المساعد الشخصي الرقمي

مشاهدة النسخة كاملة : طرررررائف زوجيه



محمد شحاته
29-02-2004, 08:07 AM
طلب تصريح خروج من المنزل
زوجتي الحبيبة.........
أنا الموقع أدناه زوجك واسمي الرباعي هو....................ارجوا لحصول على موافقة كريم حضرتكم بطلب الخروج من المنزل يوم ........ الموافق لتاريخ.../.../...14ه من الساعة.......والدقيقة......إلى الساعة......والدقيقة.......وذلك للأسباب التالية 1...............2.............3...............
كما أتعهد لكريم عنايتكم بصفتكم السلطة العليا فى المنزل بالعودة فى الوقت المحدد لانتهاء التصريح متحملا أي عقوبة تنص عليها لائحة العقوبات

التوقيع................... التاريخ..../..../...14هـ

00000000000000000000000000000000000000000000000

خاص للاستعمال الرسمى<الزوجة فقط>
بعد الإطلاع على طلب المقدم من قبلك بصفتك الزوج وبصفتنا الزوجة والمشرع الوحيد فى هذا المنزل وبعد الإطلاع على نص الدستور الموقت ونص القانون ومراجعة لائحة العقوبات وبعد التدقيق في ملفكم فقد استقر على مايرد ذكرة لاحقا: امرنا نحن الزوجة ..........بصفتا المشرع الوحيد وصاحب القرار والسلطة العليا فى هذا المنزل الاتى

الموافقة المبدئية على الطلب المقدم بالخروج من الساعة ...... والدقيقة..... إلى الساعة..... والدقيقة.......

رفض الطلب المقدم وذلك للأسباب التالية
( ) سريان تنفيذ البند رقم( )من لائحة العقوبات
( ) نظرا لاستنفاذ الحد الأعلى من التصاريح
( ) لا للأ ناقة الزائدة عن اللزوم وقت الخروج من المنزل
( ) لمخالفة الأوامر
( ) مزاجنا لا يسمح بمنح تصريح خروج مع عدم ابداء الاسباب التوقيع/............. التاريخ.../.../...14هـ
000000000000000000000000000000000000000000000000

لائحة العقوبات كما نصت عليما الأعراف والنظم
1-نوم انفرادي ومن دون عشاء لمدة ( )يوم
2-حرمان من الحقوق الزوجية لمدة ( )يوم
3-التكشير صباحا وسد النفس مساء لمدة ( )يوم
4-توصيل الأولاد من والى المدارس لمدة ( )يوم
5- قطع المصروف اليومي لمدة ( )يوم
6-منع المكلمات الهاتفية من المنزل لمدة ( )يوم
7-سحب جهاز الموبايل لمدة ( ) يوم
8-زيارة أم الزوجة يوميا لمدة ( ) يوم
9-المنع من مشاهدة القنوات الفضائية (المستقبل. اوربيت . شوتا يم . ال بى سى)
ومشاهدة قناة السودان واليمن
00000000000000000000000000000000000000000000000

ملاحظات مهمة
الرجا الالتزام بما ورد سابقا مع سرعه الرد على المكالمات فور تلقى الندا ء وعدم اختلاق الاعذار والتهرب من الرد مع سرعة الاستجابة للاوامر الصادرة من قبلنا وفى حالة التاخير يجب الاتصال قبل انتها التصريح بنصف ساعة على الاقل ولا سوف نكون مسرورين اذا طبقنا العقوبات السابقة وسالفه الذكر عليك ولمدة اسبوعين متتابعين
----------------------------------------
الزوجة: لابد من طرد السواق لأنه كان حيقتلني ثلاث مرات بتهور
الزوج : لا ياحبيبتي خلينا نديله فرصة أخيره


*************************

الأول: ماهي المصيبه و المصيبةُ العظمى ؟
الثاني : المصيبه .. أن تهرب منك زوجتك ... والمصيبةُ العظمى أن تعودإليك


************************

الزوجه : بابا بيدفع لنا ايجار البيت ... و أمي بتشترى لينا الهدوم ... و أخويا بيدفع مصروفات المدارس لعيالنا ...
و عمي بيدفع حساباتنا من السوبر ماركت
و مع ذلك لم تتحسن أحوالنا ، وده اللى عاملى احراج معاهم

الزوج: أنت السبب ... لأن لك عمين تانيين مش بيدفعوا حاجه


************************

الصديق: لسه الخناقات بينك و بين مراتك لسه شغاله ؟

الزوج: المهم أنى في الاخر بكون صاحب القرار النهائي
الصديق: ازاى يعنى ؟
الزوج: بقولها فى الاخر اعملى اللى انتى عاوزاه

------------------------------------

محمد فاروق
01-03-2004, 12:02 PM
الو .. اتصالاتكو

لذيدة اوى .....

امال فين الريموت كنترول ياجامد ;)

السلام عليكم .. كليك

أحمد ناصر
01-03-2004, 12:15 PM
أخى الحبيب اتصالاتكو
المواضيع دى مكانها فى قاعة السياسة
ودى آخر مرة أقرالك فيها فى المواضيع دى بعد اللى حصل
ربنا يسامحك

sherry
01-03-2004, 12:21 PM
لية الاحراج دة

مين الى سرب الاوراق الرسمية دى ياجماعة

اتصالتكو كدة هنعتبرك جاسوس ومنشق عن الجماعة

مومان استعد

للانضمام الى منظمتنا الجديدة

يا نساء العالم اتهدو يارب يهدكو من عندة


على الرغم انى عارف ان الكلام دة ماحنش ادة


اى اى اى اى اى اى

هوا انا نطقت اية الظلم ة


لا مافيش حاجة دة المدام بتضرب الاولاد

محمد فاروق
01-03-2004, 12:29 PM
توأمى فى اللوجو

متهيألى اللى سرب المعلومات دى احمد ناصر...وشكلة كده جاسوس علينا
عايزين نغير الشفرة واماكن المقابلة قبل مانتقفش

سلام لحسن المدام بتهمسى زى عاصفة الصحراء وبتقولى ان الطفح جاهز..
على فكرة الطفح ده طبيخ جديد هاقوللك على مقاديره بس اما ارجع من المستشفى

محمد شحاته
01-03-2004, 02:09 PM
كاتب الرسالة الأصلية : MOMAN
الو .. اتصالاتكو

لذيدة اوى .....

امال فين الريموت كنترول ياجامد ;)

السلام عليكم .. كليك


حبيب قلبى مومان الريموت زى ماهو بس ده اللى بيحصل مع ناس تانيه :D


فقولت لما انشره علشان الناس تعرف الخيبه :4::5::5::5::5::5::5::5:

أحمد ناصر
01-03-2004, 02:25 PM
كده برضه يا مومان
أنا اللى جاسوس ؟؟
طب أى حد يبص لل لوجو بتاعك ح يعرف مين هو اللى جاسوس
لا مؤاخذة يا شيرى .. ما أقصدكش خليك انت على جنب دلوقتى

sherry
01-03-2004, 02:29 PM
لا فى دى عندك حق

محمد فاروق
01-03-2004, 02:53 PM
توأمى فى اللوجو

كده برضة ..دا انا باحبك
وعلى فكرة انا دورت على لوجو تانى ملقتش
بس ان شاء الله هاتصرف

اخوك مومان

أحمد ناصر
02-03-2004, 12:36 PM
هو يا مومان عشان شيرى قال كلمة حق ها تزعل منه؟
أنا عايزكم تفضلوا بنفس اللوجو
حد لاقى توأم فى الأيام الغبرة دى؟

نوسة
02-03-2004, 12:55 PM
ههههههههههه شوفت يا اتصالاتكوا فى الاخر طلع الريموت مع مين زى ما قولت انا
وحتى لو بقى فى ايدك برضة علشان تنفيز الاوامر بس ولا يهمك هو حد شايفك قول انا جامد اوى بس شد جسمك كويس ونفسك وانت بتقولها علشان محدش ياخد بالة من الكسور والورم اللى فى جسمك وصوتك المنبوح من البكاء ولا يهمك انت برضة كدة اجمد واحدع من ناس دخلوا المستشفى والباقى فى الطريق

نوســــــــــــــــــــــــة

أحمد ناصر
02-03-2004, 01:44 PM
أيوة يا نوسة
معاكى حق
ما انتى م الجنس اللى بيبطح
أنا عايز أقول بصوت عالى
الراجل نصف المجتمع
أدونا حقوقنا بقى
أخى اتصالاتكو:
مكتوب فى الطرائف ان دى قوانين دستورية
أنا شايف انها قوانين طوارىء وأحكام عرفية

نوسة
02-03-2004, 02:08 PM
قوانين ديستورية او قوانين واحكام عرفية محصلين بعص
فية صوت عالى قبل كدة قال يا نساء العالم اتحدواااااااااااااااااااااااااااااا
واعتقد لا صوت يعلوا فوق صوت المعركة
ولا تعليق اخر حتى ورود بيانات جديدة من حزب النساء وامانة المراة وماما سوزان حبيبتنا

نوســــــــــــــــــــــــــة

أحمد ناصر
02-03-2004, 05:31 PM
عاش الرجل حر مستقل
يا عزيز يا عزيز كبة تاخد اللى بالى بالك
ايه رأيك يا نوسة فى المظاهرة دى؟؟؟؟

نوسة
02-03-2004, 05:50 PM
البنات البنات الطف الكائنات
غنوا يا تلميذات
قولوا يا بختنا يا بختنا يا بختنا فرحنين اننا
اتولدنــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــا بنــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــا ت

ننوســــــــــــــــــــــــــــــــــــــــــــــ ــــــــــــــــــــــا ت

أحمد ناصر
02-03-2004, 06:03 PM
شفت بقى يا اتصالاتكو
آدى نتيجة الكلام فى السياسة
أنا عملت مظاهرة ونوسة أنشأت كورال غنائى
ولسه..ولسه

محمد شحاته
02-03-2004, 06:21 PM
كاتب الرسالة الأصلية : أحمد ناصر
شفت بقى يا اتصالاتكو
آدى نتيجة الكلام فى السياسة
أنا عملت مظاهرة ونوسة أنشأت كورال غنائى
ولسه..ولسه

ياعم احمد انا حاقولك على حاجه بص بقى الزوجات ديه


الزوجات مخلوقات عجيبه



اذا مدحتها, تعتقد انك تكذب عليها:D


واذا لم تمدحها, فانت ماتنفع لشيء:rolleyes:


اذا توافقها على كل اراءها, فانت ضعيف :(


واذا ماوافقتها, فانت ماتفهم :6:


اذا حبتها كثير, تقول انك لزقة :p


واذا حبتها قليل, فانت غير مهتم :1:


اذا تلبس حلو على الموضة , تقول انت بتاع بنات :p


واذا تلبس عادي, تبقى انت مهمل :eek:


اذا تغير عليها , تقول انك زودتها :3:

واذا ما ابديت غيره, تقول انك ماتحبني:eek:


اذا تتأخر دقيقه, تقولك انت ماتعرف انه اصعب شىء هو الأنتظار :mad:

واذا تاخرت هي , تقولك ديه امور ستات ماليكش فيها:3:

اذا تزور صاحبك , تقول انك تضيع وقتك على الفاضي ;)

واذا زارت هي صديقاتها , تقول لك ده شىء طبيعي:p

اذا ما توقفش لها حتى تقطع الشارع, فانت ما عندك اخلاق :rolleyes:

واذا وقفت, تقولك واقف تتفرج عليا :p

اذا بصيت لواحده ثانيه, يبقى انت بتغازل :8:

واذا شافوها الرجاله, قالت انهم معجبين:eek:

اذا كانت تتكلم , لازم تسمع :3:

واذا كانت تستمع, لازم تتكلم :mad:


باختصار


بسيطات , ومعقدات :7:

ضعيفات, يجيبو الضغط بس محبوبات


ماتقدر تعيش معهم

ولا تقدر تعيش بدونهم
:5::5::5::5::5::5::5::5:

أحمد ناصر
02-03-2004, 06:44 PM
يعنى يا اتصالاتكو لا بيعجبهم العجب ولا الصيام فى رجب؟؟
أمال عبدالفتاح القصرى كان بيقول <هن رحمة لنا> ليه؟؟؟؟؟؟

محمد شحاته
02-03-2004, 06:47 PM
ياعم احمد الصنف ده لازم يجى زى ماقلت لك صدقنى جرب اشحن الريموت وخليه فى ايديك

أحمد ناصر
02-03-2004, 06:53 PM
طيب ممكن تسلفنى الشاحن؟؟

محمد شحاته
02-03-2004, 07:00 PM
عنيه انت تؤمر بس خلى بالك من نفسك كويس بعدين ترجع تقول ياريتنى او ان انا السبب انا بقولك من الاول وبعدين ماتخلينا فى الخاص ياعم احسن المواضيه ديه مش على المكشوف

أحمد ناصر
02-03-2004, 07:03 PM
طب أسمع كلامك المرة دى كمان
وبعدين أبلغك النتيجة
ربنا يستر

محمد شحاته
03-03-2004, 09:05 AM
كاتب الرسالة الأصلية : sherry
لية الاحراج دة
مين الى سرب الاوراق الرسمية دى ياجماعة
اتصالتكو كدة هنعتبرك جاسوس ومنشق عن الجماعة
مومان استعد
للانضمام الى منظمتنا الجديدة
يا نساء العالم اتهدو يارب يهدكو من عندة


ياعم شيرى الوراق الرسميه اللى بتقول عليها ديه بتتوزع مع عقد الجواز ديه حاجه بقيت نيله خالص :D

على فكره انا اتجوزت ايام ماكانت العمليه سايبه وعندى الريموت حتى اسأل مومان :5::5:

محمد شحاته
03-03-2004, 09:13 AM
كاتب الرسالة الأصلية : نوسة
ههههههههههه شوفت يا اتصالاتكوا فى الاخر طلع الريموت مع مين زى ما قولت انا
وحتى لو بقى فى ايدك برضة علشان تنفيز الاوامر بس ولا يهمك هو حد شايفك قول انا جامد اوى بس شد جسمك كويس ونفسك وانت بتقولها علشان محدش ياخد بالة من الكسور والورم اللى فى جسمك وصوتك المنبوح من البكاء ولا يهمك انت برضة كدة اجمد واحدع من ناس دخلوا المستشفى والباقى فى الطريق

نوســــــــــــــــــــــــة

شوفى بقى يانوسه انا اتجوزت ايام الدنيا كانت سايبه :D ومفيش قوانين من ديه والريموت معايا اللى عاوز منه يقولى بس وانا اصدر له :p:p:p:p:p:p:p:p

وبعدين مين اللى قالك انا بعانى من الكسور ده انا من كتر اللى بكسرهم بيترجونى فى المسشفيات مابعتش حد تانى علشان مفيش سراير :5::5::5::5:

محمد فاروق
03-03-2004, 09:49 AM
الاخوة الاعزاء

اللى بيقولوه اتصالاتكو ده "على يدى السراير... كانت هنا.... والمستشفيات كانت هنا.... وهيه على نغمة واحدة مخدوش يا بابا مخدوش يابابا"

انتو معايا ولا ...

اخوكم مومان المهندس

نوسة
03-03-2004, 10:43 AM
طيب بقولكم اية ما تخلوا الطابق مسطور واعترفوا با الحقيقة علشان تلاقوا ليكم حل فى لجنة تقصى الحقائق وحقوق الانسان علشان تخدوا كل حقوقكم
وخدوا بالكم الريموت اللى عند اتصالاتكوا منتهى الصلاحية من بدرى وقد اعذر من انذر

انا بس خايفة الفرصة تروح عليكم

نوســـــــــــــــــــــــــــــــة

محمد شحاته
03-03-2004, 03:23 PM
كاتب الرسالة الأصلية : نوسة
وخدوا بالكم الريموت اللى عند اتصالاتكوا منتهى الصلاحية من بدرى وقد اعذر من انذر
نوســـــــــــــــــــــــــــــــة

نوسه الكلا ده كبير:D قوى وتقدرى تتحمل المسئؤليه الكامله عنه
http://itsalat155.jeeran.com/ياسلام.jpg

أحمد ناصر
03-03-2004, 03:45 PM
يا اتصالاتكو يا خويا
ظهر الحق وزهق الباطل
أنا سمعت كلامك المرة دى كمان
انت فعلا معاك حق فى كل كلمة
دول ناس ما تجيش الا بالعين الحمرا
وأنا فضلت من امبارح أدعك ف عينى أدعك ف عينى لغاية ما بقت زى الطمطماية
وبعدين رحت ظهرت قدامها مرة واحدة صرخت بصوت عالى وقالت: يا مامى يا مامى
أنا حرمت يا سى السيد ..أول وآخر مرة يا سى السيد
رحت كاحح بصوت جهورى فقالت لى :من شر حاسد اذا حسد
زعقت فيها وقلتلها:أعجنى العجين يا بتاعة انتى..راحت عاجناه
زعقت فيها وقلتلها:امشى ع العجين يا بتاعة انتى..مشيت عليه ولا لخبطتهوش
ما أطولش عليك والا قول طول..ومن ساعتها وأنا بأدعيلك من قلبى
وبأغنى وأقول:سيكايو يا سيكايو اتصالاتكو ما فيش زيه
وبالعند فيكى يا نوسة..واللى يحصل يحصل

محمد شحاته
03-03-2004, 03:56 PM
قشطه ياعم احمد ياسلام عليك :88:

:114: :114: :114: :114: :114: :114: :114: :114: :114: :114: :114: :114: :114:

كده كله فى السليم وحابعت لك ريموت جديد نوفى من الوكاله بالكارتون بتاعه :D

نوسة
03-03-2004, 05:18 PM
ههههههههههههههه عايزة بجد اقولكم حاجة يا ناصر انت واتصالاتكوا احسن جاجة تقومواتغسلوا وشكم بمية ساقعة يمكن تفقوا شوية من الاوهام دى
يا لهوى للى هيحصلكم يا عينى على الجدع كان حلو وجميل ومنور المنتدى


نوســــــــــــــــــــــــة

أحمد ناصر
03-03-2004, 05:24 PM
ايه يا نوسة؟؟
الواحد ما يعرفش يفك عن نفسه شوية والا ايه؟؟
طب ايه رأيك بقى أنا موش خايف
وهافضل ماسك الريموت فى ايدى
فلتسقط الستات القادرة المستبدة
نموت نموت وتحيا الرجولة
تعيش الرجالة اللى ماسكة الريموت

نوسة
03-03-2004, 06:24 PM
معلش يا ناصر شكلك غسلت وشك شوية بس لسة مفوقتش سى السيد مين ما خلاص من بدرى بقيت ست السيد مش بقولك لسة ما غسلتوا وشكم
بقولك اية انت تعرف حسحس اللى جنن الستات هههههههههههههههههه

نوســــــــــــــــــــــــــــــة

محمد شحاته
07-03-2004, 03:30 PM
كاتب الرسالة الأصلية : أحمد ناصر

تعيش الرجالة اللى ماسكة الريموت

ياسلام عليك يا ابو حميد هو ده الكلام الموزون تمام وخد بالك من الريموت وخلى دايما فى ايديك وانت نايم حطه تحت المخده وصدقنى ديه نصيحه من اخ بيحبك وسيبك الكلام ده:4:

اما الاخت نوسه احنا غاسلين وشنا كويس بالميه والصابون والشامبو ومفتحين عيننا تمام :p:p

محمد فاروق
08-03-2004, 10:22 AM
اصحابى الكرام

مش واخدين بالكم ان نوسة واقفة لوحدها ومحدش معاها...
ماتيجوا نخطفها اونكلم صميدة يلبدلها على ناصية شارعها ويريحنا ...
وعلى فكرة انا مابحبش شكل الدم ممكن سم على خفيف كده ويادار ما دخلك شر..

اخوكم زكى رستم "مومان سابقاً "

سامحنى يارب

أحمد ناصر
09-03-2004, 12:47 PM
أخى الأحب اتصالاتكو
أنا محرص ع الريموت جدا ما تقلقش
مومان باشا
ممكن تدينى نمرة صميدة؟؟
نوسة هانم
مين حسحس ده؟؟

نوسة
09-03-2004, 01:23 PM
اولا بقى قبل اى كلام بقولكم وحشتونى اليومين اللى فاتوا جداااااااااااااااااااا بجد كان ناقصنى كتير من غيركم
ماشى يااتصالاتكوا بس نفسى انك تعترف ان صحيح الريموت فى ايدك بس قول الحقيقة مين اللى بيوجهك تدوس علية ؟؟؟؟؟؟؟؟؟؟؟؟؟؟؟؟؟؟؟؟؟

ثانيا مومان انا مش لوحدى انا مستخبيالكم فى الدرة وورايا كل المنتدى
اما ناصر الاول ازيك كنت فين حتى من قبل المنتدى ما يعطل هو الريموت اتخبط تانى فى راسك معلش وانا كلمتلك صميدة وجايلك فى الطريق
اما بقى متعرفش حسحس اللى جنن الستات دى غريبة
اقولك على حسحس اللى الستات جننتة ولما اتجنن فكر انة هو اللى جنن الستات
دة فليم لمحمود حميدة لوسى وعايدة رياض وجالا فهمى

hefnawy77
09-03-2004, 01:43 PM
الاخ اتصالاتكو .. و الاخ ناصر ..و الاخ مومان .. و الاخت نوسة ..
ملاحظ انكوا نازلين خناق من فترة على موضوع الريموت ..
هو التليفزيون للدرجة دى تعبكوا معاه و لا ايه؟؟!!!!!!

اذ كنتوا تقصدوا موضوع السيطرة ... فدى حاجة قالها التاريخ من زمااااااااااااااااااان ..

الراجل راجل ... و الست ست ...
و اذا كان سى السيد مات .. فكلنا سى السيد الله يرحمه ..
يعنى موضوع العين الحمراء مش مستاهل دعك العين .. ممكن شوية شطة بسيطة..
علشان توصل للنتيجة بسرعة ..

و اذا كان على الصوت الجهورى .. ممكن الاستعانة بمكبر صوت خفى .!!

و اذا كان على الهيبة ... ممكن نطلبها هوم ديلفرى ..!!!


شوفتوا ازاى المسألة بسيطة ...


و لازم تعرفوا ان الست اضعف مخلوق على وجه الارض .... ممكن يرفع ضغطك و يدفعك الى الانتحار...!!!

يعنى كمان بجانب ان المسالة بسيطة فهى منتهية كمان ..

سلامى للجميع ..

sdo7a
09-03-2004, 01:44 PM
بسم الله الرحمان الرحيم
انتو ليش موضوعكم الشاغل انو مين اقوى الرجل ولا المراة المسالة محتومة اصلا انتو ليش ما ترجعو للقرءان و الحديث و كل واحد يعرف مقامه عيب يكون عندكن احسن منهج في الكون و تحكو هيك
صلو على النبي عليه السلام و متنبهروش بالعالم انت احسن ان شاء الله و ما تنسو مين لنتو ولا مين هو جدكم
و ان شاء الله خير

محمد شحاته
09-03-2004, 04:30 PM
:):):)

الاخ العزيز hefnawy77 نشكر لك مرورك الكريم على الموضوع وفعلا الموضوع حسبه بسيطه مش ريموت ده بس تهريج مش اكتر نورت الموضوع تحياتى وتقديرى :)

محمد شحاته
09-03-2004, 04:33 PM
كاتب الرسالة الأصلية : sdo7a
ما تنسو مين لنتو ولا مين هو جدكم
و ان شاء الله خير

يعنى ايه


Photo Gallery