المساعد الشخصي الرقمي

مشاهدة النسخة كاملة : مين عنده قوة ملاحظة يجي يلعب معايا



الصفحات : [1] 2

سمسمة
01-04-2004, 06:29 PM
بصوا اللعبة دى هتعتمد على قوة الملاحظة والعبوا معايا بقى عشان انتوا مالعبتوش معايا فى اللعبة اللى فاتت

هنسئل اسئلة متعلقة بأى حاجة بس المهم انها بتعتمد على قوة ملاحظة اللى قدامك

يعنى على سبيل المثال:

علبة شاى ليبتون عليها كام لون؟؟:d


او: روبى لابسة كام طقم فى اغنية ليه بيدارى كدة؟؟

او : الشيخ احمد ياسين مات يوم ايه؟

اللى يدخل يجاوب على اى سؤال من دول عشان هى اسئلة للتمثيل بس احنا لسة مابدأناش

يعنى اسئلة متعلقة بكل حاجة واللى يجاوب يكون عليه الدور يسئل سؤال برضو بيعتمد على قوة الملاحظة وكدة يعنى

هيه عبجتكم اللعبة؟*7*

البروفة سمسمة..*77*

إسلام شمس الدين
01-04-2004, 07:08 PM
لعبة جميلة يا سمسمة

الشيخ أحمد ياسين استشهد فجر يوم الاثنين 22/3/2004

سمسمة
02-04-2004, 03:59 PM
يعنى مفيش حد لعب معايا غير اسلام*12*
شكرا يااسلام*17*
طب يالا اسئل بقى سؤالك*37*
البروف سمسمة..*145*

إسلام شمس الدين
02-04-2004, 06:27 PM
و لا يهمك يا سمسمة ، بالتدريج إن شاء الله الجميع هيشارك في المسابقة

سؤالي هو :
اسم عبد الحليم حافظ في فيلم ( الوسادة الخالية ) كان ايه ؟

أشجان الليل
03-04-2004, 12:20 AM
مش عارفه!!
بس أنا عاوزه أقول لسمسمه إنى غن شاء الله هشارك أول ما أعرف إجابة سؤال!

ولايزال سؤال إسلام مستمر..
اسم عبد الحليم فى الوسادة الخالية

أشجان الليل
03-04-2004, 12:24 AM
مش عارفه!!
بس أنا عاوزه أقول لسمسمه إنى إن شاء الله هشارك أول ما أعرف إجابة سؤال!


ولايزال سؤال إسلام مستمر..
اسم عبد الحليم فى الوسادة الخالية

سمسمة
03-04-2004, 06:32 PM
كدة بقينا تلاتة حلوين اوى*9*
بس بقى مش متأكدة من اجابة السؤال عشان مااعرفش حاجة عن الافلام *87*
اسمه عبده او عبد المنعم
صح كدة يااسلام؟؟؟*4*

البروف سمسمة..*145*

بنت مصر
03-04-2004, 06:56 PM
كان اسمه صلاح وهي كان اسمها سميحة

ودي لقطات من الفيلم

http://www.art-tv.net/Images/ShowsImages/MoviesAmerica/1788/Large/wsadakhalia_medium.jpg

http://www.art-tv.net/Images/ShowsImages/MoviesAmerica/1788/wsadakhalia_gallery2_big.jpg

http://www.art-tv.net/Images/ShowsImages/MoviesAmerica/1788/wsadakhalia_gallery1_big.jpg

http://www.art-tv.net/Images/ShowsImages/MoviesAmerica/1788/wsadakhalia_gallery4_big.jpg

http://www.art-tv.net/Images/ShowsImages/MoviesAmerica/1788/wsadakhalia_gallery3_big.jpg

ناقص بقا احكيهولكم كله


سؤالي بقا

كم حرف الف في عنوان الموضوع دا؟؟ *7*

رقة الورد
03-04-2004, 07:02 PM
*4* *4* *4*

أنا عندي قوة ملاحظة عجيييييييييبة تكسر الصخر لكن اخاف من الحسد :d :d

راجعين تاني *8* *8*

أشجان الليل
04-04-2004, 12:01 AM
حرفين ألف

((غشاشه بشكل أنا))

سؤالى يقى..
من غير ماتغش..
بسنت حطت كام صورة من فيلم الوسادة الخالية؟

رقة الورد
04-04-2004, 11:45 AM
5 صور

سؤالي أنا شو اسمي ؟!!! :d

سمسمة
04-04-2004, 08:11 PM
عديتهم وقولتيهم يارقة الورد *85*

عارفة اسمك ايه سالى*87*

لان اسمك على اسم اختى فلزقت بقى

وعلى فكرة يااشجان الليل ياخيابنة هم مش حرفين هما تلاتة لانه فيه الف فى كلمة ملاحظة :d

سؤالى بقى:

بسنت فى الالف الكام؟؟ وبدون غش

البروف سمسمة..*37*

بنت مصر
04-04-2004, 08:24 PM
انا ما فهمتش السؤال يا بروف
بس اسمي موجود اهو :d
مفيش خيارات*11*

بسنت

جنان الفردوس
05-04-2004, 11:47 PM
عملت سبع آلاف
وفي الألف التامنة..
من غير غش طبعا..
أنا بصيت على اسمها بس
:d

بنت مصر
06-04-2004, 12:02 AM
طيب فين سؤالك يا طنط جنان ؟؟

أشجان الليل
06-04-2004, 12:19 PM
ماشاء الله يا بسنت :)
عقبالى

ياللا بقى يا جنان..
هاتى سؤال بسرعه

سمسمة
06-04-2004, 05:25 PM
كملت 4000 مشاركة ولا حد عبرنى*4*



هسئل انا سؤال:



مذيعة برنامج قبل ان تحاسبوا ....اسمها ايه؟؟؟



البروف سمسمة..*100*

جنان الفردوس
06-04-2004, 08:45 PM
مبروك يا بت يا سمسة..
عقبالي..
المهم خلينا في السؤال..
اسمها ايه؟؟
مش فاكرة طبعا؟
حد يجاوب مكاني

سمسمة
07-04-2004, 06:47 PM
محدش عارف؟؟؟؟؟؟؟؟؟؟*63*

أشجان الليل
09-04-2004, 01:17 AM
هه؟؟
مين؟؟
فيــــــــــــــــــــن؟

بنت مصر
09-04-2004, 11:29 AM
قولي انت يا سمسمة
اسمهاا ايه *11*

سمسمة
09-04-2004, 06:56 PM
اسمها بسمة *4*

لو اسلام ماكنش طفش من اللعبة كان قالها

السؤال :

كام موضوع مثبت فى القاعة دى؟؟

movie maniac
09-04-2004, 11:26 PM
افتكر ثلاثة *3*

ممكن ألعب معاكم ، أحسن أنا جديدة ولسه ما أعرفش حد!!!!!!!! *3*

سؤالي هو لو كان ممكن يعني :

أول موضوع مثبت في القاعة دي كان بتاريخ كام؟؟؟؟؟؟؟؟؟؟؟؟
*8* *8* *8*

جنان الفردوس
10-04-2004, 12:00 AM
معرفش طبعا
..
انا كده عايزة كتاب تاريخ..
يا جماعة اسألوا أسئلة سهلة.. أو أسئلة ممكن نغش فيها :d
انا مش عارفه اجاوب على حاجة خالص

سمسمة
10-04-2004, 07:19 PM
movie maniac اهلا بيكى

والاجابة بالأمس

نورتى اللعبة واهلا بيكى فى المنتدى

*191*

طيب هاسئل سؤال:

لون بادج قناة دريم 2؟؟

البروف سمسمة..*95*

بنت مصر
10-04-2004, 07:49 PM
دريم 1 لونها أحمر
دريم 2 ازرق

سؤالي بقا

الفستان اللي كانت لبساه يسرا في أغنية الكباب الكباب هنخلي
عيشتكوا هباب في فيلم الارهاب والكباب كان لونه ايه
:d

أشجان الليل
12-04-2004, 01:13 PM
أحمــــــــــر
ملعلع :)

فى كام برنامج ديني يومى بيجي على القناة الأولى؟

سمسمة
13-04-2004, 07:46 PM
حديث الروح

1

صح ياشوشو

*87*

جنان الفردوس
13-04-2004, 10:34 PM
فينك يا شوشو عشان تقوليلنا على اجابة السؤال صح ولا غلط
( أنا عارفه انك مبتحبيش اسم شوشو .. بس انا بغيظك مش اكتر ;) )

أشجان الليل
15-04-2004, 01:51 AM
أنا جاوبت هنا امبارح...
فين المشاركه؟؟؟؟؟؟؟؟؟؟


أيوه صح

كملوا بقى

سمسمة
19-04-2004, 07:09 PM
طيب انا هسئل سؤال بقى وبدون غش.....

مذيعة برنامج ع الهوا هوانا اللى كان بيجى على دريم اسمها ايه؟؟؟؟؟

سؤال سهل بقى اهوه

البروف سمسمة..*115*

جنان الفردوس
19-04-2004, 07:57 PM
أنا عارفه
هالة سرحان
صح؟؟

سمسمة
26-04-2004, 07:39 PM
صح

اسئلى بقى سؤال

ولا زمانك مش جاية دلوئتى

هسئل انا

فيه كام قاعة فى المنتدى؟؟؟؟؟

البروف سمسمة..*146*

أشجان الليل
27-04-2004, 12:09 AM
18 قاعة للأعضاء
و20 للمشرفين
صح واللا أنا غلطان؟!!

أدهم صبري
27-04-2004, 01:09 PM
اية دة هو الموضع دة معمول للأتحاد النسائي في المنتدى فقط ولا اية انا مكنتش شايف غير اسلام وشكلكم طفشتوه بسرعة


طيب ممكن انا اسأل

كام عضوة مشاركة في الموضوع

سمسمة
27-04-2004, 02:36 PM
4

صح؟

ابن البلد اسمه الحقيقى ايه؟؟؟

الكينج أبو وليــــد
27-04-2004, 04:39 PM
اسمه الحقيقى

احمد صلاح

aynad
29-04-2004, 08:26 PM
فين السؤال يا شاعر العرب ؟؟؟
طب انا حسأل سؤال
في مسلسل لن اعيش في جلباب ابي عبلة كامل كانت اسمها ايه ؟؟؟

أشجان الليل
02-05-2004, 09:59 PM
فااااااااااااااااااااطمه
هههههه

سؤالى بقى...
ماتش الزمالك والهلال السعودى خلص كام كام؟؟؟؟؟؟؟؟؟

أدهم صبري
03-05-2004, 12:37 AM
دة كان امتى يا اشجان

وشكلك بتشجعي الكورة اكتر من الولاد لاني معرفش ان كان في ماتش بين الزمالك والهلال في دوري ابطال العرب

الهلال - السعودية 2 : 0 الزمالك
2 : 0 نتيجة الشوط الأول
اصحاب الأهداف
سامي الجابر
تراوري

سؤالي رخم شوية

حكيم في اعلان شاي العروسة شرب كام كباية شاي

الكينج أبو وليــــد
03-05-2004, 07:15 AM
في مسلسل لن اعيش في جلباب ابي عبلة كامل كانت اسمها ايه ؟؟؟[/quote]


كان اسمها فاطمة

أدهم صبري
03-05-2004, 09:38 PM
اية يا شاعر العرب السؤال دة اتجاوب من زماااااااااااااان

طيب جاوب على السؤال بتاعي يا باشا

أشجان الليل
04-05-2004, 02:18 AM
شرب عشرتاشر كبايه

صح؟؟؟
ههههههههه

ده ايه ده أيه ده ده ده أيه ده السؤال الغلس ده
خخخخخخخخخ

أدهم صبري
04-05-2004, 11:51 AM
صح هنعديهالك النهردة يا اشجان

لأني بسأل شرب كام كباية شاي مش من كام كباية شاي يعني هو مشربش ولا كباية شاي كاملة ونظرا لأن الأخت اشجان وضحتلي ان ممكن تكون صعبة ورخمة في نفس الوقت فلها السؤال الأن

بس بعد كدة مش هعديها لحد

aynad
04-05-2004, 11:56 PM
طيب انا حسأل سؤال
في فيلم شورت وفانلة و كاب
مين اللي كان لابس الشورت ومين اللي كان لابس الفانلة ومين اللي كان لابس الكاب
هههههههههههههههههههههههه
لالالالالالالالالالالالالالالالالالالا
السؤال اهو
احمد السقا كان اسمه ايه؟؟؟؟؟؟؟؟؟

أشجان الليل
05-05-2004, 12:56 AM
هه؟؟
مين؟

aynad
05-05-2004, 01:08 AM
لا يا اشجان مش حقول السؤال سهل
استعيني بصديق

أشجان الليل
07-05-2004, 02:34 AM
كلهم تليفوناتهم مقفوله!!!!!!!!!!!!

جنان الفردوس
08-05-2004, 05:38 PM
أنا شوفت الفيلم بس من زمان
فمش فاكرة طبعا
طب قولي اول حرف وانا اكمل

أدهم صبري
08-05-2004, 06:16 PM
طيب انا عارف واحد

احمد السقا كان لابس كاب

ولو ممكن

مش فاكل اسماء الي كانوا لبسين شورت وفنلة