المساعد الشخصي الرقمي

مشاهدة النسخة كاملة : @@ نكت تجيب ضغط و سكر أوعى تقرأها @@



فلك 99
29-02-2004, 08:11 AM
بسم الله الرحمن الرحيم

واحد مسطول ماشى في الشارع لقي عمود نور مكتوب عليه شقة للإيجار راح قعد يخبط على العمود لغاية لما جاله مسطول تانى قال له أنت بتعمل إيه هنا قال له اصلي لقيت مكتوب شقة للإيجار قمت قعدت اخبط بس محدش رد علىّ قام التانى قال له غريبة مع إن الجماعة منورين النور فوق.

* واحد مسطول دماغه لفت قابلها من الناحية التانية. :D

* واحد بيحلق ذقنه التليفون رن، عور نفسه عشان لما يرجع يعرف هو وقف لحد فين.

* واحد بلدياتنا حب يشرب سيجارة حطها ف كباية.

* واحد بيسأل صديقه هو إيه الفرق بين تجارة الحشيش وتجارة عين شمس؟
الصديق: تجارة عين شمس 4 سنين إنما تجارة الحشيش على الأقل 25 سنة.

* مسطول مزور ورقة بنكنوت إنما 10/10 مع ذلك مسكوه يا ترى ليه؟
عشان كان مزور ورقة بستين جنيه.

* واحد كريم أتحرق بيته لما جت المطافي حلف عليهم ما :)
يعملوا حاجه لحد ما يشربوا القهوة.

واحد بيسأل زميله في المدرسة: هي الهند بعيدة عن هنا؟
الزميل: لا.. لا..معانا واحد هندي في الفصل كل يوم يجي المدرسة بالعجلة بتاعته.

* واحد عصبي قوي ضرسه وجعه راح للدكتور وقال له اخلع كل ضروسي وخليه كده زى الكـلب لوحده.


* جماعة محششين قاعدين في خيمة و كانوا عايزين كبريت واحد منهم أتبرع انه يجيب الكبريت خرج ودخل من الباب الثاني و قال لهم يا شباب ألاقى عندكم كبريت قالوله استريح خمس دقائق لسه باعتين واحد أول ما يرجع نديلك واحد.

* واحد بخيل قوي ضرب عياله؟ طب ضربهم ليــه ..؟
عشان لقاهم مشغلين المروحة على ثلاثة وهم اثنين بس في الاوضه.

* اثنين محششين فواحد فيهم بيقول للتاني تصدق إن بالي مشغول، رد عليه الثاني: أكيد السماعة مرفوعة.

* ثلاثة فشارين راحوا في للغابة عشان يصطادوا الأول قال هاصطاد أرنبين والثاني قال هاصطاد غزالين والثالث حب يوسعها وقال هاصطاد نمرين وراح كل واحد على أساس يصطاد اللي قال عليه الأول اصطاد الأرنبين والثاني الغزالين ولما جه الدور على الثالث شاف نمر وباين عليه جعان قام النمر جرى وراه وهو بيجرى مر علي أصحابه قالهم امسكوه لغاية ما اجيبلكم الثاني..

* واحد بخيل دخل مع ابنه سوبر ماركت الولد قال لأبوه: بأحب الشوكولاته أبوه قاله: حبها ورجعها مكانها.

* واحد بخيل قال لابنه: إنجح السنة دي وأنا أجبلك كورة.. الولد شد حيله ونجح.. أبوه أشترى له كورة.. وقال له: طب لو نجحت السنة الجاية هانفخها لك.


* واحد محشش كان حيخبط واحدة بالعربية. قالت له أنت ماشفتنيش. قالها أيوه شفتك بس مش فاكر فين؟؟

* اثنين محششين قاعدين قدام مرايه الأول قال قوم نسلم على اللي قاعدين قدامنا، ولما وقفوا قال الثاني اقعد اقعد هما جايين علينا.

* ثلاثة صقور أتراهنوا على الصيد راح الأول ورجع في منقاره دم قليل قال شفتو الشجرة اللي هناك دي؟ قالوا أيوه قال اصطادت عندها أرنب راح الثاني ورجع في منقاره دم كثير قال شفتو الصخرة اللي هناك دي قالوا أيوه قال اصطادت عندها
غزال راح الثالث وهو أغبى واحد فيهم ورجع وكله دم قال شفتوا العمود اللي هناك ده قالوا أيوه قال أنا ما شفتهوش. .

* محشش بيسوق عربية ومعاه أبوه، أبوه قاله: لف يمين.. المحشش قاله لف أنت أنا سايق.

* حكمة المحشش: العلم نور, والنور كهرباء, والكهرباء خطره. .... يبقى نتعلم ليه؟

* قزم راح للترزي عشان يفصل جلابية وبعد ما أخذ الترزي مقاساته قاله القزم إمتى تخلص قاله الترزي خدلك لفه وتعال.

* واحد ماعندوش غير ضرسين قدم على وظيفة عينوه خرامة.

* واحد قبل ما يموت قال لمراته إذا مت اتجوزى جارنا محمود فبتسأله ليه قالها عشان باع لي مره بضاعة وغشني فيها....

* واحدة أعطت صاحبها ببغاء هدية ثاني يوم سألته عن
الببغاء؟؟؟ قالها عادي يعني طعمه زى طعم الفراخ.

* واحد راح يغير أنبوبة بوتاجاز فبيقول لامه ادعي لي قالته انشاله تنفتح في وشك.

* محشش راح للدكتور قاله الدكتور أنت لازم تعمل إشاعة خرج من الأوضة وقال الدكتور مات:8:

محمد فاروق
01-03-2004, 11:15 AM
نكت لذيذة جداً يافلك

شكراً على الابتسامة

اخوك مومان

أحمد ناصر
01-03-2004, 11:32 AM
ايه يا فلك؟
النكت حلوة وزى الفل
أمال بتقولى بايخة ليه؟؟؟؟؟؟؟

sherry
01-03-2004, 11:33 AM
جمال جدا جدا جدا جدا

فلك 99
02-03-2004, 07:59 AM
بسم الله الرحمن الرحيم

أخى العزيز مومان :p:):p

جزاك الله خيرا على حسن ردك

سلمت يداك و نفعك الله بما علمك

بارك الله فيك أخى فى الله

تقبل سلامى وتحياتى

فلك 99
02-03-2004, 08:03 AM
بسم الله الرحمن الرحيم

أخى الغالى أحمد ناصر

جزاك الله خيرا على حسن ردك

سلمت يداك

أبعد الله عنا و عنك الهم و الحزن

بارك الله فيك أخى فى الله

تقبل سلامى وتحياتى

فلك 99
02-03-2004, 08:09 AM
بسم الله الرحمن الرحيم

أخى الغالى sherry :):p:)

جزاك الله خيراعلى ردك الجميييييييييييييييييل

سلمت يداك و نفعك الله بما علمك

بارك الله فيك أخى فى الله

تقبل سلامى وتحياتى

سمسمة
31-03-2004, 01:08 AM
:d :d :d :d :d :d

نكت عسل والله :d

*66**66**66*
شكرا على مشاركتك الجميلة يافلك *8*

*6*

*52**53*

البروف سمسمة..*73*

فلك 99
03-04-2004, 07:40 PM
بسم الله الرحمن الرحيم

أختى الغالية سمسمة

و الله ردك و تواصلك الطيب معى

هو اللى زى العسل *8* *8*

سلمت يداك

تقبلى سلامى و تحياتى

رقة الورد
03-04-2004, 08:19 PM
يسلمووو على هاي النكت الحلوووه

وهاي نكت ثانية اتمنى تعجبكم


يقولك سؤلوا يمني
كم نسبه البطاله عندكم في اليمن؟؟
قال: الشعب اليمني كلهم ابطال
.................................................. .....
رقاصه تسأل شيخ اقدر ابوسك ياشيخ؟؟
قال: وهل فعل الخير يحتاج الى مشورة

*5* :d *5* :d


Photo Gallery