحينه و عيش

http://i345.photobucket.com/albums/p381/magy_life/samak/cc92acad.jpg

http://i345.photobucket.com/albums/p381/magy_life/samak/82b69c2c.jpg

وادى الرز كمان
غلبتوووووووووووووووونى
بس ولا يهمكم

وبالف صحه و عافيه

http://m002.maktoob.com/alfrasha/ups/u/27517/32084/407622.gif

http://m002.maktoob.com/alfrasha/ups/u/27517/32084/407625.gif

الشحرورة
25-04-2011, 09:10 AM
بس بقى السؤاااااااااال المهم
مين ام شااااااااااااااادى

الحل بقى عندكم يا زبااااااااااادى
وبادعيلكم الهادى
تتهنوا بشم النسيم
وتتفسحوا على كورنيش المعاااادى

ادينى باجيبلك ضيوف اهو يا نوفا
ههههههههههههههههههههههه
شيلى بقى يا قمر

والا انتى بخيلة

http://files.fatakat.com/2010/5/1275247753.gif

اسكندرانى
25-04-2011, 04:42 PM
كل سنة وانتى طيبه يا نوفا

ايه التحف دى

انا مش قدك ولا قد زوقك فى اختيار الاكلات

انا اسكندرانى

زى شحرورة ما بتقولى

يعنى عاوزين ناكل بايدينا ونلغوص ونقطع العيش وندش البصل

حتتعبينا معك يا نوفا

بصى

انا جبت لك الفسيخ اهه

اتصرفى بقى وورينا حناكل ازاى وفين

بس لو سمحتى فضيلى البانيو علشان عاوز املاه كولونيا

يمكن ريحة الزفر والبصل تطلع

كل سنة وانتى طيبه

وانتظرينى بالليل عندى مفاجاه حلوه

فطيرة شم النسيم

قولى لشحرورة علشان تاخد نصيبها

http://up.haridy.org/storage/U2542011d-2.jpg

nova_n
06-05-2011, 08:39 AM
الجميلة العسولة قووووى
الشيفة نوفا

وحشتينى يا قمرايا وكل ربيع ونسيم
وانتى أجمل وأحلى وأشطر
ايوة كده العلام جاب نتيجة فللى
هههههههههههههههههههههههه
فسيخ ورنجة وبط واخر دلع كل دة وانا مش هنا
طيب يا ستى محبتش اجى وايدى فاضية
اتفضلى

http://ts3.mm.bing.net/images/thumbnail.aspx?q=546257249886&id=23c3f5ba14b6f3bdb50f50f9461aa79e&url=http%3a%2f%2fwww.andalusiaexpress.com%2fimages %2fgreen-onion-01.jpg
البصل الأخضر رفيقى الجميل
ههههههههههههههههههههههههههه
ياللا بقى خلينى انزل حتتك بتتك على رنجاتك وفسيخاتك
وكل أكلاتك
تسلميلى يا عسولة وهاجى تانى اشوف سمكات المدرسة الغالى
استاذى أسكندرانى
واسمحيلى بقى اطبخهمله انا وازود له الشطة والتتبيلة
استنوووووووووووووونى

الشحرورة


الأستاذة شحرورة الأمورة

ازيك انتى وحشتينا أكتر ووحشتنا كلماتك
وروحك الجميلة وطيبة قلبك
ولسة بدرى ابقى الشيفة نوفا انا لسة باول الطريق
والا بطلتى تعلمينى
ههههههههههههههههههه
حضرتك منورة الموضوع جدا
والهدية جميلة هو فى احلى من البصل الاخضر
ومتشكرة لحضورك الرقيق رغم ظروفك
ومنتظرينك مع سمك المدرسة الاستاذ أسكندرانى

شكرا

كريزى وومن
12-06-2011, 04:02 PM
حلو اوي الملف ده وبصراحة مجهود جميل تسلمي (http://www.hawaa.alnaddy.com//)

drmustafa
28-12-2011, 04:50 PM
لكم منا جزيل الشكر وخالص التقدير
مع تحيات
http://www.loly-ho.com/data/media/3/stamp--lagna.gif