المساعد الشخصي الرقمي

مشاهدة النسخة كاملة : التركيبة السريه للمغات المصرى



sea horse
11-08-2010, 10:22 AM
طبعا هاتقولوا مش محتاج موضوع جديد
لكن بصراحه بقالى ايام بمجهود مش سهل
حتى وصلت لشيخ العطارين وتنازل عن الوصفه السريه
تركيبة المغات المصرى
600 جرام جذور مغات
200 جرام خميرة عرب
200 جرام لويه
50 جرام حبه خضرا
50 جرام محلب
100 جرام زر ورد
100 جرام كراويه
100 جرام شمر
100 جرام كافوره
250 جرام كركم
عدد 2 حبة جوزة الطيب
تحضر كل هذه المكونات فى صوره مطحونه بودره
وتخلط جيدا
بعد كده تحضير المغات بالسمسم والمكسرات والسمن البلدى
وكل الاسماء المذكوره للمواد .. معروفه للعطار فى مصر
لكن المشكله لو خارج مصر ولها اسم تانى
ربنا يوفق
وكل سنه وانتم طيبين
:eat:

روح الورد 2
11-08-2010, 08:52 PM
ربنا يبارك فيك بجد بجد مجهود رائع بس فعلا ياريت الاقى حاجاتها هنا خارج مصر بس الموضوع ده اوحى لى ان نفكر فى موضوع باسماء الاعشاب واللى يعرف اكثر من اسم للعشبه يقوله ويعرفه للجميع بس بجد شكرا لك جدا

روح الورد 2
11-08-2010, 09:18 PM
ان شاء الله يوم الجمعه هسال عند العطارين هنا وهقولك وصلت لايه ياريت الاقى حاجتها هنا واجربها واقولك هو مغاتنا وللا لا بس بالنسبه للحبه الخضرا مش موجوده هنا دى انا متاكده منها لان دورت عليها كتير قبل كده عشان اعمل مفتقه وماكنش موجود منها

sea horse
11-08-2010, 10:26 PM
العزيزه روح الورد
الحبه الخضرا طبعا اساسيه للحلاوة السوده
يبقى عارفه شكلها
قد الحمص ومدوره بس لونها اخضر داكن
اكيد المسميات بتختلف بين البلاد
ودى المشكله
اسالى واحنا معاكى وربنا يسهل
بس التركيبه دى هيه المغات بتاعنا فعلا
مساء الفل
:eat:

أيوب الصابر
21-08-2010, 03:44 PM
المشكله عندنا بفلسطين ان كلمة مغات محدش من العطارين عرفها
هو المغات له اسم تاني يسي هورس ؟؟؟؟

sea horse
22-08-2010, 09:46 PM
العزيز ايوب
للاسف لا اعرف له اسم غير المغات
لكن هاشوفلك الاسم الانجليزى لنبات المغات
وهوه عبارة عن جذور مجففه تطحن لاستعمالها فى الوصفه
ومعروف عن المغات فوائد كتير
من اهمها
ادرار اللبن للمرضعات
وتعويض جسم الوالده عن املاح وفيتامينات كتير فقدتها مع الولاده
وهو مقو عام للجسم
ولو وصلت لاى جديد هانقله اكيد هنا
مساء الفل
:eat:

اليمامة
13-09-2010, 08:30 AM
العزيز سى هورس
موضوع رائع وحصرى
ومجهود يقدر ووعد وفيت به
بجد شكراً جدا ليك وعلى المعلومات القيمة اللى فى الموضوع
ومتابعة معاكوا رحلة البحث
تحياتى
:f2: