المساعد الشخصي الرقمي

مشاهدة النسخة كاملة : أوعى الديناصور يعضك



Dragon Shadow
13-12-2009, 05:28 AM
من ضمن آلاف الميلات التي تأتيني على ميلي أعجبني هذا الميل كثيراً فأحضرته إلى هنا :-



عنوانه : تحياتي لجهلة الإنترنت


بسب الايميلات التي تصلني :

1- ‏توقفت عن شرب الكولا بعد أن عرفت انه قادر على إزلة بقع الحمامات!.


2- لم أعد اذهب الى السينما بسبب‏ خوفي من أن اجلس على كرسي فيه إبره تحتوي على فايروس ‏الايدز .


3- ‏قمت بإعادة إرسال مئات ‏الايميلات طامعا بأن ادخل الجنه وإن لم أرسلها فسأدخل النار كما يقولون بالايميل .

4- ‏رائحتي أصبحت ‏تشبه رائحة ‏الكلب الميت بعد أن عرفت أن مزيلات العرق تسبب السرطان .

5- ‏لم أعد أصف سيارتي في الكراجات و صرت أضطر أن أمشي أحيانا مسافات طويله خوفا من أن يأتي‏ شخص‏ ويرشني بمخدر و يقوم‏ بسرقتي .

6- توقفت عن الإجابه على الهاتف‏ خوفا من أن تأتي في فاتورتي مكالمات إلى نيجيريا و أوغنده و‏الباكستان .

7- توقفت من شرب أي شيء بعلبه مقفله خوفا ‏من أن تحتوي على بول و فضلات الفئران .

8- عندما أحضر حفله توقفت عن النظر إالى أي بنت جميله خوفا من أن تستدرجني الى بيتها ‏وتقوم بتخديري ثم ‏تأخذ كليتي و كبدي و تتركني نائم في حوض الاستحمام‏ محاط‏ بالثلج .

9- حتى أني صرفت كل مدخراتي الى حساب الطفله " ‏سعاد الغامدي" و هي طفله مريضه بالسرطان أوشكت أن تموت أكثر من 7000 ‏مره .. مسكينه ما زال عمرها 7 سنين منذ عام 1993 ! .

10- ‏وأريد أن أعلن أني ما زلت على‏ إستعداد أن أساعد أي شخص من نيجريا يريد أن يستخدم حسابي‏ البنكي لتحويل أملاك‏ عمه أو خاله المتوفي والتي تزيد عن 100 مليون دولار.

11- ‏قمت بإرسال 3500 إيميل لـ 400 شخص حتى لا آتي يوم القيامه وأقول ياليتني أرسلتها قبل أن أموت .

12- ‏قمت بطلب مئات الأماني قبل أن ‏أقوم بإعادة إرسال بعض الكلمات و الصور‏المقدسه .. لكن مازلت على‏ نفس مكتبي و آخذ نفس الراتب لم يتغير شيء .
13- قمت بإرسال مليون نسخه لمليون من أصحابي حتى لا يتوقف حسابي مع شركة هوتميل .

14- رميت جميع العلب والصحون والمعالق البلاستكية لأنها تسبب السرطان مما جعل ‏زوجتى تتهمنى بالجنون وتطلب الطلاق .

15- بطلت أشرب أى نوع من القهوه لأنهم يساعدو إسرائيل وبطلت آكل الشوكلاته ‏لأنها كلها معجونه بدهن الخنزير ، وبعت التلفزيون والتلاجه والغسالة والكمبيوتر ‏وساعتى و كل الأجهزه الامريكية لأنهم كلاب يساعدو إسرائيل .

ملاحظه:
اذا لم تقم بارسال هذا الايميل الى 11,674 ‏شخص خلال عشر ثواني سيأتي ديناصور ليعضك اليوم ‏الساعه6:30 ‏مساءاً وأنت حر .


منقول من إيميلي :d

جننوا الراجل :d

ابن رشد المصري
14-12-2009, 10:25 PM
هههههههههههههههههههه
الله ينور عليك
كويس اني لقيت أخيراً حد زيي
أنا بتغيظني جداً نوعيات الرسايل دي كلها
لحد امتى الجهل ده؟
ولحد امتى هنجري ورا أي خبر دون مصدر واضح وصريح؟
ولحد امتى ناويين منشغلش حاجة وهبها لنا ربنا اسمها المخ؟
أخويا الصغير راح يتفرج على فيلم أولاد العم .. اسمع الحوارات الجانبية اللي زي العسل دي اللي جيه وحكالي عليها:
الأول: هي مشاهد اسرائيل دي اتصورت فين؟
الثاني:أكيد في اسرائيل
هو:ازاي يعني اسرائيل
الثاني:أومال هيصورها فين يعني
هو:أي مكان مشابه
الثاني:طب والله مصورها في اسرائيل
هو:يابني ازاي بس هيصور فيلم زي ده وفي اسرائيل
الثاني:ازاي يصورها في حته تانية .. افرض حد سافر المنطقة اللي بتقول صور فيها .. هيبقى عارف انها مش اسرائيل!
الأول:ممكن يكون صورها في لبنان
الثاني: هما مش لسه في لبنان؟
هو:سابوها من زمان يابني
الثاني: يعني قلبوها (نهبوها) وسابوها؟
!!!!!!!!!
الأول:هو الجدار العازل ده فين
الثاني: مش ده تقريبا اللي بين الاردن وفلسطين علشان يمنع تهريب الأسلحة؟
***
شفت العسل اللي احنا فيه؟ ^_^

بنت شهريار
16-12-2009, 07:03 PM
ههههههههههههههههههههههههههههههههههههههههه
الله عليك يا استاذ ابراهيم
انا منتظرة الديناصور
زى ماعملت زى حضرتك كدا وبطلت اشرب البيبسى لان فيه امعاء الخنزير
وبطلت اكل الشيكولاته علشان دهونه :d
وعملت سبعتاشر ايميل علشان لما انسى ابعت الرسالة والايميل يتقفل
الاقى ايميل تانى :d

يارااااااااااااامى
العسل دا احنا فيه من زماااااااااان
ومعتقدش هينتهى ابداااااااا
مفيش احلى من العسل للاسف

استاذ ابراهيم
تسلم ايدك
سلملى عالديناصور :d

Dragon Shadow
17-12-2009, 07:16 PM
ألف مرحب بأخي الحبيب إبن رشد والعزيزة بنت شهريار ...
على فكرة الديناصور ماجاش لغاية الساعة 7
كنت قاعد مرعوب :d

م.محمد ذهني
17-12-2009, 11:06 PM
أنا لما بألاقي إيميل بأي حاجة زي دي بألغيه من غير ما أبص فيه، و فيه حاجة تانية أخطر الأحاديث الموضوعة اللي بيرسلوها في الإيميل بشكل براق و بخط كبير و بدون ذكر السند و يقوللك لازم ترسلها إلى ملايين ملايين الناس عشان الثواب العظيم،
كنت الأول أبحث عن سند الأحاديث دي و إكتشفت إن أغلبها موضوع أو ضعيف، بعد كده ما بقتش بأفتح الرسائل دي.


أما رسائل التحذيرات دي بأستغرب و أقول سبحان الله كل الناس دلوقتي بتفهم في الطب و في كل حاجة، بس اللي يمشي ورا الإيميلات و التحذيرات مش هايعيش أساسًا.

Maryhan
18-12-2009, 11:08 PM
هههههههههههههه
جامدة
لو إقتنعت بالكلام ومش نشرته الديناصور هيكون أصفر
لو ماإقتنعتش بيه ومش نشرته الديناصور هيجيلك أصفر برضو :d
ومش الساعة 6 ونص ..الساعه 6ونص و عشرة :p

Maryhan
19-12-2009, 09:31 PM
aan.ayman (18/12/2009 06:19:02 م): من صغره وصغر سنه عارف معنى إنه من قلبه وروحه مصري والنيل جواه بيسرى أرسل هذه الرسالة إلى عشرة أشخاص وسترى بكار في منامك وإذا ارسلتها لأكثر من عشرة سترى بكار بالألوان وسيأتيك كابتن ماجد و احتمال النينجا ترتلز .. تحذير: لا تهمل هذه الرسالة !!!! أرسلت إلى شخص وأهملها فانقطعت عنه قناة سبيس تون. شخص آخر عمل بها فرزق شريط مي...كى ماوس الأصلى. وأرسلت إلى شخص واستهزأ بها فتحول إلى بوكيمون
ههههههههههههههههههههههه
نو كومينت

Dragon Shadow
19-12-2009, 09:43 PM
aan.ayman (18/12/2009 06:19:02 م): من صغره وصغر سنه عارف معنى إنه من قلبه وروحه مصري والنيل جواه بيسرى أرسل هذه الرسالة إلى عشرة أشخاص وسترى بكار في منامك وإذا ارسلتها لأكثر من عشرة سترى بكار بالألوان وسيأتيك كابتن ماجد و احتمال النينجا ترتلز .. تحذير: لا تهمل هذه الرسالة !!!! أرسلت إلى شخص وأهملها فانقطعت عنه قناة سبيس تون. شخص آخر عمل بها فرزق شريط مي...كى ماوس الأصلى. وأرسلت إلى شخص واستهزأ بها فتحول إلى بوكيمون
ههههههههههههههههههههههه
نو كومينت

ههههههههههههههههههههه
والله دمك زي العسل
مرحب بيك منورة المنتدى

ابن رشد المصري
20-12-2009, 09:20 PM
ههههههه المسكين!
بوكيمون؟
ده يا عيني مش هينطق الا كلمتين
بيكا بيكا

اسامةعبدالعال
21-12-2009, 12:39 AM
انتوا بتتكلموا علي اية يا جماعة طيب اشمعنى انا مجتليش الايميلات دى هو انا نكرة للدرجة دى ولا هي كمان فيها (ناس ناس) حظووووووووووووظ جتنا نيلة في حظنا الهباب

the_chemist
29-12-2009, 08:46 PM
ههههههههههههههه

بتفكرنى لما كان عندى حوالى 10 سنين جه والدى "يرحمه الله" ومعاه ورقة مكتوبة بالكربون وقال لي أكتبها 10 مرات

كان مكتوب فيها البيان التالي

الصغيرة فلانة كانت مريضة وإحتار الأطباء في علاجها

ولما زهقت راحت مسجد السيدة زينب وبكت وخلافه

المهم جاءتها السيدة زينب في المنام وعالجتها وطلبت منها تكتب حكايتها وتوزعها علي 10 أفراد

وكل واحد يكرر الموضوع والرزق والخلف الصالح وكله هيبقي وردى ومزهز

واللى مش هيكتب هتبقي وقعت أهله مطينة بطين

هههههههههههههههههههههه

وكتبت يابا الحاج

وايدى ورمت ما هو مكانش عندى كربون

وفي الآخر

قعدت مستنى الكلام الكتير ده

وأنى أتجوز بعد 10 سنين

ههههههههههههههههههههه

واتجوزت بعد 26 سنة

الظاهر أن الساعة كانت مأخرة أو راكنة

ههههههههههههههههههههههههههه

sound.love
31-12-2009, 09:01 PM
هههههههههههه صغير منك تصلى على النبى وتبعتها لكل : الى عندك عشان يصلوا علية بالله عليك ماتتركها
حلقة الأمس من برنامج البيت بيتك تم إذاعة تحذير هام لكل مواطن بعدم الرد على اي رقم متصل يبدأ برقم 015 لأنه عند الرد عليه يرسل موجات سرطانية عبر المحمول و يتسبب في أمراض كثيرة و طبعا مفيش حد هيرد عليك ,,, ياجماعة عدد المصابين في ازدياد ,, ياريت كله يبلغ اللي يعرفه ,, الموضوع ده مهم جدا: اوعي يلعب الشيطان في راسك وتقرأها وتقفلها وتقول مش فاضي ارسلها و تخيل انك واقف ادام ربنا وارجوك انشره

محمدعبدالراضي
01-01-2010, 03:24 AM
الف شكر يا باشا انا جالي ايميل من واحده بتقول انها بنت المستشار الخاص للدوله وابوها واسرتها كلهم ماتو بعد ما المتمردين هجمو عليهم في وقت مبكر و قتلهم وهى عاشت ونجت من الموت باعجوبه وهى الان تعيش كلاجئه سياسيه في دير بالسنغال وانها تكلمنى من الجهاز الخاص بالقس الاب الاكبر للدير و انه بمسابة ابيها و الاهم انه هوا الوحيد الذى يعرف سرها بأنها ترس عن ابيها سروة بمقدار 7مليون و 450 الف دولار امريكى باحدى بنوك اوربا وانها بعد رساله وثانيه ارتاحت اللي و قررة ان تشركنى معها بالثروه خاصة ان هذا الحساب وديعه والبنك اشترط عليها كى تسحب هذه الوديعه لابد و ان يكون معها شريك اجنبي عنها و الاغرب من ذالك انها ارسلت الي رقم الهاتف الخاص بالدير و اننى ممكن ان اكلمها هناك و ارسلت كمان ارقام هواتف البنك و رقم الوديعه والحساب و ايميلات البنك و الفكسات و قالتلي ابداء في عملية تحويل الوديعه الي حسابك الخاص و تاجر بها في اي مشروع من اختيارك و فقد اجعل 15 في الميه منها في حساب خاص و ارسل لها ارباحهم كى تكمل تعليمها لانها في الثانوى وكما انها تريدنى ان ارسل لها مبلغ علشان تعمل بيه التأشيره و الاوراق الازمه علشان تاجى تعيش معى اينما انا اعيش وتقضى باقي عمرها معى و تكررة هذه الرساله من اكثر من واحده الاولي ابيها المستشار الخاص لرئيس الوله و الثانيه ابيها عالم والثالثه ابيها دكتور جامعى وكان من المعدين في بعثه الي الهند علشان اكتشفو بها جبل او منجم للذهب لما كنت حتجنن وبعدين علشان ربك معانا اكتشفت انه كله نصب في نصب

مـليكه
02-01-2010, 11:18 PM
الله ينور انا ما برد ولا على رساله منهم واول ما اشوفهم بحدفهم على طووووووول
اصلي بخاف من الدزنانووووووووووووور:(:(


Photo Gallery