المساعد الشخصي الرقمي

مشاهدة النسخة كاملة : ماذا أنت فاعل لو أنت رئيس مصر



دكتور مهندس جمال الشربينى
26-04-2010, 09:18 AM
تخيل أنت رئيس مصر (حتى لو ليوم واحد) ماذا أنت بفاعل ؟!

ونظرا لأن لى أطماع سياسية وتآكلية وتحليلية ورئاسية لذا سأتخطى الإتيكيت والأعراف وأكون أن الــ بوس Boss من نفسى وأوعدكم أسيب الكرسى وكلمة السر هى لو أنا رئيس مصر أى واحد أو واحد/ه عاوز يبقى رئيس يقولها أروح سايب الكرسى على طووووووول





http://content.sweetim.com/sim/cpie/emoticons/000202BB.gif (http://www.sweetim.com/s.asp?im=gen&lpver=3&ref=10)
لو أنا رئيس مصر
http://content.sweetim.com/sim/cpie/emoticons/000202BB.gif (http://www.sweetim.com/s.asp?im=gen&lpver=3&ref=10)
حخلى كل المصريين يلموا كل زلط مصر
ونروح كلنا عند حدودنا مع السودان
وفى لحظة واحدة نرمى كل الزلط
فى النيل
وبكده النيل يرجع للوراء ويغرق
السودان وكل دول حوض النيل
ويموتوا ونخلص منهم
وبعد كده ننزل نبلبط فى النيل
وإحنا لابسين لبس الضفادع البشرية
ونلم كل الزلط اللى رميناه
فى النيل
وبكده فى ظرف يوم واحد
حليت مشكلة واحده بس من مشاكل مصر الكتيره
ولو عاوزينى أحل كل مشاكل مصر المزمنه
أدونى فرصة 30 سنه بس
وأنا أوعدكم أسيب كرسى الحكم
فى نهاية أول مده
جربوا مش حتخسروا

http://vz.iminent.com/vz/8b9e869e-0692-4243-8e87-ba1e04250385/1/wet.gif

http://content.sweetim.com/sim/cpie/emoticons/000201F6.gif (http://www.sweetim.com/s.asp?im=gen&lpver=3&ref=10)

zizoYAzizo
26-04-2010, 02:53 PM
:d:d:d
30 سنه كتير يابشمهندس على كل المشاكل بتاعه مصر دانت حليت ازمه النيل فى سطرين فى منتدى فى دقيقه بعون الله هتحل مشاكل مصر كلها فى يومين استمر :d

د. أمل
26-04-2010, 03:01 PM
السلام عليكم و رحمة الله و بركاته ..

لو أنا بقى رئيسة مصر ..

أول حاجة أعملها .. إلغاء الجنسية المنوفية ..

و تانى حاجة .. أعمل معسكر كبيييييير يشبه الهولوكوست كده .. فى الصحراء الغربية فوق الرمال المتحركة .. و أجمع فيه كل أعضاء الحزب الوطنى .. و كل من شارك فى الحكومات المتعاقبة من 30 سنة حتى الآن من أول رؤساء الوزارة لغاية الراجل اللى بيعمل الشاى ..و علشان إحنا طيبين حنحط لهم أكل و شرب و مش حنعذبهم ..

و لو لقيت شعبى الحبيب الصبور المهاود مبسوط من إنجازاتى .. أطلب تجديد المدة ليوم كمان ..

و شكراً ..

جيهان محمد على
26-04-2010, 05:27 PM
يا ترى يا دكتور جمال الموضوع دا ترفيهى ولا جاد ؟؟؟؟
اصل يظهر حضرتك ما اخدتش بالك من وصف قاعة المناقشات وانها خاصة بمناقشة الموضوعات الجادة
ولو كنا بنسمح احيانا بقدر من السخرية فى المواضيع فالسخرية هنا بتكون فى الحدود اللى تحافظ بيها على جدية الطرح واهميته ...
ياريت حضرتك توضحلى هدف الموضوع عشان بس اشوف اذا كان ملائم للقاعة ولا لقاعة فك التكشيرة
تحياتى

بريف هااارت
26-04-2010, 06:21 PM
عايز الجد يادكتور ؟؟؟

حفهم من أول يوم أن الرئاسه تكليف وليست تشريف

ولو عندي موهبة الحكم حستمر ولو أنا مش أدها حسيبها لغيري الأصلح مني

لو كنت موهوب حعرف معني كلمة حاكم وأفسرها صح

دي أمانه والشعب أستأمن الحاكم عليها ولازم يفهم كده ( مصر مش عزبه ولن تكون )

حمهد الطريق للي بعدي وافهم أني غير مخلد

مصلحة المحكوم أهم من مصلحة الحاكم

الحاكم فرد زائل مهما طال عمره ومصر هي الباقيه

الشعب أمانه لو كنت قادر تتحملها أستمر مش قادر روح وأنت مكرم مننا

بجد يادكتور أنا بغلي بعد موضوع أخي سيد بتاع شد الحزام وكان عندي موضوع رافض أنزله

بس بنزله الكيل طفح والأعذار أستهلكت وأحنا عندنا كرامه وبنحب بلدنا وأهلنا ولما توصل للجوع

كلنا بنتقطع من جوانا والعيشه بتبقي مرار حرام حرام حرام خلاص كفايه الله يسهل عليك كنت لنا وأصبحت علينا أنتهي

دكتور مهندس جمال الشربينى
26-04-2010, 07:04 PM
يا ترى يا دكتور جمال الموضوع دا ترفيهى ولا جاد ؟؟؟؟
اصل يظهر حضرتك ما اخدتش بالك من وصف قاعة المناقشات وانها خاصة بمناقشة الموضوعات الجادة
ولو كنا بنسمح احيانا بقدر من السخرية فى المواضيع فالسخرية هنا بتكون فى الحدود اللى تحافظ بيها على جدية الطرح واهميته ...
ياريت حضرتك توضحلى هدف الموضوع عشان بس اشوف اذا كان ملائم للقاعة ولا لقاعة فك التكشيرة
تحياتى



:f2:أختى العزيزة جيهان
أنا شايف إن كل الخطوط فى مصر تشابكت وإن الجد تشابك مع الضحك والفرفشة
ورأيت أنه لزاما على حتى أخرج الشعب المصرى من حالة الإكتئاب التى يمر بيها أن يكون موضوعى مشابها للحالة التى تمر بها مصر

ولكن إذا أنتى كمراقبة وكمسئولة عن قاعة المناقشات الجادة تجدى غضاضة فى موضوعى الهزلى فإنقليه ولكن بالله عليكى لا تلغيه إنقليه إلى أى قاعة تجدينها ملائمة للمناقشات المسلية الخفيفة والغير مكتئبة ....
ولكن لى سؤال هام لماذا تم تثبيت موضوعى الهزلى المسمى:


المنتدى (http://www.egyptsons.com/misr/index.php)
:: القاعات العامة :: (http://www.egyptsons.com/misr/forums/1-%D8%A7%D9%84%D9%82%D8%A7%D8%B9%D8%A7%D8%AA-%D8%A7%D9%84%D8%B9%D8%A7%D9%85%D8%A9)
قاعة المناقشات (http://www.egyptsons.com/misr/forums/2-%D9%82%D8%A7%D8%B9%D8%A9-%D8%A7%D9%84%D9%85%D9%86%D8%A7%D9%82%D8%B4%D8%A7%D 8%AA)
الشاطر فيكم يعرف مصر أمنا متجوزه مين ؟


أنا أعتبر هذا الموضوع هزلى وساخر ولكن تم تثبيته رغم ذلك فى قاعة المناقشات الجادة فى حين أن نفس موضوعى عرضته فى أحد المنتديات المصرية وبلغ عدد المشاهدين فى يوم واحد ما يزيد عن 300 مشاهد حذفته إدارة ذلك المنتدى لأنه يخالف دستورها .... أنا ما على إلا السمع والطاعة فأنا كاتب حر لا أتقاضى أجراً عما أكتبه هنا وهناك والبيت بيتكم وتصرفوا براحتكم ولكن بالله لا تكبلوا حرية أفكارى .... أنقلوا ألغوا رتبوا صنفوا أحذفوا ولكن دعونى حراً طليقاً فى سماء وبحور وأرض الله الواسعة قبل أن يلفنى قماش أبيض وأعود إلى التراب ,,,,ومن التراب خلقنا وإلى التراب سنعود!

اليمامة
26-04-2010, 07:27 PM
يا دكتور جمال
اسمحلى أجاوبك لانى للأسف وليست جيهان - وانما أقتنعت بوجهة نظرى جايز_ اللى اقترحت تثبيت موضوعك ويظهر فهمتك غلط وطالما ان حضرتك عارف انه موضوع هزلى ساخر فنحن نأسف للتثبيت وهانشوف امكانية فكه..
لما قرأت موضوعك صنفتة انها فكرة فعلاً إبداعية من حضرتك تفتقت عنها قريحتك..وممكن تكون مجازية وساخرة لكنها ناقلة لمعانى وفكرة ...ومش كل الساخر جيد يا دكتور وله معنى..فالسخرية المقننة فن صحافى معمول به وبيعتبر طريق قصير وفعال..أنا شوفت فى الموضوع -وقلت بنص صريح لو أحسن ادارته من قبلك -انه هايكون موضوع له اسقاطات مهمة ويحتمل السرد التاريخى والمناقشة والحلول ..وكان تشبية مصر أمنا بالمتجوزة مقبول فى حالة الاسقاط ..والمجاز..فعلا شوفتة مختصر عبقرى من وجهة نظرى وخاصة ان فى كتاب بيحمل معنى مشابة لكدة وعارفة الكتاب دا كويس من قبل ما حضرتك تكتب الموضوع دا..
لكن فوجئت فعلا كالعادة انها كانت مجرد نكتة من حضرتك أو حالة ..أو فكرة طرأت لك فجأة فألقتها على سمعنا وبصرنا وخاصة كمان للأسف ان فيه ناس دخلت فاكرة فعلاً ان مصر متجوزة..حتى فيه ناس مصوتة على حسنى مبارك على اساس يعنى انه زوج مصر؟؟؟
ممكن فى لحظة أفك تثبيت الموضوع لأن حضرتك شايف انه ميستحقش وكنا فاهمين ان الموضوع للمناقشة الجادة ولتفتيح نقاط فيه بالتمادى..وعلى أساس كمان اننا فاهمين ان مناقشات حضرتك جادة!
وفيه فرق طبعا بين السخرية والتهكم من حالة لحالة او من موضوع لموضوع..زى ما قلت لحضرتك هل بتبقى عبث واللا اسقاط عميق صحفى بيعمل سبوت كثيف..ياريت تكون فهمتنى!

اليمامة
26-04-2010, 07:30 PM
واسمحلى لأننا شايفين ان الموضوع هزلى هاننقلة مؤقتا لغاية لما نشوف هانحطة فين ونعلم حضرتك..

جيهان محمد على
26-04-2010, 07:40 PM
:f2:أختى العزيزة جيهان
أنا شايف إن كل الخطوط فى مصر تشابكت وإن الجد تشابك مع الضحك والفرفشة
ورأيت أنه لزاما على حتى أخرج الشعب المصرى من حالة الإكتئاب التى يمر بيها أن يكون موضوعى مشابها للحالة التى تمر بها مصر

ولكن إذا أنتى كمراقبة وكمسئولة عن قاعة المناقشات الجادة تجدى غضاضة فى موضوعى الهزلى فإنقليه ولكن بالله عليكى لا تلغيه إنقليه إلى أى قاعة تجدينها ملائمة للمناقشات المسلية الخفيفة والغير مكتئبة ....
ولكن لى سؤال هام لماذا تم تثبيت موضوعى الهزلى المسمى:


المنتدى (http://www.egyptsons.com/misr/index.php)
:: القاعات العامة :: (http://www.egyptsons.com/misr/forums/1-%D8%A7%D9%84%D9%82%D8%A7%D8%B9%D8%A7%D8%AA-%D8%A7%D9%84%D8%B9%D8%A7%D9%85%D8%A9)
قاعة المناقشات (http://www.egyptsons.com/misr/forums/2-%D9%82%D8%A7%D8%B9%D8%A9-%D8%A7%D9%84%D9%85%D9%86%D8%A7%D9%82%D8%B4%D8%A7%D 8%AA)
الشاطر فيكم يعرف مصر أمنا متجوزه مين ؟

أنا أعتبر هذا الموضوع هزلى وساخر ولكن تم تثبيته رغم ذلك فى قاعة المناقشات الجادة فى حين أن نفس موضوعى عرضته فى أحد المنتديات المصرية وبلغ عدد المشاهدين فى يوم واحد ما يزيد عن 300 مشاهد حذفته إدارة ذلك المنتدى لأنه يخالف دستورها .... أنا ما على إلا السمع والطاعة فأنا كاتب حر لا أتقاضى أجراً عما أكتبه هنا وهناك والبيت بيتكم وتصرفوا براحتكم ولكن بالله لا تكبلوا حرية أفكارى .... أنقلوا ألغوا رتبوا صنفوا أحذفوا ولكن دعونى حراً طليقاً فى سماء وبحور وأرض الله الواسعة قبل أن يلفنى قماش أبيض وأعود إلى التراب ,,,,ومن التراب خلقنا وإلى التراب سنعود!



اولا بعد الشر عليك يا دكتور ان شاء الله يمد الله فى عمرك وانت فى اتم الصحة والعافية وتظل تثرينا بمواضيعك ذات الهدف النبيل دائما وبروحك الجميلة التى اتمنى ان امتلك مثلها صدقنى :f2:

بالنسبة للموضوع محل النقاش يا دكتور انا ما فكرتش لحظة انى احذفه لانه مش مخالف لكن بس طريقة تناوله حسيت فيها سخرية اكتر من اللازم ويمكن ينتفى معها هدف النفع والفائدة ان زادت عن كدا فحبيت اسألك اذا كنت هاتسير على نفس النهج فيه ولا ليك هدف هاتظهره بعد شوية عموما انا هانقله لفك التكشيرة ومش هاحذفه اكيد:f2:

اما بالنسبة للموضوع المثبت لو لاحظت حضرتك انى ابديت تحفظى الشخصى على كلمة ازواج والزواج عموما فى الموضوع ووضحت اللى فهمته منها ورجائى ان الجميع يتكلم فى نفس السياق لاننا لو اتكلمنا فى نفس السياق اللى وضحته وهو ان الازواج هما الحكام والمؤثرين فى مصر وتاريخها عموما ممكن نخرج بأمثلة كتير ايجابية او سلبية وننقدها وندرسها بطريقة موضوعية وعميقة وفى الاخر اكيد هانخرج بفائدة ونتيجة ما توضحلنا اسباب التدهور السياسى والاجتماعى اللى بنعيشه اما لو كان حضرتك لك هدف اخر وهو السخرية فقط من الواقع السياسى بتاعنا فبكدا نبقى اسفين لاننا فهمنا الموضوع والهدف منه غلط وفى كل الاحوال برضو هو مش مخالف ولكنه تحت المتابعة الدقيقة من الادارة لمنع التجاوز
لان طريقة طرح الموضوع للاسف تحتمل التجاوز من بعض الاعضاء ...
يا دكتور صدقنى اقصى مساحة للحرية فى الرأى مش ممكن هاتلاقيها غير هنا فى منتدى ابناء مصر وانا عارفة انك عارف دا كويس ومش تحيز دى حقيقة وواقع ...
ومرة تانية الف بعد الشر عليك ربنا يديك الصحة والعمر ودايما منورنا يارب فى بيتك التانى ابناء مصر
تحياتى
:f2:

دكتور مهندس جمال الشربينى
26-04-2010, 09:23 PM
:f2:أهلا وسهلا كل أعضاء منتدى أبناء مصر
موضوعى هذا مفتوح لكل الأعضاء وليس مقصورا على قاعة فك التكشيرة
هو موضوع سياسى ساخر يخرج المصريين من حالة الإكتئاب السياسى التى يعانون منها فهل سترحبون بوجودى فى قاعة فك التكشيرة أم أطلب نقل الموضوع لقاعة القضايا السياسية ؟؟؟؟ .... منتظر رأيكم بفارغ الصبر ؟!

http://1.bp.blogspot.com/_-yUverJYoOc/R8ErfgRbYaI/AAAAAAAAAOY/8M4fGekn2AI/s400/mhsen2230.jpg

نــوران
27-04-2010, 10:55 PM
عمووووووووو جمال يا غالي :)

و الله انا حبيتك و حبيت موضوعاتك بشكل لا تتخيله ما شاء الله عليك ربنا يحفظك و يعطيك الصحة دايما ان شاء الله

انا هلكت من الضحك :) لدرجة اني نسيت كنت هاعمل ايه لو كنت ريسة مصر ليوم واحد على فكرتك لحل ازمة النيل مع دول حوض النيل :)

انا بكتب لك دلوقت و انا لسة بضحك و الله ( اضحك الله سنك )


طيب بصواا ....

بداية كده ,,, اول شئ هاعمله في مصر الاهتمام بالتعليم و الشباب و توجيه وسائل الاعلام بشكل يخدم المجتمع مش يهببه بزيادة

و اول قرار حظر المواقع المخلة و القنوات المخلة من النت و الفضائيات

و اول جولة هاتكون في الجامعات المصرية

و اول مشروع هايكون تنقية المياة

و اول بند في الميزانية العلاج على نفقة الدولة

و اول خطاب هايكون موجه للشباب و العمال و الطبقة الفقيرة و انصاف المتعلمين

و اول قرار تعسفي هايكون ترشيد انتاج المساسلات العبيطة المملة الهابطة و منع الكليبات المخلة بالاداب و اغلاق كافة الكباريهات و الديسكوهات

و الوزارة يتم تأليفها من وزراء يخضعوا لاختبار حقيقي في القانون و الفقه و التشريع ( عشان لما يتحاسبوا ما يكون لهم حجة الجهل )


هااااا كفاية كده النهاردة ... و هافكر في حاجات تانية ممكن اعملها اول يوم في الرئاسة و ارجع اقولها لكم


مع تحياتي :)


Photo Gallery