المساعد الشخصي الرقمي

مشاهدة النسخة كاملة : فوازير رمضانية بالنكهة المطبخية



الصفحات : 1 [2] 3 4 5 6 7 8

أم أحمد
23-08-2009, 08:57 PM
الحلقة الثانية



من اعداد وكتابة الرائعة سماء:good:






قالوا زمان وكلامهم زين

كل الأحبة اتنين اتنين

فاكهتنا زى ما رسموها
ف الفرع دايما حبايتين





برقوق صغير وده شكله

غالى وطعمه يستاهله
أجدادنا يمكن يوم ما شافوه
أصله ماكانش يسيب أهله





الحلوانية ما يستغنوا

ف الزينة يوم أبدا عنه
بيسكّروه علشان يلاقوه
أحمر ومتباهى بفنه





حتى الطماطم تتلكك

خلتنا فيها بنتشكك
قال يعنى علشان تشبهله
جاية ف اسمه تتمحك





ياللا بسرعة أوام ع السوق

هات ربع كيلوبحاله ودوق
لومالقتوش هاته مجفف
مع الياميش زوّده مسلوق





-------------------------------------------------



لمزيد من التوضيح
هذه خطوات لعمل فطيرة محشية بنوع فاكهة حلقتنا اليوم:no1:




فطيرة محشية ---------- مغلفة بسبوسة



المقادير:

4 ملاعق كبيرة سميد


كوب ----------

نصف كوب دقيق
كوب سكّر
3 بيضات
رشةفانيليا





الطريقة:



• نقوم بخلط البيض مع السكر حتى يصبح شبيهًا بالكريما




• نخلط الدقيق مع السميد ونضيف اليه مزيج البيض والسكر وبعد ذلك نضيف الفانيليا.





• نمدد قسمًا من العجينة في قاع الصينية ونضع عليها ---------- ثم نضع فوقها القسم الثاني من العجينة.





• تدخل الفرن وتترك 25 دقيقة.





• تقدم باردة مع التزيين بحبات الـ----------




يا تري بنتكلم علي نوع ايه من الفواكه؟؟؟

nariman
23-08-2009, 09:01 PM
ايه الحلاوة دي :y:

الكريـــز

:f2:

وجدى محمود
23-08-2009, 09:05 PM
انا عليا أضحك وبس

ههههههههههههههههههه


جميل ياسماء

تستاهلى فطيره

ههههههههههههههههههه

boukybouky
23-08-2009, 09:33 PM
ايه اللي بيحصل ده

شكلي مش هلحق و الا مسابقة

يعني قاعدة في البيت بعد الفطار و مش فيه عزومة و برضه مش لاحقة :-s

في رعاية الله ،،،

hanoaa
23-08-2009, 09:57 PM
الكريز
و بعدين شوفوا حل
ناريمان بايته على باب القاعه
كده مش هاينفع

kethara
23-08-2009, 10:12 PM
أختى الغالية أم أحمد

للاسف مالحقتش الوقت يظهر
يعنى الأجابة راحت خلاص
هو الكريز
لكن اللى سبق أكل الكريز

كل سنة وأنتم طيبين

مع تحيتـــــــى

العسل المر
24-08-2009, 12:52 AM
تعلن ادارة المنتدى عن قيامها بالنظر في الدعوة المقدمة من قبل السيد / العسل المر ( عضو صاحب بيت ) ضد الأستاذه / ناريمان ( المهزومة ) نظراً ( لرشقان ) الأخير في كل مسابقات المنتدى
لشهر رمضان الكريم - أعاده الله عليكم بالخير والبركات - وأكدت المعلومات عن قيام الأول بمحاولات باءت جميعها بالفشل في تحقيق نقطة واحدة حتى الآن في ( السبابيب )
المنعقدة حاليا داخل المنتدى ! ، هذا وقد صرح جانب رسمي ( :ouch: ) - أن الأمور تسير نحو الحقيقة في محاولات منه لكشف حقيقة ( الدقيقتين والأربعة ) !

فجميع ( أسئلة ) المسابقات التي تتمكن من حلها ( ناريمان - المهزومة ) تكون في غضون الدقيقتين وهنا أقصاها أربعة !

وسنواليكم بكل جديد ... كونوا معهم !:y:


تحيات العضو صاحب البيت:( ...

nariman
24-08-2009, 10:31 AM
أنا أقول لحضرتك ليه دقيقتين وأربعة ..
علشان ببساطة بكون متواجدة وبيجيلي لينك الموضوع..بدخل واقرأ المشاركة الجديدة وأحط الإجابة
صدفة يعني منغير قصد أو ترتيب مسبق

بس كده
:f2:

Ayman Roshdy
24-08-2009, 11:44 AM
ايه اللي بيحصل ده
شكلي مش هلحق و الا مسابقة
يعني قاعدة في البيت بعد الفطار و مش فيه عزومة و برضه مش لاحقة :-s
في رعاية الله ،،،



الكريز
و بعدين شوفوا حل
ناريمان بايته على باب القاعه
كده مش هاينفع



أختى الغالية أم أحمد
للاسف مالحقتش الوقت يظهر
يعنى الأجابة راحت خلاص
هو الكريز
لكن اللى سبق أكل الكريز
كل سنة وأنتم طيبين
مع تحيتـــــــى



تعلن ادارة المنتدى عن قيامها بالنظر في الدعوة المقدمة من قبل السيد / العسل المر ( عضو صاحب بيت ) ضد الأستاذه / ناريمان ( المهزومة ) نظراً ( لرشقان ) الأخير في كل مسابقات المنتدى
لشهر رمضان الكريم - أعاده الله عليكم بالخير والبركات - وأكدت المعلومات عن قيام الأول بمحاولات باءت جميعها بالفشل في تحقيق نقطة واحدة حتى الآن في ( السبابيب )
المنعقدة حاليا داخل المنتدى ! ، هذا وقد صرح جانب رسمي ( :ouch: ) - أن الأمور تسير نحو الحقيقة في محاولات منه لكشف حقيقة ( الدقيقتين والأربعة ) !
فجميع ( أسئلة ) المسابقات التي تتمكن من حلها ( ناريمان - المهزومة ) تكون في غضون الدقيقتين وهنا أقصاها أربعة !
وسنواليكم بكل جديد ... كونوا معهم !:y:

تحيات العضو صاحب البيت:( ...


أنا أقول لحضرتك ليه دقيقتين وأربعة ..
علشان ببساطة بكون متواجدة وبيجيلي لينك الموضوع..بدخل واقرأ المشاركة الجديدة وأحط الإجابة
صدفة يعني منغير قصد أو ترتيب مسبق
بس كده
:f2:




نياه ها هاااااااااااااا....

ما تخافوش....

"أم أحمد" بس بتجر رجلكم بالفوازير السهلة في الأول...

أنا بقى حاطط فوازير ولا "ناريمان" ولا عفريت الجان...

كفاية تعرفوا إن حل أول واحدة هو رادياتير الثلاجة الإيديال 5 قدم البمبي المسخسخ أم باب إيده مكسورة.... لم يتم إنتاجها أساساً....

نياه ها هاااااااااااااا....


(مين اللي بيقول عليّ "مكلكع" دا؟ عيب يا ولد)

طـــــير في الســـما
24-08-2009, 12:11 PM
ههههههههههههههههههههههههههههههههه

و الله ضحكتني جدا يا استاذ ايمن

في انتظار الفوازير الشنيعة الفظيعة

بس افتكر يا استاذي

مش من مصلحتك تعادى بناتك

حضرتك هنا في منطقتنا..مطبخ بأة

يعني ممكن لو الفزورة طلعت صعبة

نخطف عبد الرحيم

ها؟؟؟؟؟؟؟؟؟؟؟

nariman
24-08-2009, 02:07 PM
يا خبر ..هي وصلت للعفاريت كمان :d
فعلاً يا أستاذنا مش من مصلحتك تعادي بناتك ... وعفاريتهم :d
ضحكتني بجد يا أستاذ أيمن
كل سنة وحضرتك طيب
:f2:

Ayman Roshdy
24-08-2009, 04:38 PM
الرحمة حلوة.... بالـ"بابا"... عاووووووووووو


ههههههههههههههههههههههههههههههههه
و الله ضحكتني جدا يا استاذ ايمن
في انتظار الفوازير الشنيعة الفظيعة
بس افتكر يا استاذي
مش من مصلحتك تعادى بناتك
حضرتك هنا في منطقتنا..مطبخ بأة
يعني ممكن لو الفزورة طلعت صعبة
نخطف عبد الرحيم
ها؟؟؟؟؟؟؟؟؟؟؟

عتُخطفوا عبد الرحيم كيف يعني؟

أذا كان الوِلد ده "أولريدي" مخطوف... ولسه عليه خطفتين بالحجز مدفوعين مجدماً... أبّاي!

خدوا "صميدة" دلوكيتي... وبالمرة حاولوا تفهموه إن فيه فرق بين صباعه وصباع المحشي... الواد لحد دلوكت محطوط له سبع صوابع في الجبس.


يا خبر ..هي وصلت للعفاريت كمان :d
فعلاً يا أستاذنا مش من مصلحتك تعادي بناتك ... وعفاريتهم :d
ضحكتني بجد يا أستاذ أيمن
كل سنة وحضرتك طيب
:f2:

يعني قلت الحل... ولسة بتستحلفولي عشان انا غلبان؟

هو انا حالاقيها منكوا ولاّ من عيالي في البيت؟

تاخدوا حل تاني لنفس الفزورة وتسيبوني ف حالي؟

أهه: فردة شراب جواها بلية مخططة أحمر على فوشيا... تحت كومودينو في بيت فاضي عشان عليه قضية سواقة بسرعة.

مالكوش حجة بقى.

أم أحمد
24-08-2009, 06:19 PM
ايه الحلاوة دي :y:

الكريـــز

:f2:

برافو يا ناريمان:y1:


انا عليا أضحك وبس

ههههههههههههههههههه


جميل ياسماء

تستاهلى فطيره

ههههههههههههههههههه

اهلا بيك يا استاذ وجدي:f2:


ايه اللي بيحصل ده

شكلي مش هلحق و الا مسابقة

يعني قاعدة في البيت بعد الفطار و مش فيه عزومة و برضه مش لاحقة :-s

في رعاية الله ،،،
طيب انتي مش بتيجي ليه
ابقي تعالي بس هتلحقي الفوازير من اولها
وحشاني يا بوكي جدااا:f2:




الكريز

و بعدين شوفوا حل
ناريمان بايته على باب القاعه

كده مش هاينفع

صح يا قمر هو الكريز:f2:
معلشي ناريمان سبقت





أختى الغالية أم أحمد


للاسف مالحقتش الوقت يظهر
يعنى الأجابة راحت خلاص
هو الكريز
لكن اللى سبق أكل الكريز


كل سنة وأنتم طيبين


مع تحيتـــــــى


وانتي طيبة يا حبيبتي
كفاية وجودك الجميل وكلماتك الرقيقة
ابقي تعالي بدري شوية عشان تلحقي الاكل من اوله:f2:





تعلن ادارة المنتدى عن قيامها بالنظر في الدعوة المقدمة من قبل السيد / العسل المر ( عضو صاحب بيت ) ضد الأستاذه / ناريمان ( المهزومة ) نظراً ( لرشقان ) الأخير في كل مسابقات المنتدى

لشهر رمضان الكريم - أعاده الله عليكم بالخير والبركات - وأكدت المعلومات عن قيام الأول بمحاولات باءت جميعها بالفشل في تحقيق نقطة واحدة حتى الآن في ( السبابيب )
المنعقدة حاليا داخل المنتدى ! ، هذا وقد صرح جانب رسمي ( :ouch: ) - أن الأمور تسير نحو الحقيقة في محاولات منه لكشف حقيقة ( الدقيقتين والأربعة ) !


فجميع ( أسئلة ) المسابقات التي تتمكن من حلها ( ناريمان - المهزومة ) تكون في غضون الدقيقتين وهنا أقصاها أربعة !


وسنواليكم بكل جديد ... كونوا معهم !:y:



تحيات العضو صاحب البيت:( ...


هههههههههههههههههه
وهل عرفت السر أم ما زال البحث جاريا يا سيادة العضو صاحب البيت:play_ball:

منور يا العسل المر :f2:

أنا أقول لحضرتك ليه دقيقتين وأربعة ..
علشان ببساطة بكون متواجدة وبيجيلي لينك الموضوع..بدخل واقرأ المشاركة الجديدة وأحط الإجابة
صدفة يعني منغير قصد أو ترتيب مسبق

بس كده
:f2:

أهي ناريمان قالت الحل بسهولة:y1:
شفت الموضوع سهل ازاي:f2:




نياه ها هاااااااااااااا....


ما تخافوش....

"أم أحمد" بس بتجر رجلكم بالفوازير السهلة في الأول...

أنا بقى حاطط فوازير ولا "ناريمان" ولا عفريت الجان...

كفاية تعرفوا إن حل أول واحدة هو رادياتير الثلاجة الإيديال 5 قدم البمبي المسخسخ أم باب إيده مكسورة.... لم يتم إنتاجها أساساً....

نياه ها هاااااااااااااا....



(مين اللي بيقول عليّ "مكلكع" دا؟ عيب يا ولد)

ههههههههههه
استاذ ايمن
كل كلمات الشكر لن تكفي ان تعبر عن امتناني وشكري لك
لمساندتك المسابقة وهي ما زالت فكرة
الي ان ظهرت امام الجميع
ربنا يجازيك كل الخير علي روحك الطيبة وعلي وجودك الطيب
وعلي مجهودك الاكثر من رائع:f2:



ههههههههههههههههههههههههههههههههه

و الله ضحكتني جدا يا استاذ ايمن

في انتظار الفوازير الشنيعة الفظيعة

بس افتكر يا استاذي

مش من مصلحتك تعادى بناتك

حضرتك هنا في منطقتنا..مطبخ بأة

يعني ممكن لو الفزورة طلعت صعبة

نخطف عبد الرحيم

ها؟؟؟؟؟؟؟؟؟؟؟
هههههههههه
اخرتها هتخطفوووووووووه:poster_sss:
كلنا وراكم
بس حددوا الميعاد:f2:


يا خبر ..هي وصلت للعفاريت كمان :d
فعلاً يا أستاذنا مش من مصلحتك تعادي بناتك ... وعفاريتهم :d
ضحكتني بجد يا أستاذ أيمن
كل سنة وحضرتك طيب
:f2:
ربنا يسعدك يا قمر:f2:

أم أحمد
24-08-2009, 06:24 PM
ناريمان 2:f:
الحلقة الثالثة
من اعداد وكتابة الرائع استاذ ايمن رشدي:hey:


يا مدوّر... ومنوّر طبقك
زي البدر ف ليلة يبان
ليه مكسوف... باين على وشك
دا كسوفك... درجاته جنان
بتقول لي: خُد، واملا ف كرشك
دا انا فوقي خلاصة الألبان
واحنا نقطّع فيك، ونفرتك
ونلزّق شفايفنا كمان
القصر أخد حتّه ف إسمك
والباقي لزوم الغلبان


يا تري فزورة النهاردة بتكلم عن ايه؟؟;)

nariman
24-08-2009, 06:36 PM
وبعدين بقى ..كده حيخططوا لقتلي :d

بركاتك يا بابا أيمن :3:

بصي يا سمسمة ماما قالتلي انه يبقى قمر الدين

ماليش دعوة أنا هي المسئولة

وجدى محمود
24-08-2009, 08:03 PM
اقول أنا
؟

عارف يإيمان ياشامى

حتقولى إنت بالذات تسكت خاااااااااااااااالص


أدينى ساكت
اهو

اهو

أهوووووووووووووووو

حليها بقى
هههههههههههههههههههههه

كده ياستاذ أيمن

تجيبلهم فزوره مكرتنه

ههههههههههههههههههههههه

أم أحمد

ينفع أحل معاهم

وبرده تاخدى الجايزه بدالى
؟

أم أحمد
24-08-2009, 08:33 PM
وبعدين بقى ..كده حيخططوا لقتلي :d

بركاتك يا بابا أيمن :3:

بصي يا سمسمة ماما قالتلي انه يبقى قمر الدين

ماليش دعوة أنا هي المسئولة


واضح يا نيرمو ان العين صابتك:poster_sss:
خلي ماما تبخرك يا قمر

للاسف الاجابة غير صحيحة
حاولي تاني يا قمر

nariman
24-08-2009, 08:51 PM
لا ياستي انا منسحبة دي مؤامرة :d
بس واضح ان العين صابت المطبخ كله محدش جه يقول كلمة واحدة :d

nariman
24-08-2009, 08:55 PM
مش عارفة جه على بالي ..المشبك

سيمفونية كاتبه
24-08-2009, 09:03 PM
اعتقد عيش السرايا

أم أحمد
24-08-2009, 09:05 PM
لا ياستي انا منسحبة دي مؤامرة :d
بس واضح ان العين صابت المطبخ كله محدش جه يقول كلمة واحدة :d



ويرجعوا يقولوا مش لاحقين نحل المسابقة
اهو كلهم اختفوا:w00t1:
الظاهر زي ما قولتي العين صابت المطبخ كله هههههههههههه


مش عارفة جه على بالي ..المشبك

لا برضه يا قمر مش صح

ركزي كده في اخر بيتين:2:

nariman
24-08-2009, 09:11 PM
ايوه ... العيش بتاع الغلابة والسرايا جاية من القصر

اعتقد هايدي صح

طـــــير في الســـما
24-08-2009, 09:20 PM
يا فوازيرك يا استاذ ايمن!!!!!!!!!!!

واضح ان مش عبد الرحيم هو اللي هيتخطف

لا ..و قال انا اللي اتبترت على الاستاذ وجدى!!!!!!!!!!!!

عموما...اعتقد ان هايدي صح

عيش السرايا

وجدى محمود
24-08-2009, 09:25 PM
الله أكبرررررررررررررررررررررررر


جاء الحق


وربنا أنا عارف

تدفعو ا سبعه جنيه ورقه واحده وأنا والله أقول

سيمفونية كاتبه
24-08-2009, 09:37 PM
كفاية تعرفوا إن حل أول واحدة هو رادياتير الثلاجة الإيديال 5 قدم البمبي المسخسخ أم باب إيده مكسورة.... لم يتم إنتاجها أساساً....

نياه ها هاااااااااااااا....



والفزوره دي هتنزل في شارع عبد العزيز هههههههههههههه

ربنا يخليك لينا ياوالدي والله ضحكت كتير على الرد ده لسه شيفاه

كل سنه وحضرتك معانا ومنورنا ومفرحنا دائماً

أم أحمد
24-08-2009, 10:02 PM
اعتقد عيش السرايا


:good::good:
برااافو يا هايدي

kethara
24-08-2009, 10:09 PM
الغالية أم أحمد

هى المسابقة بتنزل الساعة كام بالظبط
ومش هى خضار او فاكهة
ليه دخلتم على الحلويات
عيش السرايا
هههههههههههههههههههه
طبعا اجابتى مش محسوبة مبروك للغالية هايدى

مع تحيتـــــــى

سيمفونية كاتبه
24-08-2009, 10:11 PM
أشكرك ياناريمان

وأشكرك يا إيمان

وأشكرك يا أم أحمد

وأشكرك يا قيثاره

كل عام وانتم بخير .. :f:

hanoaa
24-08-2009, 11:21 PM
ده حتى اليوم إللى ناريمان فيه ماعرفتش برضه ماجاوبتش
يالا مبروك يا هيدو حلال عليك يا عم

طـــــير في الســـما
24-08-2009, 11:38 PM
يا جماعة..مهو انا لازم افوز مرة

اتصرفي يا ام احمد

عموما..ان غدا لناظره قريب

لما نشوف

سيمفونية كاتبه
25-08-2009, 08:16 PM
ده حتى اليوم إللى ناريمان فيه ماعرفتش برضه ماجاوبتش
يالا مبروك يا هيدو حلال عليك يا عم


حلال عليه إيه ياشيخه انتِ تقطميني وتقولي مبروك

فينك يا أم أحمد انا قاعده مستنيه اهو .. خلينا تفرس هنوءه

أم أحمد
25-08-2009, 08:42 PM
الغالية أم أحمد



هى المسابقة بتنزل الساعة كام بالظبط
ومش هى خضار او فاكهة
ليه دخلتم على الحلويات
عيش السرايا
هههههههههههههههههههه
طبعا اجابتى مش محسوبة مبروك للغالية هايدى


مع تحيتـــــــى

اهلا بيكي يا قمر
هو مفيش ميعاد ثابت للمسابقة
لو عاوزين ميعاد معين اقترحوا ونتشاور سوا فيه
والمسابقة زي ما قولت في اول صفحة عن الفواكه والخضروات وفي بعض الاحيان عن بعض الاكلات الشهية



ده حتى اليوم إللى ناريمان فيه ماعرفتش برضه ماجاوبتش

يالا مبروك يا هيدو حلال عليك يا عم


معلشي يا قمر تتعوض ان شاء الله



يا جماعة..مهو انا لازم افوز مرة

اتصرفي يا ام احمد

عموما..ان غدا لناظره قريب

لما نشوف
ركزي يا ايمان شوية
انا عاوزة اصرار اكتر من كده




حلال عليه إيه ياشيخه انتِ تقطميني وتقولي مبروك



فينك يا أم أحمد انا قاعده مستنيه اهو .. خلينا تفرس هنوءه

انا موجودة اهو يا قمر
يدوب لسه مخلصة فطار وصلاة المغرب

أم أحمد
25-08-2009, 08:48 PM
ناريمان 2:4:

هايدي دياب 1:4:



الحلقة الرابعة

من اعداد وكتابة الاستاذ القدير وجدي محمود :f2:



انا شئ تانى

انا لو غبت تقول وحشانى

وعمايلى صحيح دوشه شويه

أدخل بيتك نغمه فى عود

بيحبنى كل الموجود

لونى غريب عن اصناف تانيه

طعمى بجد لذيذ وكويس

يعشقنى العامل والريس

عالسفره او حتى صينيه(أو عالطبليه)

ديما مظلومه فى وسطيكم

ورقه وببقى عجينه فى إديكم

بإديكو بتتكاترو عليا

سكينتى بيمسكها إتنين

وساعات بتكون سكنتين

حد يناس إتعرف بيا

؟؟؟؟
؟؟؟
؟؟
؟

يا تري فزورة اليوم بتكلم عن ايه؟:4:

nariman
25-08-2009, 08:49 PM
الملوخيـــــة ...

hanoaa
25-08-2009, 08:50 PM
حلال عليه إيه ياشيخه انتِ تقطميني وتقولي مبروك

فينك يا أم أحمد انا قاعده مستنيه اهو .. خلينا تفرس هنوءه


تصدقى هاموتك برضه

سيمفونية كاتبه
25-08-2009, 08:50 PM
اعتقد الجلاش

nariman
25-08-2009, 08:50 PM
ده أنا فاتحة الصفحة حالاً لقيتها في وشي ههههههههههههههههههههه

مساءك ورد يا أم احمد
:f2:

hanoaa
25-08-2009, 08:52 PM
وإنتى كمان يا ناريمان
هاتحصلى هايدى
إيه رأيك يا أم أحمد

سيمفونية كاتبه
25-08-2009, 08:59 PM
تصدقى هاموتك برضه


تموتي مين فكراني سوسن هههههههههههههههههه

إيه ياجدعان الإفتره ده ..

nariman
25-08-2009, 08:59 PM
أحصلها فين بس يا هنوءة ..متجمعين فى الخير يابنات :d

hanoaa
25-08-2009, 09:05 PM
أحصلها فين بس يا هنوءة ..متجمعين فى الخير يابنات :d


هاتحصليها فين
الصاروخ اللى هابعته هايخدكوا انتوا الإتنين شروة واحده

hanoaa
25-08-2009, 09:20 PM
تموتي مين فكراني سوسن هههههههههههههههههه

إيه ياجدعان الإفتره ده ..


إنتى لسه شوفتى حاجة

أم أحمد
25-08-2009, 09:24 PM
الملوخيـــــة ...
برافو يا نيرمو :y1:



تصدقى هاموتك برضه

هتموتي مين فيهم بس يا هنوؤه





اعتقد الجلاش

لا للاسف يا هايدي



ده أنا فاتحة الصفحة حالاً لقيتها في وشي ههههههههههههههههههههه

مساءك ورد يا أم احمد
:f2:
شكل البخور جاب نتيجة:bounce:




وإنتى كمان يا ناريمان

هاتحصلى هايدى

إيه رأيك يا أم أحمد

اللي توشفيه يا قمر كلنا وراكِ:baby:





تموتي مين فكراني سوسن هههههههههههههههههه


إيه ياجدعان الإفتره ده ..


كل واحد يخاف علي نفسه بقي:w00t1:



أحصلها فين بس يا هنوءة ..متجمعين فى الخير يابنات :d
خافي علي نفسك يا قمر
العمر مش بعزقة




هاتحصليها فين


الصاروخ اللى هابعته هايخدكوا انتوا الإتنين شروة واحده

وكمان فيها صواريخ
مش كفاية عفاريت امبارح
استر يا رب





إنتى لسه شوفتى حاجة

اديها كمان اديها:baby:

سيمفونية كاتبه
25-08-2009, 09:29 PM
الله ده انا ماحدش طايقني اساساً

وكمان الجواب غلط :mm:

اسكتي بقى ياهناء ده انا لازم اتبخر منك بعين عفريت

حدرجه مدرجه رجل فار وودن حماره عرجه

همروش مبروش ابعد عنا الوحوش

والله لأرعبكم ... :biggrin:

مبروك عليكِ ياناريمان :f:

وجدى محمود
26-08-2009, 01:20 AM
شوفتو

أنا فوازيرى سهله إذاى

فين يإيمان يابنت الشامى

ياظلمانى

يابخت من بات متخرط

قصدى مظلوم

ههههههههههههههههههههههه

وجدى محمود
26-08-2009, 01:28 AM
اعتقد الجلاش

أنا لا أعتقد

هههههههههههههه


جلاش

وتقوليلى البغبغان


روحى ياهايدى

ربنا ينصر هنوووو على إيمان الشامى

هههههههههههههههههههههههه



جننتوووووووووووووووووووونى:uff::uff::uff::uff::uff :

nariman
26-08-2009, 01:21 PM
فعلاً أستاذ وجدي الفوازير من إيدك تجنن :d
:f2:

سيمفونية كاتبه
26-08-2009, 01:53 PM
أنا لا أعتقد

هههههههههههههه


جلاش

وتقوليلى البغبغان


روحى ياهايدى

ربنا ينصر هنوووو على إيمان الشامى

هههههههههههههههههههههههه



جننتوووووووووووووووووووونى:uff::uff::uff::uff::uff :



أنا قولت اقول على إللي بحب أكله هههههههههههههههه

لاء بجد فكرة الفزوره كانت حلوه إن شاء الله بعد كده

مش هخلي حد يجاوب بس إدعيلي المنوم الجديد يكون فعال :d

أم أحمد
26-08-2009, 04:17 PM
ناريمان 3:brawa:
هايدي 1:brawa:

الحلقة الخامسة
من اعداد وكتابة الرائعة سماء:f2:


قالوا عليه خد الجميل
لونه لون شمس الاصيل
عنده قشرة مخملية
رائع بجد مالوش مثيل


ف الاغانى اللى معانا
ربطوا اسمه بالخيانة
واشتكوا له م الحبايب
اللى ضاع منها الأمانة


وارتبط اسمه بسينا
بعد ما عبرنا وجينا
طرح الشجر لما فرح
وببشايره قام هادينا


دلوقتى حاولوا يجوزوه
وبفاكهة تانية طعموه
بس حقيقى الأصل أحلى
مهما حاولوا يغيروه


فزورة وهيجاوبها مين
قالوها واحنا صغيرين
تقرا اسمه من الشمال
زى اسمه من اليمين


-------------------------------------------------


كيكة ال----------
المكونات
2 كوب سكّر
2 ملعقة صغيرة خميرة
1/2 كوب زبدة
1/2 كوب سكر
1/8 كيلو عجينة لوز
2 ملعقة كبيرة مربى -------
2 ملعقة كبيرة عصير برتقال
1/8 كيلو ------- منزوع النوى ومفروم
1/2 كوب شراب -------
2 بيضة مخفوقة خفيفا
الطريقة
• يسخن الفرن تحت درجة حرارة 180، ويدهن قالب فرن بالزبدة.
• ينخل الدقيق والخميرة في إناء كبير.
• تخلط الزبدة والسكر وعجينة اللوز والمربى وعصير البرتقال و------- وشراب ال------- في إناء، ثم يرفع علي نار هادئة مع التحريك حتى الحصول علي خليط ناعم ثم يرفع علي النار.
• يضاف الخليط السابق إلي الدقيق، ثم يضاف البيض ويخلط بحذر بملعقة خشب.
• يسكب خليط الكيكة في قالب ويساوي السطح، ويوضع القالب في الفرن لمدة 35 دقيقة أو حتى النضج.
• تترك الكيكة بعد خروجها من الفرن لمدة 10 دقائق، ثم تقلب وتقدم ساخنة مع صوص ال-------

يا تري فزورة النهاردة بتتكلم علي اييييه؟؟؟

طـــــير في الســـما
26-08-2009, 04:22 PM
الخوخ؟؟؟؟؟؟؟؟؟

يا رب يطلع صح