المساعد الشخصي الرقمي

مشاهدة النسخة كاملة : عندي حته موضوع .....ادخلوا وشاركو



سموره
30-05-2004, 11:58 PM
طبعا اليومين دول يومين امتحانات ومذاكره http://www.fdaey.com/F/mnoa3/60.GIF وطبعا ايام المذاكره دي بتبقي ايه اخر زهق اللي يقلك خش ذاكر واللي يقولك مفيش كمبيوتر حاجه تخنق بس متنكروش ان بتقي ايام واللهي لذيذه خصوصا الامتحانات واللي بيحصل فيها.ايه رايكم كل واحد يحكي اطرف حاجه حصلتله في ايام المذاكره والامتحانات؟؟وانا بقي حبتدي




كان ملره عندي امتحان اقتصاد وانا كنت ايهhttp://www.fdaey.com/F/smail/icon_mi_8.gifلهلوبه في الاقتصاد طبعا

وجه يوم الامتحان اللي يكرم في المرء او يهانhttp://www.fdaey.com/F/smail/S_33.GIFودخلت الامتحان يا خوانا ولاقيت الاسئله كد خير الهم اجعله خير ضلمه وملهاش علاقه بالي انا ذاكرته وبص حواليه الاقي الشباب نازلين كتابه واخر انبساطhttp://www.fdaey.com/F/smail/DANCE2.GIFخير يا خوانا طب حد يقول اي حاجه*74* (http://www.egyptsons.com/misr/misc.php?do=getsmilies&wysiwyg=1&forumid=4#) وكله بثوابه المهم واحده بنت حلال قالت لي اكتبي في سؤال دكتور فلان يقول الاستاذ الدكتور فلان.....وبعدين ارغي بقي في اي موضوع لانه بيحب اننا نكتب كده في المقدمه طبعا مكدبتش خبر وقعد اكتب اكتب وانا طبعا طور الله في برسيمه(معلش يا خونا الاعتراف بالحق فضيله)المهم خلصت ودخلت في السؤال التاني ووانا متحمسه اويوبدات يقول الدكتور فلان..........وكتبت بقي اي رغي وبعد ما طلعت لاقيت الناس عماله تقول ان سؤال دكتور علان كان صعب اوي وانا طبعا بسال مين علان *90* (http://www.egyptsons.com/misr/misc.php?do=getsmilies&wysiwyg=1&forumid=4#) ده قالولي ده الدكتور التاني اللي بيدرس الماده مع دكتور فلان و انا اساسا مكنتش اعرف ان في دكتور تاني من اصله *17* (http://www.egyptsons.com/misr/misc.php?do=getsmilies&wysiwyg=1&forumid=4#) *65* وطبعا انتو فهمتو انا عملت ايه دخلت سؤال علان في سؤال فلان*66* وكانت النيجه بصراحه مشرفه جدا جدا وطبعا انا حصلت علي تقدير محصلش عليه حد قبل كده*89* والغريب ان جالي ساعتها حاله من الضحك وانا متخيله منظر الدكتور وهو بصحح ورقتي .اكيد جاله انهيار :d:d:d*65*






http://www.fdaey.com/F/smail/1FACE.GIF

daria
31-05-2004, 12:51 AM
حلوة المواقف دي
تعرفي انا الترم دة في الضياع
متلخبطة في يوم الامتحان امتي
والمواد مكان بعضها خالص
وكنت فياللجنة والمراقب طبعا بيعدي علينا القايمة نمضي
فاديتها للي ورايا وبقولها مساء الخييييييييييييير
المراقب سمعني
ولو اني كنت باهرج معاها لانها نازلة عياط وخايفة
بهرج معاها عادي زميلتي يعني
وطول الامتحانمش شايل عينه من عليا
وبالغيظ فيه جبت تقدير
طبعا دة موقف عبيط
بس هوه اللي جه علي بالي*8* *7*

mas20877
31-05-2004, 07:03 AM
شكرا يا سموره علي الفكره اللذيذه دي 1115 شكر
انا فاكر كان امتحان علوم سياسيه ودي مادة دش وانا فيها بطيخه كبيره
المهم كنت عارف فيها حوالي 6 اسطر
و كل سؤال ييجي اكتب نفس الأجابه
مطولش عليكي قولي طول
حليت الأمتحان في صفحه ونص
صحابي بقه اللي حل في اربع صفحات و اللي حل في سته المهم كركبولي معدتي
بس يوم النتيجه نجحت (أمال ايه احنا بنلعب )و جبت .........................
يا الله فكرتوني بالذي مضي كانت ايام :)

محمد فاروق
31-05-2004, 04:54 PM
مفيش مانع نفتكر معاكم ...
مرة كان فيه امتحان ومش فاكر مادة ايه المهم ..
جه سؤال فى الامتحان وكنت عارف انه صعب والحمد لله كنت مذاكره تمام وحليته ..
وبعد الامتحان سألت اتنين اصحابى ها عملتوا ايه فى السؤال الفلانى ..
الاول قاللى بسيطة انا غشيته .. احبطت شوية عشان قال يعنى انا حقانى وحليت بمجهودى ..
التانى قاللى والله وماليك عليا حلفان انا معرفش حاجة عن السؤال ده بس تصدق بأيه ..

لقيت الحل مكتوب على المكتب اللى بحل عليه "واحد كان مبرشمه يعنى" ...

فوقونى فى المستشفى بعد 3 ايام وقالوا ده فقدان مؤقت للذاكرة ..
ههههههههههههههههههههههههه

بس الصراحة جالى احباط... وسلام

الكينج أبو وليــــد
01-06-2004, 10:01 AM
موضوع جميل سمورة

والله فاكرتينى بايام الامتحانات ياه الله لا يعودها تانى


انا كان سياستى مع الامتحانات واحدة

الغش ثم الغش وما يمنعش من البرشام

يكون فى جيبى حاجة بس تفكرنى مش اكتر

أدهم صبري
01-06-2004, 01:45 PM
اية يا جماعة الكل

فكرتيني

اية محدش لسة في الكلية خالص

طيب على العموم في موقف بسيط جدا حصل

داخل امتحان ومكنتش فاتح الورق بتاعة غير قبل الإمتحان بيوم طبعا ملحقتش اذاكر حاجة ورحت مش حافظ غير 4 /5 تسطر بس

والإمتحان طويل الشباب قلولي ارغي في اي حاجة

قلت بس اكتب ال 5 تسطر دول واكررهم ومكدبتش خبر

عملت بيهم 10 صفحات والكل مستغرب طبعا انا ازاي بكتب كل دة

والحمد لله عديت وجبت مجموع كمان

سموره
02-06-2004, 03:28 PM
واللهي يا جماعه مشركتوا حلو خالص بس عايزين مواقف اكتر يالا شدو حيلكم


شوفو بقي ايه اللي حصلي ايام الثانويه العامه ربنا مايرجعها ايام............. كان عندي امتحان مواد فلسفيه وطبعا انتو فاهمين ايه مواد فلسفيه وطبعا كالعاده دخلت الامتحان وانا مش فاهمه اي حاجه في اي حته المهم دخلت اللجنه ولقيت المراقب بيسال حد فيكو يعرف اخت الظابط احمد فسالته ليه قالي اصل الظابط احمد ده حبيبي وعمل معايا جمايل كتير وعرفت منه مره ان له اخت في ثانويه عامه في المدرسه دي حد يعرفها؟؟؟؟؟؟؟؟؟؟؟؟؟؟؟ طبعا انا لاقيتها فرصه من ذهب وقلتله انا اخت الظابط احمد طبعا مش عايزه اقول لكم عمل لي ايه كان هيشلني من علي الارض شيل وغششني الامتحان كله:d ووصي غليه كل المراقبين اصحابه ون ساعتها وانا بدعي للظابط احمد اللي لا اعرفه ولا حتي اعرف اخته:d :d :d

Mango
03-06-2004, 11:34 PM
انا اقولك موقف حصلي ايام الثانويالعامه .. انا كنت علمي وكنت ابغى (تقدير امتياز) عشان ادخل كلية الطب..المهم يوم ما طلعت النتايج في الجرايد لقيت اسمي من ضمن الناجحين بس للاسف( بتقدير جيد جدا) طبعا انا انهرت وزعلت كثير وخلاص قلت كفايه تعليم مش حكمل خلاص..بعدها ب 3 ايام كان لازم نراجع المدرسه عشان نستلم الشهاده .. انا طنشت وما رحت بعدين المدرسه اتصلت ع البيت وردت اختي وجات تناديني عشان اكلمهم .. قلتلها مش حرد عليهم خلاص مش حيسيبوني في حالي خليهم يشبعو بالشهاده مابغاها ما تشرفني.. فاختي قالتلي هذي مديرة المدرسه بنفسها تبغى تكلمك .. فاحتراما قلت يا بنت خليكي ذوق وانتي اصلا ماشيه ماشيه خليكي محترمه معاهم الين اخر دقيقه المهم رديت عليها فقالتلي المديره : عندي خبر حلو ليكي مبرووووك انتي جبتي ممتاز مش جيد جدا واللي حصل انه صار خطا في تجميع العلامات والان اتصحح الخطا وانتي تعالي استلمي الشهاده بعد يومين لانه مازالت شهادتك عند رئاسة التعليم بتتعدل .. بس
ما تتصوري فرحتي قد ايش كانت لدرجه انه سماعة التلفون طاحت من ايدي لدرجه حسيت انه انا ممكن اكون في حلم :)

بس سبحان الله برضه ما دخلت طب رغم اني جبت المجموع ( انت تريد وانا اريد والله يفعل مايريد)..

شكككككككككككرا

سموره
03-06-2004, 11:44 PM
انا اقولك موقف حصلي ايام الثانويالعامه .. انا كنت علمي وكنت ابغى (تقدير امتياز) عشان ادخل كلية الطب..المهم يوم ما طلعت النتايج في الجرايد لقيت اسمي من ضمن الناجحين بس للاسف( بتقدير جيد جدا) طبعا انا انهرت وزعلت كثير وخلاص قلت كفايه تعليم مش حكمل خلاص..بعدها ب 3 ايام كان لازم نراجع المدرسه عشان نستلم الشهاده .. انا طنشت وما رحت بعدين المدرسه اتصلت ع البيت وردت اختي وجات تناديني عشان اكلمهم .. قلتلها مش حرد عليهم خلاص مش حيسيبوني في حالي خليهم يشبعو بالشهاده مابغاها ما تشرفني.. فاختي قالتلي هذي مديرة المدرسه بنفسها تبغى تكلمك .. فاحتراما قلت يا بنت خليكي ذوق وانتي اصلا ماشيه ماشيه خليكي محترمه معاهم الين اخر دقيقه المهم رديت عليها فقالتلي المديره : عندي خبر حلو ليكي مبرووووك انتي جبتي ممتاز مش جيد جدا واللي حصل انه صار خطا في تجميع العلامات والان اتصحح الخطا وانتي تعالي استلمي الشهاده بعد يومين لانه مازالت شهادتك عند رئاسة التعليم بتتعدل .. بس
ما تتصوري فرحتي قد ايش كانت لدرجه انه سماعة التلفون طاحت من ايدي لدرجه حسيت انه انا ممكن اكون في حلم :)

بس سبحان الله برضه ما دخلت طب رغم اني جبت المجموع ( انت تريد وانا اريد والله يفعل مايريد)..

شكككككككككككرا


الف مبروووووووووووووووووك اولا يا مانجو بس ولايهمك الخيره فيما اختاره الله

سموره
04-06-2004, 12:03 AM
ياللي دخلت الطب ونفسك تطلع منه بعقل سليم
عيش لدماغك روق بالك واوعي تفكر في التعليم
الدرجات بتروح وبتيجي اضحك فرفش واشرب تيم لو شكيت في كلامي لثانيه ومفكرني خبيث ولئيم ذاكر دح واطحن نفسك واعمل في الاكزام براشيم ياللي دخلت الطب ونفسك تلبس بالطو وتبقي حكيم افرض مثلا مثلا يعني تقديــــــــرك وداك بلطيم تشقي وتتعب وتيجي تقبض في الاخر تلاقيها ملاليم وتصبر نفسك و تقول حلـــــو اهو برضه رجيم لو تزعل تبقي عبيط واهبل تفكيـــــرك لا مؤاخذه عقيم وكفايه اني نفدت بجلدي صدقني ده الطب أليــــــــــم


عشانك دي يا مانجوووووووووووو



منقووووووووووووووووووووووووووووووووووووووووووووووو وووووووووووووووووووول

أشجان الليل
04-06-2004, 01:41 AM
موضوع عسول جدا....
هاقولكم قصه حصلتلى
الترم اللى فات..
الدكتور صاحب السؤال الأخير حاطط سؤالين بدل سؤال..
أنا مش شايفه أى فرق بين الاتنين..
لأن إجابة السؤال التانى موجوده ضمنيا فى السؤال الأول..
والوقت ضيق مش هايكفى أحل الكلام ده مرتين..
رحت قمت من مكانى وسألت الدكتوره...ياترى الدكتور يقصد ايه؟؟
الفرق ايه بين السؤالين يعنى..
الست قرأت الاتنين ولم تجد فرق...
قامت لقيتها وشها أحمر..
وأعدت تزعق فيا وتقولى انتى مش هاين عليكي تقري السؤال
وقرأت السؤالين بصوت عالى جدا وقالت خلاص..
عرفتى...!!!!!
اتفضلي بقى..
ومافيش حد يجي يسألنى تانى على السؤال ده!!!!!!!!!!!!!

واضح طبعا إن أنا ماكنتش أول واحده اسألها السؤال ده..
المهم رجعت مكانى..
وقعدت أبكى ربع ساعه ((علشان اتهزأت بس))
وبعد كده جاوبت السؤال الاول بس...

المهم إنى فى الآخر جبت امتياز....

وربنا يسامحها شهدان شبكه خخخخخخخ

ادهم فوده
04-06-2004, 04:17 AM
بصراحة موضوع ذى العسل وأفتخر فعلا بالانضمام لمجموعة من الغشاشين والحالنجية باستثناء مانجو اللى كانت زعلانة انها مجابتش جيد جدا ولان معظم الحكايات من النوع الدرامى احكى لكم واحدة من تلك المولقف الكثيرة التى تعرضت لها:d

كان عندى امتحان شفوى فى مادة النقد فى الادب الانجليزى وكان دكتور المادة جزار وحالف يذل الدفعة وكان بيدرس لنا فى السنة دى ثلاثة مواد وكل مادة من مائة درجة يملك منها فى يديه 40 درجة كاملة فى صورة اعمال سنة وامتحانات شفوية وقال انه لن يجرى امتحانا شفويا الافى النقد فقط وعليه سيمنح الدرجات فى باقى المواد

المهم وللاسباب السابقة حفظت المادة تماما بعد مافهمتها لكن ليلة الامتحان ارتكبت خطأ فادحا بسبب اصدقاء السوء وعصيت الله عز وجل وكان جزاء خطأى فادحا بكل المقاييس فقبل دخولى مكتنب الدكتور حيث اجرى الامتحان دخل اقرب اصدقائى وهو اول الدفعة وبعد خروجه حذرنى من محاولات الدكتور الاستفزازية وطلب منى ان اكون هادئا ودخلت الامتحان فوجدت دكتور الغفلة لا سامحه الله جالسا على مكتب وزميل لى مدلل فى الدفعة يجلس على مكتب بجانبه وقعدت انا ذى الكتكوت المبلول على كرسى صغير قدامهم وبمنتهى الاحتقار نظر لى الدكتور وقاللى مذاكر كويس يا شاطر " تقولش يعنى عادل ادهم اللى بيمتحنى " فقلت الحمدلله يا دكتور فقاللى طب اتكلم على اى حاجة تعرفها فى المادة وده فخ جامد واصعب من ان يوحه سؤالا مباشرا فقلت اتفضل اسأل انت انا مذاكر كويس فقاللى لا قول اى حاجة ففكرت قليلا واقترحت الحديث عن نقطة معينة فوافق بلا مبالاة وبعد ان تحدثت لمدة خمس دقائق قاطعن قائلا يا ريت يا شاطر تعيد من الاول فبدأت من جديد بينما هو يتحدث مع زميلى عن اسعار الخضار والفواكه وعندما وصلت الى نفس النقطة طلب منى الاعادة من جديد قائلا علشان خاطر ايمن زميلى العصفورة وتكر هذا ثلاثة مرات الى ان اوقفنى عند كلمة معينة وقال لى يابابا انت بتنطقها غلط وانطق الصح هو كذا تخيلو اعيد قراءة ما يزيد عن صفحة معتمدا على ذاكرتى اثر من خمسة مرات بسبب نطق كلمة خطأ وعنده اصابتنى حالة عصبية ونسيت كل شىء وادرك هو ذلك فقال لى بشماته وكأنى عدوه واتقول يابابا انت مش بتقول انك مذاكر كويس اخص عليك يا كذاب وحصلت على صفر فى هذه المادة وفقدت الاربغين درجة فى المواد الثلاثة لكنى تماسكت أمامه حتى لا يرى الدموع التى شعرت بسخونتها فى عينى :dوانهرت تماما بعد خروجى من المادة لكنى كنت اعرف ان السبب فىما حدث لى هو المعصية التى ارتكبتها فى ليلة الامتحان وتداركت خطأى بعده واجتزت اللمواد الثلاثة فى الامتحان التحريرى رغم خسارتى 40 درجة كاملة قبل دخولى

على فكرة انا خلصت دراسة وقابلت الدكتور منذ فترة قريبة وذكرته بالموقف وقلت له انى استطيع محاسبته عليه من خلال عملى الان لكن عفا الله عما سلف..........اعتذر للاطالة
*5*

سموره
05-06-2004, 04:33 PM
البيت بيتك يا ادهم طول براحتك بس موقف فظيييييع المهم انك نجحت وده بركه دعا الوالدين