المساعد الشخصي الرقمي

مشاهدة النسخة كاملة : يومك يا دمشقى !



سجين زيندا
18-10-2009, 04:43 PM
بعد مباراة مصر فى ستاد مصطفى تشاكر (هو اساسا اسمه تشاكر ولا شاكر وال (ت) دى جات له بعد ماتجوز ؟)
لاعيبة الجزائر قاعدين فرحانين بالفوز
صيفى : بيت شعر بحرف ن
بلحاج : نغير على المصريين
بوقره : كفانا غارات يا راجل (نقول ايه ... خلاص انا وانت حبيبى مفيش حاجه نقولها .. واصلين لدرجة حب ماحدش فى الدنيا وصلها )
رحوا (قول يا ملك قول ... عمرو دياب ده مدرسه)
صيفى : بيت شعر بحرف س

وفى الجانب الاخر (شوية لاعيبة جزائريين جايبيين سندوتشات من عند ابو رامى اللى فى اخر عباس وقاعدين ياكلوا)
الجواوى : كنا نصول ونجول بمنتهى الحريه والمصريين يترنحون من وجبة الكسكسى الفاسده
جبور : اصحيح ان القائد ياسين بزاز انتحر عشان مارضيوش يغيروا له اسمه فى السجل المدنى
مطمور : لا لا لااااااااااااااااا.. بزاز حى .. بزاز حى

.................................................. ..................................
بعد مباراه الجزائر ورواندا
روراوه قاعد عامل دماغ وجايب حته حلوه من عند الديلر اللى فى اخر شارع جميله بوحريد (قبل بتاع البناطيل )
روراوه : أسمعتم أن أحد خان قلب الاسد قبل كده
سعدان : ولكننا جبهتنا ضعفت يا سيدى بعد أن أصبح المصررين يحتاجون أهدافا (قلائل) فى استاد القاهره
روراوه : (قلائل) أتسمى 3 أهداف فى مرمانا (قلائل) أنت خائف عزيزى الدوق ولكن سفينة الحكم الغينى اللى قبض وضحك علينا تنتظر بالقرب من عكا وبها المزيد والمزيد من الاماكن الخاليه
سعدان : لنصلى صلاة الشكر يا مولاى عشان البلن الكفته اللى اتحسب لنا فى الاخر
روراوه : صلاة شكر ايه ياهبل ... احنا مسلمين
.................................................. ............................
فى مطار القاهره (الوفد المصرى فى استقبال الوفد الجزائرى)
روراوه : ملك فرنسا
رابح سعدان : ملك انجلترا
نذير بلحاج : ملك وكتابه
رفيق صيفى : جندى من جنود المعبد بأجر نفسى فى الماتشات اللى زى كده

حسن شحاته : عبد الله
أمير عبد الحميد : مستنى الطياره اللى رايحه أمريكا من terminal 3 بس جاى اتفرج (يارب ينشكوا فى نظرهم واعرف احترف هناك)
كريم حسن شحاته : وهو مابيفهمش فى الكوره زيكوا وسيتحدث بالنيابه عنا

كريم (شعارنا الهدره فى الميدان ولهذا سنهزمكم ونذهب الى جنوب افريقيا)
سعدان (ولماذا تذهبون انتم الى جنوب افريقيا)
كريم (بينى وبينك الفنادق هناك فيها شوية حريم جامده اخر تلات اربع حاجات .. انا ورامز جلال عايزين نروح نظبط تانى)
سعدان (بس كده هتحتاجوا زيت زيتون عشان المصلحه دى ومصر مافيهاش شجر زيتون)
كريم (ولكنكم تحرقون اغصان الزيتون)
.................................................. .................................
قبل الماتش علطول
صيفى : أصحيح أن أبو تريكه هايلعب
بلحاج : يقولون انه احرز عشر اهداف فى مباراه واحده
الجواوى : لقد سمعت انه يفطر كنتاكى حجم عائلى ويتعشى من عند قدوره بتاع المهندسين
.................................................. .......................................


بعد المباراه
سعدان ناظرا لصورة كأس العالم (حاططها خلفيه عالموبيل) (فى ليلة اقل جمالا من ليلتنا هذه ... هانعرف نروح كاس العالم بس المصريين تقال اوى علينا فى ارضهم )

طائر الشرق
18-10-2009, 04:47 PM
ههههههههههههههه

حلوة يا مان

تسلم ايدك

حسام عمر
19-10-2009, 04:48 PM
ايوه كده

بحب روح التفأول دي


Photo Gallery