المساعد الشخصي الرقمي

مشاهدة النسخة كاملة : شر لابد منه ..... (وسلملي على الرومانسيه...!!!)



Candle
12-02-2010, 04:57 AM
في يوم. . . .

وانا مروحه من الكليه . . . .

عديت على زيزو أزيه عشان أضربلي واحد كشري ..... المهم هناك بعد ما قعت على التربيزه

مستنيه يجي الطلب بتاعي . . . .شفت إتنين جيين من بعيد ( ولد وبنت )مكتوش مشيين كانو

طيرين وكانت السعاده بتنط من عنيهم وكانو ماسكين في ايد بعض

والدبلتين بيلمعو في ضوء الشمس . . .
.
كانت هي قمه في الرقه والرشاقه . . . .

وهو في كامل شياكته. . . .

باختصار كانو في عالم تاني

عرفت على طول انهم في اول اسبوع

قعدو على التربيزه اللي قدامي . . . . جلهم زيزو ازيه وهو مش طايق نفسه (كالعاده) عشان

يشوف طلابتهم
هو سألها بكل حنان وحب: تطلبي إيه يا حبيبتي ؟

وهي ردت عليه بكل رقه :اللي تشوفه يا حبيبي ....

رد زيزو ازيه : اخلصو مفيش هناالا كشري . . . عايزين كام واحد ؟

ولانها طبعا عصفور كناري صغير كانت بتاكل رزايه رزايه ُوهو كان بياكل قطمه وياكلها قطمه . . . .

كل ده وايده في ايدها وعنيه في عنيها

وشويه يعدلها في القصه اللي مطلعاها من الطرحه (!!!!)وهي بتعدله في لياقه القميص

قطع عليا المشهد الرومانسي ده صوت غليظ وعالي جي من ورايا !

بصيت لقيت راجل في الخمسين تقريبا بيتخانق مع زيزو هو والمدام لان طلبه اتأخر . . . . اما بقى

المدام دي حكايه قاعده على الكرسي ما شاء الله( مليه مركزها)كانو هما الاتنين بياكلو

بشراهه
وجوزها كان سرحان وعمال يقلب المعلقه في فمه قطمه والتانيه والتالته و....

وهو سرحان ومش طايق نفسه ولا طايق اللي قاعده جنبو( مراته) وكل واحد فيهم باصص في

نحيه تانيه خالص وبعد ما خلص طبقه السادس(! ! !) حاول ياكل من طبق مراته . . . . مراته لما

انتبهت ضربته فورا على ايده وقالتله :

يا مفجوع ! ! ! بتعمل ايه ؟؟؟

سبت الحاج والحاجه وهما في قمه الرومانسيه( ! ! ) زي ما انتو شايفين وبصيت لعصفورين

الكناري وكنت عاوزه اقولهم :شايفين الحاج والحاجه اللي ورايا . . . هو ده مستقبلكم بعد عشرين

سنه . . . . . . .






وسلملي على الرومانسيه . . . . . .! ! ! !

وفاء علاء
13-02-2010, 04:32 PM
هاهاهاهاهاهاها
حلوة أوي

http://zoom.maktoob.com/showImage.php?setID=&groupID=&showPrivate=&ImageID=165245&size=500

Candle
16-02-2010, 09:15 AM
ميرسي ليكي يا وفاء ....


وشكراً على مرورك يا قمر ....


تقبلي تحيااااااا اتي ....

بنت شهريار
20-02-2010, 01:27 PM
هههههههههههه
دا التطور الطبيعى للحاجة الساقعة
شوووووووووووووووويبس :d

أخت ضابط شرطه
22-02-2010, 10:13 AM
هههههههههههههههههههههههه

تسلم إيدك يا قمر

elcinderella
22-02-2010, 11:26 AM
هههههههههههههههههههههههه
تسلم ايدك

حلوه اووووووووووى العصفورتين دول
ورومانسيين اووووووى الحاج والحاجه
المهم زيزو ازيه جبلك طلبك

Candle
01-03-2010, 01:48 AM
هههههههههههه
دا التطور الطبيعى للحاجة الساقعة
شوووووووووووووووويبس :d


هاهاهاهاها ..!!

فعلاً والله ...

نــوران
01-03-2010, 09:06 PM
ههههههههههههههههههههههههههه

دع شئ طبيعي جدااااا و واقعي

طيب انا للعلم يعني احب الشئ الواقعي و اكره الشئ الحالم و الخيالي

و يمكن بجد اكون متغاظة من العروسين لاني عارفة انهم بيضحكوا على بعض بالحركات دي

لكن الناس الخبرة ( 6 اطباق كشري و عينه في طبق مراته ههههههههههههههه ) دي العشرة الصح و الحب الراسخ

و الدليل واضح جداااااا انهم مستحملين بعض 30 سنة ده قمة الرومانسية

بس هل اكلتي الكشري ولا عم الحاج اكل طبقك انتي كمان ههههههههههههههههه

mohamed salama
04-03-2010, 08:52 AM
ونعم الرومانسيه
مفيش بعد كده
ودا اللى انا قولته من الاول


Photo Gallery