المساعد الشخصي الرقمي

مشاهدة النسخة كاملة : تخاريف بلسان عجوز إسرائيلية ..



** بنت مصرية **
04-06-2010, 12:20 PM
قلق تاني هو كل يوم قلق، الواحدة مش هترتاح اليومين اللي فاضلين في عمرها، بقالي هنا ستين سنه و كل يوم يقولوا العرب هينسوا هينسوا و ما بينسوش، اصل انا عارفاهم كويس لان بيتنا القديم اللي في شبرا كان تحته قهوه اسمها الاندلس واتابي الاندلس دي كانت تبعهم ييجي من 500 سنه و لسه ما نسيوهاش
منهم لله الإنجليز همه اللي ورطونا الورطه السوده دي همه قاعدين مرتاحين بيشربوا قهوة و بياكلوا ديوك رومي و احنا هنا مش عارفيين ننام مره نحارب المصريين و يطلع الافنديه اللي حاطين الطواقي بتاعتهم تحت الشريط اللي علي كتفهم و يقولوا خلاص غلبناهم و شويه و نلاقيهم صحيوا تاني و الفلسطينيين دول شعب رخم نموتلهم عيل تاني يوم يخلفوا غيره و العيال ولادهم دول قرووود حريفة طوب ، و نجييلهم من فوق الارض يطلعولنا من الانفاق اللي تحت الارض
ياما قلتلهم نروح أوغندا أهي الدنيا هناك كانت واسعة و الشمس حلوه بتنشف العضم بدل البهوات بتوع جيش الدفاع اللي عضمهم طري و مش قادرين علي كام واحد من حزب الله و كل شويه يخطفوا منهم واحد، هوه فيه رجاله بتتخطف
و لا بتوع سوريه ولا العراق و انا مش عارفه مال العراق و مالنا همه يضربوهم يقوموا يضربونا احنا و يلبسونا الكمامات و شويه يقولوا خلصنا من صدام تطلعلنا ايران
و آخر المتمه يزعلوا تركيا، طيب همه مش خايفين السلطان العثماني يقلب علينا احنا ناقصين، و قال ايه كانوا بيقولوا تركيا خلاص بعتنالهم واحد اسمه ابو الترك خلاهم نايمين في العسل اهم خلاص صحيوا تاني و اردوغان ده اسمه لوحده يخوف
همه الانجليز عازوا يلهوا العرب عنهم قاموا دبسونا و خلعوا همه و قالولنا اورشليم!!!!! طب ماهو المسلمين كانوا طول عمرهم سايبين اللي يروح يروح و اللي ييجي ييجي، أهو انا دلوقتي ما اعرفش اروحها ، أرووووح علشان واحد يفجر الاتوبيس اللي انا راكباه و لا عيل من القرود عيالهم يهفني طوبه، انا مش عارفه ليه سي ناتانياهوا سايب الطوب في كل حته كده ليه



الحقيقه لأنالمقاله ضحكتنى جدا بسبب كمية السخريه الى فى حروفها وطريقة السرد البسيطه جدا فجيبتهالكم


Photo Gallery