المساعد الشخصي الرقمي

مشاهدة النسخة كاملة : الامر فاق كل الحدودجماهير الجزائر تحرق التيشرت المصرى



طائر الشرق
30-10-2009, 03:45 PM
[center]زادت الجماهير الجزائرية من لهيب المباراة المصيرية القادمة بين مصر والجزائر من أجل تذكرة العبور لمونديال جنوب أفريقيا 2010 بعدما أشعلت النيران في قميص المنتخب الوطني المصري .
وأذاعت قناة " مودرن سبورت" لقطات من الشارع الجزائري لبعض الجماهير التي تجمعت من أجل إشعال النيران بقميص منتخب مصر وهي توجه سيل من الشتائم للشعب المصري وللفريق المصري .
ولم تكتفي الجماهير الخضراء بحرق رمز منتخب مصر ملك أفريقيا في أخر أربع سنوات وعبر تاريخها على الإطلاق , إلا أن جماهير الجزائر وصفت الشعب المصري واللاعبين المصريين بـ"الحرامية " !
وفي مشهد يشبه كثيراً الطريقة المصرية في حرق علم الكيان الصهيوني مع كل غضب عام تجاهه تجمعت الجماهير الجزائرية بنفس الشكل وارتدى "الجزائري" الذي حرق رمز منتخب مصر شيئاً أسوداً على وجهه .
وكما سخرت الصحافة الجزائرية من قبل من الفريق المصري بكاريكاتيرات و"نكت" مصرية الأصل , سارت جماهير الخضر على نفس المنوال وأهانت مصر ورمز الفريق القومي بطريقة مصرية في الأساس وهو ما يشير إلى أن "الخضر" حتى إذا ما أرادو النيل من مصر لايستطيعون إلا أن يقلدوها , تماماً مثلما يفعل الأخ الأصغر مع أخيه الكبير .

طائر الشرق
31-10-2009, 09:48 PM
عن نفسى مش فاهم الناس دى عاوزة ايه

يعى ضربو الدكتور من 20 سنة واتنست وايام الطوبة فى 2001 وقلنا نعديها والكسكسى وسبناها وضرب اللعيبة فى ماتش شبيبة القبائل ومشيناها وكمان وبعد كل دا مش عاجبهم وبيحرقوا علمنا

واحد قالها والله انبارح
مفيش دولة ولا شعب يحب يحرق علم مصر غير شعب واحد وكيان واحد اللى هو.......
تخيلوها انتم بقى

بس انا عارف مين الشعب دا

sameh atiya
31-10-2009, 10:11 PM
إن الصحف الجزائرية والقلة من المتعصبين أثاروا حفيظة البسطاء ، ومع ذلك فأنا لا أكن لكل الشعب الجزائري سوى التحية والتقدير مهما فعلوا :f:

طائر الشرق
31-10-2009, 10:57 PM
هههههههههه
قلة من المتعصبين

زى برضه احمد شوبير بيقول قلة مندسة

مع ان اللى ادامك دول ما يقلوش عن خمس تلاف واحد على حسب قول مدحت شلبى دا غير الاساطيل الباقية وما شاء الله فعلا الحاجة الغريبة ان الموضوع دا مقنن لانه احتفال فى ميدان عام فى الجزاير وا برضه على حسب كلام مدحت شلبى

ياريت المنتخب بتاعنا فعلا ما يخيبش املنا ويرجع الفريق السخيف دا لبلدهم مطأطئ الرأس
ولا حد عنده مانع

طائر الشرق
01-11-2009, 07:23 AM
تعليق مميز للاخ العزيز بلاك هورس


اولا اخى الكريم انا فى غاية الاستغراب لان كلامك فى المنتدى الرياضى مخالف تماما لما انت تقوله الان فهناك انت تسخر من منتخب مصر وممكن للجميع ان يدخل ويرى مشاركاتك لدرجة انك مرة قلت انك لا تحب الكرة ولست من مشجعيها ومرة اخرى تقول ان من يسب منتخب مصر والمصريين قلة وانك متأكد من هذا بسبب قرأتك كل الصحف والمقالات الرياضية بجد كلام متنافى مع بعضه تماما

وبعدين اخى الكريم تقول ان طرحك للموضوع هذا ليس من اجل حساسية المباراة

فالماذا تطرحوا فى هذا التوقيت بالذات ؟؟؟

على الرغم من الحتقان الموجود بين الجزائريين ومصر لدرجة ان بالامس فى مرأى ومسمع الملايين على شاشات التلفزيون تم حرق تى شيرت وعلم مصر

وانا طبعا عارف اخى هتقولى زى ماحضرتك قولتلى فى المنتدى الرياضى ان من يفعل ذلك قلة

فهسألك سؤال هل الصحف القومية الجزائرية الرياضية عندك مثل الشروق والفجر والخبر التى تسب مصر والمصريين يوميا والتى يكتب بها اكبر الصحفيين الذين لديهم من الخبرة مايكفى واعمارهم فوق الثلاثون عاما من الشغل بالصحافة قلة وشوية عيال زى حضرتك مابتبرر ؟؟؟؟؟؟؟؟؟؟؟؟

طبعا انا اسف على المقدمة الطويلة هذه لكن كان لابد من توضيح بعض الحقائق حتى لا تتهمونى بالتعصب وانا عارف والله ان انا فى المنتدى السياسى وليس الرياضى ولكن كان لابد من هذه المقدمة للتوضيح

Black Horse
01-11-2009, 07:05 PM
إن الصحف الجزائرية والقلة من المتعصبين أثاروا حفيظة البسطاء ، ومع ذلك فأنا لا أكن لكل الشعب الجزائري سوى التحية والتقدير مهما فعلوا :f:


برضوا قلة من المتعصبين.................... على كده لاحول ولا قوة الا بالله الشعب الجزائرى كله بقى متعصبين :'(

وبعدين نسبنا من موضوع القلة ده

ولكن الاغرب انك تلاقى واحد يجى يقولك احنا عايزين نفصل بين اللى بيحصل فى الكوره وبين علاقات البليدين الطيبه !!!!!!!!!

ودى ناس كتـــــــــير جدااااااااااا

عايز اقولهم سؤال صغير هو مين اللى بيشجع كوره !!!

مش الاشخاص اللى المفروض بتقولو ان ما بينا وبينهم علاقات طيبه ولا مين !!!!

هو اما يطلعو ويعملو اللى عملوه ده . ده مش مجرد انعكاس اللى جواهم من ناحيتنا !!

سؤال كان ممكن يحصل اللى حصل ده لو المباراه اللى بينا دى كانت ما بين عرب الخليج زى السعوديه مثلا او الكويت او الامارات !!!

مش بقول ان عرب الخليج من ناحيتنا صافين اوى بس على الاقل افضل بكتير من عرب شمال افريقيا اللى للأسف جميعهم بيكرهونا ليس لسبب سوى لاننا افضل منهم فى كل شئ !!!

للأسف بعد كل ده الاخ شوبير رايح يزور الجزاير للاسف بعد كل ده احد الصحفين اللى عايز يعمل حاجه وناس تقول هو ده اللى عملها بيقول نستقبلوهم بالورود للاسف بعد كل ده الحكومه بتاعتنا حتشيلهم على كفوف الراحه لما يجو هنا !!!!!

هو احنا ليه دايما كرامتنا مش مهمه بالنسبه للناس دى

كل لما نروح مكان سواء مباراه او غيره وتحديدا فى شمال افريقيا بيطلع عينا ويجيو هنا الحكومه تشيلهم على كفوف الراحه مع ان هناك حكوماتهم بتضرب معاهم وبتساهم فى اللى بيعملوه !!!!

اخيــرا

مهما فعلنا او مهما سيفعل الاخرون من شعارات وكلام ماركه"الضحك على الدقون"

اللى فى القلب فى القلب

ولازم نردلهم الصاع صاعين

كفايه احترام مننا عايزين نوريهم العين الحمرا شويه

كفايه بجد

طائر الشرق
01-11-2009, 07:29 PM
هههههههههه
قلة من المتعصبين

زى برضه احمد شوبير بيقول قلة مندسة

مع ان اللى ادامك دول ما يقلوش عن خمس تلاف واحد على حسب قول مدحت شلبى دا غير الاساطيل الباقية وما شاء الله فعلا الحاجة الغريبة ان الموضوع دا مقنن لانه احتفال فى ميدان عام فى الجزاير وا برضه على حسب كلام مدحت شلبى

ياريت المنتخب بتاعنا فعلا ما يخيبش املنا ويرجع الفريق السخيف دا لبلدهم مطأطئ الرأس
ولا حد عنده مانع

المشاركة دى حقيقة لا تحمل للاخ سامح اى هزل او شئ هى مجرد بس تذكر للعبارة المملة اللى دايما تطلع من الاعلام وكأن مفيش حاجة بتحصل
حبيت بس اوضح النقطة دى لانى لما قريت المشاركة من تانى حسيت ان ممكن يكون فيه سوء تفاهم
فى امان الله

شاعر الرومانسية
02-11-2009, 02:37 PM
إخواني الكرام

ما أذاعته قناة مودرن اسبورت يوم الخميس الماضي - والذي كان حقيقة وحادث قد حدث بالفعل
وليس تلفيقاً - اساء الى الاخوة الجزائريين بقدر ما اساء للمصريين .. ولكن

سقط من القائمين على القناة ان يذكروا ان تلك اللقطات .... " أرشيفية "

نعم .. فتلك اللقطات تمت بالفعل والاغنية فهي تتكلم عن مباراة 2004 في كاس افريقيا للامم
وكان حسين عشيو سجل هدف الفوز في الدقائق الاخيرة واطلق عليه احد المصريين لقب ..
"الحرامي " باعتبار انه سرق الفوز،
والاغنية الجزائرية تقول ام جاو الحارامية يعني لاعبي المنتخب الجزائري جاؤو لخطف تأشيرة
المونديال وليس في اية اشارة للمنتخب والشعب المصري ..

كما ان "سخافات" ماتم من تشويه ( وشغل كمبيوتر ) على صورة المنتخب المصري
والمدرب المصري حسن شحاته تمت منذ فترة طويلة جدا وقد شاهدتها بنفسى على النت
وتم الرد وقتها ..

كما ان " جريدة الشروق الجزائرية " بريئة من اعادة نشر تلك السخافات
ويسير جدا على اي فرد التاكد من ذلك بزيارة موقع الجريدة الرسمي ..

مقال من جريدة الشروق بنفي تلك الاتهامات (http://www.echoroukonline.com/ara/sports/en/43854.html)

لا ابرىء جانب المتعصبيين من الجزائر من تلك الفعلة .. ولكن فقط ولمصداقية جانبنا
يجب ذكر تواريخ الحدث حتى لا نستحدث عداوة جديدة ، وثأر لا معنى له الان


خالص تحياتي،،،:f2:

sameh atiya
02-11-2009, 10:00 PM
هههههههههه
قلة من المتعصبين

زى برضه احمد شوبير بيقول قلة مندسة

مع ان اللى ادامك دول ما يقلوش عن خمس تلاف واحد على حسب قول مدحت شلبى دا غير الاساطيل الباقية وما شاء الله فعلا الحاجة الغريبة ان الموضوع دا مقنن لانه احتفال فى ميدان عام فى الجزاير وا برضه على حسب كلام مدحت شلبى

ياريت المنتخب بتاعنا فعلا ما يخيبش املنا ويرجع الفريق السخيف دا لبلدهم مطأطئ الرأس
ولا حد عنده مانع

أعتقد تقرأ رد الأستاذ حسن أفضل .
وكمان أحب أقولك يا هيثم إني المصريين بيفعلوا نفس الشيء ،.
وزي ما انت قلت في مشاركات ليك إني السيء بيترد عليه بالسيئة كمان ، لكن بالحسنة لاء :f:


المشاركة دى حقيقة لا تحمل للاخ سامح اى هزل او شئ هى مجرد بس تذكر للعبارة المملة اللى دايما تطلع من الاعلام وكأن مفيش حاجة بتحصل
حبيت بس اوضح النقطة دى لانى لما قريت المشاركة من تانى حسيت ان ممكن يكون فيه سوء تفاهم
فى امان الله

بالنسبة لك هي عبارة مملة ومملة للغاية .
ولكن بالنسبة لي هي حقيقة .
على فكرة أنا ما بزعلش أبداً يا هيثم من حد أهانني ، فيما إني ردك لم يحمل أي هزل أو شيء أنا فاهم قصدك كويس قوي وده حقك .
ما تقلقش أنا أخر شخص ممكن يحصل معاه سوء تفاهم بإذن الله إن كان الأمر يتعلق بي كطرف في القضية :$

طائر الشرق
03-11-2009, 04:32 AM
احيانا على المرء ان ينظر من منظار غيره حتى يرى جيدا لكن فى بعض الاحيان يكون المنظار مشوشا

sameh atiya
03-11-2009, 07:29 PM
احيانا على المرء ان ينظر من منظار غيره حتى يرى جيدا لكن فى بعض الاحيان يكون المنظار مشوشا

:y: صدقني أنا سعيد للغاية بقرائتي لمشاركاتك الأخيرة في الموضوعات :f:
ربنا يكرمك ويعزك بإذن الله


Photo Gallery