المساعد الشخصي الرقمي

مشاهدة النسخة كاملة : رأس السنة الهجرية..واحتفالية على الطريقة العربية..



الصفحات : 1 [2] 3

محمد حسيـــن
08-12-2010, 07:13 PM
وبعدين صحيح ايه حكايه المقاطعه دي
خلاقنا السياسي لو هياثر علي هنا في المطبخ
يبقي ولااااااااا كاني قلت حاجه
ومظبوط كلام سيادتك يافندم .. وتمام كلام سيادتك يافندم
واحلامك اوامر كمان
انا اقاطع في اي حاجه
الاكل لا
والفراخ بالتحديد بقي ...
لااااااااااااااااااااااااااااااااااااااااااااااااا اااااااااا
لااااااااااااااااااااااااااااااااااااااااااااااااا ااااااااااااااااااااااااااااااااااااااااااااااااا
لااااااااااااااااااااااااااااااااااااااااااااااااا ااااااااااااااااااااااااااااااااااااااااااااااااا

zizoYAzizo
09-12-2010, 12:23 PM
تسلم ايدك ياندى انا عملت الرز بلبن على فكره وحطيت فيه شكلاته وطلع شكله يقرف الى عملته ده وكان مصيره لمجارى :d
بس خليت ماما بقى تعمله زى مانتى عملاه واتاكل اخيرا :d
انا قلت احط فيه اى حاجه زى ماقلتى حطيت شكلاته :d طلع لونه استغفر الله العظيم ثانيا بقى قالب واحد مع انى كان نفسى احطه فى كبايات :d المهم رميته وخليت الصراحه الحاجه تعملهولى احسن زى مانتى كاتبه بقى من غير اضافات ولا افتكاسات :d

الشحرورة
09-12-2010, 02:00 PM
الرقيقة اليمامة

كل سنة وانتى طيبة وسنة هجرية جديدة سعيدة
باذن الله عليكِ وعلى ضيوفك كلهم
ب انتى هتضحكى عليه بطبق عاشورة
لالالالالالالالالالالالالالالالالالالالالالا
انا عايزة من الحمر والمشمر والا ده ممنوع والا ايه
اكل الاول وبعدين احلى
مش كده والا ايه اختارى انتى بقى
هههههههههههههههههه

يسعد ايامكم جميعا

a_leader
09-12-2010, 02:24 PM
ايه يا ندى

هو انا دايما كده اعرف اخر واحد ولا ايه

فين نصيبى

انا اقل من خمستاشر تسعتاشر طبق عاشورا مش ح ارضى

ادينى مستنى اهو

و كل سنة و انتى طيبة و ربنا يعيد عليكم الايام بالخير يارب

قولى لى صحيح

تعرفى تعملى هريسة ؟

اليمامة
09-12-2010, 07:13 PM
ايه يا ندى

هو انا دايما كده اعرف اخر واحد ولا ايه

فين نصيبى

انا اقل من خمستاشر تسعتاشر طبق عاشورا مش ح ارضى

ادينى مستنى اهو

و كل سنة و انتى طيبة و ربنا يعيد عليكم الايام بالخير يارب

قولى لى صحيح

تعرفى تعملى هريسة ؟

أهلا بيك أخى العزيز محمد
كل سنة وانت طيب ..ومنور الموضوع والحفلة الجميلة بكل الأصدقاء وأبناء مصر الأعزاء..
خمساشر..تمناشر طبق عاشورا!!!!
ههههههههههههه
ياربت..تعالى يللا علشان فيه ناس هنا طلعت مبتحبهاش..حلال عليك ويألف هنا..
تعالى بقى نتكلم عن الهريسة ولا تقولى بقى بتاعة أحمد حسنين بتاعكم ولا غيره..

يارب تعجبك..

المقادير


كيلو واحد سميد ناعم
كوباية سكر خشن
معلقتين كبار سمنة او زبدة وسنة زيت صغيرة..أنا بحب أكتر فى السمن او الزبدة فيها
ملعقة صغيرة بيكنج بودر
كوباييتين زبادى
كمية لوز
ربع كوباية عسل ابيض أو شربات تقيل

الطريقة :

اخلطي السميد و السكر والسمن والزيت والبيكنج بودر والعسل فى وعاء و ادعكيهم ببعض
ثم ابتدي ضيفي الزبادي شوية شوية واعجنى بالمعلقة..
بتكون عندك خلطة متماسكة شوية يعني مش سائلة
بعد كدا جهزي الصينية اللي حابة تخبزي الهريسة فيها بالسمن أو بالطحينة
و بعد كدا حطى الخليط فى الصينية و افرديها كويس بطريقة مستوية
ثم قطعيها كما في الصورة التالية

http://up.arab-x.com/Aug09/AXO92058.jpg

ادخليها الفرن على درجة حرارة متوسطة لغاية لما تستوى وتنشف من الجوانب وتحمر وهايحمر الوش كمان

http://up.arab-x.com/Aug09/Bxp93313.jpg

مقادير الشربات
3 كوبايات سكر
كوبيتين ونص ماء
ملعقة كبيرة ماء الزهر او ماء الورد ونقطتين ليمون

يغلىوا لما يتقلوا حبتين
هانصبه على الهريسة وهى سخنة وبعدين نصفيها
و لما تبرد بتقطعيها و بتكون جاهزة للتقديم

http://up.arab-x.com/Aug09/99c92058.jpg

هى طبعا لها طرق كتير..والطريقة دى ناحجة ان شاء الله..الفكرة كلها ان دايما الخليط يكون متماسك معاك وموش سايب..

وخد بقى ..مشهد من أروع المشاهد للشعب المصرى الاسكندرانى الجميل..:f2:


http://www.youtube.com/watch?v=gapkBjuhGLQ&feature=player_embedd

اليمامة
09-12-2010, 07:42 PM
الرقيقة اليمامة

كل سنة وانتى طيبة وسنة هجرية جديدة سعيدة
باذن الله عليكِ وعلى ضيوفك كلهم
ب انتى هتضحكى عليه بطبق عاشورة
لالالالالالالالالالالالالالالالالالالالالالا
انا عايزة من الحمر والمشمر والا ده ممنوع والا ايه
اكل الاول وبعدين احلى
مش كده والا ايه اختارى انتى بقى
هههههههههههههههههه

يسعد ايامكم جميعا

هههههههههههههه
ازيك يا شحرورة يا جميلة..
كل سنة وانتى طيبة ودايما يا تغريد بتسعدينى لطلتك الجميلة العفوية..
يارب سنة سعيدة عليكى مليان فرحة وبهجة وخير يا حبيبة قلبى..
بصى بقى أنا لا عملالك محمر..ولا مشمر..
أنا هاعملك حاجة بتحبيها..واعترفتى بيها..وأنا بقى ماسكة فيها ولا هاعديهالك الليلة..
السمك..يا بنت بحرى..
أحلى سمك لأحلى شحرورة وبالمرة أنا كمان آكل معاكى علشان بحب السمك اوى..



أكــله اسكندرنيه 100%
وهي السمك البلطي المقلي

المكونات



السمك حسب الرغبة حوالي كيلو و نصف منظف من الداخل و الخارج

و منقوع في ماء و دقيق وملح لمدة 10 دقائق و يشطف جيدا و يصفي

http://up.qatarw.com/get-4-2009-pdzh4q50.jpg

التتبيلة

كمون + عصير 2ليمونه +ملح +فلفل حار+ فلفل رومى بارد
وتخلط

http://up.qatarw.com/get-4-2009-8f8x25mx.jpg


يتبل السمك بالخلطة بعد عمل شقوق بالسمك و حشوها بنفس الخلطة

يترك ساعتين قبل القلي

http://up.qatarw.com/get-4-2009-xr5jres3.jpg

يقلي السمك في زيت غزير

http://up.qatarw.com/get-4-2009-940pktkg.jpg

و هذا شكله بعد القلي

http://up.qatarw.com/get-4-2009-0nbw8wjl.jpg

التقديم

http://up.hawaaworld.com/get-26fqs6wf.jpg

ايه رأيك بقى سا شحرورة..يا أمورة ؟

وطبق الرز كمان علشان مكونش حرمتك من حاجة

http://www.hayah.cc/forum/imgcache/60750.png

:f2:

اليمامة
09-12-2010, 07:46 PM
تسلم ايدك ياندى انا عملت الرز بلبن على فكره وحطيت فيه شكلاته وطلع شكله يقرف الى عملته ده وكان مصيره لمجارى :d
بس خليت ماما بقى تعمله زى مانتى عملاه واتاكل اخيرا :d
انا قلت احط فيه اى حاجه زى ماقلتى حطيت شكلاته :d طلع لونه استغفر الله العظيم ثانيا بقى قالب واحد مع انى كان نفسى احطه فى كبايات :d المهم رميته وخليت الصراحه الحاجه تعملهولى احسن زى مانتى كاتبه بقى من غير اضافات ولا افتكاسات :d

هههههههههههههه
هههههههههههههههههه:d
كدا برضو يا زيزو..ماشى ..مفيش مشكلة..
يابنى أنا لما قلت تحط شوكولاتة..يعنى تزين الطبق موش تحط شوكولاتة جواه وتسيح..
طبيعى طبعا كدا يكون مصيره مكا ذكرت هذا غير لونه :d
لإما تسيب الرز بلبن يجمد وبعدين تكون الشوكولته دافية بعدما سيحتها فى شوية لبن دافيين صغيرين على النار وتصب طبقة فوق الرز بلبن بحيث مايخطلتش معاه..
بص..بلاها شوكولاته خالص..دا حتى رز بلبن :d
عيب كدا اوى يعنى..:d

اليمامة
09-12-2010, 09:49 PM
وبعدين صحيح ايه حكايه المقاطعه دي
خلاقنا السياسي لو هياثر علي هنا في المطبخ
يبقي ولااااااااا كاني قلت حاجه
ومظبوط كلام سيادتك يافندم .. وتمام كلام سيادتك يافندم
واحلامك اوامر كمان
انا اقاطع في اي حاجه
الاكل لا
والفراخ بالتحديد بقي ...
لااااااااااااااااااااااااااااااااااااااااااااااااا اااااااااا
لااااااااااااااااااااااااااااااااااااااااااااااااا ااااااااااااااااااااااااااااااااااااااااااااااااا
لااااااااااااااااااااااااااااااااااااااااااااااااا ااااااااااااااااااااااااااااااااااااااااااااااااا

هههههههههههههه
ايوه كدا..
عقلك فى راسك تعرف خلاصك..
وكمان أحلامى أوامر!!
الله..
كل دا علشان الفرخة..
طيب اعملك وزة يا محمد..:d

اليمامة
09-12-2010, 09:55 PM
بتكاكي
ايوه طبعا بتكاكي وبتقول كاك كاك
هو يعني في حاجه بتكاكي وبتقول واء واء ..ولا ماء ماء ..ولا حتي نو نو
هههههه
وبعدين ..تجيبهم كلهم كده ورا بعض
عايزه تجيلي سكته قلبيه
واحده واحده ياندي
مش ورا بعضه كده وفي نفس واحد ..فراخ ..بط ..وز ..رومي
راعو شعور العزاب اللي زينا االي ياعيني عليهم مش لاقيين حد يعملهم حاجه
وانتي نازله ايه .. مش راحمه حد ..
الرحمه حلوه ياناس ..
ااااااااااخر مره اجي المطبخ .. ههههههههههه
بلديات قال .. امال لو مكناش بلديات بقي هههههه
وبعدين هي الوصفه دي لمين .. اصلك عماله تقولي ..تمسكي ..تقطعي ..تجيبي ..تبشري ..
انا مش عايز وضفات .. انا عايزك تخلصي وتنادي عليا علي طول
وانا هقاعد اعيطلي شويه لغايه ماتخلصي
:36_2_18::36_2_18:

ههههههههههه
فى الزمن دا يا محمد فيه قطه بتهوهو
وبوبى بينونو..
وديك مابيصدحش ولا بيأذن
انت عارف ليا جارة ساكنة فوقيا بتسلى نفسها بكام فرخة كدا بتربيهم وشوية زرع بتكبرهم..وحيدة ومعندهاش ولاد....
المهم يعنى لما بطلع أطل عليها بتقولى يابنتى الديوك موش عايزة تأذن خالص..بقولها يمكن لسه يا تانت..قالتلى لأ..كبروا ولا ديك مطاوعه قلبه يرفع صوته..ههههههه...استغربت اوى..دا بمناسبة الهوهوة والنونوة والكاك كاااك...

ماتعيطش..ماتعيطش يا شاطر..
اتفضل الفرخة بألف هنا..وماتفكرش لا فى اغسلى ولا اسلقى ولا احشى ولا اطبخى..
سنة هجرية سعيدة عليك يا محمد
:f2:

اليمامة
09-12-2010, 09:58 PM
افتكر الموضوع ده كويس يامستر ومعلش بقي اصل حرف الدال اللي عليه نقطه .. مش بيكتب عندي
عشان كده بقول يامصتر حسن ..افتكر واحفظ الوصفات دي كويس اووي
يمكن اللقاء القادم ينوبنا منها حاجه .. او تخللي ندي تعمله مقدما ..وتستني هناك ..
:36_2_38:

ماشى موافقة..
جهزولى مطبخ محترم اقدر اشتغل فيه..:dوخلاص
وسيبوا الباقى عليا..

:f2:

أخت ضابط شرطه
09-12-2010, 10:00 PM
ندى أنا حالا حاسه بفراغ
وعاوز أكل حاجه
ومش عارفه أعمل إيه
ماتقوليلي وصفه سهله وسريعه بس حلوه
:36_1_9:

اليمامة
09-12-2010, 10:01 PM
تسلم ايدك يا " شيفة " ندى بجد ، اسهل واطعم طبق حلو سريع فى تلات خطوات .



انتى قلت محروق ، بس سيبينى بقه احضر المحروق ده عشان انا خبرة فى النوع ده من الطبخ .

باقول ايه ما تسيبك من قاعة المناقشات وانا اسيبنى من قاعة السياسة ونتفرغ لقاعة الترالملم دى ، الحاجة الوحيدة التى يجتمع عليها الفرقاء والاعداء هيا القاعة اللذيذة دى يا ندى .

وبعدين الواحد يتعلم حاجة ياكل منها عيش موش ضرب .

كل الشكر لكرم ولذوق سيدة القلوب الندية الشيف ندى
الحمد لله انه عجبك يا أستاذ سيد
يللا بقى ورينا الحرق على أصوله بما انك متخصص فى هذا النوع من السكر المحروق :d
ربنا يخليك يا أستاذ سيد ودايما وجودك بيسعدنا..وشرف لينا طبعا..
والحمد لله ان فيه حاجة بتجمعنا حتى لو كانت الأكل ولسه فيه ناس قلوبها جميلة بتعيش الفرحة وبتحاول تسعد اللى حواليها
تقبل احترامى وتقديرى الدائم
:f2:

اليمامة
09-12-2010, 10:56 PM
ندى أنا حالا حاسه بفراغ
وعاوز أكل حاجه
ومش عارفه أعمل إيه
ماتقوليلي وصفه سهله وسريعه بس حلوه
:36_1_9:


وصفة سهلة وسريعة بس حلوة..
طب خدى دى..جميلة أوى يا إيمى
هاتجيبى صدور الفراخ..ياترى عندك دلوقتى؟
طيب..هاتجيبيها وتكون متقطعة كل صدر قطعتين مثلا..
هاتبليه فى تتبيلة عبارة عن شوية توم مهروسين على بصله شرحه وتكون مفرومة ناعمة اوى وفلفل اسود وشوية كمون والملح وشوية زيت ولو عايزة بابريكا ماشى..وتسيبيهم موش اقل من ساعة
فى طاسة هاتخدى الصدور دى فى تتبيلتها على النار فى حتة زبدة مع وهتاخديها تسويها على الناحيتين تتحمر وتشرب التتبيلة..تبقى تقريبا شبه مشوية..هاتجهزى العيش بتاعك ياريت يكون اللبنانى الرقيق الأبيض او المكسيكى..ياستى خليها بلدى مفيش مشكلة..هاتجيبى مايونيز لو بتحبيه حوالى 4 معالق تقلبيهم مع شوي عصير ليمون حوالى معلقتين وتبطنى السندويتس وبعدين تحطى شرايح خس وطماطم وبصل محمر او مشوى او اخضر عادى وتحطى قطعة الفرخة وتبرمى السندويتش وتقدميه مع مخلل مثلا..جميل اوى حقيقى يا إيمان
لو عنك لحم مفروم عصجيه عادى واعمليه سندويتشات مع جبن فلمنك مثلا..

يارب الحاجات دى تعجبك..طعمها حلو وى..
:f2:

د. أمل
09-12-2010, 11:03 PM
الحمصية والفولية والفستقية علشان خاطر دكتورة داو :f:

المقادير:

3 كوب سمسم أو فول مقشر و غير مملح أو حمص
½ 1 كوب سكر
3/1 كوب ماء
¼ ملعقة كبيرة ماء ورد
1 ملعقة كبيرة عصير ليمون

الفستقية

المقادير:

½ 2 كوب فستق مقشر ومحمص
½ 1 كوب سكر
½ كوب ماء
1 ملعقة كبيرة عصير ليمون
قليل من الحبهان المطحون أو ماء الورد

الطريقة:

1- يوضع الماء والسكر في وعاء على النار ويضاف إليه ماء الورد وعصير الليمون
يترك المزيج على النار حتى يصبح لونه ذهبي
2- يضاف القطر أو الشربات على السمسم أوالفول أوالحمص أو الفستق بحيث أن يكون كافي للتغطية و للتماسك و يقلب
3- يفرد في صينية مدهونة زيت
4- يترك حتى يتماسك ويجمد ثم يقطع أو يكسر

http://img78.imageshack.us/img78/5104/firstonecopyfd7.jpg

http://img84.imageshack.us/img84/9359/secondonecopyeb3.jpg

http://img78.imageshack.us/img78/6314/thirdonecopyuk4.jpg

http://img186.imageshack.us/img186/7913/fourthonecopykl0.jpg

http://img404.imageshack.us/img404/6619/clicktodvd19mm5.jpg

سهلة أوى يا دكتورة..صح ؟
اعملى حسايك بقى فى المولد النبوى..وافتكرينى
يارب تعجبك..
:f2:





يا سلااااااام
تسلم إيديكى يا نــدى يا جميلة
أنا بأحب السمسمية و الفولية
هو ده الكرم المنصوراوى الإسماعيلاوى

بس يعنى أغيب عنكم يومين ألاقيكم عملتم كل ده
ما شاء الله
بالهنا و الشفا يا كتاكيت

:36_22_10:

ما لقيتش صور كتاكيت .. تنفع قطط !!

د. أمل
09-12-2010, 11:10 PM
مش عارفه على إيه برضه ؟

ياخسارة الديك :36_2_10:
























صح ناس تاكل وتنكر:36_2_56:












آه .. فكرتينى صحيح كان فى ديك
يمكن بقى علشان كده بأحبكم !!

و بعدين لازم تجيبى لى اللى أنا عايزاه سعادتك
لأنى ماسكة عليكِ إنتِ بالذات مستندات
فخلينى ساكتة أحسن


:36_2_56:

** بنت مصرية **
09-12-2010, 11:24 PM
و بعدين لازم تجيبى لى اللى أنا عايزاه سعادتك
لأنى ماسكة عليكِ إنتِ بالذات مستندات
فخلينى ساكتة أحسن


:36_2_56:







]ده إسمه تهديد بقى ده ولا إيه :36_2_17:




لااااااااااااااااااااااااااااااااااااااااااااا


انا مبتهددش

ومحدش يقدر يهددنى


ولامومنكن ابدا أتهدد وبعلى صوتى أهو :36_19_4:





















مستندات :36_19_4:


لا طبعا حضرتك نعملك إلى بدك إياه طبعا
وتأمرى بيه كمان

انا معرفش اساسا مين الى جاب الديك :36_2_49:

أخت ضابط شرطه
10-12-2010, 12:32 AM
وصفة سهلة وسريعة بس حلوة..
طب خدى دى..جميلة أوى يا إيمى
هاتجيبى صدور الفراخ..ياترى عندك دلوقتى؟
طيب..هاتجيبيها وتكون متقطعة كل صدر قطعتين مثلا..
هاتبليه فى تتبيلة عبارة عن شوية توم مهروسين على بصله شرحه وتكون مفرومة ناعمة اوى وفلفل اسود وشوية كمون والملح وشوية زيت ولو عايزة بابريكا ماشى..وتسيبيهم موش اقل من ساعة
فى طاسة هاتخدى الصدور دى فى تتبيلتها على النار فى حتة زبدة مع وهتاخديها تسويها على الناحيتين تتحمر وتشرب التتبيلة..تبقى تقريبا شبه مشوية..هاتجهزى العيش بتاعك ياريت يكون اللبنانى الرقيق الأبيض او المكسيكى..ياستى خليها بلدى مفيش مشكلة..هاتجيبى مايونيز لو بتحبيه حوالى 4 معالق تقلبيهم مع شوي عصير ليمون حوالى معلقتين وتبطنى السندويتس وبعدين تحطى شرايح خس وطماطم وبصل محمر او مشوى او اخضر عادى وتحطى قطعة الفرخة وتبرمى السندويتش وتقدميه مع مخلل مثلا..جميل اوى حقيقى يا إيمان
لو عنك لحم مفروم عصجيه عادى واعمليه سندويتشات مع جبن فلمنك مثلا..

يارب الحاجات دى تعجبك..طعمها حلو وى..
:f2:

فكره بجد حلوه أوى يا ندى
تسلمى عليها
بس أنا كنت متعشيه وحاسه بفراغ برضه وعايزه أكل حاجه كمان
:36_1_71:
بس تعرفي عملت إيه؟؟؟
عملت بان كيك بالعسل
وطريقته زى ما بعمله
يجى 5ملاعق دقيق على معلقه سكر
على حته زبده صغيره على بيضه على قولى كوب لبن صغير
الصراحه المقادير تقريبيه لأن انا مش بحسبها كله فوق بعضه واضرب
ويكون الخليط سايل مش سايل أوى يعنى
وادهن المقلي التيفال بزبده
واصب جزء من الخليط في المقلي ويكون طبقه رقيقه
لحد ما ياخد اللون الدهبي من الجهتين
وانزله على طبق وادهن الطبقه بعسل واطويه مرتين
:16_7_210:
ويكون شكله زى المثلث تقريبا
علشان العسل مايقعش منه
بس بجد حلو أوى
وبالهنا والشفا
http://www.gogo-food.com/Uploads/Menus/TODO725tod%D8%A8%D8%A7%D9%86%20%D9%83%D9%8A%D9%83% 20%D8%A8%D8%A7%D9%84%D8%B9%D8%B3%D9%84%20%D8%A3%D9 %88%20%D8%A8%D8%A7%D9%84%D9%83%D8%B1%D9%8A%D9%85%D 8%A9.gif

بس لونه بيكون دهبي عن ده

المقدار بتاعى دا بيعمل حوالى 4 بان كيك
واكلت والفراغ اتملى وكله تمااااااااااااام
اروح انام بقا
تصبحوا على خير
:36_22_20:

مصراويةجدا
10-12-2010, 12:59 AM
صباح الفننننننننننننننن

zizoYAzizo
10-12-2010, 01:39 AM
هههههههههههههه
هههههههههههههههههه:d
كدا برضو يا زيزو..ماشى ..مفيش مشكلة..
يابنى أنا لما قلت تحط شوكولاتة..يعنى تزين الطبق موش تحط شوكولاتة جواه وتسيح..
طبيعى طبعا كدا يكون مصيره مكا ذكرت هذا غير لونه :d
لإما تسيب الرز بلبن يجمد وبعدين تكون الشوكولته دافية بعدما سيحتها فى شوية لبن دافيين صغيرين على النار وتصب طبقة فوق الرز بلبن بحيث مايخطلتش معاه..
بص..بلاها شوكولاته خالص..دا حتى رز بلبن :d
عيب كدا اوى يعنى..:d

والله ياندى انا عارف ان العيب مش فى وصفتك صدقينى يعنى انا عارف انه غباء مطبخى منى وطبعا انتى متخيله ان الشكلاته مثلا زى الى ماما بتحطها لا دنا جبتلى اصلا 3 مورو ويارتها ساحت دى لزقت كل حاجه فى بعض الرز لزق فى اللبن فى الشكلاته وبقى كله كلاكيع ولزق فى الحله حتى المعلقه الى بقلب بيها تقريبا مكنتش عايزه تطلع يعنى وكنت هضحى بالحله وادارى اثار االجريمه بس كله ساح بالميه السخنه بقى :d
كنت بفكر فى بورى اللحام علشان افك الحله من الى جواها :d بس على فكه والله تسلم ايدك يعنى انا خلت ماما تعمل المقادير الى حضاها من غير ماتحط حاجه يعنى زياده عن الى قلتيه

أشرف المجاهد
10-12-2010, 01:53 AM
بسم الله الرحمن الرحيم

كل عام أنتم بخير
عام هجرى سعيد عليكم

وما شاء الله عليك يا ندى طريقة سهلة والصور كفاية علشان نجوووووع

تسلم ايدك وربنا يبارك لك وبالهنا والشفا

وصلى الله على سيدنا محمد وعلى آله وصحبه وسلم

http://files.mothhelah.com/img/fQl27593.gif

http://www.loly-ho.com/data/media/5/3am--hegry--new.gif



جزاك الله خيرا

ولا تنسى ذكر الله

مصراويةجدا
10-12-2010, 01:59 AM
والله ياندى انا عارف ان العيب مش فى وصفتك صدقينى يعنى انا عارف انه غباء مطبخى منى وطبعا انتى متخيله ان الشكلاته مثلا زى الى ماما بتحطها لا دنا جبتلى اصلا 3 مورو ويارتها ساحت دى لزقت كل حاجه فى بعض الرز لزق فى اللبن فى الشكلاته وبقى كله كلاكيع ولزق فى الحله حتى المعلقه الى بقلب بيها تقريبا مكنتش عايزه تطلع يعنى وكنت هضحى بالحله وادارى اثار االجريمه بس كله ساح بالميه السخنه بقى :d
كنت بفكر فى بورى اللحام علشان افك الحله من الى جواها :d بس على فكه والله تسلم ايدك يعنى انا خلت ماما تعمل المقادير الى حضاها من غير ماتحط حاجه يعنى زياده عن الى قلتيه
و ده العادي من بنك مصر :girl13:

اليمامة
10-12-2010, 08:47 AM
يا سلااااااام
تسلم إيديكى يا نــدى يا جميلة
أنا بأحب السمسمية و الفولية
هو ده الكرم المنصوراوى الإسماعيلاوى

بس يعنى أغيب عنكم يومين ألاقيكم عملتم كل ده
ما شاء الله
بالهنا و الشفا يا كتاكيت

:36_22_10:

ما لقيتش صور كتاكيت .. تنفع قطط !!




تنفع قطط طبعا..مفيش أحلى من القطط..
صباح الفل يا دكتورة داو..
يارب تكونى بخير وكل سنة وانتى لسه طيبة ودائما وابدا ان شاء الله
الحمد لله ان الفولية والسمسية بتحبيهم..
فعلا هايلين بس بيتخنوا أوى..خدى بالك بقى
وبألف هنا وشفا
:f2:

اليمامة
10-12-2010, 08:52 AM
آه .. فكرتينى صحيح كان فى ديك
يمكن بقى علشان كده بأحبكم !!

و بعدين لازم تجيبى لى اللى أنا عايزاه سعادتك
لأنى ماسكة عليكِ إنتِ بالذات مستندات
فخلينى ساكتة أحسن


:36_2_56:





]ده إسمه تهديد بقى ده ولا إيه :36_2_17:




لااااااااااااااااااااااااااااااااااااااااااااا


انا مبتهددش

ومحدش يقدر يهددنى


ولامومنكن ابدا أتهدد وبعلى صوتى أهو :36_19_4:





















مستندات :36_19_4:


لا طبعا حضرتك نعملك إلى بدك إياه طبعا
وتأمرى بيه كمان

انا معرفش اساسا مين الى جاب الديك :36_2_49:




هههههههه
الله..صباح المستندات المستخبية
تكونشى مستندات ويكى ويكى ويكى ويكى ليكس
تكونيشى انتى تبعهم يا إيمان
طيب هاتيهم لى وأعملك صينية كيكة بالبرتقال
وبعدين يا دكتورة ..انتى لسه مترددة؟
أنا عندى جورنال أصفر من اللى هو دا متخصص فى نشر الجرس :d
اتكلىعلى الله ومرريهم لى..
لإما تدخل تغسل المواعين من سكات وبدون دوشة وتعملى أنا كمان ديك
:f2:

اليمامة
10-12-2010, 08:57 AM
فكره بجد حلوه أوى يا ندى
تسلمى عليها
بس أنا كنت متعشيه وحاسه بفراغ برضه وعايزه أكل حاجه كمان
:36_1_71:
بس تعرفي عملت إيه؟؟؟
عملت بان كيك بالعسل
وطريقته زى ما بعمله
يجى 5ملاعق دقيق على معلقه سكر
على حته زبده صغيره على بيضه على قولى كوب لبن صغير
الصراحه المقادير تقريبيه لأن انا مش بحسبها كله فوق بعضه واضرب
ويكون الخليط سايل مش سايل أوى يعنى
وادهن المقلي التيفال بزبده
واصب جزء من الخليط في المقلي ويكون طبقه رقيقه
لحد ما ياخد اللون الدهبي من الجهتين
وانزله على طبق وادهن الطبقه بعسل واطويه مرتين
:16_7_210:
ويكون شكله زى المثلث تقريبا
علشان العسل مايقعش منه
بس بجد حلو أوى
وبالهنا والشفا
http://www.gogo-food.com/Uploads/Menus/TODO725tod%D8%A8%D8%A7%D9%86%20%D9%83%D9%8A%D9%83% 20%D8%A8%D8%A7%D9%84%D8%B9%D8%B3%D9%84%20%D8%A3%D9 %88%20%D8%A8%D8%A7%D9%84%D9%83%D8%B1%D9%8A%D9%85%D 8%A9.gif

بس لونه بيكون دهبي عن ده

المقدار بتاعى دا بيعمل حوالى 4 بان كيك
واكلت والفراغ اتملى وكله تمااااااااااااام
اروح انام بقا
تصبحوا على خير
:36_22_20:


الله..
حلو البانكيك يا إيمان
برافو عليكى يا قمر..تسلم إيدك..
ممكن طبعا تحشية لحم مفروم أو سبانخ بالجبنة وتاخديه مع العصير الطماطم فى الفرن ويبقى كانيلونى..
وممكن تعملى فيه مكان العسل حشوات تانية كتير مختلفة زى مثلا الكاسترد..والفواكه وكدا..
هى دى البت الشاطرة إيمان أم دم خفيف اللى من المنصورة..
ابقى ادهنى الطاسة بمنديل فيه زبدة ..مسح يعنى كدا..أفضل..
بألف هنا
:f2:

اليمامة
10-12-2010, 09:10 AM
صباح الفننننننننننننننن

كنت فين يا ست هانم..من لية ليلة ليلة ليلة امبارح..
كل دا برا البيت..!!
ماشى يا سارة ..تسيبينى لوحدى اطبخ وامسح واقدم
طيب ماشى مسامحاكى بس خدى المرة المرة الجاية لا يونكن أبدا..
كل سنة وانتى طيبة وعفريتة وشقية ومطلعة عنينا فى المنتدى دا ولما بتغيبى بنقعد نسأل نفسنا..كان فيه كائن بردقوشى ..اسموزى..كروى..بيتنطط..مطاطى..ملون..مابيبطلش ضحك ..وجرى ولعب وحب..ياترى راح فين ؟
ونروح نسأل هنا وهناك..ونشغل المايكات..وننادى..يا ولاد الحلال..حدش شاف البت سارة..دى بت لطيفة وخفيفة..شيك ومابتحبش أمريكا..ودمها ولا أحلى مزيكا..

يللا بقى قبل ما تاكلى شمرى وروحى أغسلى المواعين ..دا أنا هاوريكى..فاكرة اللى عملتيه فيا فى القهوة..دا أنا ..ماشى..اما وريتك..ههههههههههه

صباح الفل..ودى علشانك..بتفكرنى بيكى..البت فيروز..بمناسبة الفن وصباحه..الفن العبقرى الجميل..


http://www.youtube.com/watch?v=JbI5p1IHmwE&feature=related

اليمامة
10-12-2010, 09:16 AM
والله ياندى انا عارف ان العيب مش فى وصفتك صدقينى يعنى انا عارف انه غباء مطبخى منى وطبعا انتى متخيله ان الشكلاته مثلا زى الى ماما بتحطها لا دنا جبتلى اصلا 3 مورو ويارتها ساحت دى لزقت كل حاجه فى بعض الرز لزق فى اللبن فى الشكلاته وبقى كله كلاكيع ولزق فى الحله حتى المعلقه الى بقلب بيها تقريبا مكنتش عايزه تطلع يعنى وكنت هضحى بالحله وادارى اثار االجريمه بس كله ساح بالميه السخنه بقى :d
كنت بفكر فى بورى اللحام علشان افك الحله من الى جواها :d بس على فكه والله تسلم ايدك يعنى انا خلت ماما تعمل المقادير الى حضاها من غير ماتحط حاجه يعنى زياده عن الى قلتيه

هههههههههههه:d
ومورو كمان يا مفترى !!!
مين يقدر على مورو !!
يا خسارتك يا مورو فى المجارى..
يللا معلش..تعيش وتاخد غيرها..
اى شيكولاته لازم تسيحها الاول فى شوية لبن وسنة زبدة فى حمام مية..

تعالى بقى..اضحك هنا..استكمال لصباح الفن بتاع سارة..يمكن اسماعيل يا سين وياسمين بنسوك الجريمة التى لن ينساها لك التاريخ يا زيزو..
مورو..!!
مورو يا زيزو !!!
:d


http://www.youtube.com/watch?v=BRTuZBsK_io&NR=1

اليمامة
10-12-2010, 09:19 AM
و ده العادي من بنك مصر :girl13:

هههههههههه :d
اديله..اديله..
مورو يا زيزو !!!!!!

اليمامة
10-12-2010, 09:43 AM
بسم الله الرحمن الرحيم

كل عام أنتم بخير
عام هجرى سعيد عليكم

وما شاء الله عليك يا ندى طريقة سهلة والصور كفاية علشان نجوووووع

تسلم ايدك وربنا يبارك لك وبالهنا والشفا

وصلى الله على سيدنا محمد وعلى آله وصحبه وسلم

http://files.mothhelah.com/img/fQl27593.gif

http://www.loly-ho.com/data/media/5/3am--hegry--new.gif



جزاك الله خيرا

ولا تنسى ذكر الله



عليه أفضل الصلاة والسلام
ازيك يا أستاذ أشرف..
سعيدة جدا بوجودك معانا فى المناسبة الحنونة دى..وسعيدة بوجودك أكتر فى المطبخ..والحمد لله ان الأكل عجبك وحقق المرجو منه وأشعركم بالجوع :d
وبألف هنا وشفا
يارب تكون بخير فى عملك وفى حياتك..ربنا يوفقك ويصلحلك الأحوال..
وطبعا ماينفعش تنورنى من غير ما أستقبلك الإستقبال اللى يليق بيك..وبما ان الموضوع عن التراث الأكلى العربى الشعبى الثقافى..هههههه..وهاقدملك حاجة من التراث العربى السعودى..اسمها العصيدة وكانت جدتى الله يرحمها بتعملهلنا ..تقيلة شوية..بس عربية جدا ولذيذة..

المقادير :-

2/1 4لتر ميه- 6 كوبايات دقيق -10كوباية سكر - كوباية سمن عربى اللى هو البلدى يعنى - حبهان مطحون- زعفران لو موجود

الطريقة التحضير :

نحمر الدقيق وينخل لتصفيته من الكلاكيع ثم نذوبه في 3 لتر من الماء ثم نحمر السكر في الحلة ونصب فوقه باقي الماء وعند ذوبانه نضيف الزعفران ثم الدقيق بعد تحريكه جيدا ثم نستمر في التحريك حتى النضج تقريبا نصف ساعة ثم نضيف السمن والحبهان ويحرك مدة 10 دقائق ويقدم

ملحوظة : جدتى كانت بتستخدم عسل أسود مكان السكر المحروق..

http://download.islamtoday.net/download.php?img=583

:f2:

اليمامة
10-12-2010, 10:01 AM
ندى

حسبي الله ونعم الوكيل ..

بقى انا قاعد في الشغل .. وبصبّر نفسى على الجوع ومستنى اروح اكل مع العيال
والاقى دعوتك البريئة :36_1_41: للموضوع .. وبكل تلقائية ادوس على الرابط
وادخل وانا متخيل انه موضوع تهنئة بالعام الجديد .. و بس:36_6_8:

ادخل الاقى كووووووووووووووووووووووووول دة

وطبعا انتى عارفة اخوكى .. معرفتش اسيب الموضوع الا لما عديت على كل ركن
نفس نفس .. وفتفوتة فتفوته .. ومعلقة معلقة
يعنى كل الاكل بوصفاته بصوره بروايحه بسلطاته ببابا غنوجة
ولقيت نفسي يا ولداه .. محاصر بالصور المجسمة .. ومن جميع الجهات :notme:
لا وكمان وصفات منتقاه من اخونا المطبخيين الإراررين بالمنتدى :36_2_9:
يلا حصل خير ان شاء الله:3_12_29:

بالنسبة للعاشورا بقى .. فطريقتها زي ما كانت امى - رحمة الله عليها - بتعملها
ومن بعدها المدام طبعا .. بس الجديد حكاية اضافة جزء من القمح المستوى معصور
عجبتني الصراحة قوى .. واكيد حجربها

الارز باللبن تمام تمام تمام
وكمان فيه المهلبية بحطلها طبقة كراميل او طوفي بالقالب واضيف عليها المهلبية سخنة
واقلبها تبقى زى الكريم كراميل .. بس مهلبية كراميل :2:

البسبوسة ..
جربي تحطى مع الخليط قبل السوا .. معلقتين كبار عسل ابيض او عسل جلكوز تخين
بيخليها تمط بعد السوا وتبقى زى بتاعة اخوانا الحلوانية

الكبدة الاسكندراني
انا بحط في التتبيلة ليمون بدل الخل وبسويها في اللية بدل الزيت
وطبعا لابد من فلفل اخضر حامى وشطة

اما بقى الكفتة .. والكباب .. والحمام .. والفراخ المحشية
لالالالالالال حرااااااااااااااااااااااااام كدة والله
انا تعبت

انا قايم مروّح


كل عام والجميع بخير وفي أحسن حال
ودايماً كدة متجمعين على الخير يارب :f:

خالص تحياتي،،،:f2:

أهلاأهلا بالشاعر الهمام..الشاعر الرومانسى المطبخى..
ازيك يا حسن..منور الدنيا
بس مسألة الصدمة اللى حصلتلك دى محسسانى بتأنيب الضمير
وطبعا دا مايرضنيش خالص الموقف دا..وخاصة بعد كم النصايح العبقرية اللى انت قولتهالنا
لازم أحتفل بيك على طريقتى
طيب اعملك ايه..اعملك ايه..اعملك ايه..
ايه رأيك فى شوية جمبرى يضيعوا التوتر اللى جرالك من الموضوع دا :d
يللا..
المقادير


2 ملاعق زيت زيتون
كوب بصل مفروم
3 فصوص ثوم مهروس
2 ملاعق صغيرة كمون
ملعقة اوريجانو
كوب ماء
2 ملاعق خل
فلفل حار حسب الرغبة
3 ملاعق كاتشب
كيلو جمبري
ملح وفلفل اسود وبابريكا........حسب الرغبة.

الطريقة

في حلة نضع الزيت ....البصل حتى يذبل.......الثوم نشوحه شوية ....نضيف كل المواد ماعدا الجمبري والماء ...نترك الكل يتجانس مع بعض ونضيف الجمبري نتركه يتشرب التوابل ثم نضيف الماء .....نتركه على النار الى يستوي ويتشرب المرق ...

قدمه مع ارز ابيض .....

http://www.mbt3th.us/vb/imgcache/37708.imgcache

مسقعة بالجمبري والكالماري

http://www.alfrasha.com/up/388396473847559648.jpg

المكونات

باذنجان رومي
بطاطس
بصل مفروم ناعم
ثوم مفروم ناعم
زيت زيتون
ملح و فلفل أسود
جمبري
أعشاب عطرية ( ريحان – بصل أخضر عيدان أو روزماري)
كالماري
جبن موتزاريلا
دقيق بقسماط
زيت للتحمير

الطريقـة

- يُقطع الباذنجان والبطاطس إلي مكعبات ويتم تحميرهم في الزيت نصف سواء .
- يُوضع قليل من زيت الزيتون في وعاء ويرفع على النار ثم يضاف البصل والثوم ويقلب على النار حتى يحمر لونهما ويتبل بالملح والفلفل.
- يضاف الجمبري في منتصف الوعاء ويقلب حتى يبدأ لونه في الاحمرار.
- تضاف الأعشاب العطرية.
- يقطع الكالمارى إلى قطع في حجم الجمبري ويضاف مع الجمبري ويقلب على النار حتى تتكون الصلصة.
- يُضاف الباذنجان والبطاطس ويقلب.
- يُضاف عصير الطماطم وزيت الزيتون ويُقلب على النار.
- يوضع في طاجن مع الصلصة ثم ترص الطماطم على الوجه.
- توضع الجبنه الموتزاريلا على الوجه.
- يرش قليل من دقيق البقسماط وزيت الزيتون.
- تُوضع في فرن درجة حرارته متوسطه.

* ملحوظة: يمكن التوقف عند أي مرحله وتقديمه وذلك بعد نضج الجمبري والكالمارى.

كفتة الجمبرى بالبطاطس

http://photos.azyya.com/store/up3/090220220555bUl1.jpg

المقادير:



- 1 كيلو جمبرى
- 2 حبة بطاطا مسلوقه
- شبت مفروم
- بقدونس مفروم
- كزبره خضراء مفرومه
- ملح ، فلفل، كمون ، كارى، القليل من الشطه
- القليل من البقسماط
- 4 فصوص ثوم مهروس
- للتغطية :
- دقيق
- بيض مخفوق قليلاً
- بقسماط



الطريقة:



- اهرسي البطاطا و تبليها بالملح و البهارات , اضيفي الشبت البقدونس و الكزبره الخضراء و قلبي .
- اقسمي الجمبري إلى قسمين , اخلطي قسم مع مزيج البطاطا و دعي القسم الأخر جانباً .
- افرمي خليط البطاطا فى ماكينة فرم اللحم حتى ينعم تماماً ثم أبعديه عن الماكينة و افرمي الجمبري الذي وضعته جانباً مره واحده فقط ( يجب أن يبقي قطع و ليس ناعم تماماً ) .
- اخلطي المزيجان السابقان و قلبي , اضيفي الثوم و القليل من البقسماط .
- شكلي الكفته بشكل اقراص و اغمسيها فى الدقيق ثم في البيض و أخيراً في البقسماط و اقليها فى زيت غزير ثم قدميها فوراً وبالهناء

كدا بقى أنا عوضتك يا حسن
كل سنة انت والأسرة الكريمة بأحسن حال وعام هجرى جديد عليكوا ان شاء الله سعيد..

اليمامة
10-12-2010, 10:12 AM
بجد يسلم ايدك يا ندى ,:36_11_15:,, مجهود هايل ...
وكل سنة وانتى طيبة ...:f2:

ازيك يا وسام..كل سنة وانتى طيبة..
مبسوطة أوى بوجودك الجميل..يارب سنة سعيدة عليكى وعلى اسرتك الجميلة..
ايه رأيك..سكلك كدا يا وسام بتحبى الأصناف الرقيقة اللى زيك..يعنى ممكن أقول مثلا..مثلا..الروانى..
عارفاه..تعالى اعملهولك ..يارب يعجبك..

المقاديــــــــــر


5 بيضات
3/4 كوب دقيق أبيض
3/4 كوب دقيق سيمولينا
3/4 كوب سكر
1/2 ملعقة صغيرة فانيليا

الطريقة


في وعاء نضيف وجاف اخلطي البيض مع السكر والفانيليا واضربيهم بالمضرب أو العجان اللي عندك
على السرعة الهادية
لحد مايكون معاكي كريمة
بعد كده اخلطي الدقيق مع السيمولينا مع البيض اضربيهم مع بعض بالراحة بملعقة خشبية
لفتين تلاتة لحد مايلف كله مع بعضه
أو اديله لفة في العجانة على السرعة الهادية لحد مايدوب
بس ماتقلبيهوش كتير
بعد كده هاتي الصينية اللي هتصبي فيها الخليط
ادهنيها زبدة
ودقيق سيمولينا
مش دقيق أبيض
بقول كمان مرة سيمولينا
بعد كده صبي الخليط في الصينية
سيبيها في الفرن لمدة 25 دقيقة
على ماتستوي في الفرن نجهز احنا الشربات والذواق


الشربات


2 كوب سكر
2 كوب ماء
دوبي السكر في الميه
حطيه على النار

سيبيه يغلي بعد كده ضيفي له عصير نصف ليمونة
ورشة فانيليا
سيبيه يغلي شوية
بعد كده اطفي عليه
وخللى بالك الشربات بيتحط سخن على الرواني وهي سخنة


جهزي الشربات وجوز الهند ومربى المشمش للذواق

بعد كده لما الرواني استوت طلعتها من الفرن

بعد كده سقيتها بالشربات السخن

بعد كده رشى جوز الهند


http://www.asir1.com/as/uploaded/14052_01221775483.jpg

http://img341.imageshack.us/img341/5083/coconut20cake190507aby0.jpg

اليمامة
10-12-2010, 10:24 AM
عزومة جميلة قوي يا ندى فعلاً تسلم إيدك :f:


طريقة طبق العاشورا سهل قوي وأنا بحب الطبق ده
ودي أحسن فرصة إني أتعلم طريقته .. وتبقى مفاجأة للبيت إني أعمل العاشورا بنفسي لأول مرة


يارب دايماً متجمعين في الخير
في حفظ الله
:f2:
أهلا أهلا بسماح الجميلة
كل سنة وانتى طيبة يا سموحة..ومنورانى بوجودك اللى بيضفى سكينة عليا وراحة..دا حقيقى..انتى عارفة
كل سنة وانتى طيبة وعام هجرى جديد سعيد عليكى انتى وأسرتك الجميلة يارب ..وربنا يحقق أمنياتك ان شاء الله وأشوفك دايما بخير..
الحمد لله ان العاشورا عجبتك..يللا جربيها يا قمر ..سهلة أوى وحلو لذيذ اوى وبسيط..

بصى بقى يا سماح..أنا هاعمل معاكى خطوة جريئة..عارفة ايه هى..ههههههههههه
ملوخيااااا وأرانب..

الملوخية من الأكلات الشعبية العربية المفضلة واللذيذة وتطبخ مع الدجاج أو اللحم أو الارانب وتقدم مع الأرز. تعتبر هذه الأكلة من أفخر أطباق الملوخية بالارانب وخاصة لمحبي الأرانب.

المقادير :
- ربطة كبيرة ملوخية
- 1\2 رأس ثوم
- 2 ملعقة كبيرة كسبره جافه مطحونة
- ملح
- 2 ملعقة سمن
- 4 كوب تقريبا من مرق الأرانب أو دجاج ولكنها مفضلة دائما مع الأرانب لأنه غير دسم
- كمية الأرانب حسب عدد أفراد الأسرة

طريقة التحضير:
- يدعك الأرنب بالملح والدقيق ويترك مدة ساعة تقريبا ثم يغسل جيدا ويقطع الى عدة أجزاء.
- يسلق الأرنب معاة بصلة وملح وفلفل اسود لتحضير الملوخية.
- نقطف ورق الملوخية بدون العنق وتغسل جيدأ عدة مرات ثم توضع بمصفاة ونتركها لتصفية الماء.
- عندما تجف الملوخية نخرطها بالمخرطة وهي أفضل الطرق وأفضل من أى أداة حديثه وممكن نخرط معاها قرن فلفل اخضر. نستمر في التخريط وسنلاحظ أن حجمها سينكمش الى أن تصبح ناعمة. نقلبها ونضعها في طبق إستعداداً لطهيها.
- نحضر الثوم والكسبرة الناشفة قبل طهى الملوخية ونفرمهم مع بعض ونضع عليهم قليل جدا من الملح ونتركهم لحين الإستعمال.
- نغلي مرق الأرنب ثم نضع الملوخية ونقلبها بسرعة. ونرفعها بالمغرفة لأعلي عدة مرات وعملية التقليب ورفع المغرفة مهمة لضبط قوام الملوخية حسب الرغبة.
- إذا كانت الملوخيه لها عرق فنعتبرها مظبوطة القوام و إذا لا حظنا أنها ثقيلة جدا يمكن تخفيفها ببعض المرق الساخن. نترك الملوخية تغلي غلوتين فقط .

التقلية :
- نحمر خليط الثوم بالكسبرة في كمية سمن الى أن يحمر لونها ثم نضعها فوق الملوخية
- نغطي القدر بسرعة لمدة دقيقة فقط ثم نرفع الغطاء ونقلب الملوخية ونغطي القدر نص نص
- نضع ملعقتان من السمن في مقلاة وعندما تسخن نضع معها (حبهان ) و مستكة ثم نحمر الأرنب ولا نتركه كثيرا لأنه بدون جلد وييبس من كثرة التحمير الا إذا كانت هذه رغبة الذى سيتناوله.
- تقدم الملوخية مع الأرز المطبوخ بالطريقة العادية

ملاحظة: الملوخية المجمدة تطهى بوضع الملوخية في مقدار 3 اكوب أو أقل شوية من مرق الارنب المغلي -نضع الملوخية ونتركها تذوب في المرق الساخن على نار هادئة جدا ونقلبها من ووقت لأخر الى أن تسخن بشرط ألا تغلي ثم نضع عليها التقلية كما في السابق

http://2.bp.blogspot.com/_XDoiO-2seK0/SwD4le2GbfI/AAAAAAAAEz8/7hjm40ntUDE/s1600/%D9%85%D9%84%D9%88%D8%AE%D9%8A%D8%A9+%D8%A8%D8%A7% D9%84%D8%A7%D8%B1%D8%A7%D9%86%D8%A8.jpg


:f2:

اليمامة
10-12-2010, 10:28 AM
حتى دول عملتيهم

هو فعلا استر يارب

أحسن الموضوع ده شكله هيفرقع من كتر الاكلات الى فيه

عملالنا المين كورس وكمان الديزيرت

انا فى حلم ياربى ولا إيه:36_2_56:


بجد بجد





















وكمان بجد ياعنى


انا بموت فى الكنافه الى بالجبنه دى

ولازمن ولابد اعملها

وكمان الفطير لان شكله بيشهى جدااااااااااااااا

والفراخ المحشيه ياسلام سلم


فاضل حاجه واحده بقى

شوية محاشى كده وتبقى ليله ياعمده:36_2_6:



ندوش ممكن اقولك حاجه


















انت سووووووووووووووووووكر مسكررررررررررررررررررررر









وخدى دول منى عشان ده اكتر نوع محشى بحبه

ورق العنب بس إياك حد يقرب منه



http://imagecache.te3p.com/imgcache/f4efeae6807106989fd9e0a0ec8a2034.jpg






http://afdal.net/blog/wp-content/uploads/2010/08/Best-way-to-do-Mahashi7.jpg


وحطى دى قدامك وانت بتاكلى

:36_3_12:





الله الله الله
يخرب عقلك يا إيمان..
بحبه أوى ورق العنب..يعنى لازم تفكرينى وكمان لسه عاملة ملوخية وارانب..والحاجات دى بحبها معاه..
ماشى يا إيمان ماشى..
سعيدة بوجودك يا إيمان وسنة سعيدة عليكى يا قمر تحققى فيها ان شاء الله امنياتك..
وكمان ميرسى على السكر اللى حدفتيه عليا دا لدرجة انى بقيت ملزقة..هههههه
ربنا يخليكى يا حبيبة قلبى..دا بعض مما عندكم
:f2:

اليمامة
10-12-2010, 10:32 AM
يا زيزوووووووووووووووووووو

يا زيزوووووووووووووووووو

يا زيزوووووووووووووووووو

الفطير سخن اهه بسرعه قبل ما يبرد


كل سنة وانتم جميعا بخير

مدو ايدكم يا جماعة

بركة الصلاة على النبى عليه الصلاة والسلام



http://upload.7ozn.com/files3/12917650221.jpg

http://upload.7ozn.com/files3/12917650222.jpg

http://upload.7ozn.com/files3/12917650223.jpg

http://upload.7ozn.com/files3/12917650224.jpg

http://upload.7ozn.com/files3/12917650225.jpg

http://upload.7ozn.com/files3/12917650226.jpg

http://upload.7ozn.com/files3/12917650227.jpg

http://upload.7ozn.com/files3/12917650228.jpg

http://upload.7ozn.com/files3/12917650239.jpg

http://upload.7ozn.com/files3/129176502310.jpg

http://upload.7ozn.com/files3/12917653011.jpg

مولاى صلى وسلم دائما ابدا على حبيبك خير الخلق كلهم

اللهم صلى وسلم وبارك على سيدنا محمد وعلى ىله وصحبه وسلم


http://www.youtube.com/watch?v=me4Lu4MLwV4

ماشاء الله لا قوة إلا بالله
جميل اوى اوى يا أستاذ نادر
والخطوات المصورة..
بجد تسلم ايدك وعنيك..
بصوا يا جماعة أنا شكلى كدا هاعتزل المطبخ واسيبه للأستاذ نادر لأنه بيعمل حقيقى أروع..
الفطير شكله يجنن ومؤكد طعمه تحفه..
يا بختك يا زيزو..واضح انك دوقته..
طمنا ايه الأخبار؟
طعمه شوكولاته برضو ؟
:d

أم أحمد
10-12-2010, 06:23 PM
كل سنة وانتي طيبة يا يمامة
وكل سنة وكل ابناء مصر بخير
انا بحب العاشورا جدااا
بس عمري ما فكرت اعملها هههههه
وبقالي كتير اوي مش اكلتها
فلو سمحتي عاوزة طبق كبير كده بالدي اتش ال
تسلم ايدك بصراحة الموضوع هنا يفتح النفس علي الاكل اوي

مصراويةجدا
10-12-2010, 06:58 PM
انا جعت فعلااااااااااااا
بس نفسي في حاجة بقى
انا نفسي اعرف طريقة البيتزا و ازاي بتكون طرية لأني بعملها بتطلع ناشفة شوية
و انا فاكرة اني وانا صغيرة كان ليه واحدة صاحبتي مامتها ايطالية و كانت بتعملها طرية جدا و تحفة
بس انا كنت صغيرة فطبعا مجاش في بالي اسألها بتعملها ازاي
فممكن تساعدوووووووووني

سوما
11-12-2010, 03:11 PM
ازيك يا وسام..كل سنة وانتى طيبة..
مبسوطة أوى بوجودك الجميل..يارب سنة سعيدة عليكى وعلى اسرتك الجميلة..
ايه رأيك..سكلك كدا يا وسام بتحبى الأصناف الرقيقة اللى زيك..يعنى ممكن أقول مثلا..مثلا..الروانى..
عارفاه..تعالى اعملهولك ..يارب يعجبك..

http://img341.imageshack.us/img341/5083/coconut20cake190507aby0.jpg
وانتى طيبة ويارب سنة كلها خير وبركة عليكى يا قمر .. :f2:
جميلة اوى يا ندى ,,, واكيد طعمها أجمل ,,,:2:
هحاول أعمله باذن الله ف أقرب أجازة ,,, تسلم ايديك ..:11_6_204:

سماح عطية
11-12-2010, 03:56 PM
أهلا أهلا بسماح الجميلة
كل سنة وانتى طيبة يا سموحة..ومنورانى بوجودك اللى بيضفى سكينة عليا وراحة..دا حقيقى..انتى عارفة
كل سنة وانتى طيبة وعام هجرى جديد سعيد عليكى انتى وأسرتك الجميلة يارب ..وربنا يحقق أمنياتك ان شاء الله وأشوفك دايما بخير..
الحمد لله ان العاشورا عجبتك..يللا جربيها يا قمر ..سهلة أوى وحلو لذيذ اوى وبسيط..

بصى بقى يا سماح..أنا هاعمل معاكى خطوة جريئة..عارفة ايه هى..ههههههههههه
ملوخيااااا وأرانب..




http://2.bp.blogspot.com/_XDoiO-2seK0/SwD4le2GbfI/AAAAAAAAEz8/7hjm40ntUDE/s1600/%D9%85%D9%84%D9%88%D8%AE%D9%8A%D8%A9+%D8%A8%D8%A7% D9%84%D8%A7%D8%B1%D8%A7%D9%86%D8%A8.jpg




:f2:





هي فعلاً أكلة جريئة يا ندى ، لأن للأسف مش بحب الملوخية أبداً أبداً ..
بس الأحلى إني بحب الأرانب والرز فأنا هأكلهم وبس وبلاش ملوخية
فسامحيني بقى في أكل الملوخية
شكرا يا ندى ، كل سنة وانت طيبة
:f2:

د. أمل
11-12-2010, 04:45 PM
انا جعت فعلااااااااااااا
بس نفسي في حاجة بقى
انا نفسي اعرف طريقة البيتزا و ازاي بتكون طرية لأني بعملها بتطلع ناشفة شوية
و انا فاكرة اني وانا صغيرة كان ليه واحدة صاحبتي مامتها ايطالية و كانت بتعملها طرية جدا و تحفة
بس انا كنت صغيرة فطبعا مجاش في بالي اسألها بتعملها ازاي
فممكن تساعدوووووووووني


بصى يا سارة .. أنا حأقول لك على أحلى طريقة بيتزا .. من الإيطالى بتاع بلده ..

المقادير :
----- الجزء الأول :
6 كوب دقيق
3 بيضات
ماء ليمون = نصف كوب ماء + عصير 3 ليمونات
1 كوب زيت
ملح و فلفل


----- الجزء الثاني :
الخميرة = واحد و نصف حجم عين الجمل خميرة بيرة +ملعقة دقيق + ملعقة سكر
و تترك لمدة ربع ساعة فى الفرن و هو مطفى

----- الجزء الثالث :
الصلصة = بصل + زيت + طماطم + ملح و فلفل
و نسبكها عادى

طبعًا مش لازم نعمل الكمية دى ممكن نعمل نصفها أو ثلثها ..


الطريقة :
نخلط مقادير الجزء الأول مع بعض و نضيف عليهم الخميرة و نترك العجينة لمدة ساعة .
و بعدين نفردها فى صينية مدهونة زيت بحيث يكون سُمكها نصف سم
و نفرد عليها الصلصة ..
و حطى اللى إنتِ عايزاه ..
لحمة معصجة و عليها ترانشات رقيقة من الطماطم و الفلفل الرومى و الزيتون الأسود أو الأخضر
أو بدل اللحمة المعصجة جبنة شيدر مبشورة أو هوت دوج ترانشات ..
و لو عايزة تفرحى العيال ممكن تحطى جبنة موتزاريلا فوق الصلصة و قبل الإضافات

و التكة المهمة علشان ما تنشفش : درجة حرارة الفرن تبقى عالية يعنى 450 لو كهرباء أو 7 لو غاز أو 233 حسب أرقامه
و تسيبيها فى الفرن 20 دقيقة فقط ..

و بالهنا و الشفا


خلى نــدى تحط لك صور بيتزا علشان أنا ما عنديش

د. أمل
11-12-2010, 04:52 PM
إيه الأكل الكتير اللى عملتوه ده
أنا جعت
حأقوم آكل و أبقى أشوف الأكلات على رواقة

إن شاء الله

مصراويةجدا
11-12-2010, 05:34 PM
طيب سؤال يا دكتور انا هحط الخميرة في الفرن
يعني يكون دافي ولا عادي خالص في البرد اللي احنا فيه ده ؟؟؟

مصراويةجدا
11-12-2010, 05:48 PM
و كمان سؤال
كمان سؤال
انا مش عندي خميرة بيرة
تنفع خميرة فورية ؟؟؟؟

د. أمل
12-12-2010, 12:02 AM
أيوة يا سارة ممكن خميرة فورية .. تقريبًا الكيس لكل 2 كوب دقيق ..
و الفرن ممكن يكون دافى لكن إوعى تسخنيه ..
بصى يعنى أى مكان دافى .. مش لازم الفرن ..

و ما تقلقيش من العجينة .. لأنك حتلاقيها بتنكمش منك و إنتِ بتفرديها .. لكن حتتفرد معاكى بإذن الله ..

ياللا اعمليها زى الشطورة و ورينا الصور ..

اليمامة
15-12-2010, 10:55 PM
قفشتكم..
ماذا تفعلون هنا من خلف..من خلف..
آه
من خلف ضهرى..
ما الذى يجرى فى المطبخ من ورائى
بيتزا..
يا للهول..
أنقذنى يا إلهى
How could you
HOwwwwwwwwwwwwwwww
بيتزا يا سارة !!!!!
بيتزا يا دكتور داو !!!!!
للدرجة دى...
خلاص..!!
وكمان بالمقادير والطريقة !!
ولو مفيش خميرة بيرة تنفع فورية !!!!
يااااااااااه
دى آخر حاجة كنت أتوقعها
مكنتش أتصور ان الأمور ممكن توصل للدرجة دى
بيتزا !!!!!!
حسابى معاكم بعدين :d
.
.
.
محدش عايز بيتزا منى ؟
:f2:

مصراويةجدا
15-12-2010, 11:21 PM
متفكرونيش بالبيتزا عااااااااااااااااااااااا
انا عكيت الدنيا يا دكتور
عكيت الدنيا يا ندى
انا اعتزلت المطبخ و هشتغل ميكانيكي خلاص :girl13:

اليمامة
15-12-2010, 11:39 PM
متفكرونيش بالبيتزا عااااااااااااااااااااااا
انا عكيت الدنيا يا دكتور
عكيت الدنيا يا ندى
انا اعتزلت المطبخ و هشتغل ميكانيكي خلاص :girl13:

طيب يعنى سعادتك المايك معاكى دلوقتى
يعنى حضرتك ممكن بس نسأل سؤال..
يعنى حضرتك عملتى ايه بالضبط
يعنى لو مفيهاش تقالة ممكن تحكيلنا عن العك :d
وأنا هاظبطك متخافيش..

مصراويةجدا
15-12-2010, 11:51 PM
إحم إحم
واحد اتنين تلاتة
وان تو ثري
انا مش هاقول غير جملة واحدة






























انا حطيت الخميرة بعد ما عجنت كل حااااااجة
استنتجوا نتوا بقى ههههههههههههههههههههههههههههههههههههههههه

zizoYAzizo
16-12-2010, 12:02 AM
ومالها الميكانيكا ان شاء الله
حطى مكان الخميره سيليكون واهو كله بينفش فى النار :d
انتى مش هتنفعى طول مانتى شايفه الدنيا بشقلباظ كده

a_leader
16-12-2010, 12:46 AM
انا يا ندى عايز منك طريقة عمل البيتزا

و ربنا يستر

:d

اليمامة
16-12-2010, 02:57 PM
إحم إحم
واحد اتنين تلاتة
وان تو ثري
انا مش هاقول غير جملة واحدة






























انا حطيت الخميرة بعد ما عجنت كل حااااااجة
استنتجوا نتوا بقى ههههههههههههههههههههههههههههههههههههههههه

برضو عادى جدا..المهم الخميرة تكون متفاعلة فى اللبن او المية بتاعتها
وتحطيها على المكونات وتعجنى كويس من جوا لبرا والعكس ..
وتعجنى شوية وتكوريها وتحطيها فى اناء عميق مدهون زيت مثلا وتغطيها بكيس مدهون زيت من جوا وتشيليها فى مكان دافى لغاية لما يتضاعف حجمها
وبعد كدا هاتهديها وتسيبيهاتخمر تانى وبعدين تشتغلى بيها وايدك فيها زيتهتلاقيها مريحة معاكى
وفيه نوعين من البيتزا ..على الطريقة الايطالية أم طبقة عجين رقيقة والأمريكية السميكة..
تمام..
باظت ليه موش عارفة برضو ؟
:f2:

اليمامة
16-12-2010, 02:58 PM
انا يا ندى عايز منك طريقة عمل البيتزا

و ربنا يستر

:d

أهلا بيك يا محمد
هقولهالكوا بالتفصيل الممل من عنيا
وربنا برضو يستر :d