المساعد الشخصي الرقمي

مشاهدة النسخة كاملة : دعاء موظف غلبان



ROOS
03-08-2009, 07:28 PM
بســم الله الـرحمــن الرحيــم

دعاء موظف غلبان

اللهم أنقذنا من نفسنه الزملاء.. وغباء الأصدقاء ومفاجأة الأعداء
اللهم ارحمنا من استبياع الجيل الجديد.. وحرائق السكة الحديد
واستقصاد كل مدير.. ونداله القريب الصغير منهم والكبير

اللهم أغثنا من كل عميل.. ومن فواتير موبينيل
اللهم أرحمنا من تشريفه عربيات المسئولين، وزحمة الشوارع في كل حين
وسحب الرخص في كل كمين..
اللهم اهدى لنا سواقين الميكروباص
ومدير الشركة الباص
اللهم ارحمنا من الشئون القانونية وشئون العاملين
واللي بيقفوا فـ وسط الشارع فجأة وبدون إشارة يمين
اللهم قنا شر الكليبات..
وشر خبث البنات.. ولؤم الستات وغباوة الحموات
والمينيمم تشارج كافيهات..
وهيافة الصحف والمجلات
وقطع الحرارة فجأة عن التليفونات وقت الزنقات
والمدارس اللي بتطلب تبرعات بالألافات
ووقوع السيرفر وقفلة السايتات
اللهم ارفع مستوى الفريق القومي..
لمستوى أنبى والحدود.. أو حتى مستوى أسمنت أسيوط

اللهم سدد أقساطنا.. وضلل عنا مآمير الضرايب

اللهم ارحمنا من الاكتئاب مرض العصر والشباب
واحمي يارب سماء مصر من سحابة الهباب
وصاحب التصريحات النصاب
اللهم ارزق كل بنت بعريس هدية..
وكل شاب بوظيفة وشقة وعربية
اللهم أحرق الـ0900
واضرب الحرامية بالحرامية
ونجح أي طالب في أي كلية

e_elassas
05-08-2009, 04:36 PM
:lol2::lol2::lol2::lol2:

اللهم امييييييييييييين يسلم لسانه ياستى والله :good:

هى دى الدعوات اللى احنا مفتقدينها:y:

تسلم ايدك ياروووووووز على الموضوع اللذيذ وربنا يتقبل ياستى:f::f:


Photo Gallery