المساعد الشخصي الرقمي

مشاهدة النسخة كاملة : مصر رحلة إلى الفيوم



mohamedz87
09-06-2009, 09:35 PM
هل هناك من ذهب إلى الفيوم ليخبرني عن تجربته؟
إني في بصدد الذهاب إلى هناك وأريد بعض المعلومات عن أماكن الإقامة (كال فنادق ونزل الشباب وغيرهم).

علاء زين الدين
10-06-2009, 03:50 PM
الإخوة الأعزاء .. السلام عليكم،

رجاء ممن كان له تجربة من قبل في قضاء رحلة بالفيوم ومناطقها السياحية (بحيرة قارون وعين السليين ووادي الريان والمحميات القريبة) أن يفيد ابننا محمد شهاب زين الدين بما لديه من تجارب.

شهاب زين الدين، الذي نشأ في الولايات المتحدة، عاد إلى مصر مع الأسرة منذ عامين والتحق بالجامعة هنا. وهو يحاول اكتشاف وطنه الأم في العطلة الصيفية، وقد بدأ العام الماضي برحلة إلى واحة سيوة. أما هذا العام فهو يريد اكتشاف الفيوم والمناطق المحيطة بها.

فرجاء توفير أي معلومات عن الأماكن التي تستحق الزيارة وأماكن الإقامة الاقتصادية المناسبة للشباب أو المعسكرات القريبة من المناطق الطبيعية ووسائل التنقل بين هذه الأماكن أو وسائل التنقل للوصول إلى هناك من الفيوم وغير ذلك من المعلومات المفيدة.

وجزاكم الله خيراً على مساعدة شهاب في التعرف على وطنه مصر.

حبيبة مصرية
16-06-2009, 10:47 PM
السلام عليكم ورحمة الله
انا هاحاول افيدك بقدر الأمكان
بس الحقيقة لو أن ابن حضرتك ساكن فى القاهرة يقدر يخلى الرحلة دى رحلة اليوم الواحد
لأن الفيوم مافيهاش أماكن كتير للزيارة
بس لو هو عاوز يخليها رحلة اكثر من يوم فأنا هاحاول افيدك
الفيوم فيها الأماكن التالية :
1- عين السيلين (وأعتقد انه مش هايفضل فيها أكثر من 10 دقائق لأن العين نفسها جفت وأصبح المكان مش شغال زى الاول )
2- بحيرة قارون ودى فيها اكتر من كافتيريا ممكن يقعد فيها زى ( الميرلاند ) ودى يقدر يتغدى فيها مأكولات بحرية , أما لو حابب يقعد فى مكان طوال النهار ممكن ياخد داى يوز فى نادى القوات المسلحة ويقدر كمان يبات -ينام- فيها لو حابب , وفيه كمان البانوراما ودى يقدر ينام فيها بس مستواه اقل شويه من نادى القوات المسلحة
أما لو هو مش فارق معاه الفلوس فطبعا يتجه على (الهلننان أوبرج) مستواه على ما اعرف 5 نجومحى هايكون ظريف للقضاء اليوم على البحيره وكمان للنوم
ولو حابب يتغدى فى مكان شعبى واكله كويس ممكن يتجه لمنطقه على الأوبرج أسمها -شكشوك- ويورح عند عبد الله او مفرح
ده بالنسبة لبحيرة قارون
3- قرية تونس - ودى من أروع الأماكن اللى ممكن يروح يتفرج عليها وعلى المدرجات الموجوده فيها بس بعيده شويه وهى فى نفس طريق البحيرة
4- فيه طبعا مكان اسمه وادى حيتان وده مافهوش حاجه اكتر من حفريات لحيتان وكمان المكان بعيد
6- فيه وادى الريان وده مكان مشهور بشلالاته وهو مكان جميل بس اكيد هايكون حر يعنى يفضل انه يروح بعد العصر
7- فيه هرم هوارة وده هرم شبه مهمدم بس لو حابب يروحه
9- فيه مكان جميل جدا بس مش اثرى ولا من المعالم وهو فى طريق مصر الفيوم أسمه (ليالى العرب)هو مكان فيه خيل وحمام سباحة وبينظم رحلات سفارى , باختصار مكان ممكن تقضى فيه اليوم كامل وفيه بيات وفيه داى يوز يعنى اكيد هايعجبه لو بيحب يقضى يوم يغير فيه جو
10 - سواقى الهدير ودى موجوده فى المدينه نفسها:mazika2:لو حابب يتفرج

ودى باختصار كل المعالم اللى ممكن يزورها فى الفيوم ولو حضرتك عايز اى استفسار انا مع حضرتك وهاجاوبك على قد ما أعرف

مع تمنياتى لك ولأبن حضرتك برحلة سعيدة