المساعد الشخصي الرقمي

مشاهدة النسخة كاملة : بتحب مين؟وبتكره مين؟



أحمد ناصر
19-02-2004, 04:24 PM
ايه رأيكم لو كل واحد يكتب اسم أكتر واحد بيحبه وأكتر واحد بيكرهه؟
ها أبدأ أنا
أكتر واحدة بأحبها (خطيبتى)
أكتر واحد بأكرهه(شارون)

aynad
21-02-2004, 09:18 AM
حلوة اوي اللعبة دي يا احمد
اوكي
اكتر حاجة بحبها في حياتي ( ربي )
اكتر واحد بكرهه ( طبعا شارون )

shaimaa
22-02-2004, 03:03 AM
انا اكتر حاجه بحبها (( ربنا)))
وكتر حاجه بكرها (( الشيطان ))
ومرسى على الموضوع الحو ده ..
تحيااااااااااااااااااااااااااااااااااااااااتى..

أحمد ناصر
22-02-2004, 12:37 PM
يا سلام يا ايناد و يا شيماء على حب ربنا ده شىء عظيم
شارون والشيطان وجهان لعملة واحدة

بنت مصر
22-02-2004, 01:48 PM
انا بقا مش حقول عن اشخاص
لان اشخاص معرف اننا طبعا بنحب ربنا وبنكره الشيطان
لكن انا عاوزة اوسع الدائرة شوية عشان تدي لنا مساحة للافصاح
على الحاجات اللي كاتمينها في قلبنا

انا حتكلم عن اشياء

اكتر حاجة بحبها المنتدى

واكتر حاجة بكرهها الصديق الكذاب

أحمد ناصر
22-02-2004, 01:55 PM
يا بنت مصر يا بنوتة
الصديق الكاذب لا يعد صديق
كلمة صديق مشتقة من الصدق
شكرا لتواصلك

welly76
23-02-2004, 12:28 PM
الأخ أحمد و الأعضاء المساهمين فى الموضوع
و إيه رأيكم فى اللى مش عارف يحب و لا يكره إنسان سوى من يحبطه حتى نفسه
فندعو الله أن يلهمنا و يدلنا على صواب الطريق
المحبط حديثاً
وليـــــــــــــــــــــد
welly76@hotmail.com

أحمد ناصر
23-02-2004, 12:54 PM
ليه يا وليد؟
ايه اللى يخليك محبط كده؟
عايز نصيحة من أخوك؟
نقب عن مواطن الجمال فى كل الاشياء
حتى تكون ايجابى وسعيد

shifoo
24-02-2004, 03:16 AM
انا عضو جديد ومعلش هاثقل عليكم فى ابداء رأيى
اكتر حاجه بحبها الله ورسوله
واكتر حاجه بكرها الغربه عن مصر لأنها بجد بتوحشنى
وشكرا للأخ أحمد ولجميع المساهمين بأرائهم

أحمد ناصر
24-02-2004, 08:25 AM
أهلا بك يا shifoo
ابدى كل آرائك يراحتك انت بين أصدقائك
انتمائك شىء جميل ينبع من شخص أصيل

آلام الغربة عن دارك
قد تتبدد
ان تتبدد
آلام الغربة عن نفسى
لا تتبدد
بل تتجدد
وتطل بوجه وملامح
لم تتحدد
ان أتمرد
تضربنى وبسوط قاس
لا يتردد
لا يتودد

welly76
24-02-2004, 11:48 AM
الأخ الغالى أحمد
و من أين لى بالتفاؤل و الحياة كلها غدر و الناس جميعهم طامعين
وليـــــــــــــــــــــــــــــد
welly76@hotmail.com

ابن البلد
24-02-2004, 11:59 AM
أنا أكتر حاجه بحبها أصحابي
وأكتر حاجه بكرها النفاق وكتير بشوفه هنا في المنتدي :(
بس مش بسجل بأسم واحد مسجل باكتر من أسم
:(

أحمد ناصر
24-02-2004, 12:13 PM
يا وليد ممكن تبعت لى رسالة خاصة اذا حبيت علشان انت محيرنى والله
عنوانى البريدى ahmednasero@yahoo.com
يا ابن البلد أنا اشكرك من قلبى بدون نفاق ربنا يكفينا شره
فلا ينافق الا خسيس أو جبان

welly76
24-02-2004, 12:49 PM
أولا الأخ إبن البلد
السلام عليكم
تحيه طيبة على فكرة حدث خطأ من مدة قصيرة من الأخ مومان و حدثك من خلال التسجيل الخاص بى
و لسوء الحظ أننا بشركة واحدة فى المعادى و لذلك وجدت البروكسى مشترك بيننا و على العموم سأتركة يراسلك من خلال موقعه
وليــــــــــــــــــــــــــد
WELLY76@HOTMAIL.COM

محمد فاروق
24-02-2004, 12:56 PM
يا ابن البلد حرام عليك
انا من اخر مشكلة مدخلتش المنتدى مشارك الا من حوالى 3 او اربع ايام
ولم احاول ان اكون معك فى مشاركة واحدة وقت كفاية اول صدام
بس واضح انك بتحبنى جداً ومش قادر على فراقى
ياعم والله انا غير welly بس احنا زملاء فى نفس الشركة واعتقد اللى عمل اللبس انى رديت من عنده مره بس صلحت الخطأ
ويمكن اللى مزود اللبس ان رقم الحاسب بتاعنا احنا الاثنين واحد .
بس والله احنا اتنيييييييييييييييييييييييييييييييييييييييييييييين مش واحد
او احنا واحد بس عنده انفصام فى الشخصية !!!!!!!!!!!!!!11
اعتقد انه واضح من كتاباته وكتاباتى ان فيه فرق.
وياريت تكون دى اخر مرة يكون فيه بيننا سوء تفاهم.عشان انا ما صدقت ان الموضوع الاول خلص.
مستنى ردك انا والاخ اللى جنبى
انا مش عايز يكون فيه حاجة فى نفسك منى
وعلى فكرة انا رديت هنا عشان يكون الكلام قدام الناس ولو حد عايز يحكم بيننا انا معنديش مانع
سلااااااااااااام

ابن البلد
24-02-2004, 04:15 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههه

تصدق بالله يا وليد انت ومؤمن
أول ما قريت المشاركات قريت مشاركة مؤمن وأستغربت جدا من مشاركته قلت يمكن أنا دخلت موضوع غلط
آه والله العظيم قلت أكيد دخلت موضوع غلط كان قديم ولا حاجه أرجع أشوف من البدايه هو أيه
ولما طلعت للبدايه لقيت أنه بتحب مين وبتكره مين فعلا وردي هو هو متغيرش رحت قريت رد وليد ومقولكوش بقه أنتم الإتنين متتتتتتت علي نفسي من الضحك
وأفتكرت مثل اللي علي راسه بطحه ههههههههههه

والله العظيم يا جاله ما قصدكم خالص ولا جه في بالي انت ولا مؤمن ولا وليد
انا النهارده أصلا كنت مبسوط لما شوفت أسم مؤمن في المنتدي قلت الحمد لله رجع وماخدتش الموضوع جد ههههههههههههه
ووليد كنت هبعت أقوله أرحمني ميلك مغرق المنتدي ياعم مش هراسلك :D

بس صدقوني والله يا جماعه انا مقصدكوش ولا قصد بالنفاق ان واحد يدخل يكتب بلد تانيه والكلام ده
انا اقصد به
النفاق الفعلي الحقيقي
اللي أدخل أقولك ربنا ما يحرمني منك ولا من عمايلك السوده ههههههههههههه و أكون نفسي أقتلك :d

ده اللي قصدته

علي العموم الغلط مردود والزعل مرفوع

وتحياتي لكل من
أحمد باشااا ناصر صاحب الموضوع القيم وعلي رده الذي أسعدني جدا

و طبعا الأخين الرائعين مؤمن باشاا أفندي مودان والاخ ولي 76 العهد وليد :)

:d:d:d:d:d

سمسمة
24-02-2004, 06:09 PM
انا بحب ماما وبحب بابا وبحب انور وجدى:16:

بحب المنتدى وبحب روبى ونانسى عجرم والجبنة:D

وبكره اسرائيل:5:

البروف سمسمة..:99:

أحمد ناصر
24-02-2004, 06:14 PM
انا بحب ماما وبحب بابا وبحب انور وجدى (فيروز يا خواتى)

بحب المنتدى وبحب روبى ونانسى عجرم والجبنة(جبنة بيضاء والا رومى والا انهو نوع؟؟)
وبكره اسرائيل(وانا كمان)

shifoo
24-02-2004, 09:49 PM
الله يسامح اللى بيحب اللى أسمها روبى دى



هى دى اصلا واحده عدله عشان الواحد يحبها أو يعجب بيها على الأقل



عائشه الكيلانى احلا منها بجد....لأنها محترمه عن اللى اسمها روبى

welly76
26-02-2004, 10:59 AM
الأخ الغالى إبن البلد
تحياتى عارف إن بعد ما قريت كلامك إتحسنت نوعاًما حالت الإحباط و اليأس اللى بعانى منها و لكن أحب أقدم تحياتى برضه للأخ الغالى أحمد ناصر
إبن البلد ممكن تقابلنى على MSN
يا ريت
وليـــــــــــــــــــــد
welly76@hotmail.com

أحمد ناصر
26-02-2004, 11:30 AM
عزيزى ابن البلد
الحمد لله انك ابتديت تؤثر فى وليد اللى عايزينه يخرج من احباطاته
أنا بأكره الاحباط واليأس
وبحب الأمل والتفاؤل

welly76
26-02-2004, 11:43 AM
على فكرة وصلتنى رسالتك على بريدى الخاص
شكراً على ذلك الشعور الإنسانى الذى إفتقدته منذ فترة
على فكرة أنا هأتصل بك قريباً
وليـــــــــــــــــــــــد
welly76@hotmail.com

ابن البلد
26-02-2004, 02:31 PM
أحمد ناصر
الحمد لله ان بقه لي أي أهميه
بس يارب مترجعلوش تاني بقه هههههههههه :)

Khadija
26-02-2004, 03:31 PM
احب الناس الطيبين
أحب الموسيقى ..و احب السفر
أحب الورود و خاضة الdaisies. roses, lillies
احب العطور..و احب الشوكلاتة.
أكره الناس الأشرار اللي يجرحون غيرهم لأجل المتعة..و المتسبين في شقاء الشعوب
أكره الكذب..النفاق..و الفراق

شكراً أحمد.. فكرتك ذكرتني بناس وايد و بأشياء وايد احبها و أنا ما ادري.

أحمد ناصر
26-02-2004, 03:31 PM
ابن البلد المهم طبعا:
يا ترى قصدك ما أرجعش للموضوع بتحب مين وبتكره مين؟؟
والا قصدك ما أرجعش لموضوع وليد؟؟
معلش لأن نسبة ذكائى عالية حتى اسأل العمدة

ابن البلد
26-02-2004, 05:56 PM
أحمد ناصر
ههههههههههههه
انا أقصد
ان مترجعش لوليد حاله الإكتئاب تاني :)

أحمد ناصر
26-02-2004, 06:14 PM
shifoo
أنا آسف جدا ما أخدتش بالى من ردك غير دلوقتى
معلش العتب ع النظر ومن النهاردة ها آكل جزر وأركب نضارة كمان
وأنا لو كنت أعرف العنوان بتاع عائشة الكيلانى كنت ها أقولهولك عشلن ها تفرح بيك خالص
بس انت عندك حق فى ان جمال الروح أهم من جمال الشكل
شكرا يا شيفو وآسف مرة تانية

welly76
27-02-2004, 10:21 AM
تحياتى أعضاء المنتدى
أعتقد أنى بدأت أستوعب ما يحدث حولى و رأيت ما يتكبده الآخرين نتيجة حزن شخص حتى لو يروه
كم أحببت المنتدى و شخصياته الجميله لقد عرفت من أحب ليس فرد بل جماعة فما الحياة إلا روح الجماعة و لكن علي أن أنسى القلب الذى سبب لى الكثير من الحزن و الألم وداعاً أيها الحب وداعاً قلبى
وليــــــــــــــــــــــــــــد
welly76@hotmail.com

أحمد ناصر
29-02-2004, 11:30 AM
الاخت العزيزة خديجة
شكرا على مشاركتك
انا كمان باحب الشيكولاتة وباكره المتسبين في شقاء الشعوب يعنى اللى بالى بالك واحد منهم
مرحبا بك دائما

أحمد ناصر
29-02-2004, 11:33 AM
الاخ العزيز وليد
والله برافو عليك
الحياة مجموعة من التجارب تصقل الخبرات ولا يمكن اختزالها فى تجربة واحدة


Photo Gallery