المساعد الشخصي الرقمي

مشاهدة النسخة كاملة : ابن طيبة على مائدة رحمن أبناء مصر..



اليمامة
20-08-2010, 02:05 PM
http://up.7cc.com/upfiles/gbo11442.gif


له فى التاريخ شأن..تظنه دارس وممارس له..ولكنه وبحسب علمى باحث وقارىء ومجتهد فيه..
عنده فى المعارف الأخرى شئون..فهو على ما يبدو قارىء بالفطرة..شديد النهم للكتب..وباحث فى أصول الثقافات..كما أن لديه مع الآداب شجوناً..فهو ككاتب..مبدع لها..مناضل فيها..قرأت له ما يؤكد على ذلك..
وقد سار على درب الإدارة والتنمية..فيبدو رائداً لهما..يخرجهما من خيمة العام إلى عباءة الخاص..ففى كل خطوة له تشعر فائدة..وأن وقتك لم يضيع سدى..حتى فى تعاملك العادى معه تشعر أنك فى إستزادة طوال الوقت..وهذا ما لمسته كشاهد من خلال العمل تحت إدارته وبكل فخر..فكم كان قديراً وحكيماً..
ثمة واحد هنا جن على ما يبدو..
انظروا ماذا يفعل؟؟؟؟
خلع طاقيته وهبدها فى الأرض وهو يصيح على طريقة إسحق نيوتن والتفاح " وجدتها..وجدتها"..عرفته عرفته..
هههههههههههههه
إخوانى وأخوتى أبناء مصر الكرام...
تحية ملؤها المودة والتقدير أنثرها مجدداً لأعبق بها أجوائكم الطيبة..محملة بأسمى آيات الحب والوصال أقدمهما لكم جميعاً متمنية من الله عز وجل أن تكونوا فى أسعد وأحسن حال..
ولازال رمضان كريماً جداً بل وأشد كرماً..يؤازرنا ببركته..
أهلاً ومرحباً بكم على مائدة رحمن أبناء مصر..
وأتمنى أن تسعدوا بصحبتنا هذه المرة...وضيفنا العزيز الذى هو أحد أعمدة أبناء مصر بلا منازع..
معى ومعكم ضيف..آه لو تعلمون
..قدير..قدير..قدير..
رجل بصحيح والرجال قليلون..صدق والله..
دمث الخلق..طيب المعشر..حلو اللسان..هادىء....طيب..هو إنسان..إنسان بالمعنى الحقيقى للكلمة..وما أجمل الإنسان عندما يكون مستوفياً لشروط إنسانيته...
وكل هذا "كوم" وقلمه الصادق..القوى..والمخلص ذو الخلفية الثقافية المعرفية المذهلة "كوم" آخر تماماً..
ماذا أقول أكثر من ذلك..بالتأكيد يوجد أكثر من ذلك عندما نتحدث عنه..ولكن أين هى تلك الكلمات التى تسعفنى؟
لم أشطط فى التعبير لأن معتز فطين يستحق أكثر من ذلك بكثير..
ابن طيبة ..الشخصية الفريدة المهذبة..الخلاقة..
كلكم تعرفونه أكثر منى بحكم عشرتكم الطويلة..وتعرفون بالتأكيد أن كل التوصيفات التى سبق و وصفته بها هى فى الحقيقة تبهت أمام ثراء شخصيته على المستوى الإنسانى والفكرى والعملى..
أستاذى العزيز / معتز فطين..
تحية وسلاماً من الأعماق سيدى...وفل وياسمين..

http://vb.eyesweb1.net/uploaded/135_1173185850.jpg

منور الدنيا...
كل عام وحضرتك بألف خير..لست بقادرة تماماً على أن أعبر لك عن مقدار سعادتى الشخصية لأنك فى ضيافتى..ولست أدرى ما الذى يمكننى أن أفعله لأحسن الإحتفاء بك كما ينبغى..وكما يليق بشخصك العزيز..
يعنى حاولت..ههههههههههه
وكانت هيئتى مضحكة للغاية وأنا أجرى فى أنحاء المطبخ من هنا لهناك مثل التى أصابها مس من الجنون..أو نوع من أنواع الخبل اللذيذ...
أحاول أن أعد ما يليق بك..أحاول أن أقوم بالواجب كما ينبغى..أحاول أن أكون كريمة مثلما أغدقت علينا وتغدق دائماً من كرم أخلاقك..وتفهمك..وتعاونك..
خطوة عزيزة يا أستاذ معتز..وسعادتنا بحضورك لها وقع خاص فى قلبى وقلوبنا جميعاً..أدعو الله ألا يحرمنا أبداً من وجودك المعطاء وأن يمن عليك بالصحة والعافية وتعيش مستوراً مجبوراً فى الدنيا والآخرة..
وأتمنى لو أن تقضى معنا وقتاً سعيداً إن شاء الله..وأن تحوز مائدتى الرمضانية الشرقية جداً على رضاك..
إسمح لى أن أقدمهم لك..تسألنى ..ومن هم؟
البطة يا سيدى..والوزة..وجوز الحمام...
هاهم هناك فى السرفيس راقدين فى إستكانة ودعة وسعادة
ينتظرون مقدمك الكريم كى ترحب بهما على طريقتك الخاصة...مستعدين تماماً للإلتهام
تعال..تعال يا سيدى..تفضل على الرحب والسعة
فلازالت المائدة عامرة بكل ما لذ وطاب..
يا ألف أهلاً وسهلاً..ياااااااااااااااادى النور..
حصلتلنا البركة..إحنا فى يوم عيد إنهاردة..
كله يقف قيام..
اقف يا ولد..رئيس تحرير مجلة أبناء مصر قادم..
الولد اللى فى الركن..
بسرعة.. عطر الأجواء
تفضل يا سيدى تفضل..برجلك اليمين..
تفضل...

أولاً التمر المحشو..

http://www.wasfatsahla.com/uploadedpics/9381767.jpg

عصير الليمون المنعش بالنعناع

http://scomorokh.files.wordpress.com/2007/08/mint-julep.jpg

عرق سوس..بما اننا مع ابن طيبة..

http://ara10.com/tech/uploading/CD1E144.jpg

شوربة فراخ ...فراخ فراخ يعنى

http://img219.imageshack.us/img219/5325/newpicture124js6.jpg

سلطة خضرا متحبشة..هههههههه

http://www.cracked.com/blog/wp-content/uploads/2010/05/salad.jpg

سلطة الطحينة..وفيه كمان توست..

http://photos.azyya.com/store/up2/090103113225UKAi.jpg

سلطة مشويات

http://www.yabdoo.com/users/623/gallery/366_p107889.jpg

رز محمر

http://img412.imageshack.us/img412/9387/247rq4.jpg

محاشى مشكلة

http://i179.photobucket.com/albums/w289/hoba75/17.jpg

http://www.yabdoo.com/users/623/gallery/2649_p165121.jpg

طاجن بطاطس فى الفرن

http://2.bp.blogspot.com/_VV97kxm3WRI/SpEpkJuWnYI/AAAAAAAAQHQ/DCjCu7j_XvE/s400/11.jpg

وزة محشية

http://forum.sedty.com/imagehosting/118770_1258671942.jpg

بط

http://www14.0zz0.com/2010/07/25/07/829882704.jpg

http://www.alfrasha.com/up/1531318696672105006.jpg

حمام..وفيه منه مع الفريك

http://www.alfrasha.com/up/865615759756746778.jpg

http://www.alfrasha.com/up/349027891430423984.jpg

طبق مشكل

http://farm1.static.flickr.com/88/261090796_b0f8d004fd.jpg

فراخ بالمكسرات ومحشية خضروات

http://news.abusora.com/Photos/2008_10/abusora_news_1224533229.jpg


كانيلونى بالسبانخ والجبن

http://img218.imageshack.us/img218/8117/qqqqqkv0.jpg

كباب وكفتة وريش

http://ommeddonia.jeeran.com/mat3am4.JPG

الحلو...
تشيز كيك بالموز..

http://www.hayah.cc/forum/imgcache/20303.png

المهلبية..أنا عارفة ان بقى عندك خلفية موش ولابد عن المهلبية...ههههههه...بس متخافش المرة دى..هاتطلع سالم غانم إن شاء الله..

http://forum.makkawi.com/imgcache/66657.imgcache.gif

وأخيراً قهوتك..

http://www.ibusy.cc/blog/wp-content/uploads/2007/06/coffee_roaster.jpg

إيه رأيك بقى؟
يارب الأكل يكون عجبك..
وأخذ درجتين زيادة فى المسابقة ..وموش هاقول لحد..
ههههههههه
نتكلم بقى ممكن؟



http://up.7cc.com/upfiles/50J01273.gif

اليمامة
20-08-2010, 02:16 PM
http://up.7cc.com/upfiles/gbo11442.gif

عايزين نعرف يا أستاذ معتز...حاسس بإيه الأيام دى فى المنتدى؟ مبسوط؟
يعنى ممكن نشوف لك موضوعات جديدة متميزة كعادتك؟

ماذا يعنى لك شهر رمضان..؟
ماذا تعنى لك سفرة العائلة فى رمضان؟
موقف طريف حدث لك فى رمضان؟
هل تعتقد أنه يجب أن يكون هناك اجازة رسمية فى رمضان..؟
هل تتغيب أو تتأخر كثيراً عن العمل فى رمضان؟
شخص كنت تتمنى وجوده وتتذكره فى رمضان؟
موقف مؤثر حدث لك فى هذا الشهر؟
أفضل مكان صليت فيه التراويح؟
ماهى الوجبة مفضلة فى رمضان ومن يد من تحبها؟ومشروبك المفضل؟
هل لك أن تذكر لنا جدولك اليومى فى رمضان؟
حدثنا عن بعض مظاهر طفولتك الرمضانية؟
هل سبق وان نسيت وتناولت الطعام فى نهار رمضان؟نسيان طبعاً؟هههههههه
أجمل وأسوأ خبر تلقيته فى رمضان؟
هل انت متابع جيد للتليفزيون فى رمضان؟وما البرامج التى تتابعها؟ وهل تفتقد عرض تليفزيونى معين فى رمضان؟
كم كان عمرك يوم صمت لأول مرة فى رمضان؟وهل صمت اليوم كامل؟
هل رمضان زمان..أو رمضان طفولك وشبايك مختلف عن رمضان اليوم؟ اييه الفرق؟
لديك 3 دعوات لثلاث أشخاص فى احدى المطاعم الراقية..مطلوب منك تختار 3 أشخاص لدعوتهم وعليك تحديد المدينة او الدولة التى تتمنى الإفطار فيها معهم وكذلك تناول السحور؟
أمنية تحقق فى شهر رمضان؟
هل انت من عشاق السهر فى رمضان؟ وان كان..فى المنزل ام خارجة فى الكافيهات والخيم الرمضانية مثلاً؟
هل تحرص على تناول طعام السحور؟ هل تشترط طبق الفول؟ههههههه
لو طلب منك عمل افطار رمضان لأصدقائك ماذا ستطبخ لهم (على فكرة ماحدش هايسعدك فى المطبخ)
هل تهتم بالقراءة فى رمضان؟ ماذا تقرأ أو ماهى اهتماماتك فى رمضان؟
من هو أول من تحرص لى تهنئتة فى رمضان؟
هل تقضى اول يوم مع العائلة الكبيرة؟
من هو المشرف الذى كنت ستدعوه ليفطر معك ..أو مجموعة من الأعضاء والمشرفين؟
ما رأيك فى مستوى ابناء مصر الآن؟
هل رمضان منذ 8 سنوات فى هذا المنتدى اختلف عن رمضان اليوم؟
امنية تتمناها فى رمضان..تتمنى تحقيقها؟
دعوة لا تبارحك..فى رمضان؟
كلمة تقولها للصائمين؟


http://up.7cc.com/upfiles/50J01273.gif

أخت ضابط شرطه
20-08-2010, 03:59 PM
أستاذ معتز مره واحده
إبن مصر الأصيل اللى بشوف حب مصر جواه في كل كلمه
اللى بيحسسنى إن لسه فيه أمل

أستاذ معتز
الشخصيه الطيبه العفويه الهادى
خفيف الظل آآآآآآآآآآه خفيف الظل
اللى فجآه في وسط ردوده تلاقى نفسك بتسخسخ من الضحك
يووووووووووووووه
هانقول إيه ولا إيه

من الآخر إذا ذكر أستاذ معتز
يبقا خوفو وخفرع وآمون وخونسو أيوا الواد خونسو دا بالذات
يقفوا ويعملوا تعظيم سلام ياكشاوى أصيل :d


http://www.youtube.com/watch?v=eccENwgSPh4

ندى وربنا إنتى جامده
ربنا يسعدك

Ayman Roshdy
20-08-2010, 04:22 PM
الأخ... الصديق... الـ....

لا... لا... لا والله...

هو لا يوصف بالمزايا...

فالمزايا أولى أن تنسب له...

فقل في أخوة "ابن طيبة"... في صدق "ابن طيبة"... في دماثة "ابن طيبة"... في علمه... في جمال روحه... في ذكائه... في بساطته...

قل ماشئت، وعدد ما شئت من مزايا...

فأنت تتحدث عن... الطيب ظاهراً وباطنا... "ابن طيبة".

ابن طيبة
20-08-2010, 09:28 PM
يظن الناس بي خيرا و اني لشر الناس ان لم تعفو عني

اختنا الطيبة اليمامة " ندي "
بارك الله فيك و زادك من علمه و فضله
مقدمة ادعو الله ان استحقها فما انا الا انسان يمضي علي هامش الحياة و لولا منتدي ابناء مصر ما عرفني احد مثلي مثل ملايين من ابناء شعبنا الطيب الذين يسيرون علي هامش الحياة
لا استطيع مهما اوتيت من كلمات ان اوفيك حقك من الشكر علي هذه الكلمات الطيبة التي قدمتني بها و هو حسن ظن منك ادعو المولى جل و على ان اكون عند حسن ظنك بي
ساعود للاجابة علي هذا الزخم من الاسئلة
رمضان كريم
و كل عام و انت و الاسرة و اعضاء ابناء مصر بالف الف خير

اليمامة
20-08-2010, 10:27 PM
أستاذى العزيز ..معتز
أشكر لك بهاء حضورك..والله له قوة أخذتنى وكلمات وقورة شجية مفعمة بالصدق الخالص..
الإجماع سيدى لا يمكن أن يكون من فراغ..
فلابد وأنك تستحق كل ما قيل فيك هنا وسيقال
كل سنة وحضرتك طيب..وكل المصريين
العاشر من رمضان وذكرى التحرير
ونحية للبواسل الشهداء
الذين ضحوا بأرواحهم لأجلنا..
أحببت أن أهنئك بهذه المناسبة العطرة
اسمع من سيناء ولحظات فرح وحنين
سمعتها منه..يارب تعجبك..
وكان بيرقص عليها الجنود المصريين على شط القناة


http://www.youtube.com/watch?v=nr1d1VAYvWk

اسكندرانى
21-08-2010, 12:58 AM
http://up.haridy.org/storage/augnaderintop.jpg

اخى الحبيب ابن طيبه

كل سنة وانت طيب

مهما كتبت ومهما وصفت

ساكون مقصر فى حقك

صاحب كلمة

وصاحب موقف

وصاحب كلمة الحق

حتى لو اختلفت فالخلاف بهدف الوصول للحقيقية

من الاخر صاحب صحبك

ربنا يكرمك ويبارك فيك وفى صحتك وولادك وحياتك

واشهدك واشهد الجميع

انى احبك فى الله

كل سنة وحضرتك طيب



http://up.haridy.org/storage/augnad0ri300.jpg


http://www.youtube.com/watch?v=E2D7hUJf_Yo&feature=related

boukybouky
21-08-2010, 02:45 AM
بسم الله الرحمن الرحيم

ايه النور ده كله ...ابن طيبة هنا ...آه علشان كده السفرو ما شاء الله :d

ايه يا ندى انت متوصية كويس بابن طيبة،، حمام و بط و وز ...نيجي طيب نفطر معاك ههههههههههههه

في إنتظارك تيجي بقى ترد علشان أشوف توقعاتي لإجاباتك صح و الا لأ :d :d

برضه الواحد مش قاعد 6 سنين في المنتدى كده بيلعب لازم يكون عندي توقعات :)

كل سنة و انت طيب يا بن طيبة و رمضان كريم عليك و على كل أسرتك

و يا رب دايماً متجمعين في المنتدى و في المجلة و في الحقيقة على الخير و للخير


ندى بجد بجد اكل يفتح النفس على الآخر مش هينفع كده ..أنا عايزة من ده :)

تسلم إيدك يا قمر و يجعله عامر :f:

اسكندراني و بعدين ما تعلمنا الخلفيات الحلوة ديه بدل ما انا مطلعه روح لولي و تعباها على طول معايا

مائدتك يا اسكندراني انت و ندى ما شاء الله آخر تمام ....سفرة دايمة يا جماعة و كل سنة و انتم طيبين

في رعاية الله ،،،

اليمامة
21-08-2010, 07:12 AM
أستاذ معتز مره واحده
إبن مصر الأصيل اللى بشوف حب مصر جواه في كل كلمه
اللى بيحسسنى إن لسه فيه أمل

أستاذ معتز
الشخصيه الطيبه العفويه الهادى
خفيف الظل آآآآآآآآآآه خفيف الظل
اللى فجآه في وسط ردوده تلاقى نفسك بتسخسخ من الضحك
يووووووووووووووه
هانقول إيه ولا إيه

من الآخر إذا ذكر أستاذ معتز
يبقا خوفو وخفرع وآمون وخونسو أيوا الواد خونسو دا بالذات
يقفوا ويعملوا تعظيم سلام ياكشاوى أصيل :d


http://www.youtube.com/watch?v=eccENwgSPh4

ندى وربنا إنتى جامده
ربنا يسعدك

أهلاً أهلاً يا إيمان
منورة السفرة يا قمر
يلا خديلك جنب على يمين الأستاذ معتز هنا
الخير كتير والحمد لله..
كل اللى قلتيه حقيقى أوى يا إيمان
ووالله قليل أوى على الأستاذ معتز..
شكراً على الأغنية الجميلة
بس "وربنا انتى جامدة "دى إيه يعنى؟
شتومة دى يا بووووووووووووووى؟
ههههههههههههه
تحياتى...

اليمامة
21-08-2010, 07:17 AM
الأخ... الصديق... الـ....

لا... لا... لا والله...

هو لا يوصف بالمزايا...

فالمزايا أولى أن تنسب له...

فقل في أخوة "ابن طيبة"... في صدق "ابن طيبة"... في دماثة "ابن طيبة"... في علمه... في جمال روحه... في ذكائه... في بساطته...

قل ماشئت، وعدد ما شئت من مزايا...

فأنت تتحدث عن... الطيب ظاهراً وباطنا... "ابن طيبة".


الطيب ظاهراً وباطنا
هى الأخيرة دى يا أستاذ أيمن
وما أجمل تعبيرك...الطيب ظاهراً وباطناً..
ودى صعبة جداً على فكرة فى الزمن دا..
وبتستلزم مجاهدة ..ومحافظة على السلوك دا باستمرار
الجمع بين القول والفعل
تحية لوجودك العطر يا أستاذ أيمن
ومنورنا

اليمامة
21-08-2010, 07:20 AM
يظن الناس بي خيرا و اني لشر الناس ان لم تعفو عني

اختنا الطيبة اليمامة " ندي "
بارك الله فيك و زادك من علمه و فضله
مقدمة ادعو الله ان استحقها فما انا الا انسان يمضي علي هامش الحياة و لولا منتدي ابناء مصر ما عرفني احد مثلي مثل ملايين من ابناء شعبنا الطيب الذين يسيرون علي هامش الحياة
لا استطيع مهما اوتيت من كلمات ان اوفيك حقك من الشكر علي هذه الكلمات الطيبة التي قدمتني بها و هو حسن ظن منك ادعو المولى جل و على ان اكون عند حسن ظنك بي
ساعود للاجابة علي هذا الزخم من الاسئلة
رمضان كريم
و كل عام و انت و الاسرة و اعضاء ابناء مصر بالف الف خير


يظن الناس بي خيرا و اني لشر الناس ان لم تعفو عني

بسم الله ماشاء الله...قول رائع جداً يا أستاذ معتز..
حسيته جدا ومتوافق مع فلسفتى وإحساسى..وحبنا لله..
أنا موش عارفة أقول إيه تانى..
كلام حضرتك دا شرف ليا
ووسام حقيقى باعتز بيه
يارب أكون دايماً عند حسن ظن حضرتك
مع خالص تحياتى وتقديرى..

اليمامة
21-08-2010, 07:22 AM
http://up.haridy.org/storage/augnaderintop.jpg

اخى الحبيب ابن طيبه

كل سنة وانت طيب

مهما كتبت ومهما وصفت

ساكون مقصر فى حقك

صاحب كلمة

وصاحب موقف

وصاحب كلمة الحق

حتى لو اختلفت فالخلاف بهدف الوصول للحقيقية

من الاخر صاحب صحبك

ربنا يكرمك ويبارك فيك وفى صحتك وولادك وحياتك

واشهدك واشهد الجميع

انى احبك فى الله

كل سنة وحضرتك طيب



http://up.haridy.org/storage/augnad0ri300.jpg


http://www.youtube.com/watch?v=E2D7hUJf_Yo&feature=related


أهلا بيك يا أستاذ نادر
منور الدنيا
كلام حضرتك جميل
وهو دا فعلا ابن طيبة
شكراً جداً لحضورك الجميل
مع خالص مودتى..

اليمامة
21-08-2010, 07:29 AM
بسم الله الرحمن الرحيم

ايه النور ده كله ...ابن طيبة هنا ...آه علشان كده السفرو ما شاء الله :d

ايه يا ندى انت متوصية كويس بابن طيبة،، حمام و بط و وز ...نيجي طيب نفطر معاك ههههههههههههه

في إنتظارك تيجي بقى ترد علشان أشوف توقعاتي لإجاباتك صح و الا لأ :d :d

برضه الواحد مش قاعد 6 سنين في المنتدى كده بيلعب لازم يكون عندي توقعات :)

كل سنة و انت طيب يا بن طيبة و رمضان كريم عليك و على كل أسرتك

و يا رب دايماً متجمعين في المنتدى و في المجلة و في الحقيقة على الخير و للخير


ندى بجد بجد اكل يفتح النفس على الآخر مش هينفع كده ..أنا عايزة من ده :)

تسلم إيدك يا قمر و يجعله عامر :f:

اسكندراني و بعدين ما تعلمنا الخلفيات الحلوة ديه بدل ما انا مطلعه روح لولي و تعباها على طول معايا

مائدتك يا اسكندراني انت و ندى ما شاء الله آخر تمام ....سفرة دايمة يا جماعة و كل سنة و انتم طيبين

في رعاية الله ،،،

أهلاً يا ريهام
وبحضورك الرائع دايماً
ما أنا لازم أتوصى يا ريهام بابن طيبة
علشان هو رئيس التحرير
وعلشان هو اللى بيدى درجات مسابقة " آثار بلدنا "
هههههههههههه
يعنى تخطيط على ميه بيضا زى ما بيقولوا..
أنا لو م كرمتش الأستاذ معتز...قوليلى بأمانة مين تانى هنا من اللى معدودين نقدر نكرمهم زى ما بيكرمونا
فيه ناس حسها ووجودها وحضورها ومجرد حروف إسمها بيديكى ثقة وإحساس ان الدنيا فيها خير وضمير
فيه راحة
بجد يا ريهام دا حقيقى
وياستى تعالى اتفضلى خدى الحماماية دى
بدل ما تقوميه من الأكل على التوقعات..
كمل يا أستاذ معتز..ريهام هاتقعد تاكل معانا...
وعلى فكرة السفرة مستديرة
يعنى دايرة
لسه بقى هانقول الدايرة معناها إيه
هانقول بقى بعدين بقى فلسفة الدايرة..
ههههههههه
كل سنة وانتى طيبة
ومنورانا دايماً..

ابن طيبة
21-08-2010, 11:43 AM
أستاذ معتز مره واحده


إبن مصر الأصيل اللى بشوف حب مصر جواه في كل كلمه
اللى بيحسسنى إن لسه فيه أمل


أستاذ معتز
الشخصيه الطيبه العفويه الهادى
خفيف الظل آآآآآآآآآآه خفيف الظل
اللى فجآه في وسط ردوده تلاقى نفسك بتسخسخ من الضحك
يووووووووووووووه
هانقول إيه ولا إيه


من الآخر إذا ذكر أستاذ معتز
يبقا خوفو وخفرع وآمون وخونسو أيوا الواد خونسو دا بالذات
يقفوا ويعملوا تعظيم سلام ياكشاوى أصيل :d



http://www.youtube.com/watch?v=eccENwgSPh4


ندى وربنا إنتى جامده

ربنا يسعدك


اهلا ايمان سعيد بكلماتك الطيبة دي الصادرة من القلب
ما يصدر من القلب يصل الي القلب مباشرة
ادعو الله اني اكون عند حسن ظنك
من ساعة ما كتبتي مداخلتك اللي فاتت دي و الناس قاعدة تقول من خنسو ده
شكرا علي الاغنية الجميلة دي
كل سنة و انت بكل خير و سعادة

ابن طيبة
21-08-2010, 11:46 AM
الأخ... الصديق... الـ....

لا... لا... لا والله...

هو لا يوصف بالمزايا...

فالمزايا أولى أن تنسب له...

فقل في أخوة "ابن طيبة"... في صدق "ابن طيبة"... في دماثة "ابن طيبة"... في علمه... في جمال روحه... في ذكائه... في بساطته...

قل ماشئت، وعدد ما شئت من مزايا...

فأنت تتحدث عن... الطيب ظاهراً وباطنا... "ابن طيبة".

استاذنا الرائع ايمن رشدي
بارك الله لنا فيك استاذنا
كلماتك الجميلة لها قيمة غالية عندي
خاصة انها من مبدع العندليبيات
كل سنة و انت بالف خير و سعادة

ابن طيبة
21-08-2010, 12:48 PM
http://up.haridy.org/storage/augnaderintop.jpg

اخى الحبيب ابن طيبه

كل سنة وانت طيب

مهما كتبت ومهما وصفت

ساكون مقصر فى حقك

صاحب كلمة

وصاحب موقف

وصاحب كلمة الحق

حتى لو اختلفت فالخلاف بهدف الوصول للحقيقية

من الاخر صاحب صحبك

ربنا يكرمك ويبارك فيك وفى صحتك وولادك وحياتك

واشهدك واشهد الجميع

انى احبك فى الله

كل سنة وحضرتك طيب



http://up.haridy.org/storage/augnad0ri300.jpg


http://www.youtube.com/watch?v=E2D7hUJf_Yo&feature=related


احبك الذي احببتنا فيه اخونا اسكندراني
بارك الله لنا في علمك و في عملك و كتبنا و اياك من المتحابين في الله
رايك في شخصنا المتواضع افتخر به
كل عام و انت بالف خير و سعادة و راحة بال
:f2:

ابن طيبة
21-08-2010, 12:50 PM
بسم الله الرحمن الرحيم

ايه النور ده كله ...ابن طيبة هنا ...آه علشان كده السفرة ما شاء الله :d

ايه يا ندى انت متوصية كويس بابن طيبة،، حمام و بط و وز ...نيجي طيب نفطر معاك ههههههههههههه

في إنتظارك تيجي بقى ترد علشان أشوف توقعاتي لإجاباتك صح و الا لأ :d :d

برضه الواحد مش قاعد 6 سنين في المنتدى كده بيلعب لازم يكون عندي توقعات :)

كل سنة و انت طيب يا بن طيبة و رمضان كريم عليك و على كل أسرتك

و يا رب دايماً متجمعين في المنتدى و في المجلة و في الحقيقة على الخير و للخير


ندى بجد بجد اكل يفتح النفس على الآخر مش هينفع كده ..أنا عايزة من ده :)

تسلم إيدك يا قمر و يجعله عامر :f:

اسكندراني و بعدين ما تعلمنا الخلفيات الحلوة ديه بدل ما انا مطلعه روح لولي و تعباها على طول معايا

مائدتك يا اسكندراني انت و ندى ما شاء الله آخر تمام ....سفرة دايمة يا جماعة و كل سنة و انتم طيبين

في رعاية الله ،،،

اهلا بوكي
علي الله ما اخيبش ظنك
راجع عشان اجاوب اهو و ربنا يستر
سعيد بمرورك الكريم
:f2:

ابن طيبة
21-08-2010, 02:12 PM
بسم الله الرحمن الرحيم
" مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ "


عايزين نعرف يا أستاذ معتز...حاسس بإيه الأيام دى فى المنتدى؟ مبسوط؟


يعنى ممكن نشوف لك موضوعات جديدة متميزة كعادتك؟
طبعا مبسوط جدا لان فيه مجموعة لا باس بها من الغائبين عن المنتدي ابتدوا يرجعوا ده غير انه اصبح هناك تفاعل ملحوظ من الاخوة الاعضاء الجدد و كل ده لبركة شهر رمضان الكريم
بخصوص مواضيع لي ستجدين في قاعة التاريخ مواضيع كثيرة تنتظر مشاركة الاخوة الاعضاء و ان شاء الله هيكون فيه موضوع صور مرفوضة في القاعة العامة بعد رمضان باذن الله


ماذا يعنى لك شهر رمضان..؟
تجديد الايمان - تعويض مافات من تفريط في عبادة الله


ماذا تعنى لك سفرة العائلة فى رمضان؟
اول الواجبات التي يجب ان اقوم بها يوم عند والدي و والدتي و يوم عند حماتي


موقف طريف حدث لك فى رمضان؟
كنت راكب القطر من اسوان راجع القاهرة كان المفروض اني هافطر في القطر الولاد في المركب عملوا لي ساندوتشات و علبة عصير عشان افطر بيهم قبل الفطار بساعتين المسئولين عن البوفيه بالقطر كانوا بيعدوا بوجبات للفطار طبعا انا هاجيب واجبة ليه انا معايا اكلي المهم قرب ميعاد الفطار قعدت ادور ع الشنطة فص ملح وداب روحت البوفيه اسال عن اي حاجة افطر بيها مافيش لا ميه و لا ربع ساندوتش و لا اي حاجة خالص و اذن المغرب لقيت اللي واحد من الركاب جايبلي ازازة مية و كام تمرة و الحمد لله بس كنت هاموت من العطش


هل تعتقد أنه يجب أن يكون هناك اجازة رسمية فى رمضان..؟
بالطبع لا الفرق بين ايام رمضان و الايام العادية هو البركة التي يختص بها رمضان يعني نقضي رمضان نايميين مش هتحسي بروعة الصيام الا لو حسيتي انك بذلتي مجهود و اكثر من المعتاد ساعتها هتحسي لفرحة و مطعة الافطار سبحان الله


هل تتغيب أو تتأخر كثيراً عن العمل فى رمضان؟
السنة دي بس واخد اجازة لظروف صحية و بناءا علي نصائح الطبيب اجازة مرضي بالامر و دي اول مرة في حياتي
عشان ماسك مدير موارد بشرية المفروض اكون اول واحد في الشركة


شخص كنت تتمنى وجوده وتتذكره فى رمضان؟
الحمد لله كل اللي بحبهم جنبي


موقف مؤثر حدث لك فى هذا الشهر؟
الحمد لله مافيش


أفضل مكان صليت فيه التراويح؟
الحرم المكي متعة ما بعدها متعة جو روحاني لا يوصف سبحان الله

ابن طيبة
21-08-2010, 03:02 PM
ماهى الوجبة مفضلة فى رمضان ومن يد من تحبها؟ومشروبك المفضل؟
اهم حاجة طبق الرز بعد كده مافيش اي مشكلة يعني لو هأكل رز بس مافيش مشكلة يستوي بعد ذلك عندي الفراخ و البط و الحمام و اللحمة انا ما باحبش اي نوع من انواع الطبيخ ماعدا الملوخية فقط
المشروب المفضل عندي هو الكركادية مع التمر هندي روعة



هل لك أن تذكر لنا جدولك اليومى فى رمضان؟
باروح الشركة و بعدين ارجع اصلي العصر و احط حلقة المسابقة اذا ما كنتش حاطيتها في الشغل و بعدين اقرا قران اغاية المغرب ما يدن
بعد الفطار كباية الشاي الحبر مهمة جدا و بعدين التراويح و بعدين باروح المحل اقعد فيه لغاية الساعة واحدة و بعدين اروح اقرا قران لحد الفجر و النوم بعد الفجر و الحمدلله علي كل حال

حدثنا عن بعض مظاهر طفولتك الرمضانية؟
زينة رمضان كانت اهم حاجة باعملها و بعدين اللعب لغاية لما يبان لي صاحب لان ساعتها كنا زي الايام دي رمضان كان بييجي في اجازة بس العابنا زمان غير دلوقتي خالص زي تريك تراك السبع طوبات الاستغماية الطاب ركوب العجل دي كل الالعاب اللي كنا بنملكها طبعا مع فانوس رمضان الشمع اروع حاجة كنت بامتلكها في حياتي جبته السنة دي لملك بصت لي بصة شذراء و الحمد لله قدرت اغيره بفانوس حسن شحاتة !!!

هل سبق وان نسيت وتناولت الطعام فى نهار رمضان؟نسيان طبعاً؟هههههههه
لما كنت صغير فاكر ان ده كان بيحصل دلوقتي الحمد لله مش بيحصل خالص

أجمل وأسوأ خبر تلقيته فى رمضان؟
كان نجاحي في الثانوية العامة و قدمت ساعتها في كاية الاعلام ده اجمل خبر
اسوا خبر الحمد لله مافيش رمضان و الحمد لله ليس له اي ذكرى سيئة

هل انت متابع جيد للتليفزيون فى رمضان؟وما البرامج التى تتابعها؟ وهل تفتقد عرض تليفزيونى معين فى رمضان؟
متابع جيد للتلفزيون اتابع قناة ازهري حاليا و قبل بثها كنت اتابع قناة اقرأ و افتقد الان للمسلسلات الدينية و التاريخية عشان كده الحمد لله ما بنقلبش التلفزيون من علي قناة ازهري

كم كان عمرك يوم صمت لأول مرة فى رمضان؟وهل صمت اليوم كامل؟
انا صمت رمضان و انا في سنة ستة ابتدائي بعد كام علقة من والدتي و شوية تعبيرات جميلة من والدي افتكر منها انت بقيت زي ضلفة الدولب انت شنبك خط ...كده يعني
و طبعا صمت اليوم كاملا لان كان فيه اكتر من 16 عين بتتابعني

هل رمضان زمان..أو رمضان طفولتك وشبابك مختلف عن رمضان اليوم؟ اييه الفرق؟
طبعا يا ندي منتهي الفرق زمان كان ليه طعم روعة الجو العائلي الجيران الطاقة اللي جوايا و كنت باخرجها في صورة لعب روح مختلفة تماما عن روح النهاردة باحس بغربة غريبة اللهم الا اذا روحت عند والدتي و حماتي

ابن البلد
21-08-2010, 03:05 PM
أنا هرحب في السريع كده
بس هاجي بعد الفطار علشان أعرف اتفرج على الأكل براحتي
:eat:

*109*

ابن طيبة
21-08-2010, 03:13 PM
لديك 3 دعوات لثلاث أشخاص فى احدى المطاعم الراقية..مطلوب منك تختار 3 أشخاص لدعوتهم وعليك تحديد المدينة او الدولة التى تتمنى الإفطار فيها معهم وكذلك تناول السحور؟
المكان هيمون سيدنا الحسين في اي محل من محلات الكباب و الكفتة هناك و الثلث اشخاص هم والدي و والدتي و المدام و ابنائي
مش هاعرف اروح المطاعم الفاخرة دي لاني باحس فيها بتكلف و بصراحة مش باعرف لا اكل و لا استمتع باللي باكله خاصة مع الشوكة و السكينة



أمنية تحقق فى شهر رمضان؟
ان ربنا يسترنا في الدنيا و الاخرة

هل انت من عشاق السهر فى رمضان؟ وان كان..فى المنزل ام خارجة فى الكافيهات والخيم الرمضانية مثلاً؟
انا قليل النوم جدا في رمضان و ده بيرهقني لكن ارهاق لذيذ
ايوه باسهر لكن داخل البيت مع الاسرة و امام قناة ازهري
لا اعترف بالسهر في رمضان علي المقاهي و الخيم الرمضانية كده يبقي احنا فرغنا رمضان من محتواه و لا ايه

هل تحرص على تناول طعام السحور؟ هل تشترط طبق الفول؟ههههههه
لو طلب منك عمل افطار رمضان لأصدقائك ماذا ستطبخ لهم (على فكرة ماحدش هايسعدك فى المطبخ)
فعلا اهم حاجة عندي يا ندى طبق الفول و سلطانية الزبادي - دلوقتي بتقولوا عليها علبة الزبادي -
ممكن اطبخ لهم مكرونة اسباجتي او اي نوع مكرونة مع شوية لحمة بوفتيك او اسكلوب او فراخ بانية غير كده ما اعرفش

هل تهتم بالقراءة فى رمضان؟ ماذا تقرأ أو ماهى اهتماماتك فى رمضان؟
طبعا القراءة جزء هام جدا في حياتي و كل اهتماماتي في رمضان تنحصر في القراءة مع تغير في طبيعة المادة اللي باقراها اللي غاليا ما بتكون مادة دينية الصبغة

من هو أول من تحرص لى تهنئتة فى رمضان؟
ابي و امي و كل من هم اكبر مني سنا

هل تقضى اول يوم مع العائلة الكبيرة؟
طبعا دي اهم حاجة

ابن طيبة
21-08-2010, 03:20 PM
من هو المشرف الذى كنت ستدعوه ليفطر معك ..أو مجموعة من الأعضاء والمشرفين؟
سامح عطية و حسن عبدالحليم و ابن البلد و اسكندراني و محمد ليدر و حسام عمر و زيزو و حمادو و حكيم عيون و استاذ سيد ابراهيم



ما رأيك فى مستوى ابناء مصر الآن؟
باذن الله هيرجع احسن ما كان بس يا رب كلنا نخلص له و نقدم اعمالنا خالصة لوجه الله

هل رمضان منذ 5 سنوات فى هذا المنتدى اختلف عن رمضان اليوم؟
الحمد لله رمضان ده فيه نوع من جو الاسرة ابتدي يرجع تاني و دي حاجة جميلة جدا

امنية تتمناها فى رمضان..تتمنى تحقيقها؟
ان يتوفني الله مسلما و مع الصالحين

دعوة لا تبارحك..فى رمضان؟
اللهم رضاك و الجنة

كلمة تقولها للصائمين؟
ابعدو عن مسلسلات التلفزيون فهي فتنة و الله اعلى و اعلم

كلمة اخيرة
اشكرك يا ندي و مائدتك عامرة بما لذ و طاب من الطعام و اصناف شهية
سلمت يداك

ابن طيبة
21-08-2010, 03:22 PM
أنا هرحب في السريع كده
بس هاجي بعد الفطار علشان أعرف اتفرج على الأكل براحتي
:eat:

*109*
هو بصراحة يا احمد اكل يفتح النفس فعلا

اليمامة
21-08-2010, 08:04 PM
بسم الله الرحمن الرحيم
" مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ "


عايزين نعرف يا أستاذ معتز...حاسس بإيه الأيام دى فى المنتدى؟ مبسوط؟


يعنى ممكن نشوف لك موضوعات جديدة متميزة كعادتك؟
طبعا مبسوط جدا لان فيه مجموعة لا باس بها من الغائبين عن المنتدي ابتدوا يرجعوا ده غير انه اصبح هناك تفاعل ملحوظ من الاخوة الاعضاء الجدد و كل ده لبركة شهر رمضان الكريم
بخصوص مواضيع لي ستجدين في قاعة التاريخ مواضيع كثيرة تنتظر مشاركة الاخوة الاعضاء و ان شاء الله هيكون فيه موضوع صور مرفوضة في القاعة العامة بعد رمضان باذن الله


ماذا يعنى لك شهر رمضان..؟
تجديد الايمان - تعويض مافات من تفريط في عبادة الله


ماذا تعنى لك سفرة العائلة فى رمضان؟
اول الواجبات التي يجب ان اقوم بها يوم عند والدي و والدتي و يوم عند حماتي


موقف طريف حدث لك فى رمضان؟
كنت راكب القطر من اسوان راجع القاهرة كان المفروض اني هافطر في القطر الولاد في المركب عملوا لي ساندوتشات و علبة عصير عشان افطر بيهم قبل الفطار بساعتين المسئولين عن البوفيه بالقطر كانوا بيعدوا بوجبات للفطار طبعا انا هاجيب واجبة ليه انا معايا اكلي المهم قرب ميعاد الفطار قعدت ادور ع الشنطة فص ملح وداب روحت البوفيه اسال عن اي حاجة افطر بيها مافيش لا ميه و لا ربع ساندوتش و لا اي حاجة خالص و اذن المغرب لقيت اللي واحد من الركاب جايبلي ازازة مية و كام تمرة و الحمد لله بس كنت هاموت من العطش


هل تعتقد أنه يجب أن يكون هناك اجازة رسمية فى رمضان..؟
بالطبع لا الفرق بين ايام رمضان و الايام العادية هو البركة التي يختص بها رمضان يعني نقضي رمضان نايميين مش هتحسي بروعة الصيام الا لو حسيتي انك بذلتي مجهود و اكثر من المعتاد ساعتها هتحسي لفرحة و مطعة الافطار سبحان الله


هل تتغيب أو تتأخر كثيراً عن العمل فى رمضان؟
السنة دي بس واخد اجازة لظروف صحية و بناءا علي نصائح الطبيب اجازة مرضي بالامر و دي اول مرة في حياتي
عشان ماسك مدير موارد بشرية المفروض اكون اول واحد في الشركة


شخص كنت تتمنى وجوده وتتذكره فى رمضان؟
الحمد لله كل اللي بحبهم جنبي


موقف مؤثر حدث لك فى هذا الشهر؟
الحمد لله مافيش


أفضل مكان صليت فيه التراويح؟
الحرم المكي متعة ما بعدها متعة جو روحاني لا يوصف سبحان الله


أستاذى العزيز / معتز
سعدت أيما سعادة بردودك الطيبة التى على بساطتها عميقة ومباشرة وهادئة..
استمتعت كما ولاشك استمتع كل المتابعين لنا..
الحمد لله أنك مبسوط بحالة المنتدى هذه الأيام وأوافقك كثيراً..بالفعل تدب حالة من النشاط فى أرجاء المنتدى وفى كل القاعات تقريباً..وليس نشاط من نوع التنشيط..ولكنه نشاط قائم على الجذب والحب فعلاً..أعتقد يا سيدى أنها روح الأخوة والحب التى تملأ جنبات هذا المكان من أعضائه ورواده وقلوبهم الطيبة..وأتمنى أن تبقى وتدوم أن شاء الله تعالى..
سعيدة جداً بموضوع "صور مرفوضة" وانتظره على شوق..شوق لقلمك وفكرك الذى نحن بالفعل لقراءته وقراءة فكر ابن طيبة ولاشك لنا عودة لقاعة التاريخ فى جو أكثر هدوءاً من الآن...
ألف سلامة على حضرتك..وندعو الله لك بالصحة والعافيه وتمم الله شفاك على خير إن شاء الله وحفظ لك كل أحبائك الموجودين من حولك..أسرتك ووالدك ووالدتك وحماتك..ولم يكن غريباً على إنسان مثلك يا سيدى أن يكون بمثل هذه الوطنية والإخلاص طالما أخلص فى حبه لأسرته وذويه وفضلهم على نفسه تفضيلاً..
سعدت كذلك بدعوتك للأعضاء والمشرفين وانتقيت أشخاصاً متميزين إجتمعت فيهم من الصفات أجملها..يا بختكم
كما وأتفق معك بخصوص المطاعم الشعبية..هههههههههه
والحسين خصيصاً..
الحسين فى رمضان مذهل يا أستاذ معتز والسهر الرمضانى الذى يكون على أشده فيه..
وخاصة فى ليلة القدر ..لا أنساها أبداً فى الحسين
ومن أفضل المطاعم التى تناولت فيها الكبدة والمخ..فى الحسين
مطعم شعبى ولكنه كان رائع..طافح بقلوب مصرية أصيلة والحسين نفسه منطقة تستشعر لها عبق دينى تاريخى مصرى مختلف وشديد الخصوصية..تطالعك وجوه أينما ذهبت محفورة بملامح مصر..ورائحتها..
الحسين..ما أروعه..
أنا آسفة بقى على طاجن البطاطس..والله العظيم كنت حطه الملوخية فى القايمة وموش عارفة نسيتها ازاى..ليك عندى يا أستاذ معتز المرة الجاية واحد ملوخية معتبر...وعلى فكرة أنا كمان بحب مصطلح سلطانية الزبادى عن علبة الزبادى الزبادى..حاجة كدا بحسها تاريخية مصرية..على عثمانية..موش عارفة.انما يعنى حاجة بلدى..والبلدى لا يعلا عليه..صح؟

طبعا مع فانوس رمضان الشمع اروع حاجة كنت بامتلكها في حياتي جبته السنة دي لملك بصت لي بصة شذراء و الحمد لله قدرت اغيره بفانوس حسن شحاتة !!!
ههههههههههه
تصدق يا أستاذ معتز نفس قصتى..باحب الفانوس الشمع أوى..وباجيب أحجام كتيرة منه لغاية الصغير خالص دا وكأنهم عناقيد نور فى البيت ولكن أولادى زى حالات ملك كدا..ولسه فانوس كرومبو شغال..فانوس عجيب له عجل وبيمشى لوحده..وبالحجارة ومزعج وأضوائه ملفته جدا..موش عارفة الدنيا جرالها إيه..ههههههههه

باذن الله هيرجع احسن ما كان بس يا رب كلنا نخلص له و نقدم اعمالنا خالصة لوجه الله

بأكد هنا على التكة دى ا أستاذ معتز والمعنى دا
انه لازم نيتنا فى العمل هنا تكون خالصة لله..
يعنى مفيش غرض..مفيش نوازع..مفيش شللية..مفيش منافسة مؤذية ولا عصبية...لازم حب وتفانى فى العمل بالحق..لأننا بمزاجنا بنعمل لا بناخد فوس مثلاً ولا لغرض ما فإن ماكانش العمل خالى من أى أنانية أو حسابات يبقى ملوش لازمة ونوفر السيئات..والكلمة فى النهاية أمانة..الكلمة آداة خطيرة جدا للى يعلم..وللى عارف قيمتها..
أنا عايزة أكرر الشكر حقيقى لحضرتك...حوار من أمتع ما قرأت لأنه بدون تكلف خالص ومفعم بالصدق جداً...وهو دا معتزفطين
أدعو الله لك دائماً بأن يحفظك ويرعاك ويوفقك لما فيه الخير دائماً إن شاء الله
مع خالص تحياتى وإحترامى..

حكيم عيووون
21-08-2010, 08:51 PM
أخي العزيز / إبن طيبة

بشكرك على عزومتك اللى بعتبرها شرف ليا
ونا هسيبلك الرز لأني مش بحبه
وسيبلي انا البطاااااااية ..

واسمحلي أنا جاي ومعايا طبق بالوووووووظة بالفراولة
ده مخصوص عشانك ..
لالالالالالالا
مش البالوظة اياها

كل سنة وانت طيب
ورمضان كريم
واسمحلي نسمع مع بعض صوت الشيخ النقشبندي
بحب اسمع صوته جداً ونا بفطر




http://www.youtube.com/watch?v=DGCvYkdCXe8&feature=player_embedded



حكيم عيووون

قلب مصر
31-08-2010, 09:22 PM
إذا دعيت إلى مائدة وكان فيها ابن طيبة فاعلم أك لمصيب من الخير والعلم والثقافة الكثير

أخي العزيز ابن طيبة
مهما تحدثنا عن أخلاقك وأدبك الجم وعلمك وثقافتك فلن نوفيك حقك
فهناك من يهيمون في عشق هذا الوطن طوال عمرهم ولا يفتأون أن يبرزوا محاسنه وأفضاله للآخرين
وأنت استحققت عن جدارة أن تكون ابنا لطيبة الطيبة الأصيلة الحنونة بحنان هذا النيل الذي يسري في أرواحنا
فلتتقبل تقديري واحترامي لشخصك الرائع
:f: :f: :f:

ندى اليمامة الجميلة سعدت حقا بهذه المائدة الرائعة
التي اجتمع فيها الزاد العقلي والوجداني مع زاد المعدة من أصناف ومشهيات قدمتيها في حلقة اليوم
تقبلي تقديري واحترامي على مائدتك الراقية
:f: :f: :f:

د. أمل
11-09-2010, 08:59 PM
أخى الفاضل .. "ابن طيبة " ..

كل سنة و أنت بكل خير .. و ربنا يبارك لك فى صحتك و فى كل نِعَمِه ..

و الله .. و بدون مجاملة .. باعتبرك من معالم المنتدى ..

يعنى من الناس اللى لهم بصمة واضحة و جميلة و قيمة فى المنتدى ..

و رغم الإخلاص و المجهود الكبير تعمل فى صمت ..

أخى الكريم ..

فى انتظار مواضيعك الجديدة التى وعدتنا بها .. و نعدك بالمشاركة بإذن الله ..

لك منى كل الاحترام و التقدير ..




الغالية " ندى " ..

اختيار موفق كالعادة ..

و مجهود جبار خاصة فى تحضير الطعام ..

كل رمضان و عيد و أنت بخير و موفقة و رائعة كعادتك ..

اليمامة
13-09-2010, 08:11 AM
أخى الفاضل .. "ابن طيبة " ..

كل سنة و أنت بكل خير .. و ربنا يبارك لك فى صحتك و فى كل نِعَمِه ..

و الله .. و بدون مجاملة .. باعتبرك من معالم المنتدى ..

يعنى من الناس اللى لهم بصمة واضحة و جميلة و قيمة فى المنتدى ..

و رغم الإخلاص و المجهود الكبير تعمل فى صمت ..

أخى الكريم ..

فى انتظار مواضيعك الجديدة التى وعدتنا بها .. و نعدك بالمشاركة بإذن الله ..

لك منى كل الاحترام و التقدير ..




الغالية " ندى " ..

اختيار موفق كالعادة ..

و مجهود جبار خاصة فى تحضير الطعام ..

كل رمضان و عيد و أنت بخير و موفقة و رائعة كعادتك ..




:f2: :f2: