المساعد الشخصي الرقمي

مشاهدة النسخة كاملة : لو ده خطيبك .. تعملي إيه ؟؟



ahmedab216
19-03-2010, 09:26 AM
بسم الله الرحمن الرحيم


الموضوع ده وصلني علي الإيميل .. بعنوان :


حوار رومانسي ( جداً )..


هو و هى ماشيين على الكورنيش ..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

الجو حار .. الشمس محرقة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

هي : عطشانة .

هو : وأنا كمان.

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض –

بما أن عندك إحساس يعنى –

إني لما أقولك عطشانة تجيب لي حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة ..

ماانتى عارفة الكانز وغطاه .

هي : ماقلتش عايزة كانز ..

كفاية إزازة مية ساقعة .

هو : طب لو هاتجيبى اعزمينى معاكى .

هي : يابنى أنت مابتحسش ،

وبعدين بقالنا 3 ساعات ماشيين ،

أنت مش ناوي تقعدنا ولا إيه؟

هو : عندك الكورنيش كله ..

اختاري الرصيف اللي يعجبك .

هي : قصدي تعزمنى في مكان شاعري .

هو : في الحر ده .. ماينفعش .

هي : بلاش دى ..

نأخد مركب عالكورنيش .

هو : المراكب بتغرق اليومين دول ..

خلينا ع البر أحسن .

هي : بلاش المركب تعالى نأكل ترمس ..

أظن ده رخيص .

هو : إنتى تضمني منين إن الراجل غاسل إيده

وغاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! ..

ماأنت كان معاك إمبارح .

هو : إمبارح دخلت السينما مع بنت حلوة كده

فالفلوس خلصت


هي : بنت حلوه ؟؟!!

وبتقولها في وشى .



هو : أكذب عليكى يعنى .

هي : لأ .. تحرق دمى أحسن .



هو : أنا مش شامم ريحه شياط يعني .


هي : يخرب بيت البرود .


هو : برود إيه ؟؟

ماهو الجو مولع أهو .


هي : إنت اللي بارد .


هو : بارد إزاى ؟؟


دا أنا بشُر عرق .


هي : بقولك إيه ..

روحنى .

هو : أروحك ؟!

هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص .

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى ..

واضح إن الحر بيجى معاك بالعكس ..

يا بارد

هو : يعنى مصممة تمشي؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى ؟؟

هو : أصل أنا ساكن هناك ..

و مايرضكيش أروح لوحدى .

هي : لااااااااااااااااااااااا

هو : ينفع كده ترمي نفسك في الميه

مين هايوصلني بقى ؟؟؟

**( لو ده خطيبك تعملى أيه ؟؟؟ ) **



..........................

طبعاً زي ما شوفتوا في أول الموضوع .. إن عنوانه هو .. حوار رومانسي ( جداً ) ..

الوقت .. بعد ما قريناه كلنا .. بقترح يكون العنوان .. حمار رومانسي ( جداً ) ..

موافقين ؟؟

في رعاية الله ..

سيمفونية كاتبه
19-03-2010, 10:19 AM
لالالا يا أستاذي

ده انا زهقت لها

طبعاً لو ده خطيبي

اكيد هموت صغيره او أقتله واخد لقب متهمه بدري :hop:

تسلم إيدك يا أستاذي

تحياتي

أخت ضابط شرطه
19-03-2010, 03:15 PM
أشوفه بس :d

شكرا يا بشمهندس
مت من الضحك :d

nariman
19-03-2010, 03:56 PM
لا دي حاجة ترفع الضغط يا بشمهندس
بلاها جواز أصلا
:d

ahmedab216
21-03-2010, 08:36 AM
خير يا جماعة ؟؟؟؟؟؟؟؟؟؟ !!!!!!!!!!!!!!

مالكم مسالمين كده ؟؟؟؟؟؟؟؟؟؟؟

إللي مانا شايف حد بيقول ..

هاقطعه و أعبيه في اكياس و اوزعه علي ال 28 محافظة !!!!!!!

و لا حد بيقول هاوّصله بسلك كهربا ...

لا لا لا لا ...

مفيش واحدة عايزة تضحي عشان مايكونش من نصيب حد تاني ؟؟؟

لا لا لا ...

مكنش العشم .. !!!