المساعد الشخصي الرقمي

مشاهدة النسخة كاملة : للبنات فقط انا بقول مش عايز ه شباب هنا؟؟؟؟؟؟



برنسيس سوسو
09-05-2010, 08:08 PM
لاى بنت مقهوره
وعايزة تنتقم من
أخوها وترفع ضغطه


**لو فى مباره فى التلفزيون**
لو فى مباراه والأخ متحمس أقطعى الحماس ده
ازاى
أنا أقولك
استنى لحد ما يندمج اوى مع المباراه
وهتعرفى أنه أندمج لما تلاقى عنيه مفتوحين على
الأاااخر ومش هامه حد يعنى ممكن تجيبى صاروخ تفجريه
جنبه ولا يلتفت


هنا بقى قومى بشغلك
روحى جيبى قطعه قماش وبخاخ التنظيف واقفى عند التلفزيون وامسحى الشاشه
واذا قال ابعدى
قوليله أنامش فاضيالك أنا بنضف وبمسح
وبعدين روحى جيبى المكنسه واكنسى المكان اللى
هوفيه وحاولى كل شويه تكنسى قدام التلفزيون
يعنى لا صوت ولا صوره
وغطى عليه ولا يهمك ولوقال ابعدى وحسيتى أنه هايحدفك بحاجه
قولى يعنى اسيب البيت كده والضيوف جايين في السكة
وبعدكده اعملى أنك نسيتى الكيك فى الفرن
ودوسى على رجليه واجرىوماتبصيش وراكى
*عند النوم*
لما تحسى أنه دخل فى النوم وسمعتيه بيشخر
هاتى اى طفل يقابلك ابن اختك او اخوكى الصغيرين
ابن الجيران ان شالله ابن البواب
ودخليه يلعب فى اوضته فوق راسه
وقوليله الأطفال احباب الله


اوتعالى وهو فى سابع نومه وارجفيه
الرجفه اللى يصحى مايحسش
بنفسه الا وهو قاعد
وبكل برود قولى (عايزين نخرج)



ولوشفتيه مش رايق ومالوش خلق
اوعى تخافى هى دى فرصتك
بس خلى بالك من حركات اديه
وحضرى مفتاح اوضتك علشان هاتحتاجيه
واضحكى على شكله وعلى شعره وقعدته
وعلى هدومه
واذا قال ابعدى علشان أنا مش رايق
زودى العيار حبتين
ولو حسيتى باى غدر
استعملى مفتاح اوضتك واقفلى على نفسك

*وقت المعركه*
ولو طقت فى دماغك وحبيتى انك تقومى
بمعركه انتى وهو
لازم تجهزى نفسك من كل ناحيه
1/اللبس:لازم تلبسى ترنج علشان يسهل الجرى
2/الشوشه لازم تلميها وتعملى حفله ايشاربات فى راسك
وانتبهى ولا خصله تنزل من شعرك
واليوم ده ياريت تكونى حاطه حنه على راسك
علشان مايتجرئش يلمس شعرك
3/مفتاح الاوضه لأن الأحتياط واجب



1ذا بدئت المعركه اوعى تبينى انك خايفه
وأول ما ايده تطول
اوعى تستسلمى واديله
طراااااااااااااااااخ
بالبوكس فى عينه علشان مايشفش ادامه
وحطى رجلك ادامه


وعلى طووووووووول
على اوضتك اللى مجهزه مفتاحها قبل كده
بس نصيحه اقعدى يومين لايشوفك ولا تشوفيه

لأنه عاوز ينتقم لكرامته
وممكن يوريكى النجوم فى عز الضهر


هههههههههههههههههههههههههههههه ههههه

وابقو قوللى بقا على الى ها يجرالكو وانا هستنى الرد.:good:

ألب أرسلان
09-05-2010, 09:53 PM
ههههههههههههههه ليه بس كده إحنا غلابة .. مفيش أحسن من السلام ..

شكراً على الموضوع ..

العسل المر
10-05-2010, 03:07 PM
والنبي ايه !!!

اللي عايزه خلفه بنات تيجي تشوف



على فكرة يا سوسو


انتي نسيتي تحذري اللي هيعملوا كده من انهم يقفلوا كل شبابيك البيت ويلموا السكاكين - مش قصة مفتاح أوضيتها وبس


وشكراً ع الموضوع اللي هيخلي نسبة البنات في مصر تنقرض
:d :d :d

أهلا وسهلا بيك في أبناء مصر

محمد حسيـــن
10-05-2010, 03:56 PM
موضوع طريف وخفيف برينسس ... ويمكن البنات كلهم بيعملو كده من غير توصيه
احيانا اختي بتقوم بالحركات دي ....

وجوده يكون مناسب اكثر في قاعه فك التكشيره

أخت ضابط شرطه
15-05-2010, 03:18 AM
من خاف سلم يا سوسو
وانا مش خاسره عمرى
الطيب أحسن
:d

منوره المنتدى :f:

zizoYAzizo
15-05-2010, 03:26 AM
المشكله ان فيه طرق كتير قوى بتتبعوها وتاخدو الى انتو عايزينه :d خصوصا ان العنف مش بيجيب ناتيجه اختى الصراحه بتتبع كل الاساليب السلميه لضمان فوزها بالى عايزاه عامه :d
على الرغم من انى بكون فاهم الاسلوب بس هنعمل ايه بقى بتصعبو علينا وخلاص :d
منوره المنتدى :f:

بنوته مصرية
29-05-2010, 02:56 PM
انا مش مستغنية عن روحى يا سوسو
وزى ما قالت العسل المر لو حصل كده هيقل نسبة البنات من مصر

nana2006
08-06-2010, 03:31 PM
hhhhhhhhhhhhhhhhhhhhhhhhhhhhhhhhhhhhhhhhh gamda awyyyyyyyyyyy bs f3ln el taeb a7sn e7na msh 2dhm

الحبيب البيب
16-06-2010, 09:17 AM
هههههههههههههه قفل علا نفسك الغرفه هذ عندكم يامصر لكن نحن السعوديين إذى قفلت الغرفة كسرنى الباب وبعد كسرة الباب تكسير الراس وراس الي يتشددلة ههههههههههه
تراي امزح الله يخلينى لبعض إخوان وخوات والحيات عيزه هيك علاشان تكون غير مملة تقبيي تحياتي

وفاء علاء
24-06-2010, 02:13 AM
هههههههههههههههههههههههههههههههه
و الله افكار حلوة هبتدي اعملها من النهاردة

ليلى فلسطين
28-06-2010, 07:35 AM
لو كان عندى اخ

كنت اخاف اعمل معاه كدة

لان تانى يوم كانت الناس تشوف اسمى باعلان الوفيات هههههههههههه


Photo Gallery