المساعد الشخصي الرقمي

مشاهدة النسخة كاملة : عالم نكت نكت نكت...



shody20
13-06-2004, 06:21 AM
اهلاوى اتجوز زملكاوية ستتها .............. مع الاعتذار لنادى الزمالك
>
>مره اتنين مساطيل واحد قال للاخر مش فيتنام فازت على امريكا فى الحرب واحنا فزنا على اسرائيل .... المسطول الثانى قال له : يبقى كده احنا المفروض نصفى مع فيتنام
>
>صرصار خارج من السوبر ماركت فرحان عشان شاف صورته على علبة ريد
>
>واحد شاف واحد صيني وشاف عينه ، قال يابخته شبعان نووووووم
>
>حكم مباريات دولي غشاش تزوج بنت حكم اخر سابق و كمان كان غشاش .... جابوا بنت مشكوك في صحتها
>
>واحد مسطول سألوه عن رأيه فى الزواج المبكر رد قال : مبكر ، يعنى حوالى الساعه كم ؟
>
>مرة واحد مسطول قبض مرتبة وقاعد بيقسم المرتب مية جنيه ايجار مية جنيه مصاريف وعشرين جنيه حشيش ، البوليس خبط علي الباب قطع العشرين جنيه بتاعت الحشيش
>مرة ست عجوزة قالوا لها الدش حرام قالت لهم الحمد للة بقالى 68 سنة بستحمى فى الطشت
>ليه بيحطوا غطاء علي الزير ؟؟؟؟؟؟؟؟؟؟ علشان يحطوا الكوز عليه
>
>واحد بيقول : انا بردان من المكيف , رد عليه واحد جنبه وانا منصور من طنطا
>مرة اثنين عندهم كلاب صيد صاحب الكلب الاول أول ما يضرب طلقة من الندقية ، يجرى الكلب ويروح يجيب الفريسة.... والثانى أول ما يضرب الطلقة كلبه يكّش.... فنصحة صاحبة انه يروح الافراح فى الارياف ، فالكلب هيتعود على صوت الرصاص... راح الارياف وفضل يحضر فى افراح لمدة 6 شهور...... وبعدين رجع يصطاد ، راح ضارب طلقة من البندقية... راح الكلب وقف على رجله وقعد يزغرط
>
>واحدة عندها قطة كل ما تيجي تتخلص منها ... القطة ترجع تاني.... فبعتت ابنها يتخلص منها و يرميها بعيد عن البيت عشان ما ترجعش ... راح واخد القطة وقعد يلف يلف لحد م تاه عن البيت ورجع متأخر .....فسألتة والدتة اتأخرت لية؟؟ قال لها انا تهت ......قالت له طب رجعت ازاي؟؟؟ قال لها مشيت ورا القطة
>
>مسطول بيقول لزميله ... عود الكبريت ده مش راضى يولّع .. الثانى راح قال له: غريبة مع انى لسه مولعه من شويه
>مرة واحدة قاعدة مع جوزها قاللها انا بحب فيتراك قالت له و انا بحب مجدى قالها فيتراك دي مربى قالت له ومجدى ده عسل
>
>مرة واحد مسطول لبس جزمة فردة حمرا و فردة بيضا فحط رجل على رجل شافو مسطول صاحبه و قال اول مرة اشوف واحد حاطت رجله علىرجل الي جانبه
>اتنين صحاب أغبية ... الاول بيسأل التانى : هو ابوك متنّك علينا كده ليه ؟ التانى : ليه بس حصل ايه ؟ الاول : من ساعة ما مات مبقاش يعدى يسلّم زى الاول
>
>صرصار في وسط فريق نمل ، ليه؟؟؟؟؟؟؟؟؟؟؟؟؟؟ لاعب اجنبي
>مرة بقرة قابلت حمار فقالت له يا حمار .... قالها حمار حمار بس مش مجنوون
>
>مرة كلب جاله أنهيار عصبي ليه؟؟!! كان بيعوي علي واحد أطرش
>
>مرة 2 مساطيل واحد بيقول للتانى انا بابا هو اللى بنى الأهرامات .راح التانى قالة انت عارف البحر الميت بابا اللى قتلة
>
>مرة بقرة قابلت حمار فقالت له يا حمار .... قالها حمار حمار بس مش مجنوون
>
>مرة كلب جاله أنهيار عصبي ليه؟؟!! كان بيعوي علي واحد أطرش

>مرة واحد سمع ان الجرائد هتغلى ........... راح اشترى منها كمية كبيرة
>
>اتنين حراميه دخلوا بيت واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا؟ قالوه انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونتك ..... قالوه ايوه كده تعجبنى ، مش التاني اللي قاعدلي في البانيو و بيقول علي نفسه من الضفاضع البشريه!!!
>
>ليه الكتكوت مبيكدبش على الفرخه؟؟ علشان هيه الي فقساه
>
>اتنين مساطيل ماشيين على سطح بيتهم واحد وقع فى الخزان ....التانى راح استناه عند الحنفية
>مرة واحد حب يطور الطيارة الهليكوبتر ركب بدل المروحة تكييف
>
>ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد.
>
>واحد سأل واحد لبن يعني ايه بالفرنساوي قاله ليه قاله لا كنت بسألأ بس
>
>واحد قال لابنه روح شو ف النتيجة ولو نجحت هذبح لك خروف... لما رجع قاله عملت ايه يا ابنى قاله الخروف اتكتبله عمر جديد.....
>
>
>
>
>
>مرة واحد انجليزى و واحد فرنساوى و واحد صينى راحو يجربو صدى الصوت الانجليزى قال هاللو فرد عليه صدى الصوت و قال هالوووو الفرنساوى قال بنجور رد عليه صدى الصوت و قال بنجوووور الصينى قال شونجا كونجا هونجاهى فرد عليه صدى الصوت و قال بتقول ايييييييه
>
>دكتور بيعمل عملية في مخ مريض وطلّع المخ وحطة في الصينية جنبه ، وشغال في الجمجمة شوية ودخلت قطة وكلت المخ.... الدكتور احتار ملقاش غير جوز الجزمة حطه في الجمجمة وقفل... وبعد كام سنة ساله واحد دكتور زميلة بيقول له اخبار مريضك بتاع الجزمة ايه ؟؟ رد علية وقال له عقبال املتك دا بقي مدير المستشفي بتاعنا
>واحد اشترى طبق دش ، اكبر حجم وحطه فوق السطوح.. وعلشان خايف عليه من السرقه نزل قال للحته كلها أن فيه كلب كبير جدا فوق السطوح ، فاتنين من اهل الحته خادهم الفضول .. فواحد بيقول للتاني تقدر تطلع تشوف الكلب قاله أيوه أقدر أنا مش بخاف... فطلع الراجل وشوية نزل يجري ... صاحبه بيقوله شفت الكلب قاله لا شفت الطبق اللى بياكل فيه
>
>
>واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ، والمكنة راحت قايله مرحبا بالاستاذ شلبى سوف تركب قطار رقم 26 وسيصل الساعة الواحدة ، هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ، راحت المكنة قالت له الاستاذ شلبى فضل يستهبل لحد ما القطر فاتة
>
>
>واحد غبى اشترى جزمة رياضة اديداس .. لقاها 3 شرط ..... راح حاططها فى الشاحن
>
>
>مرة واحد بيتكلم مع صاحبة فى الموبايل فالخط بيقطع فصاحبة بيقولة الخط بيقطع لية فقال له اصلى جايب الخط بالتقسيط
>
>
>واحد كمسري بيقول لابنه تذاااااااكـــــــــــــــــــــــر ............. تنجح
>
>واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لامى هقول لك أنت
>
>جذماجى مات بالجذمة القلبية عملوا له نعل فى الجرنال جم يعملوا له الاربعين لاقوه ضيق عملوا واحد و اربعين
>
>واحد جندي حطوه في الجبهة على الخط الاول مع العدو وقالو له بس تحس اي تحرك للعدو فورا بتخبرنا... هنا عندك جهاز التليفون اتصال مباشر مع القيادة..... وفي احد الايام لاحظ الجندي تحرك العدو فرفع الهاتف وقال الو قيادة العدو على بعد 5 كم ..فقالو له علم ..........ثم بعد ساعة رفع سماعة الهاتف وقال الو قيادة العدو على بعد كيلو واحد.. فقالو له علم و اغلقوا الخط في وجهه ولم ياتي احد.............. وبعد نصف ساعة قال الو القيادة ...قالو له نعم.... فقال لهم اتفضلو احكو مع العدو




منقووووووول عن ايميلي...
يا رب تعجبكم..*8*

محمد فاروق
13-06-2004, 02:54 PM
يخرب شيطانك يا شودى ...

جامدين طحن ...

بس الله يسامحك قريتهم وانا فى الشغل وزمايلى اتلمو عليا من كتر ضحكى ولولا ان النكت عجبتهم كانو بلغوا عنى ..هههههههههههههه

اكتر نكت عجبتنى بتاعت كلب الصيد والاتنين حرامية والجندى بتاع جيش العدو

تسلم ايدك

محمد

الكينج أبو وليــــد
13-06-2004, 04:05 PM
اخى الكريم والعزيز شودى

جميلة قوووووووووى يا باشا

بس انا عايز اعرف انت كتبت الحاجات ده امتى ..........؟؟؟؟

مع انك مشغوووووووووول دايما مشغوووووووووول


ابو وليـــــــــــــد
الحيران

أشجان الليل
14-06-2004, 01:26 AM
شودي

فظيعه...
بجد بجد بجد بجد..
نكت فظيييييييييييييييعه

موتتى من الضحك...
أنا عاوزه من ده على طووووووول...
أنا عاوزه من ده يا حزمبل أنا عاوزه من ده
خخخخخخخخخخخ

shody20
16-06-2004, 06:29 AM
حمادة الجميل.. (مومان سابقاً )

يا رب يوفقني دايماً...و أدخل على الجميع البهجة يا رب...
هو بصراحة يا جماعة أهم حاجة كنت باخد بالي منها... ان النكت ما يكونش فيها تريقة على جنس أو لون ..
يعني مافيشهاش تريقة على صعيدي مثلاً و لا على بورسعيدي و لا دمياطي و لا .. و لا ...
دة مهم جداً..
قصدي بالموضوع اننا طبعاً ممكن نقول نكت من غير ما نغتاب حد و لا نجرح حد...

تحياتي للجميع.*8*

shody20
16-06-2004, 06:34 AM
عمووور...
و لا تحتار و لا حاجة...
الوقت اللي أخدته بس .. كان في قراية هذه النكت و معرفة ما اذا كانت كما أريد و لا لأ.. و كمان يكون معظمها جديد.. على القل لي أنا...
و بعدين ( cut & past ) .. بس يا سيدي...
و أظن يعني اني ردي على سياتك بعد فترة في كل حاجة دة دليل كافي يا حاضرة المحاسب.. مش كدة و لا اييييييه؟؟؟

عموماً يا استاذ المهم يكونوا عجبوك...
تحياتي *8*

shody20
16-06-2004, 06:35 AM
الأخت العزيزة اشجان...
ربنا يقدرني و أجيبلك نكت على قد ما أقدر...
مع انك لسة صغيرة ... صغيرة على النكت يعني..هههه


تحياتي عزيزتي..*8*

ديدي
11-09-2005, 04:07 PM
هههههههههههههههههههههه
نكت خطيرة ياشودى
انا موت من الضحك
تسلم ايدك

shody20
11-09-2005, 09:45 PM
أسعد دائماً بأن أكون سبباً في ادخال البسمة لقلوب الجميع و رسم الضحكة على شفاهكم ...
و خاصة عندما يكون ذلك الشخص شخصية كديدي.. فأكيد حطير من الفرح...

أصدق تمنياتي و دعواتي للجيمع *8*

saladino
11-09-2005, 10:03 PM
ولا نكته حلوة خاص
ههههههههههههههههههههه
فطست على نفسى بس من الضحك
ابقى هات نكت حلوة هههههههههه

shody20
07-10-2005, 02:12 PM
ربنا يخليك يا محمد ... يا رب كدة ربنا يوفقني و اكون سبب ادخال البهجة و السعادة على الجميع ...
ربنا يسهل احتمال يكون في نكت جاية قريب ...
أصدق تمنياتي *8*

عمرو صالح
08-10-2005, 10:54 AM
حلوة بجد يا شودى تسلم ايدك هات تانى
عمرو

ابن البلد
14-04-2007, 07:58 PM
اهلاوى اتجوز زملكاوية ستتها .............. مع الاعتذار لنادى الزمالك

عجبتني دي يا شودي أوي هههههههههه

thereallove
14-04-2007, 09:33 PM
ههههههههههههههههههههههههههههههه

نكت جامده طحن يا شودي

مرة واحد مسطول قبض مرتبة وقاعد بيقسم المرتب مية جنيه ايجار مية جنيه مصاريف وعشرين جنيه حشيش ، البوليس خبط علي الباب قطع العشرين جنيه بتاعت الحشيش

جامده قوي منتظرين منك المزيد

احمــــــــــــــــــد

خالد الفارس
15-04-2007, 12:21 PM
كل النكت جميلة وخصوصا دى


>واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ، والمكنة راحت قايله مرحبا بالاستاذ شلبى سوف تركب قطار رقم 26 وسيصل الساعة الواحدة ، هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ، راحت المكنة قالت له الاستاذ شلبى فضل يستهبل لحد ما القطر فاتة
..*8*

شكرا ليك

اوزير
15-04-2007, 06:53 PM
جميلة جدا
شكرا لك

بنت شهريار
15-04-2007, 07:33 PM
هههههههههههههههههههههههههههههههههه
انا ضحكت وضحكت العيله كلها معايا من كتر ضحكى
تسلم ايدك شودى
مضحكناش الضحك دا من زمان
شكرا ابن البلد على الرفع
تحيااااااااااااااااااااتى

مي مؤمن
15-04-2007, 08:35 PM
بجد حلوة جداااااااااا ههههههههههههههههههههههههههههههههههههههه
تسلم ايدك حلو قوي