المساعد الشخصي الرقمي

مشاهدة النسخة كاملة : إنت .. لازمتك إيه ؟؟!!



ahmedab216
28-08-2009, 08:35 AM
السلام عليكم و رحمة الله و بركاته ،،،



عزيزي .. عزيزتي ..

إنت لازمتك إيه ؟؟ :fear2:

لك لازمة ... ولا ملكش ؟؟!! :fear2:

إحترامي للجميع ...

لا تفهموني غلط ... و لا تتسرعوا ..

كثيرا ما تجد إنسان له لازمة خاصة به في كلامه ... مثل .. جدا جدا .. أو خالص خالص ... أو فاهم إنت ؟! ... أو واخدلي بالك .. و غيره و غيره .. الكثير من اللازمات المصاحبة للكلام ...

قد لا تكون منتبها لهذه اللازمة و ينبهك لها محدثيك .. ثم تتحول الي طرفة .. و قد تكون مثار تعليق البعض .. لا أعني بكلماتي أن اللازمة بالشئ السيئ ... لا لا .. لا سمح الله ... و لكنها أولا و أخيرا شئ لطيف ... يسترعي الانتباه ..

شوفتوا بأه كنتم هاتظلموني إزاي ؟؟ ...:-s

دعونا نتشارك هذه اللازمات .. نحاول أن نفسر دورها في الحديث .. و سببها إن أمكن .. ... و أكيد سنشعر بشئ مختلف ..

و أبدأ بنفسي ....

لي زميل ... له معزة كبيرة في نفسي ... أثناء حديثنا .. و بين كل جملة و أخري ... لابد أن يقول ... واخدلي بالك إنت ؟؟ ... هذه اللازمة .. دائما تقطع الحوار أو قل التركيز فيما يقول ... و لكنه لا يدري ..

هو لا ينتظر أن تجيبه .. علي سؤاله ... لقد خرجت منه هذه الجملة .. و كررها عشرات المرات طوال الحديث ... هو لا يشعر بأنه قد نطق بهذه الجملة ...

هل هي ثواني من الراحة يحصل عليها العقل .. تمهيدا للجملة التالية ؟؟ .. هل هي فترة توقف للتأكد من متابعتي لحديثه ؟؟ .. حقيقة لا أعرف ..

و لكني لا أتخيله الآن يخاطبني بدون هذه الجملة ..

ممكن تقولوا إنتم بأه ... لازمتكم إيه ؟؟

خلاص بأه ... ماحنا فهمنا ايه الموضوع ... ;)

إحترامي لكم جميعا ... :f2::f2:

أخت ضابط شرطه
28-08-2009, 11:47 AM
كل سنة وإنت طيب يابشمهندس

أقولك الحق كنت ظلمتك وفهمتك غلط ورحت قعدت فى ركن بعيد ووطيت راسى والدنيا بقت كحل معايا

بس قلت أما أكمل يمكن ألاقى الحل لقيت موضوع تانى خالص ..... ههههههه

أما عن لازمتى

حاليا مش عارفه لازمتى إيه؟
بس أيام الكليه كنت دايما اقول كلمة "أصل" وكنت بنطقها " آص"
ومع تكرار ضحك أصحابي عليا

أخدت بالى وبطلتها

آص الموضوع بسيط وتقدر تبطل لازمتك ومحدش يضحك عليك

شكرا يابشمهندس على الموضوع الجميل دا

ورمضان كرييييييم

ahmedab216
29-08-2009, 01:19 AM
و إنتي طيبة دايما أخت ضابط شرطة ...

و الحمد لله ان الموضوع عجبك ...

شكرا جزيلا لمشاركتك الجميلة ...

و الله أكرم ...

thereallove
29-08-2009, 02:48 AM
ههههههههههههههههههههههههههههههه

وانا لزمتي ههههه حلوه لزمتي دي

اللي ماسكه معايا صيغه الجمع

يعني اجي اقول انا اقول احنا وكده يعني :d

ahmedab216
29-08-2009, 03:29 PM
منور يا أحمد ...

بس دي جديده علي حكاية التكلم بلغة الجمع ... ده تفخيم ولا ايه ؟؟

حتي لو تفخيم ... تستاهل كل خير ...

شكرا جزيلا لك ..

خالص تحياتي ...

شعاع من نور
30-08-2009, 07:10 AM
و عليكم السلام و رحمة الله و بركاته

كل سنة و حضرتك طيب أ.أحمد..رمضان كريم عليك يا فندم :f:

الموضوع فكرته جميلة قوي على فكرة..مع انه بردو معرفناش لزمة حضرتك ايه..:robot:

أنا كمان عندي لزمات كتير قوي..

ممم.."بجد بجد" مرتين ورا بعض كده..و لما بتفاجأ بقول "بتهررررررجييي"..أو "فعلاً؟؟؟"
و "يعني"..بقول يعني كتير قوي..و كمان "هو المفروض"..و "أساساً"..

بس هي بتتغير عندي على فكرة..مش عارفة تبع ايه..بس هي مش ثابتة..

شكراً لحضرتك على الموضوع الجميل :smart:

تحياتي و تقديري..
:f2::f2::f2:

ahmedab216
30-08-2009, 10:46 PM
الأخت الكريمة ... شعاع من نور ..

و إنتي طيبة و بخير دايما .. و رمضان كريم ..:f2::f2:

أنا اللي بشكرك علي مشاركتك الجميلة ...

فعلا لازماتك في الكلام بشوفها من ناس كتير ... أقصد تعدد اللازمات و تغيرها من وقت لآخر ..

أنا برضه .. بستعمل كلمة دايما كتير .. و كلمة ابدا .. أوي .. جدا .. و فيه كلمة رجالي لظروف العمل مع عاملين معظمهم من الرجال ... و أقصد جملة ... ياراجل يا طيب .. بستعملها كتير .. ساعات عن جد .. و ممكن ساعات بتبقي تريقة و المقصود عكسها ..

متشكر لكي جدا مشاركتك ...

لكي خالص تحياتي ...

حنين مصر
31-08-2009, 12:17 AM
موضوع جميل
انا باه لزمتى

اللى هوا دايما اقولها هههههه

ahmedab216
31-08-2009, 01:35 AM
الأخت الكريمة .. حنين مصر ..

أولا شكرا لمرورك و مشاركتك اللطيفة ...

طالما لازمتك هي .. ههههههه ... هل معني كده ... إن كل الكلام اللي بتسمعيه ... بيضحك ؟؟؟

ربنا يسعد أوقاتك ...

لكي خالص تحياتي ..


Photo Gallery