المساعد الشخصي الرقمي

مشاهدة النسخة كاملة : sea horse على مائدة رحمن أبناء مصر..



اليمامة
24-08-2010, 04:14 PM
http://up.7cc.com/upfiles/gbo11442.gif[FONT="Arial"]

هاتقولولى يمين ..هاتقولولى شمال..
هقولكم هوا على البال
عشان إحنا فى بيته
وسايبنا براحتنا فى مطبخه
من غير أى سؤال
وكمان بيعمل حاجات
فى منتهى الجمال
ولا أجدعها طباخة فى برا الشمال
عينى على الكتف الضانى فى إيده
لما يطهيه ويبقى عال العال
تقولشى زبدة سايحة..
تقولشى فيه مواااال
إسألونى عليه أنا
أصلى باشتغل تحت إيده
مساعد شيف أد الدنيا
حاجة ولا فى الخيال
و عارفة إن الطبخ فى قلبه
والمهنة دى عنده
فى مقام حبايبه
هواية عنده..
وقصة للأجيال
........
أعزائى وأحبائى..أبناء مصر الكرام
موعدنا مع مائدة الرحمن..أهلاً بكم..
و اليوم موعد غير عادى..وضيف خبير خبير من النوع التقيل..أصله ممكن يكشفنا فى غمضة عين..هو فى المهنة دى صاحب بالين..بس موش (......) ..
آه..
علشان محدش يقول عليا بوشين..
أنا باقصد إنه صاحب مهارة وإتنين..
صابر وراضى لما الصبر عداه
وقال يا عين...
ماهو الطبخ أصله محتاج صبرين..
بجد لعيب..وبيلعب بحرفنة وموش بتهريج..أنا قلت خايفة يكشفنا لأنه بجد فى الطبخ أبو العريف..وعارف للأكل أسرار جهنمية.. ماتخطرش على باب أعتى شيف..
إنتوا جربتوه..وعرفتوه..وطريقه هنا دوبتوه..وياما سألتوه..ودوختوه..وحيرتوه...
مرة سما..ومرة جيهان..ومرة سارة ومرة إيمان..وفيشاوى وإسكندرانى والصابر أيوب..وأم أحمد.
وأيوووووووووووه
أيووووه على الطواجن المفترية..والبطة المحشية..بأمارة الوزة أم 6 كيلو ..فاكرها يا اسكندرانى؟ اللى كانت فى الثانوية..لما كانت أول خطوة ليا..
وعزيزية ومشمشية وحتى الحمصية..وكفته داود باشا العثمانية..والفتة المصرية..وكفتة الرز بالدمعة اللى عملت فى فيشاوى العملية العفركوشية..
ههههههههههههههههههههه
بعيد عن الطبيخ هو واد حريف..بيلعب بمهارة من غير تحريف..ودايماً مبتسم وذوق ولطيف..
واااااااااااد كوول يا إخواتى موش معقووول..دايماً هادى وعلى الخفيف..وبيرحب بكل الناس المهاويس..من غير ما يقول يا لطيف ..
يا لطيف يا لطيف..
تعالوا تعالوا لما أقولكوا عنه أسرار وحكايات
بيحط فى الشوربة ياختى حبهان وحاجات..جزر وبصلات ومستكات..بيخلى الشوربة متقولشى شرباتات...
وبيعرف كمان فى المغات وأسرارها المستخبيات..
وعليه تشيز كيك تخليكى تقولى ناولنى هات
هاااااااااااات..
وبيعمل فراخ بالزعتر ولا الخواجات..متقولشى طاليانى أو يونانى..تركى أو لبنانى...
ماتفهمشى هو بقى حريف كدا إزاى ونضيف..
آه نضيف..إسم الله عليه..نضيف.
بيغسل المواعين طوالى..ومابيسبشى كركبة من ورا الكواليس
شيف يا إخواتى يعنى شيف
وبيقول كمان..
[COLOR="Red"]
ياورد على فل و ياسمين الله عليك يا تمر حنة
قرب هنا ده عندنا خد وردة يابيه خدي فلة يا هانم

خدلك هدية لحبيبتك ده الورد ده زينت الجناين
و خليها تتوه في رحتك و تبقى من ضمن الزباين
قرب هنا ده عندنا خد وردة يا بيه خدي فلة يا هانم

و حياتك إنت متكسفنيش خدلك عودين ده أنا إسمي نرجس
و الله إن ماكنت تنفعني لزعأ و أقول راجل مفلس
قرب هنا ده عندنا خد وردة يابيه خدي فلة ياهانم

يا إللي عاوجلي طربوشك فوق الجبين على سنجه عشرة
ما نحطلك صحبة ياسمين في عروة الجاكتة روخرة
قرب هنا ده عندنا خد وردة يابيه خدي فلة ياهانم

أيوة كدا غنووله
أصله بيفهم أو فى النباتات
والفل والياسمين ومسك الليل
والجازانيا والمتسلقات
باشمهندش والله فى الحركات
الوردة من دول تميل عليه وتقوله آهات
وخد منى يا [SIZE="6"]سى هورس الوردة دى هدية للبشاوات

http://www.perfect-wedding-day.com/images/red-bridal-bouquet-pictures-1.jpg

يللى من غيرك نموت مالجوع
فى أبناء مصر عاملنا أحلى منقوع
تمر هندى على كركادية
بليلة وسيمون فيميه
واطلب الوصفة اللى على بالك تلاقيها أدامك
دى الوصفة هنا ببلاش وموش هانكلفك
ولا راح نكسفك
تعالى انت وهو بص
واتفرج على أحلى طش
سفرتى يا منعمى عملتهالك وأنا خايفة
زى الواد غزال أبو منبه نايحة


http://www.youtube.com/watch?v=GV_BnLMlvU4

منبه يا منعمى منبه
ههههههههههههههه
حطيتلك منبة عالمنوخية
وخايفة لا تطلع مالحة..
هههههههههه
أروح دايخة
وأموت فى جلدى
أووووف
آه يا فالحة..
وملوووووووووووووووخيااااااااااااااااااااااا


http://www.youtube.com/watch?v=QKjiyglD2cs

سماح سماح لو أطباقى طلعت سايحة
ونايحة....
بس هاتعجبك أنا عارفة
وتعالى شوف تعالى
واحكم بنفسك على الحالة
اتفضل..
تسمحلى نقعد فى الفراندة

http://www.terremaroc.com/imageFiles/hebergement/351/pho_2675_pho_photo.jpg

البلح باللبن ومضروب شوية فى الخلاط

http://www.9ll9.com/up/uploads/df18760dde.jpg

شوربة لسان العصفور بمرق اللحم

http://www.grcrkw.com/buffet/O4.jpg

البتنجان الشهى

http://site.mynet.com/purtasm/mynet_resimlerim/patl_can_kebab_.jpg

http://1.bp.blogspot.com/_iYhGnjOtNlw/SmRs4yKDeNI/AAAAAAAACOk/VRuj8Bx9Q3k/s400/bazengan.jpg

السلطة الفريش

http://2.bp.blogspot.com/_b2n1Rmm3FUo/SxWMKRLlenI/AAAAAAAABks/vGxhfDQBqKc/s320/image004-737800.jpg

الليمون المعصفر الجامد

http://www.sarkosa.com/vb/imgcache/74083.imgcache.jpg

محاشى...كرنب

http://www.al-3na.net/vb/uploaded/7_01210426317.jpg

ممبار خصوصى

http://2.bp.blogspot.com/_VV97kxm3WRI/SXF3HdxR9zI/AAAAAAAAIs8/j3WewJFXW9U/s400/2.jpg

ملوخية

http://www.m5znk.com/up3/uploads/images/m5znk-124942acd8.jpg

كوسة باللحم المفروم

http://www.filesgate.com/up81/w11/2007/07/30/_44409434.jpg

كتف ضانى فى الفرن مع البطاطس

http://www.7elm3aber.com/up/images/nqyl1d9uyxf2jyeqqnl6.jpg

رقاق باللحم المفروم

http://www.chefosama.com/adminpanel/Recipe_Images/Recipe_Image_1257676169.jpg

فراخ مشوية

http://www.lakii.com/img/all/Sep08/31oHl909240328.jpg

الحلو..
كنافة بالجبن

http://khiyam.com/article_images/1245085154_2.jpg

البيبسى

http://forums.graaam.com/up/uploaded18/492595_01248605394.jpg

بلح الشام بالفسدق المجروش

http://www.noor22o.com/vb/uploaded/69199_19995102421921964446.jpg

النسكافيه البلاك

http://4.bp.blogspot.com/_bSCNEFuSqd8/Rmrr2o7pbbI/AAAAAAAAAGo/grPfiCjS4IE/s400/Black%2520Coffee.jpg

ايه رأيك عجبتك؟
سفرتنا بسطتك؟
يارب تكون فرحتك..
وشبعتك..

http://up.7cc.com/upfiles/50J01273.gif

اليمامة
24-08-2010, 04:21 PM
http://up.7cc.com/upfiles/gbo11442.gif

الأول بقى وبعد ما كلت..قولنا إيه رأيك فى الأكل؟
هاندردش مع بعض براحتنا ..
قولنا بقى..
..المكان دا بالنسبه لك ايه؟
وموضوعك العزيز جداً الباقى " اطلب الوصفة اللى على بالك؟..ايه سر نجاحه من وجهة نظرك؟..وفعلاً هل انت حريص على بقاؤه جداً؟
عايزين نعرف سى هورس شوية..اهتماماته..يومه..هواياته..
وخد بقى الأسئلة دى سلى نفسك بيها..
ماذا يعنى لك شهر رمضان..؟
ماذا تعنى لك سفرة العائلة فى رمضان؟
موقف طريف حدث لك فى رمضان؟
هل تعتقد أنه يجب أن يكون هناك اجازة رسمية فى رمضان..؟
هل تتغيب أو تتأخر كثيراً عن العمل فى رمضان؟
شخص كنت تتمنى وجوده وتتذكره فى رمضان؟
موقف مؤثر حدث لك فى هذا الشهر؟
أفضل مكان صليت فيه التراويح؟
ماهى الوجبة مفضلة فى رمضان ومن يد من تحبها؟ومشروبك المفضل؟
هل لك أن تذكر لنا جدولك اليومى فى رمضان؟
حدثنا عن بعض مظاهر طفولتك الرمضانية؟
هل سبق وان نسيت وتناولت الطعام فى نهار رمضان؟نسيان طبعاً؟هههههههه
أجمل وأسوأ خبر تلقيته فى رمضان؟
هل انت متابع جيد للتليفزيون فى رمضان؟وما البرامج التى تتابعها؟ وهل تفتقد عرض تليفزيونى معين فى رمضان؟
كم كان عمرك يوم صمت لأول مرة فى رمضان؟وهل صمت اليوم كامل؟
هل رمضان زمان..أو رمضان طفولك وشيايك مختلف عن رمضان اليوم؟ اييه الفرق؟
لديك 3 دعوات لثلاث أشخاص فى احدى المطاعم الراقية..مطلوب منك تختار 3 أشخاص لدعوتهم وعليك تحديد المدينة او الدولة التى تتمنى الإفطار فيها معهم وكذلك تناول السحور؟
أمنية تحقق فى شهر رمضان؟
هل انت من عشاق السهر فى رمضان؟ وان كان..فى المنزل ام خارجة فى الكافيهات والخيم الرمضانية مثلاً؟
هل تحرص على تناول طعام السحور؟ هل تشترط طبق الفول؟ههههههه
لو طلب منك عمل افطار رمضان لأصدقائك ماذا ستطبخ لهم (على فكرة ماحدش هايسعدك فى المطبخ)
هل تهتم بالقراءة فى رمضان؟ ماذا تقرأ أو ماهى اهتماماتك فى رمضان؟
من هو أول من تحرص لى تهنئتة فى رمضان؟
هل تقضى اول يوم مع العائلة الكبيرة؟
من هو المشرف الذى كنت ستدعوه ليفطر معك ..أو مجموعة من الأعضاء والمشرفين؟
ما رأيك فى مستوى ابناء مصر الآن؟
هل رمضان منذ 8 سنوات فى هذا المنتدى اختلف عن رمضان اليوم؟
امنية تتمناها فى رمضان..تتمنى تحقيقها؟
دعوة لا تبارحك..فى رمضان؟
كلمة تقولها للصائمين؟
.......
أتمنى تقضى وقت ممتع معانا
ومنتظرين
مع أطيب الأمنيات..

http://up.7cc.com/upfiles/50J01273.gif

sea horse
26-08-2010, 07:42 AM
اولا وقبل اى شئ
لا استطيع الرد على هذا الكم من الكرم الذى لا استحقه
الشكر كل الشكر للعزيزه ندى والعزيز اسكندرانى
:f:
واسف لتأخيرى فى الرد لانى لسه فاتح حالا النت من يومين
وطبعا السفره اكثر من رائعه ياندى
وياسلام على المكان والفيو يجنن لوحده
واهم شئ هاتلاقينى مدمن للملوخيه ومحشى الكرنب
وعاشق للمشاوى عالفحم
يعنى نشنتى فعلا لاحلى سفره
تسلم ايدك ودايما منوره تجمعنا الجميل يارب
ومش هاطول عليكم ونبدأ بالرد
:eat:

sea horse
26-08-2010, 07:55 AM
..المكان دا بالنسبه لك ايه؟
وموضوعك العزيز جداً الباقى " اطلب الوصفة اللى على بالك؟..ايه سر نجاحه من وجهة نظرك؟..وفعلاً هل انت حريص على بقاؤه جداً؟
عايزين نعرف سى هورس شوية..اهتماماته..يومه..هواياته..
اولا المكان ده هو الركن البعيد الهادى اللى بارتاح فيه دون تكلف
يعنى باجى هنا الواحد يمدد براحته بالشورت والتى شيرت
ولا اى نوع من التكلف أوالحرص على الكرافات وياقة القميص
باحس هنا انى براحتى تحت ضل شمسية على بحر هواه بارد جميل
اما موضوع اطلب الوصفه اللى على بالك
فالكثيرين يعلموا انه استمرار لموضوع سابق كنت اكتبه تحت اسم بودا
وانتهى لظروف معينه لا داعى لتذكرها
لان الموضوع اساسا بالنسبة لى ممارسة هوايه بحبها فعلا
لا اكثر ولا اقل
يمكن تجدونى قليل المشاركه فى اى قاعه اخرى الا نادرا
وحاولت اكثر من مره المشاركه فى مواضيع عامة
لكن اجدنى اعود سريعا للمطبخ والحلل والصوانى
اعمل ايه ... بحب المطبخ ؟؟؟
:36_3_18:
وطبعا حريص جدا على استمرار الموضوع طالما له اهمية للاصدقاء
وانا باستدل على اهميته من عدد المشاهدات
لانى عارف ناس كتير بيكون تقيل عليها انها ترد ولو بكلمه
بس بتستفيد من الموضوع يبقى لازم اكمل معاهم لغاية مايقولوا
كفااااااايه حراااااااام
أما موضوع هواياتى فده مشكلتى الرئيسية
فانا متعدد الهوايات لدرجة مزعجه
الطبخ - الصيد - المعسكرات والسفر - الفنون التشكيلية
الاعمال اليدوية - الرياضه بأنواعها - الكلاب والحيوانات ... كفاية مؤقتا
فاصل ونواصل
:eat:

اليمامة
26-08-2010, 03:24 PM
أهلاً سى هورس:f2:
منور الدنيا والله بطلتك الخفيفة دايماً
مستمتعين بحوارك الصافى اللى من القلب
وطبعا مسألة تعدد الهوايات دى فعلاً بتعمل أزمة
بتخلى الواحد شعلة من الحماس والطاقة والقلق والتعب أحياناً
بس مين بقدر ينكر إن الهوايات من ملذات الحياة
والحياة من غير هوايات بتبقى رتيبة ومملة
برافو عليك
لسة منتظرين بشوق معاك إجاباتك
وكل سنة وانت منور المطبخ
وحسك عايش فيه..
:f:

أيوب الصابر
26-08-2010, 04:57 PM
متابع معاكم الحوار مع الغالي سي هورس
وحابب اسأله
ازاي اعمل منقوع التمر هندي
بالتفصيل

sea horse
30-08-2010, 02:21 PM
الف مبروك تصليح السيرفر
واكيد كل الشكر لمجهودات الادارة الواضحه
ونرجع لموضوعنا ولجهود العزيزه ندى فى اعدادها واسالتها

ماذا يعنى لك شهر رمضان..؟


رمضان فى مصر له جو خاص جدا لا يمكن وصفه ولكن لا يمكن الابتعاد عنه فقد حضرت رمضان فى بلدان مختلفه حتى بالسعوديه ولكن رمضان مصر حاله فريده .... دون فلسفه او معارضه
ماذا تعنى لك سفرة العائلة فى رمضان؟

موعد اللقاء السنوى لمدة 30 يوم وبعدها نرجع تانى كل واحد ييجى فى وقت مختلف ويخطف طبق ويجرى تانى ومافيش غير رمضان بيجمع الجميع
موقف طريف حدث لك فى رمضان؟

زمان ايام الكلية كان عندنا معسكر وكان ايامها حر اوى زى الايام دى .. المهم طلع فى دماغنا نعمل كنتالوب باللبن والسكر كمشروب للفطار

وعملناه ونسيناه فى المطبخ وطلعنا لعبنا كوره .. واول المدفع ما ضرب جرينا كله على حلة الكنتالوب باللبن وكل واحد شربله ييجى 3-4 كوبايات ... نفاجأ بعد ساعه ان كل اللى فى المعسكر فى حالة سكر بين

اتارى الخلطه تخمرت ووبقت كلها كحول متخمر ... طبعا ده حصل قبل اى خبرة مطبخية

هل تعتقد أنه يجب أن يكون هناك اجازة رسمية فى رمضان..؟

أكيييييد ..واسبوعين قبل رمضان استعدادا لرمضان واسبوعين بعده نقاهه من تعب اجازة رمضان
هل تتغيب أو تتأخر كثيراً عن العمل فى رمضان؟

للاسف ماعرفش اتاخر فانا من مرضى المواعيد سواء فى رمضان او غيره
شخص كنت تتمنى وجوده وتتذكره فى رمضان؟

والدى الحبيب الله يرحمه ... كان مثال للبشاشه والروح الطيبه المتفائله
موقف مؤثر حدث لك فى هذا الشهر؟

واحد صديقنا عزمنا على فطار وكنا مجموعه حوالى 7 افراد ، ولما وصلنا بيته اتاريه عمل الموضوع مقلب واخد مراته وولاده وسافر البلد عند اهله فى بنها ، وكان فاضل ساعه على المدفع ... طبعا اخذنا القرار فى ثانيه ..بالذهاب وراه للبلد ...وحصل .... وكانت ليله
أفضل مكان صليت فيه التراويح؟
كان اثناء عمرة عملتها فى رمضان وكانت بالتاكيد فى الحرم المكى
طولت عليكم والدنيا صيام معلش
فاصل ونواصل
وكل سنه وانتم طيبين

:eat:

اسكندرانى
30-08-2010, 07:22 PM
http://up.haridy.org/storage/f2x2n.gif

اخى العزيز
سى هورس

كل سنة وانت طيب

http://up.haridy.org/storage/f1x2n7.gif

ودايما منورنا بمواضيعك ووجودك المميز

وانا جايب لك معايا هدية صغيرة

احتفالا بوجودك الجميل

وتعويضا عن العزومة اللى مش عاوز تعزمنى عليها ابدا


http://up.7cc.com/upfiles/iPd92059.jpg (http://up.7cc.com/)


http://up.7cc.com/upfiles/zm892059.jpg (http://up.7cc.com/)

http://up.7cc.com/upfiles/4Ku92060.jpg (http://up.7cc.com/)


http://up.7cc.com/upfiles/HeM92060.jpg (http://up.7cc.com/)

http://up.7cc.com/upfiles/60e92061.jpg (http://up.7cc.com/)


http://up.7cc.com/upfiles/h8H92061.jpg (http://up.7cc.com/)

http://up.7cc.com/upfiles/Opp92230.jpg (http://up.7cc.com/)

http://up.7cc.com/upfiles/xJI92231.jpg (http://up.7cc.com/)


http://up.haridy.org/storage/f2x2n.gif

sea horse
31-08-2010, 08:52 AM
العزيز الغالى اسكندرانى
العزومه جاهزه ليك ولحبايبك كمان بس انت تحدد الميعاد
انا هاكون فى القاهرة بداية من 19 سبتمبر
واى وقت تحدده وبلاش حجج
وانا بقالى سنه باقول نتجمع سواء بالقاهرة او اسكندريه
وتحت امركم فى الحالتين
والف شكر على صينية الكنافه المفترية
:f:
ونكمل باقى الاسئلة
ماهى الوجبة مفضلة فى رمضان ومن يد من تحبها؟
اهم شئ عندى الشوربه ...والرز .. وياسلام لو شوربة سمك .. انا اكل السمك فى رمضان زى اى ايام تانيه يعنى 3-4 مرات فى الاسبوع ..مع تغيير طريقة الطبخ طبعا ..مشوى.. سنجارى باشكاله ..صوانى باشكاله ...مقلى باشكاله ....صوانى ..الخ
ومشروبك المفضل؟
احب اوى مناقيع رمضان البيتى زى الخروب والتمر هندى والعرقسوس والدوم والكوكتيلات بينهم
هل لك أن تذكر لنا جدولك اليومى فى رمضان؟
استيقاظ 7 صباحا 8 اكون بالمكتب انشطة اعمل مختلفه لغايى 3 تقريبا
البيت من 3 ونص واكيد نوم ساعه على الاقل بعد كده اى افتكاسات بالمطبخ وهذيان الصيام ومتطلباته وبعد الفطار راحه شويه وبعد صلاة العشا والتراويح ممكن الخروج مع اصدقاء اوحضورهم للبيت وتجمعات رمضان الجميله وعادة اتسحر قبل مانام يعنى عالساعه 3 مثلا وهكذا ..
حدثنا عن بعض مظاهر طفولتك الرمضانية؟
كنت غاوى اوى افك الفانوس واحاول اركبه ..
ومحاولات تصنيع بمب كبير الحجم من البمب الصغير ..
بس كان الذ شئ متابعة الحالة المطبخيه الغير عادية برمضان
هل سبق وان نسيت وتناولت الطعام فى نهار رمضان؟ا
اكيد طبعا كنت انسى كتير بس للاسف الايام دى مش بانسى خالص رغم قمة الاحتياج للنسيان دلوقت هههههههههههه
أجمل وأسوأ خبر تلقيته فى رمضان؟
أجمل خبر كان حرب اكتوبر بدون نقاش
لكن مافيش اسوأ خبر الحمد لله ... او بالاصح انا دائم النظر للنصف المليان
هل انت متابع جيد للتليفزيون فى رمضان؟وما البرامج التى تتابعها؟ وهل تفتقدعرض تليفزيونى معين فى رمضان؟
اخر شئ ممكن اتابعه هو مسلسل او برنامج ...التليفزيون بالنسبه لى بيكون فى اوقات قليله اوى لجلب النوم غالبا
كم كان عمرك يوم صمت لأول مرة فى رمضان؟وهل صمت اليوم كامل؟
اتذكر صيامى وانا بالصف الاول يعنى عمر 6-7 سنوات بس بجد مش فاكر المده ههههههههههههه
هل رمضان زمان..أو رمضان طفولك وشيايك مختلف عن رمضان اليوم؟ اييه الفرق؟
طبعا لكل منا هذا الاحساس بان رمضان زمان كان احلى من دلوقت لكن طبعا هو احساس غير حقيقى ... لان الذى اختلف هو احنا وليس رمضان .... زمان كان البال الرايق والطفوله البريئه وعدم الانشغال بشئ من هموم الحياه ... لكن دلوقت كويس اننا عارفين رمضان من شعبان

لديك 3 دعوات لثلاث أشخاص فى احدى المطاعم الراقية..مطلوب منك تختار 3أشخاص لدعوتهم وعليك تحديد المدينة او الدولة التى تتمنى الإفطار فيها معهموكذلك تناول السحور؟
الدعوات الثلاثه هاتكون من نصيب الصديق الفنان شاعر الرومانسية والصديق العزيز الاسكندرانى العتيد واتمنى حضورك كطرف تالت مع اسرتك الكريمه......لكن اكيد هاختار سوريه او لبنان لهذا الافطار لشدة اعجابى وانبهارى بالمطبخ الشامى
أمنية تحقق فى شهر رمضان؟
اتمنى ان يبلغنا الله هلال شوال
هل انت من عشاق السهر فى رمضان؟ وان كان..فى المنزل ام خارجة فى الكافيهاتوالخيم الرمضانية مثلاً؟
انا من عشاق السهر فى اى مكان ولكل موقع طعم ولون ونكهه تميزه بس اكيد خارج المنزل
هل تحرص على تناول طعام السحور؟ هل تشترط طبق الفول؟ههههههه
غالبا السحور فول بالزيت وكوباية زبادى وفاكهه... واهم شئ شرب اكبر كمية ميه ممكنه
لو طلب منك عمل افطار رمضان لأصدقائك ماذا ستطبخ لهم (على فكرة ماحدشهايسعدك فى المطبخ)
مادام اصدقاء يبقى نقول الاتى
هاعمل شوربة كريمة فراخ بالزبده وجوزة الطيب وبالشعرية
وهاعمل لهم طاجن رز معمر بصدور الفراخ والزبده واللبن والقشده
وجنبه نعمل صينية بطاطس بشرائح اللحم الفلتو ومتغطية بالطماطم والفلفل الاخضر
وياسلام على طاجن باميه باللحم الضانى يبقى تمام
واهم شئ الرز بالشعرية
واعملهم الحلو صينية كنافه مفترية وصينية عزيزه
والمشروبات خروب ودوم وتمر هندى وعصير كنتالوب ( بس دون تخمير) هههههههه
هل تهتم بالقراءة فى رمضان؟ ماذا تقرأ أو ماهى اهتماماتك فى رمضان؟
شغلى كله قراءه اجبارية لكن فى رمضان باهرب شويه لقراءات دينيه
من هو أول من تحرص لى تهنئتة فى رمضان؟
أمى اطال الله فى عمرها وشفاها
هل تقضى اول يوم مع العائلة الكبيرة؟
ده اهم واحلى يوم بتجمع العائله بالبيت الكبير عند الوالده
من هو المشرف الذى كنت ستدعوه ليفطر معك ..أو مجموعة من الأعضاء والمشرفين؟
الدعوه هاوجهها فعلا لكل القائمين على العمل بهذا المنتدى لان نفسى اقابلهم واتعرف عليهم واشكرهم على مجهوداتهم الغير عادية فى انجاح هذا الموقع
هل رمضان منذ 8 سنوات فى هذا المنتدى اختلف عن رمضان اليوم؟
زى ما قلت قبل كده الاختلاف بيكون فينا احنا وليس رمضان او الموقع
امنية تتمناها فى رمضان..تتمنى تحقيقها؟
اتمنى ان يفوق من بيدهم الامر قبل فوات الاوان ... بلاش تفهمونى غلط
دعوة لا تبارحك..فى رمضان؟
ان تفهمونى صح
كلمة تقولها للصائمين؟
ربنا يسترها معانا ... ويتقبل منا ومنكم

وكل سنه وانتم طيبين
وكل الشكر للعزيزه ندى والعزيز اسكندرانى
:eat:

اليمامة
02-09-2010, 09:42 PM
http://up.haridy.org/storage/f2x2n.gif

اخى العزيز
سى هورس

كل سنة وانت طيب

http://up.haridy.org/storage/f1x2n7.gif

ودايما منورنا بمواضيعك ووجودك المميز

وانا جايب لك معايا هدية صغيرة

احتفالا بوجودك الجميل

وتعويضا عن العزومة اللى مش عاوز تعزمنى عليها ابدا


http://up.7cc.com/upfiles/iPd92059.jpg (http://up.7cc.com/)


http://up.7cc.com/upfiles/zm892059.jpg (http://up.7cc.com/)

http://up.7cc.com/upfiles/4Ku92060.jpg (http://up.7cc.com/)


http://up.7cc.com/upfiles/HeM92060.jpg (http://up.7cc.com/)

http://up.7cc.com/upfiles/60e92061.jpg (http://up.7cc.com/)


http://up.7cc.com/upfiles/h8H92061.jpg (http://up.7cc.com/)

http://up.7cc.com/upfiles/Opp92230.jpg (http://up.7cc.com/)

http://up.7cc.com/upfiles/xJI92231.jpg (http://up.7cc.com/)


http://up.haridy.org/storage/f2x2n.gif




تسلم إيدك يا أستاذ نادر :f2:
على الكنافة الجميلة
بس ياريت تبقى توطى الفرن شوية لأنها اتلسعت
هههههههههههههه
مساء الفل

اليمامة
02-09-2010, 09:45 PM
العزيز الغالى اسكندرانى
العزومه جاهزه ليك ولحبايبك كمان بس انت تحدد الميعاد
انا هاكون فى القاهرة بداية من 19 سبتمبر
واى وقت تحدده وبلاش حجج
وانا بقالى سنه باقول نتجمع سواء بالقاهرة او اسكندريه
وتحت امركم فى الحالتين
والف شكر على صينية الكنافه المفترية
:f:
ونكمل باقى الاسئلة
ماهى الوجبة مفضلة فى رمضان ومن يد من تحبها؟
اهم شئ عندى الشوربه ...والرز .. وياسلام لو شوربة سمك .. انا اكل السمك فى رمضان زى اى ايام تانيه يعنى 3-4 مرات فى الاسبوع ..مع تغيير طريقة الطبخ طبعا ..مشوى.. سنجارى باشكاله ..صوانى باشكاله ...مقلى باشكاله ....صوانى ..الخ
ومشروبك المفضل؟
احب اوى مناقيع رمضان البيتى زى الخروب والتمر هندى والعرقسوس والدوم والكوكتيلات بينهم
هل لك أن تذكر لنا جدولك اليومى فى رمضان؟
استيقاظ 7 صباحا 8 اكون بالمكتب انشطة اعمل مختلفه لغايى 3 تقريبا
البيت من 3 ونص واكيد نوم ساعه على الاقل بعد كده اى افتكاسات بالمطبخ وهذيان الصيام ومتطلباته وبعد الفطار راحه شويه وبعد صلاة العشا والتراويح ممكن الخروج مع اصدقاء اوحضورهم للبيت وتجمعات رمضان الجميله وعادة اتسحر قبل مانام يعنى عالساعه 3 مثلا وهكذا ..
حدثنا عن بعض مظاهر طفولتك الرمضانية؟
كنت غاوى اوى افك الفانوس واحاول اركبه ..
ومحاولات تصنيع بمب كبير الحجم من البمب الصغير ..
بس كان الذ شئ متابعة الحالة المطبخيه الغير عادية برمضان
هل سبق وان نسيت وتناولت الطعام فى نهار رمضان؟ا
اكيد طبعا كنت انسى كتير بس للاسف الايام دى مش بانسى خالص رغم قمة الاحتياج للنسيان دلوقت هههههههههههه
أجمل وأسوأ خبر تلقيته فى رمضان؟
أجمل خبر كان حرب اكتوبر بدون نقاش
لكن مافيش اسوأ خبر الحمد لله ... او بالاصح انا دائم النظر للنصف المليان
هل انت متابع جيد للتليفزيون فى رمضان؟وما البرامج التى تتابعها؟ وهل تفتقدعرض تليفزيونى معين فى رمضان؟
اخر شئ ممكن اتابعه هو مسلسل او برنامج ...التليفزيون بالنسبه لى بيكون فى اوقات قليله اوى لجلب النوم غالبا
كم كان عمرك يوم صمت لأول مرة فى رمضان؟وهل صمت اليوم كامل؟
اتذكر صيامى وانا بالصف الاول يعنى عمر 6-7 سنوات بس بجد مش فاكر المده ههههههههههههه
هل رمضان زمان..أو رمضان طفولك وشيايك مختلف عن رمضان اليوم؟ اييه الفرق؟
طبعا لكل منا هذا الاحساس بان رمضان زمان كان احلى من دلوقت لكن طبعا هو احساس غير حقيقى ... لان الذى اختلف هو احنا وليس رمضان .... زمان كان البال الرايق والطفوله البريئه وعدم الانشغال بشئ من هموم الحياه ... لكن دلوقت كويس اننا عارفين رمضان من شعبان

لديك 3 دعوات لثلاث أشخاص فى احدى المطاعم الراقية..مطلوب منك تختار 3أشخاص لدعوتهم وعليك تحديد المدينة او الدولة التى تتمنى الإفطار فيها معهموكذلك تناول السحور؟
الدعوات الثلاثه هاتكون من نصيب الصديق الفنان شاعر الرومانسية والصديق العزيز الاسكندرانى العتيد واتمنى حضورك كطرف تالت مع اسرتك الكريمه......لكن اكيد هاختار سوريه او لبنان لهذا الافطار لشدة اعجابى وانبهارى بالمطبخ الشامى
أمنية تحقق فى شهر رمضان؟
اتمنى ان يبلغنا الله هلال شوال
هل انت من عشاق السهر فى رمضان؟ وان كان..فى المنزل ام خارجة فى الكافيهاتوالخيم الرمضانية مثلاً؟
انا من عشاق السهر فى اى مكان ولكل موقع طعم ولون ونكهه تميزه بس اكيد خارج المنزل
هل تحرص على تناول طعام السحور؟ هل تشترط طبق الفول؟ههههههه
غالبا السحور فول بالزيت وكوباية زبادى وفاكهه... واهم شئ شرب اكبر كمية ميه ممكنه
لو طلب منك عمل افطار رمضان لأصدقائك ماذا ستطبخ لهم (على فكرة ماحدشهايسعدك فى المطبخ)
مادام اصدقاء يبقى نقول الاتى
هاعمل شوربة كريمة فراخ بالزبده وجوزة الطيب وبالشعرية
وهاعمل لهم طاجن رز معمر بصدور الفراخ والزبده واللبن والقشده
وجنبه نعمل صينية بطاطس بشرائح اللحم الفلتو ومتغطية بالطماطم والفلفل الاخضر
وياسلام على طاجن باميه باللحم الضانى يبقى تمام
واهم شئ الرز بالشعرية
واعملهم الحلو صينية كنافه مفترية وصينية عزيزه
والمشروبات خروب ودوم وتمر هندى وعصير كنتالوب ( بس دون تخمير) هههههههه
هل تهتم بالقراءة فى رمضان؟ ماذا تقرأ أو ماهى اهتماماتك فى رمضان؟
شغلى كله قراءه اجبارية لكن فى رمضان باهرب شويه لقراءات دينيه
من هو أول من تحرص لى تهنئتة فى رمضان؟
أمى اطال الله فى عمرها وشفاها
هل تقضى اول يوم مع العائلة الكبيرة؟
ده اهم واحلى يوم بتجمع العائله بالبيت الكبير عند الوالده
من هو المشرف الذى كنت ستدعوه ليفطر معك ..أو مجموعة من الأعضاء والمشرفين؟
الدعوه هاوجهها فعلا لكل القائمين على العمل بهذا المنتدى لان نفسى اقابلهم واتعرف عليهم واشكرهم على مجهوداتهم الغير عادية فى انجاح هذا الموقع
هل رمضان منذ 8 سنوات فى هذا المنتدى اختلف عن رمضان اليوم؟
زى ما قلت قبل كده الاختلاف بيكون فينا احنا وليس رمضان او الموقع
امنية تتمناها فى رمضان..تتمنى تحقيقها؟
اتمنى ان يفوق من بيدهم الامر قبل فوات الاوان ... بلاش تفهمونى غلط
دعوة لا تبارحك..فى رمضان؟
ان تفهمونى صح
كلمة تقولها للصائمين؟
ربنا يسترها معانا ... ويتقبل منا ومنكم

وكل سنه وانتم طيبين
وكل الشكر للعزيزه ندى والعزيز اسكندرانى
:eat:




العزيز سى هورس:f2:
استمتعت بإجاباتك البسيطة التلقائية الصادقة
وسعدت جداً بدعوتك الجميلة وأتمنى لو تتحقق بالفعل
أشكرك من كل قلبى على تلبيتك لدعوتنا
وأتمنالك دائماً حياة سعيدة حافلة بكل ما تحب وترجو
مع خالص تحياتى وتقديرى..

sea horse
04-09-2010, 08:57 PM
العزيزه ندى
اشكر لك ذوقك بالرد اللى متعودين عليه منك دائما
وكل سنه والجميع بخير
ووالله لسه بدرى والله يا شهر الصياااام
وكل عيد وانتم بخير
:eat:

د. أمل
11-09-2010, 09:17 PM
أخى الفاضل .. " sea horse "

كل سنة و أنت بكل خير و منور المنتدى بوصفاتك الجميلة ..

سعدت بالحوار الرائع .. و الذى أظهر طيبة قلبك و صدقك مع نفسك ..

و شكراً جزيلاً على الوصفات الممتعة .. إن شاء الله حتلاقونى زبونة دائمة عندكم هنا فى المطبخ ..

تحياتى و تقديرى ..



عزيزتى " ندى " ..

شكراً لك على الاختيار لمن يستحق أن نتعرف عليه أكثر ..

و شكراً لمجهودك .. خلاص الكلام مكرر ..

المفروض نكتب لك شُرَط و أنتِ تفهمى ..

كل سنة و انتِ طيبة ..

sea horse
12-09-2010, 08:21 AM
العزيزه dawdaw
الف شكر لذوقك وكلامك الجميل وتشجيعك
ويارب دايما منوره مطبخنا الجميل
كل سنه وانتم بخير
:eat:

اليمامة
13-09-2010, 08:10 AM
أخى الفاضل .. " sea horse "

كل سنة و أنت بكل خير و منور المنتدى بوصفاتك الجميلة ..

سعدت بالحوار الرائع .. و الذى أظهر طيبة قلبك و صدقك مع نفسك ..

و شكراً جزيلاً على الوصفات الممتعة .. إن شاء الله حتلاقونى زبونة دائمة عندكم هنا فى المطبخ ..

تحياتى و تقديرى ..



عزيزتى " ندى " ..

شكراً لك على الاختيار لمن يستحق أن نتعرف عليه أكثر ..

و شكراً لمجهودك .. خلاص الكلام مكرر ..

المفروض نكتب لك شُرَط و أنتِ تفهمى ..

كل سنة و انتِ طيبة ..



أختى الغالية داوداو
أنا التى يتوجب عليها شكرك على تواجدك الجميل دائما
وتلبيتك لدعوتنا..
لا حرمنى الله من رقتك وذوقك أبداً ودمتى دائماً كما أنت
جميلة
:f2: