المساعد الشخصي الرقمي

مشاهدة النسخة كاملة : مسابقة كلام في سطور على لحن مشهور



الصفحات : [1] 2

سيمفونية كاتبه
19-01-2010, 09:53 PM
http://www.loly-ho.com/data/media/3/2-2-loleeta.gif

http://www.loly-ho.com/data/media/3/10-loleeta.gif

السلام عليكم ورحمة الله وبركاته

http://www.loly-ho.com/data/media/3/11-loleeta.gif

أهلاً ومرحباً بكم جميعاً

صباحكم / ومسائكم عندليب

النهاردا معانا ايه مسابقة جديدة بس شقيه جداً

ومميزة جداً ورائعة جداً طبعاً شوقتكم ليها صح ..؟!

المسابقة فعلاً كدا أنا حبيتها جداً هي الحقيقه مش من أفكاري

المسابقة فكرة وإعداد العندليب الرائع

أ. أيمن رشدي

دوري فيها مجرد وسيط :poster_oops:

تعالوا نتعرف على المسابقة

كلنا بنسمع أغاني كتير قديمة وحفظناها

والأهم إن لحنها بيكون مميز ومش بيتنسي أبداً

لكن لو غيرنا الكلمات ياترى هتعرف الأغنية من لحنها ...؟

ده السؤال هنجيب لحن معروف من أغنية مشهورة كلنا عارفينها

وأ. أيمن رشدي هيكتب لنا على لحن الأغنية دي كلمات كوميدية

دوركم بقى تعرفوا عن طريق لحن الكلمات الجديدة إيه إسم الأغنية الأصلية

علشان نوضح أكتر ركزوا معايا

كلنا عارفين لحن أغنية حبيبها .. عبد الحليم بتقول

حبيبها ... لست وحدك حبيبها

حبيبها أنا ...:sh:

شوفوا بقى لو غيرنا الكلمات ولكن على نفس اللحن

سيبها بقى ... سيبها وفلسع بلاش شقا...

سيبها يا سي "تومي" وهكذا فهمنا صح

هنلتقي مرتين في الأسبوع مع كلمات جديدة بقلم

أ. أيمن رشدي وعليكم انتوا تعرفوا إيه هي الأغنية

كل عضو يجمع 3 نقاط له تقييم من الإدارة

وإحنا اتفقنا معاهم على كدا ..

ياللا مستعدين نلعب مع بعض

انتظرونا مع .. كلام في سطوووور على لحن مشهووور

ملحوظه

ممنوع التعديل بعد اعتماد الحل والا تعتبر الإجابه لاغيه

تحياتنا لكم ..:hey:

http://www.loly-ho.com/data/media/3/3-loleeta.gif

سيمفونية كاتبه
19-01-2010, 10:03 PM
تعالوا نشوف إيه أول أغنية معانا

طبعاً العندليب حاسس بينا وعارف اننا تعبنا من السيرفر

فحب يعبر عنا تعالوا نشوف قال إيه ..

:f::f::f::f::f::f::f:

السيرفر كلمات أ. أيمن رشدي

يا “سيرفر” الحكاية... زادت عن حدها
الناس جابت ملاية... وفارشة تحتها
صابرين لمّا النهاية... ينولوا قُربها
يا “سيرفر” الحكاية... زادت عن حدها

يا “سيرفر” كنت عال... كام شهر بحظنا
طب ليه الحال دا مال؟... وميّل بختنا
هَلَكت ف وقتنا... ضيّعت شغلنا... مرّات من غلبنا... يئسنا ف عدّها
يا “سيرفر” الحكاية... زادت عن حدها ... ... ينولوا قُربها

يا “سيرفر” اتحسد... ع الشغل كام أسبوع
مدد يا شيخ مدد... شَبعة وبعدها جوع
مشغول لي حضرتك... دا الشاشة ملّتك
ودايماً وقفتك... بيطوّل وقتها
يا “سيرفر” مشّي حالك... دا صبرنا انتهى
يا “سيرفر” الحكاية... زادت عن حدها ... ... ينولوا قُربها

يا “سيرفر” اتشقط... مكانه جه سخّان
كام واحد اتنقط... مستني إنس وجان
حيفُك لك عمل... ويحقق الأمل
ونشوفك تشتغل... ما تقفشي بعدها
يا “سيرفر” الحكاية... زادت عن حدها ... ... ينولوا قُربها

هو الشتا ان دخل... ترقد مع النايمين؟
طب هِم واشتغل... حادّيلك الفيتامين
ولاّ انت منظرة؟... ودماغك اتبرى؟... حسرة ع اللي جرى... فين عصر الأبهة؟
يا “سيرفر” الحكاية... زادت عن حدها ... ... ينولوا قُربها


ياترى لحن الكلمات كان على أغنية إيه ...؟

لما نشوف مين هيعرفوا الأول .. :biggrin:

بالتوفيق للجميع :no1:

لمسه
19-01-2010, 10:23 PM
الله الله يامسبقاتك ياهدهوووووود :l:

استاذنا الجميل قوووووووووى العنداليب :f2:

دى اغنية شادي

ويادبلة الخطوبه عقبالنا كلنا ... ونبنى طوبه وبه بعش حبنا

ياترى صوح ولا مو صوح
:p:p

hanoaa
19-01-2010, 10:24 PM
صعبه يا هيدو
سهليها شويه

لمسه
19-01-2010, 10:29 PM
عشان معدلش

معلش كلت كام حره كده كنت جعااااانه

دى اغنية شاديه

ويادبلة الخطوبه عقبالنا كلنا ... ونبنى طوبه طوبه بعش حبنا

لمسه
19-01-2010, 10:32 PM
هنوئه ازيك وحشتينى قووووووى

وادعى يارب تكون صححححححححححح

تعاله ياامير العنادل استاذ ايمن قول لنا صوووح و مووو صوح

غادة جاد
19-01-2010, 10:49 PM
فكرة ممتازة يا هيدو


بجد والله جميلة
شكراً أستاذ أيمن

امممممممممممممممممممممم
بس خلينا نركز شوية

M!sS Roro
19-01-2010, 10:54 PM
مسابقه جميله ..

ولكن للاسف انا ماعرف اغاني مصريه قديمه .. :$

صعبه عليا اللعبه ..

تسجيل حضور واعجاب بالفكره ..

شكرا هايدي ..

شكرا استاذي ايمن رشدي ..

:f2:

سيمفونية كاتبه
19-01-2010, 10:59 PM
ايه الخناقه دي

كلو ضرب فيه كده :xx:

طبعاً منوارين جميعاً

وفين ضرب النار

لموس

وهنوءه

وغيدو

ورورو

أسعدني وجودكم وياللا تابعوا معانا وركزو

دي تقيمات ياجدعان مش اي بتاع ولا كلام نعناع :p

عصفور الشعر
20-01-2010, 02:53 PM
توارد افكار عجيب غريب مريب:fear2:

تصدقى وتؤمنى بالله يا هايدى انا كنت بحضر لموضوع يحمل نفس الفكره بالضبط وحتى كتبت منه حوالى اربع اغنيات على وزن الحان اغنيات شهيره:gp: والغريبه برده انى كلهم اغانى مكتوبه بشكل كوميدى :evil:


الظاهر فيه توحد شعرى واتصال غير مرئى بين وبين العندليب:hey:

انا بقى حفرض نفسى غصب واقتدار على الموضوع :3:. وعايز انزل بالاغنيات دى بالتناوب مع زعيم العنادله ورئيس رابطة الطيور بالمنتدى .. العندليب ايمن رشدى :brawa:

المهم مستنى رايكم .. والاغنيه صعبه اوى .. رغم انها جايه على الجرح:xx:

** بنت مصرية **
20-01-2010, 04:09 PM
اسمحولى اشارك معاكم

وربنا يسهل


تسلمى هايدى

سيمفونية كاتبه
20-01-2010, 04:27 PM
توارد افكار عجيب غريب مريب:fear2:

تصدقى وتؤمنى بالله يا هايدى انا كنت بحضر لموضوع يحمل نفس الفكره بالضبط وحتى كتبت منه حوالى اربع اغنيات على وزن الحان اغنيات شهيره:gp: والغريبه برده انى كلهم اغانى مكتوبه بشكل كوميدى :evil:


الظاهر فيه توحد شعرى واتصال غير مرئى بين وبين العندليب:hey:

انا بقى حفرض نفسى غصب واقتدار على الموضوع :3:. وعايز انزل بالاغنيات دى بالتناوب مع زعيم العنادله ورئيس رابطة الطيور بالمنتدى .. العندليب ايمن رشدى :brawa:

المهم مستنى رايكم .. والاغنيه صعبه اوى .. رغم انها جايه على الجرح:xx:


هههههههههههههههههههههههههههههههههه

منور ياتوت فعلاً سبحان الله على الأفكار عموماً

انا عن نفسي يسعدني متابعتك ومشاركتك بالأغاني

وطبعاً هنتظر رأيي العندليب ولو كده يبقى أنزل حلقه كلماتك

وحلقه كلمات أ. أيمن رشدي وربنا يقدركم على الروشه

إللي هتعملوها للأعضااااااااااء :d

تحياتي :4:

سيمفونية كاتبه
20-01-2010, 04:31 PM
اسمحولى اشارك معاكم

وربنا يسهل


تسلمى هايدى



طبعاً نسمح جداً

منوره بنت مصريه وياللا منتظره

تعرفي ياترى ده لحن اغنية إيه ...؟

سيمفونية كاتبه
20-01-2010, 04:36 PM
انا بقى حفرض نفسى غصب واقتدار على الموضوع :3:. وعايز انزل بالاغنيات دى بالتناوب مع زعيم العنادله ورئيس رابطة الطيور بالمنتدى .. العندليب ايمن رشدى :brawa:

المهم مستنى رايكم .. والاغنيه صعبه اوى .. رغم انها جايه على الجرح:xx:


نبئ هام لعصفور الشعر

طبعاً كلمت العندليب أ. أيمن رشدي وكان رده

هاااااااااااااااااااااا مستعد تتحمل الرد












:2:


































:2:










مهما ان كان ياعني

طيب براحه على الكي بورد

العندليب قال





:hop:








"طبعا يشرفني وينورني وجوده بلا جدال"

ده كان رد العندليب منتظره بقى ياعصفور

انك تبعت لي كلمات أغانيك على الرسائل الخاصه علشان اظبط

اختياراتك في الأغاني وإختيارات العندليب

بالتوفيق

:f2:

سيمفونية كاتبه
20-01-2010, 04:42 PM
مين بقى بيقول الأغنيه صعبه

الأغنيه سهله جداً ومحتاجه اننا نركز

اللحن كان للمطرب شاديه

والفائز بالنقطه هوووووووووو






































لمسه

فعلاً كان لحن أغنية يادبلة الخطوبه

عقبالنا كلنا هههههههههههههههههه

لمسه = 1

انتظرو الأغنيه القادمه

عصفور الشعر
20-01-2010, 04:47 PM
دا عشمى برده فى العندليب :4:رغم انى عارف انى بفرض نفسى على الموضوع بلطجه :3:

حبعتلك حالا وقبل ما انزل على الشغل اول اغنيه .. وحسيبك تعرفيها لوحدك الاول :baby:

سيمفونية كاتبه
20-01-2010, 04:55 PM
طبعاً العندليب علطول قلبه علينا

الأول اختار لينا اغنية علشان عايز يفرح بكل اولاده في المنتدى

ودلوقتي كلماتنا شكل تاني فيها أجمل المعاني

لحنها بنسمعه وعرفينوا لكن ياترى لسه فكرينوا ...؟

ابعد عن الندل كلمات أ. أيمن رشدي

ابعد عن الندل ومواويله
يعمل صديق وانت بتدّي له
واسمعني أنا
حيجيب الضَنا
دا الاجتناب دا عقاب لمثيله
ابعد عن الندل


الشلّة معاه بتسن سنانها... وتهديد ووعيد
ما هي القبيحة ست جيرانها... وسنانها حديد
يبقى نطنشها ونتجنبها
دا عقاب قالوه مالقيتشي بديله
ابعد عن الندل ومواويله


ياللي معاه ناس غاوية تلالي... كذب وتفانين
اصبر حيجرى عليك ما جرى لي... دول ناس بايعين
ولا يعرفوش لا رخيص ولا غالي
يبقى العقاب... م الفكر نشيله
ابعد عن الندل ومواويله


خلاص كفاية عليه تجاهلنا... يستاهل إيه؟
وليه نعمل له قيمة بإيدنا؟... حيساوي إيه؟
حنسيبه يتشحتف على بابنا
خلليه يتربّى كمان وادّي له
ابعد عن الندل ومواويله... عقاب لمثيله

ياترى لحن الكلمات كان على أغنية إيه ...؟

سهله خالص مين هياخد التقييم ..:icecream:

وان شاء الله مصر هتكسب :good:

سيمفونية كاتبه
20-01-2010, 04:59 PM
دا عشمى برده فى العندليب :4:رغم انى عارف انى بفرض نفسى على الموضوع بلطجه :3:

حبعتلك حالا وقبل ما انزل على الشغل اول اغنيه .. وحسيبك تعرفيها لوحدك الاول :baby:


لا والله ياعصفور انت منورنا

ومبسوطين بمشاركتك انا والعندليب

وحاضر هروح اكتشف لوحدي

مهو انت وبابا أيمن عليه

بتجربوا فيه الأول هههههههه

انا هروح أشوف أهو :hey:

بنت شهريار
20-01-2010, 08:21 PM
الله الله على المسابقات النارية
فكرة جميلة اوى
تسلم ايدك أستاذ أيمن :f2:
تسلم ايدك هايدى:f2:
تسلم ايدك مقدما توووووت :f2:


هو انا لو جاوبت هتقيمونى :d

لمسه
20-01-2010, 08:36 PM
ابعد عن الحب .:h:...وغنى له
ترررارارره

وان فات عليك..... اياااااك تنديله :gun2:

ترررارارره

خاليك زينا .. فى حياتنا هنا :good:

خاليك زينا... وحياتنا هنا :good:

لا خدنا منه:gun2:.... ولا بنديله :3:

ابعد عن احب ... ابعد عن الحب ..ابعد عن الحب وغنىىىى له


ودى كانت اغنيه (عادل مامون ) والله اعلم بتاعت مين بس ده اسم المغنى اللى فاكراه

ها ايش جوالك

طـــــير في الســـما
21-01-2010, 07:27 PM
موضوع جميل جدا


و فكرة متميزة



و واضح ان العندليب و عصفور الشعر هيدوخونا شوية



اعملوا حسابي معاكوا هنا لو سمحتوا


:f2:

سيمفونية كاتبه
21-01-2010, 07:31 PM
الله الله على المسابقات النارية
فكرة جميلة اوى
تسلم ايدك أستاذ أيمن :f2:
تسلم ايدك هايدى:f2:
تسلم ايدك مقدما توووووت :f2:


هو انا لو جاوبت هتقيمونى :d



منوره يابيرووووووووووووو

وطبعاً ممكن تشاركي عادي ولو كسبتي

هتفق مع قلب مصر تقيمك

ياللا بقى فين الجواب :schnauz:

سيمفونية كاتبه
21-01-2010, 07:34 PM
ابعد عن الحب .:h:...وغنى له
ترررارارره

وان فات عليك..... اياااااك تنديله :gun2:

ترررارارره

خاليك زينا .. فى حياتنا هنا :good:

خاليك زينا... وحياتنا هنا :good:

لا خدنا منه:gun2:.... ولا بنديله :3:

ابعد عن احب ... ابعد عن الحب ..ابعد عن الحب وغنىىىى له





ابعدي ياختي برحتك ماحدش هيحوشك :hop:

سيمفونية كاتبه
21-01-2010, 07:36 PM
موضوع جميل جدا


و فكرة متميزة



و واضح ان العندليب و عصفور الشعر هيدوخونا شوية



اعملوا حسابي معاكوا هنا لو سمحتوا


:f2:


احب اطمنك يا إيمي

ان العندليب جايب اغاني

إللي هيعرفها بجد هيكون عبقريون

منوره الموضوع يادكتوره

بس فين جوابك على الأغنيه ...؟

هنتظرك .. :hop:

تحياتي لكـِ

اليمامة
21-01-2010, 08:05 PM
موضوع حلو اوى يا هايدى..ومحتاج تركييييييييييييز..ههههههه...اللى عايز يتعلم التركيز يجى هنا.ابعث بالتحيات للعيلة العندليبية كلها من اول العندليب الكبير الاستاذ ايمن رشدى وحتى العندليب الصادح عصفور الشعر..
وبجد بجد هاستمتع بالشعر الجميل هنا اوى..انا معاكوا يا هايدى..باسجل اسمى وعمالة اشغل مخى علشان احل الاغنية اللى فاتت بس بيتهيالى لمسة عملتها صح..لانها ماشية معايا كدة...هافكر وهارجعلك ومعاكوا دايما.

جميلة بوحريد
21-01-2010, 08:19 PM
فكرة ممتازة فعلا وجميلة

شكرا للأستاذ / أيمن على الفكرة الرائعة
وشكرا للجميلة هايدي على التنفيذ الجميل
ومبروك للمسة أول نقطة

oo7
21-01-2010, 10:02 PM
متشكر اوى يا هايدى على الدعوة

وواضح ان لمسة مكتسحة المسابقة

بس على مين

انا جيت وانسى يا لمسة انك تاخدى نقطة تانى



تحية كبيرة لفكرة هايدى وا/ايمن
متابع ان شاء الله

thereallove
21-01-2010, 10:26 PM
مسابقه جميله يا هايدي

وكلمات اكتر من رائعه

ولمسه عامله شغل جااااااااااااامد

مشترك معاكم ومتابع ان شاء الله

sea horse
22-01-2010, 08:48 AM
حلوه بجد فكرة المسابقة
وبالنسبه للاغنيه فهى فعلا اغنية ابعد عن الحب وغنيله لعادل مأمون
ومن ألحان عادل مأمون نفسه
صباح الفل

drmustafa
22-01-2010, 09:58 AM
هايدى
فكرة جميلة وتنفيذ أجمل
سنستمتع باشعار العندليب والعصفور

لمسة
شكلك كدة مش ناوية تسيبى حد يجاوب
حد يتوه لمسة فى المنتددى ويقفل باب الموضوع بقى

سيمفونية كاتبه
22-01-2010, 10:53 AM
موضوع حلو اوى يا هايدى..ومحتاج تركييييييييييييز..ههههههه...اللى عايز يتعلم التركيز يجى هنا.ابعث بالتحيات للعيلة العندليبية كلها من اول العندليب الكبير الاستاذ ايمن رشدى وحتى العندليب الصادح عصفور الشعر..
وبجد بجد هاستمتع بالشعر الجميل هنا اوى..انا معاكوا يا هايدى..باسجل اسمى وعمالة اشغل مخى علشان احل الاغنية اللى فاتت بس بيتهيالى لمسة عملتها صح..لانها ماشية معايا كدة...هافكر وهارجعلك ومعاكوا دايما.


هههههههههههههههههه ايون لازم نركز جامد جداً

منوره يا يامامه وسعيده بوجودك

جميله

oo7

الإمبراطور

sea horse

دكتور مصطفى

أسعدني تواجدكم جميعاً

وحد يكعبل البنت لمسه

لان الجواب صح

والنتيجه ...

لمسه = 2

انتظرو الأغنيه الجديده بعد لحظات

سيمفونية كاتبه
22-01-2010, 11:01 AM
كلماتنا النهارده سهله جميله

لحنها كلنا عارفينوا ولكن ياترى لسه فاكرينوا ...؟

http://www.cats.gatech.edu/ELF/games/jigsaw%20puzzle/images/monkey.jpg

قرد جنان .. كلمات عصفور الشعر

أنا عندى قرد جنان .. دايما مبسوط فرحان

لما بيضحك بيبانوا .. البيض الحلوه سنانو

وعنييه تلمع .. وودانو .. تحمر بسرعه كمان


وبيتنطط .. يا شقاوته .. ولا أجدع بهلواااااان

وانا عندى قرد جنان

ياترى لحن الكلمات كان على أغنية إيه ...؟

اليمامة
22-01-2010, 11:04 AM
اهلا هايدى
كلمات حلوة عصفور الشعر..أظن دى أعنية "أنا عندى بغبغان..غلباوى بنص لسان"المشكلة ان ثقافتى فى الاغانى حقيقى وحشة....أعتقد الاغنية دى لوردة الجزائرية...صح واللا اية؟

فتى مصر
22-01-2010, 12:22 PM
انا عندى بغبغان بس مش عارف مين الى كان بيغنيها ...

تحياتى على الموضوع ...

sea horse
22-01-2010, 01:05 PM
الاغنيه لورده الجزائرية ويمامه صح

bnt elislam
22-01-2010, 10:01 PM
السلام عليكم المسايقه جامده
ياهدهود ودايما متالقه وطبعا العندليب مش محتاج كلام لى عوده مره اخرى
كنت بسجل اعجابى بالفكره

bnt elislam
22-01-2010, 10:03 PM
على فكره الاغنيه لورد ه الجزائريه ومتهيقلى على وزن غنيه انا عندى بغبغان

sea horse
23-01-2010, 10:35 AM
هيه المسابقه نامت ليه ؟

سيمفونية كاتبه
23-01-2010, 10:44 AM
منواريت جميعاً واعتزر عن التأخير

وأشكركم على تواجدكم وحماسكم

والإجابه كانت أغنية







:hey:

























انا عندي بغبغان .. للجميله ورده

ونقول مبروك النقطه لـ اليمامه

سيمفونية كاتبه
23-01-2010, 10:46 AM
النتيجه حتى الأن ..

لمسه = 2

اليمامه = 1

انتظرونا مع الكلمات الجديده وخلي بالكم من لمسه

التقييم قرب ولكن ياترى مين هيفوز به ..؟! :no1:

سيمفونية كاتبه
23-01-2010, 11:00 AM
طبعاً العندليب علطول قلبه علينا

فاحب يختار لينا كلمات تخص مشاكلنا

ولكن على لحن عرفينوا وحفظينوا ولكن ياترى لسه فكرينوا ...؟


التعليم كلمات ... أ. أيمن رشدي

ع اللي جرى لنا... ع اللي جرى لنا
تعليمنا والله... حيجيب أجلنا
الفصل كله... غطس ماباين
حتى الأفندي غايب ما جالنا
ع اللي جرى لنا... ع اللي جرى لنا

فكر المناهج غطاه الغبار... فين المعامل؟ فين الرياضة
فين الموسيقى "روند" و"نوار"؟ ولاّ ختامنا أمخاخ بياضة؟

في الحَشْرة قعدتنا... والبيه مكروتنا
ضاعت مصايرنا ... ما حد فاكرنا
الفصل كله... غطس ماباين
حتى الأفندي غايب ما جالنا
ع اللي جرى لنا... ع اللي جرى لنا

درسي الخصوصي جايب لي كارثة... تلخيص ملخّص... إنجز وعدّي
والفكر طبعاً مافيش ممارسة... شخصية ميح، والدماغ مصدّي

في الحَشْرة قعدتنا... والبيه مكروتنا
ضاعت مصايرنا ... ما حد فاكرنا
الفصل كله... غطس ماباين
حتى الأفندي غايب ما جالنا
ع اللي جرى لنا... ع اللي جرى لنا


ياترى لحن الكلمات كان على أغنية إيه ...؟

سهله خالص بس محتاجه تركيز مين هياخد التقييم ..:icecream:

سيمفونية كاتبه
23-01-2010, 12:10 PM
طبعاً العندليب هيخلي الكل يضرب فيه انا

علشان كده هسهلها شويه

وأقول ان الأغنيه

لفايزه أحمد ياللا

كده بقت سهل خالص

طـــــير في الســـما
23-01-2010, 12:16 PM
يا عندليب مينفعش كده



براحة علينا شوية



بعد تسهيل هايدي

و تفكير


و تركييييييييييز

ممكن تكون اغنية


يا تمر حنة



ها؟؟؟؟؟؟؟؟؟؟؟؟؟؟

** بنت مصرية **
23-01-2010, 12:20 PM
بيتهيألى بيت العز

** بنت مصرية **
23-01-2010, 12:57 PM
فينك هايدى

بصى ممكن تكون خليكو شاهدين

اختارى انت بقى ;)

سيمفونية كاتبه
23-01-2010, 01:05 PM
هايدي مش بتلحق ترتاح :rolleyes:

عندنا دلوقتي جوابين

تمر حنه

وبيت العز

وفايزه عامله اغاني كتير جدا

ها حد هيزود ..؟

حد هيقول حاجه تاني ..؟ :sh:

طـــــير في الســـما
23-01-2010, 01:20 PM
مهي كمان الاغنية صعبة

يعني الاستاذ ايمن المفروض مع كل اغنية يدفع خمسين قرش بصراحة

sea horse
23-01-2010, 04:18 PM
ياتمر حنه يا تمر حنه
الورد كله ملا الجناين واشمعنى انت اللى ما بينا

bnt elislam
23-01-2010, 10:48 PM
لا ياهيدى صاعبه خالص
حاولى تغشيشنا اكتر من كدا

مي مؤمن
24-01-2010, 12:58 AM
هي تمر حنه يا هايدي
يا تمر حنا يا تمر حنا
خليتي بينا وبعدتي عنا
الورد كله كسى الجناين
واشمعنى انتي الي شرده منا


Photo Gallery