المساعد الشخصي الرقمي

مشاهدة النسخة كاملة : فوازير رمضانية بالنكهة المطبخية



الصفحات : 1 2 3 [4] 5 6 7 8

طـــــير في الســـما
28-08-2009, 10:13 PM
يا جماعة

انا فهمت

ممن يكون الرمان

kethara
28-08-2009, 10:13 PM
أختى الرقيقة أم أحمد

بجد صعبة قوى

بس هاجرب التين البرشومى
او العنب
ياللا انا تعبت تفكير
سهولها شوية رمضان كريم

مع تحيتــــــى

شاعر الرومانسية
28-08-2009, 10:14 PM
كمون كمون كمون

ايه ياشعاع ... عديها بجا :2:

بس على فكرة بجد يا شعاع ..
صنية القلقاس الاحمر ابو لحمة مفرومة اللى ف الفرن ..
انا بحطلها رشة كمون .. جربيها وعلى ضمانتي

اخويا وحبيبى .. وجدي محمود

والله احنا يدوبك بنتعلم ياباشا .. ولينا تجارب بسيطة على قدنا
وان شاء الله العزومة الجاية تحضر وتدوق

اختى الكريمة .. سماء
المطبخ منور بأهله يافندم .. وربنا يكرمك على الاضافة الجميلة

اختي العزيزة .. ناريمان
جربي القلقاس .. خصوصا الاخضر اللى بالسلق والتوم
حنزلك وصفته .. وجربية على ضمانتى والله

اختى الغالية ... أم احمد
شكرا للدعوة الجميلة .. والفرصة الرائعة للتواصل مع احلى صحبة

كل عام والجميع في احسن حال :f:

ورمضان كريم،،،:f2:

طـــــير في الســـما
28-08-2009, 10:14 PM
قوليلي ..يا ام احمد

هو الرمان؟؟؟؟؟؟؟؟؟

و اخوه مين باة

و حد يقو ل لمامته..اني مش عايزة اعرفها

sameh atiya
28-08-2009, 10:15 PM
طب نقول التين .. الشوكي طبعا علشان القشر

ايه حقيقة النسب يا سمسمة :d

كنت هكتب كده والله :mm:
طيب يا أم أحمد لو طلعت ناريمان صح انت عارفة ان الاعمال بالنيات :sorry:
مفيش أمل أكسب نقطة هنا :d

أم أحمد
28-08-2009, 10:24 PM
وما زالت قضية النسب تشغل الرأي العام...

يا جماعة ما يصحش كده
ده في زعيم مصري اسمه علي اسم احد انواع فاكهتنا؟

طـــــير في الســـما
28-08-2009, 10:30 PM
اممممممممممممم

البلح؟؟؟؟؟؟؟؟

و الزعيم سعد زغلول

ها؟؟؟؟؟؟؟

طـــــير في الســـما
28-08-2009, 10:32 PM
أخو البلح..التمر..صح؟؟؟؟؟؟؟

و أم البلح....قصده يمكن..الحتة الصغننه اللي في راس البلحة دي!!!!!!!


علشان عاملة فيها إنفة ..و أليطة يعني

يبقي انا صح

قولي باة يا ام احمد

وجدى محمود
28-08-2009, 10:39 PM
وانا حجرب وأقول حمص الشام

سيمفونية كاتبه
28-08-2009, 10:48 PM
قلبت المطبخ عندنا إني الاقي حاجه مشابها للعز ... ابدأ

ليه كده ياعندليب ده انا نجمي حلو معاك

أم أحمد
28-08-2009, 10:51 PM
:no1:
اممممممممممممم

البلح؟؟؟؟؟؟؟؟

و الزعيم سعد زغلول

ها؟؟؟؟؟؟؟
:hey::hey:
اخيررررررررا
برافو يا ايماااان:f:

سيمفونية كاتبه
28-08-2009, 10:54 PM
حلو اوي طالما طلع البلح

من فضلك يا أم أحمد عرفينا على الأسره

مين اخوه إللي في القرأن

ومين مامته ومين بابا

وإتولد في اني مستشفى ..؟ ياللا هي كبرت معايا

طـــــير في الســـما
28-08-2009, 10:56 PM
أخييييييييييييرا

الحمد لله

ايوة كده
يبقي اخوه اللي في القرآن التمر

و امه...الله يسامحها

اي خدمة

nariman
28-08-2009, 11:07 PM
مبرووووك يا ايمان :hey:

خليكي كده متخصصة فى العائلات ..وتحديدا فوازير أستاذ أيمن

hanoaa
28-08-2009, 11:19 PM
يادى الغلب
يادى الحظ
يا عيال عايزة أجاوب

Ayman Roshdy
29-08-2009, 12:01 AM
السلام عليكم....

إيه يا ولاد... البلح الأمهات...

أخوه هو "الرطب" (وهزي إليك بجذع الخلة تساقط عليك رطبا جنيا)

أمه... النخلة...

ومليان حديد وأملاح عشان كدا بيوصفوه للحوامل...

ياخبر... طب دي واحدة من الفوازير السهلة.

طـــــير في الســـما
29-08-2009, 12:19 AM
آآآآآآآآآآآآآآآآآآآآآآآآآآآآآآآه...أمه النخلة...........

يا سلام يا استاذ ايمن

مش تقول........

امرنا لله

ظلمت امه انا و الله..طلعت في الاخر النخلة

عموما..برده فوازيرك صعبة يا استاذي

وجدى محمود
29-08-2009, 12:37 AM
اللهم صعبها عليكى ياظلماااااااااااااانى ههههههههههههههههههههههههههههه

شطور أستاذ أيمن

عايز حضرتك بقى تجيبلهم بعد رطبا جنيا

فزوره بنت جنيه

هههههههههههههههههههههههههه

boukybouky
29-08-2009, 12:54 AM
يعني انا راضية زمتكم

هو البلح زي السكر في البنور؟؟؟؟ ده بإعتبار ايه بالظبط؟؟ ان البلح لونه ابيض مثلاً!!!

و هو البلح بيتقشر....انتم بتضللونا هنا :-s

و امه و اخته و عيلته... لالا الحلقة ديه ما تنفعش

علشان تعوضيها يا سمسمة نقطة لكل اللي شارك :d

في رعاية الله ،،،

Ayman Roshdy
29-08-2009, 11:50 AM
يعني انا راضية زمتكم
هو البلح زي السكر في البنور؟؟؟؟ ده بإعتبار ايه بالظبط؟؟ ان البلح لونه ابيض مثلاً!!!
و هو البلح بيتقشر....انتم بتضللونا هنا :-s
و امه و اخته و عيلته... لالا الحلقة ديه ما تنفعش
علشان تعوضيها يا سمسمة نقطة لكل اللي شارك :d
في رعاية الله ،،،

لااااااااااااء يا ست بوكي....

"زي السكر" تقال على أي حاجة لذيذة...

الحاجة والدتي بتقولها على الخبيزة... حد عنده اعتراض؟

أمّا البنور فلأن البلح الأمهات في أنسجته سوائل كتير.... تخلّي الضوء يمر فيها زي القزاز الفيوميه...

هاتي كدا بلحة أمهات وبربريز عربية فيوميه وحطيهم قدام الأباجورة...

أمّا القشر... فأينعم... الأمهات والرطب يتم تقشيرهم بقدر الإمكان... من باب الأنتكة من ناحية... والرحمة بالقولون من ناحية أخرى...

وأخيراً... ليه نقطة واحدة لكل مشترك؟

ما تخلّيهم خمسة...إحنا في ايام مفترجة... و...

مش دافعين من جيبنا... هههه...

خلّي الناس يدعوا لي على صعوبة الفوازير.

بالك انتي... حاعمل لهم فزورة عن التمر "البَرْتَمودة" أو "السَكّوتي"... إيه رأيك؟

شاعر الرومانسية
29-08-2009, 12:31 PM
البلح طبعاً

دة كان سهل جدا جدا جدا

عندليبنا ..

عاوزين فوازير أصعب شوية ياعم :2:


رمضان كريم،،،:f2:

أم أحمد
29-08-2009, 09:04 PM
ناريمان 4:y1:
ايمان الشامي 2:y1:
هايدي 1:y1:

الحلقة الثامنة

من اعداد وكتابة الرائعة سماء:f2:

متكرمة يابختها
سورة بحالها باسمها
والمولى جل جلاله
فى كتابه اقسم بها

سهلة ومش محتاجة
توضيح ولا حاجة
فاكهة ومالية السوق
وف كل تلاجة

شكله ساعات يخدع
مش حلو وبيلمع
لكن بقى ف الطعم
سكر وبيجزّع

بينشفوه ويتشال
ويعلقوه ف حبال
مش عند فكهانى
ممكن يكون بقال

فاكهتنا ادامك
تختم بها فطارك
طازة أو يمكن
موجودة ف خشافك

-------------------------------------------------

كيك .......
المقادير:
4/1 كوب زبدة فى درجة حرارة الغرفة
1 كوب سكر
1 بيضة
2 كوب دقيق
2/1 ملعقة صغيرة ملح
2 ملعقة صغيرة بيكنج بودر
1 كوب حليب
1 ملعقة صغيرة فانيليا سائلة
4/1 ملعقة صغيرة روح اللوز سائل
1 كوب ------ طازج قطع

الحشو
4/1 كوب سكر بني
4/1 كوب ماء
2 كوب ------ طازج قطع
- 1 ملعقة كبيرة عصير ليمون

طريقة التحضير:
• يُسخن الفرن على 175 درجة مئوية، تُدهن صينية (8 بوصه) دائرية.
• يُنخل الدقيق + البيكنج بودر+ الملح ويُترك جانباً.
• يُخفق الزبد والسكر جيداً ثم يُضاف البيض مع الخفق الجيد.
• يُضاف الدقيق تدريجياً بالتناوب مع الحليب.
• تُضاف الفانيليا وروح اللوز وال------ بخفه.
• يوضع الخليط فى الصينية ويُخبز لمدة 30 دقيقة أو حتى تمام الخبز ويُترك ليبرد.
• في إناء يُخلط السكر البني و الماء و------ وعصير الليمون، ويُرفع على نار متوسطة حتى الغليان.
• تُخفف الحرارة ويُترك الخليط حتى يُغلظ القوام (حوالي 20 دقيقة) ويُترك ليبرد قليلاً.
• يُقطع الكيك إلي حوالي 3 طبقات عرضياً
• يُفرد الحشو بين طبقات الكيك وعلى الوجه ويُقدم مع بعض الحشو أو ------ الطازج جانباً.

يا تري فزورة النهاردة بتتكلم عن ايييييه؟؟؟؟:icecream:

سيمفونية كاتبه
29-08-2009, 09:11 PM
التين

sameh atiya
29-08-2009, 09:12 PM
التين يا أم أحمد :mm:

وجدى محمود
29-08-2009, 09:12 PM
التيييييييييييييييييييييييييييييين

sameh atiya
29-08-2009, 09:15 PM
التِّينِ ، كده صح بالتشكيل إنما هايدي ما جابتش تشكيل ممكن تكون تقصد أي معنى أخر :d

sameh atiya
29-08-2009, 09:17 PM
سهلة ومش محتاجة
توضيح ولا حاجة
فاكهة ومالية السوق
وف كل تلاجة

طيب وإيه اللي يدخلها التلاجه ما هي موجودة على الشجرة :mm:
في سباق بيني وبين أحمد على التين ومين يصحى الأول يقطفه من الشجرة وياكل لوحده بقى :d

وجدى محمود
29-08-2009, 09:18 PM
ههههههههههههههههههههههههههههه كلكو كاتبين فى وقت واحد

مبروك للنونات

معلش ياسامح

التين يأم أحمد وأهو سامح قالها وخلاص

وأهى هايدى كالعاده بتسبق قاعده بإخلاص

والأخ الغالى إبن عطيه بده هديه

حتكون من وجدى ومن أيمن ميه الميه

علشان أهو سامح ومسامح ومقامه عالعين والراس

دول عالم مفتريه ياعم

سيمفونية كاتبه
29-08-2009, 09:20 PM
التِّينِ ، كده صح بالتشكيل إنما هايدي ما جابتش تشكيل ممكن تكون تقصد أي معنى أخر :d


هههههههههههههههههههه

مهو انا جمعت محصولي بدري مستنتش

موسم التشكيل :biggrin:

nariman
29-08-2009, 09:29 PM
:d عسل يا هايدي .. موسم التشكيل

للأمام يابنات ..

سيمفونية كاتبه
29-08-2009, 09:53 PM
:d عسل يا هايدي .. موسم التشكيل

للأمام يابنات ..


للأمام اهو .. :plane: قال يقول لي تشكيل

ده انا لما صدقت جيت بدري ونيمت هنوءه

فينك يا أم أحمد ... ياللا إرفعي علم هيدووووووو :mazika2:

سيمفونية كاتبه
29-08-2009, 09:54 PM
ههههههههههههههههههههههههههههه كلكو كاتبين فى وقت واحد

مبروك للنونات

معلش ياسامح

التين يأم أحمد وأهو سامح قالها وخلاص

وأهى هايدى كالعاده بتسبق قاعده بإخلاص

والأخ الغالى إبن عطيه بده هديه

حتكون من وجدى ومن أيمن ميه الميه

علشان أهو سامح ومسامح ومقامه عالعين والراس

دول عالم مفتريه ياعم


نفسن نفسن .. :angry:

sameh atiya
29-08-2009, 09:54 PM
هههههههههههههههههههه

مهو انا جمعت محصولي بدري مستنتش

موسم التشكيل :biggrin:

هو في موسم للتشكيل ولا ايه :d
عليكم شوية افتكاسات جديدة ، يا عم التين لسه موجود على الشجر عندنا :y1:
محصولك مرضان يا هايدي *109*

sameh atiya
29-08-2009, 09:59 PM
ههههههههههههههههههههههههههههه كلكو كاتبين فى وقت واحد

مبروك للنونات

معلش ياسامح

التين يأم أحمد وأهو سامح قالها وخلاص

وأهى هايدى كالعاده بتسبق قاعده بإخلاص

والأخ الغالى إبن عطيه بده هديه

حتكون من وجدى ومن أيمن ميه الميه

علشان أهو سامح ومسامح ومقامه عالعين والراس

دول عالم مفتريه ياعم

أه والله بدي هدية ما تجيب هدية من العالم اللي أنت بتقول عليهم مفتريه أنا مقلتش حاجة أهو :d
أنت اللي بتقول مش أنا :lookaround2:

سيمفونية كاتبه
29-08-2009, 10:00 PM
هو في موسم للتشكيل ولا ايه :d
عليكم شوية افتكاسات جديدة ، يا عم التين لسه موجود على الشجر عندنا :y1:
محصولك مرضان يا هايدي *109*


مرضان اه .. اصل لسه مجاش معاد تطعيمه

على رأي المثل :007:

ملقوش في محصولي عيب قالو له يا اللي لسه بتسنن

يا أم أحمد تعالي بقى شوفي الناس دي :p

هو أنا إجاباتي منظوره كده علطول :afro:

أم أحمد
29-08-2009, 10:02 PM
التين

:no3::no3:
تمام يا هايدي
برااااافو

سيمفونية كاتبه
29-08-2009, 10:05 PM
:no3::no3:
تمام يا هايدي
برااااافو


ايوه كده

محصولي ياعموهم إتبعت قبلهم

وجدى محمود
29-08-2009, 11:23 PM
وأنا أقول أم أحمد راحت تين

راحت تين

الحمد لله أهى جت

ماهو لو اللى مجاوب رأاااااااااااااااااااااااات

كانت طولت فى الأجزاااااااااااااااااااااااااااااات

ااهم نيمك ياهايدى زى مانيمتى هنووووووووووووء

أم أحمد
30-08-2009, 09:01 PM
ناريمان 4:f:
ايمان الشامي 2:f:
هايدي 2:f:

الحلقة التاسعة
من اعداد وكتابة الاستاذ القدير وجدي محمود :f:

إعجنى بس بلاش تبزير

دى فطار ليا أن وإنتى وبس

وأنا حفردها وتبقى حرير

وحنطويها زى القرص

بس الأول نعمل حشو

والحشو أدامنا كتير

ونزوقها ونشيكها

تفتح نفس بدون تفكير

شكلها يانى

يالهوى عليه

ومعاها ماينفعش عصير



يا تري فزورة النهاردة بتتكلم عن اييييه؟؟؟

سيمفونية كاتبه
30-08-2009, 09:04 PM
البيتزا

سيمفونية كاتبه
30-08-2009, 09:06 PM
ايه ده يا استاذ وجدي ده انت لا قايل نوع الحشو

ولا المقادير عموما انا لأني بعشق البيتزا تخيلت انها ممكن تكون هي المقصوده

hanoaa
30-08-2009, 09:06 PM
ده إيه ده يعنى إللى ماينفعش معاه العصير
السمبوسك مثلا
حتى اليوم اللى جيت فيه بدرى مش عارفه
حظوظ

nariman
30-08-2009, 09:07 PM
ايه ده أول مرة تبقى غامضة كده يا أستاذ وجدي

أنا افتكرت البيـــتزا :ganja:

بس مش متأكدة بصراحة

أم أحمد
30-08-2009, 09:49 PM
البيتزا

:brawa::brawa:
مية مية يا هايدي:good:

سيمفونية كاتبه
30-08-2009, 10:19 PM
هييييييييييييييييييييه :mazika3:


الحمد لله عين العفريت والبخور عملو شغل

ahmedab216
30-08-2009, 10:25 PM
الأخت الكريمة .. أم أحمد ..

لكي كل التحية و التقدير علي فكرة الموضوع الجميلة .. أنا قرأت ال 13 صفحة .. و عرفت إجابة فزورتين .. قلت أشارك .. و محرج من التأخير ..

تحياتي و تقديري لجميع شعراءنا الأعزاء و لكل المشاركين المجتهدين ...

كل سنة و إنتم طيبين جميعا ... و رمضان كريم ..

طـــــير في الســـما
30-08-2009, 10:53 PM
يا استاذ احمد حضرتك تنور في اي وقت

عموما..انا عندي فكرة

لو حضرتك مرة لحقت و حليت صح

ابعتلي الحل على الرسائل الخاصة..و اقوله انا

علشان تعبك مش اكتر

نورت المسابقة يا استاذي

وجدى محمود
30-08-2009, 10:55 PM
ايه ده أول مرة تبقى غامضة كده يا أستاذ وجدي

أنا افتكرت البيـــتزا :ganja:

بس مش متأكدة بصراحة
__________________
ديما ظلمانى ياناريمان

ههههههههههههههههههههه

انا عندى اقتراح

احللكم الفوازير وخلاص

مبروك ياهايدى

ahmedab216
30-08-2009, 10:58 PM
ما شاء الله .. ماشاء الله .. عليكي يا دكتورة إيمان

هي دي فعلا المشكلة اللي كانت عندي ..!!

و قعدت 9 أيام من رمضان مش عارف أحلها ...

و المطلوب أعملك توكيل بالجايزه برضه ؟؟؟

طـــــير في الســـما
30-08-2009, 11:04 PM
هههههههههههههههههه

ياااااا باشمهندس..يعني هنخسر بعض علشان كام نقطة

انا بس قلت اوفر التعب على حضرتك

ثم ان الرجالة اصلا ملهمش في الطبيخ..

يعني غالبا..هتكون اجابتك غلط

انا قلت تراجعها معايا الاول..مش اكتر