المساعد الشخصي الرقمي

مشاهدة النسخة كاملة : رمضان جانا ... ياللا جهزوا حاجته معانا



الصفحات : [1] 2 3 4

sea horse
03-06-2009, 08:30 AM
ده موضوع جديد مقترح من العزيزه ام احمد
ننزل فيه تجهيزات واستعدادات المطبخ لمائدة الشهر الكريم
وكل سنه وانتم طيبين وبالف خير
:f:
صباح الفل
:eat:

sea horse
03-06-2009, 08:39 AM
الزبادى
كيلو اللبن هنجيبة نغلية عادى جدا بس تعرفوا ان اللبن الصح انة يتغلى فى حمام مية لان بغلية مباشرة على النار الكالسيوم بيترسب فى قعر الحلة وبتضيع نص الا ستفادة منة والمفترض على حمام مية مع التقليب المستمر وطبعا العملية دى بتاخد وقت وكلنا مش فاضيين بس على الاقل على نار هادية اوى مع التقليب المستمر وطبعا الخطوة دى بتفرق فى الفايدة والطعم الاصلى للبن مبيكونش فية طعم او ريحة الشياط بيبقى الطعم حلو اوى وبتفرق طبعا فى طعم علبة الزبادى المهم غلينا كيلو اللبن نسيبة يهدى بحيث لو حطينا صوباعنا نتحمل الحرارة هنحطة فى الخلاط مع معلقتين كبار زبادى وانا باستعمل زبادى بلدى مضمون المصدر والسر معلقتين صغيرين لبن بودرة ونضرب كويس اوى هنشوف الرغوة العالية هنكون محضرين الكاسات وانا باستعمل كوبايات فخار بغطاء برضة فخار خصوصى للزبادى جايباها من عند الراجل بتاع الفخار بتكون جافة ونضيفة وطعم الزبادى فيها هايل بابدا اصوب الزبادى بشويش كل كوباية ربعها او اقل وفى الاخر املىء كل الكوبايات ودة علشان كل كوباية تاخد جزء من الرغوة اللى بتعمل وش للزبادى اوك؟فى طريقتين للخطوة الجاية اما انى اولع الفرن على العالى ربع ساعة واطفية واحط كوبايات الزبادى فى صينية فرن نصها مية سخنة وتدخل الفرن لغاية الصبح دا لو احنا عاملين الزبادى من بليل او فى جهاز مخصوص للزبادى عارفينة طبعا او ودة اللى انا بعملة جبت اكبر حلة فى الطقم وشلت اوكرتها من فوق ودخلت مكانها لمبة عادية موصلاها بسلك عادى فى نهايتة فيشة تتحط فى الكهرباء تمام؟ بحط الزبادى فى الحلة وبغطيها وبحط الفيشة فى الكهرباء لمدة 12 ساعة وصدقونى دا الطعم الحقيقى للزبادى لان الحرارة خفيفة وصح وهى دى المفروضة يعنى حرارة اللمبة حاجة كدة ذى ما بنسوى الفول المدمس على نار اشبة بنار الشمعة فبيطلعوا احلى شوية فول فى الدنيا وياريت تجربوا لان علبة الزبادى بتطلع متجانسة وطعمها جميل وخاصة بقة فى رمضان وكل سنة وانتم طيبين
عن : همزة ادم

sea horse
03-06-2009, 08:40 AM
كوكتيل العنب
: كوبيتين عنب احمر ومعاهم معلقة كبيرة ورق نعناع اخضر ونص كوباية فريش كريم اللى هية الكريمة السايلة جهينة مثلا اللى مرسوم عليها فراولاية ودى بتكون خاصة للحلويات اما اللى بتيجى من عند اللبان نستخدمها فى الحادق الاكل العادى يعنى وكل دة غير الكريمة النباتى البودر علشان بس نكون فى الصورة المهم نص كوباية من الكريمة دى تتحط ذى ما هى بدون ضرب على باقى المكونات وممكن مكان الكريمة نحط لبن بس الكريمة فى الطعم حاجة تانية خالص وكمان نص كوباية شربات خفيف اللى بنعملة مثلا للبسبوسة وبيكون عبارة عن كيلو سكر وكيلو مية ونص ليمونة بعد الغليان يعنى نسبة السكر الى الماء 1:1 يبقى دلوقتى مكوناتنا هية 2 كوب عنب احمر ونص كريمة ونص شربات ومعلقة كبيرة نعناع فريش ونضربهم فى الخلاط كويس ونحط فى الكاسات الطويلة الرشيقة ونزوق من فوق بالكريمة المضروبة المرة دى يعن كريمة مثلا نباتى ومحضرينها..الفكرة دى بقة واحدة مع كل الكوكتيلات يعنى الكريمة اللبانى والشربات اساسى والنعناع اوالريحان وانا مجربة وبقولكم هايلة
عن: همزة ادم

sea horse
03-06-2009, 08:41 AM
كوكتيل الاناناس
:كوبيتين من قطع الاناناس الفريش+النعناع+نص كوباية الكريمة+نص كوباية الشربات نضربهم ونصبهم ونزوق بالكريمة ثم رشات من الكاكاو فوق الكريمة والشاليمو وبقدمة فى البيت بالشاليمو
كوكتيل الافوكادو:طبعا عارفينة ...انا عن نفسى باحبة لانة مفيد كمان كوبيتين منة+معلقة كبيرة ورق الريحان+النص كريمة+النص شربات+ا باكو شيكولاتة سادة اكسرها معاهم وهضرب كل دة فى الخلاط وهجيب الكاس واحط فى قعرةشوية معلقتين كبار عصير رمان او شربات ورد او حتى عصير فراولة وابدا اصب الافوكادوبشويش هبص الاقية عمل موجات حمرة من تحت وبتقل بالتدريج كل ما طلعنا لفوق متخيلين ؟شكلة بيكون جنان وبرضة تزويق بالكريم
عن: همزة ادم

sea horse
03-06-2009, 08:42 AM
عصير الفراولة
فى قعر الكاس هحط شربات نعناع وكل دة موجود وفى الخلاط هحطكوبيتين فراولة ونص كريمة ونص شربات والنعناع الاخضر وهصب بشويش فى الكاس اللى فية شربات النعناع يجنن العصير دة النعناع بيدى طعم خطير بيعجبنى وازوق بالكرية وممكن احط بسكوتة...فاكرين بسكوتة الجلاش؟ والشاليمو
عصير المشمش:كوبيتين مشمش ونص الكريمة ونص الشربات وشوية نعناع محترمين وبسكوت بالشيكولات كلة ينضرب مع بعضة فى الخلاط وفى الكاس هحط شربات نعناع على غصير رمان حاجة يدوب فى قعر الكاس وهنزل بالمشمش بشويش برضة وازين بوردات كريمة داير ما يدور حوالين الكاس ورشات الكاكاو واغرز قطع مشمش فريش وقطع شيكولاتة والشاليمو والموضوع خاضع لابتكاراتكوا وابداعاتكوا
عن: همزة ادم

sea horse
03-06-2009, 08:43 AM
المانجة
وطبعا بعملة دايما وعارفين العلاقة بين اسماعيلية والمانجة كوبيتين مانجة ونص الكريمة ونص الشربات ومعاهم شوية شربات نعناع اوكمية حلوة من النعناع الاخضر واصب فى الكاس والكريمة للتزيين وقطع شيكولاتة

كوكتيل الكريز
كوبيتين كريز ومعلقة ريحان فريش الورق بس ونص كريمة ونص شربات ومفيش سكر خالص فى كلة لان الشربات بتدى تجانس ونعومة للكوكتيل والعصاير ونضرب فى الخلاط ونصب فى الكاس ونزوق بالبسكوتة والشيكولاتة والكريمة
كمان ممكن توت احمر مع الباباز على نعناع على الكريمة والشربات على شيكولاتة واصب وازوق كالمعتاد
توت اسود مع كوبيتين خوخ والكريم والشربات وبسكوتين بالشيكولات بيخلى الطعم حلو وغنى والكوكتيل تقيل محترم واضرب وفى قعر الكاس احط كريمة مضروبة وفوقها شوية شربات نعناع وانزل بالخوخ والتوت وازوق بالكريمة وفوقها شربات فراولة او توت او ورد وبعدين اغرس البسكوتة وممكن الخوخ لوحدة مع باقى المكونات عادى وفية كوكتيلات بتتعمل بالكركدية مع السفن اب او الليمون وعصير البرتقال مع السفن اب وفية الفراولة مع الزبادى وشرحة الموز وممكن مع الفراولة اعمل حاجة تانية فراولة ولبن وايس كريم فانيليل ومعلقة مربى الفراولة ونفس الحكاية مشروب الشيكولاتة البارد مع ايس كريم الشيكولاتة ومعلقتين كاكاو دارك والسيرب ....
عن: همزة ادم

sea horse
03-06-2009, 08:44 AM
ياريت تلحقوا موسم المشمش وتعملوا قمر الدين فى البيت
بطريقة سهله وتحفظ بالفريزر
قمر الدين
نقول خمسه كيلو مشمش وثلاثه كيلو سكر وعسير ليمونتين
هانفصص المشمش بعد غسله ونحطه فى مصفاه وفوقه السكر ليله
ناخد الميه اللى نزلت منه ونحطها عالنار واول ماتغلى نحط المشمش والسكر
ونسخن لغاية الغليان مع التقليب لغاية ما يتهرى خالص ونضيف عصير اللليمون
نصفيه من مصفاه واسعه منعا للتكتلات
ونبرده ونعبيه فى اكياس وعالفريزر وبس
صباح الفل
:eat:

sea horse
03-06-2009, 08:45 AM
مربى المشمش
هانقول الكميات على كيلو وممكن طبعا مضاعفتها
كيلو مشمش يفصص ونحط قد وزن اللحم سكر ونقلبهم ونحطهم فى مصفاه على حله
وتانى يوم هانغللى العصير اللى اتصفى ونحط ربع معلقة ص قرنفل مطحون ثم نضيف اللحم والسكر
ويغلى على النار مع التقليب نص ساعه ثم يضاف عصير ليمونه
ويكمل غليان نار هاديه 10 دقايق ونطفى و نسيبه يهدى شويه
ونعبى فى برطمانات جافه تماما وهوه سخن للتعقيم وبعد دقايق نقفل
وبس
مساء الفل
:eat:

sea horse
03-06-2009, 08:47 AM
طريقة عمل العجوة فى البيت
وجربتها كتير طبعا وانا عارفة ان لسة موسم البلح علية بدرى بس علشان تعملوا وتجربوا ان شاء الله لما يطلع
طبعا بنجيب البلح الرطب اللى هوة بنى ومستوى وبنغسلة كويس وبنحطة فى طبق كبير او حلة كبيرة وعلية مية مغطياة ونبدا مرحلة شيل القشر وتفصيص البلح بمعنى هنمسك كل بلحة نقشرها كويس ونشيل النواه ونقسمها نصين ونبدا نرص على صينية بحيث البلح ميكونش فوق بعضة يكون متفرد ومرصوص والمية اللى فى الطبق وظيفتها انها تسلعد فى تقشير البلح فى ايديكوا علشان طبعا هيلزق وانتم بتقشروة المهم هنحط صوانى البلح المتقشر والمرصوص فى مكان جيد التهوية ويستحسن فى الشمش لمدة من 4-5 ايام وطبعا متغطى بشاشة خفيفة لكن فى نص المدة نقلب البلح على الناحية التانية بعد ما المدة تخلص هنلاقى البلح نشف شوية والسائل فية جف بشكل كبير هناخدة على فرن حامى تحميص كويس يعنى يكون ناشف بس برضة مرن وليس صلب متحمص ....فاهمين؟نسيبة يبرد وناخدة على المفرمة وشين وبعد كدة هيكون الناتج عجينة جافة نعجنها كويس ونصبعها صوابع كبيرة او حسب الشكل اللى انتوا عايزينةويدخل الفرن تانى حوالى ربع ساعة يطلع يتقلب فى السمسم كويس وترص العجوه فى علب او اكياس التخزين او فويل ونشيلها برة التلاجة عادى بس انا بفضل فى الفريزر وخاصة فى الصيف ...وبس.
عن: همزة ادم

sea horse
03-06-2009, 10:48 AM
الايام دى الكانتالوب متوفر ورخيص وعلى ما ييجى رمضان مش هانلاقيه
ورمضان السنه دى فى اغسطس ...يعنى الفطار هايكون عصاير وميه .....وبس
:hey:
تخزين عصير الكانتالوب
هانجيب قد خمسه كيلو كانتالوب
ونقطع نصين ونشيل البذور ونقشرهم ونقطعهم
وعالخلاط مع نص كوباية ميه ونهريهم ضرب مع عصير نص ليمونه لكل خلاط
ونعبى فى اكياس بلاستيك ( 3 كوبايات لكل كيس )
وبكده الكيس هايكفى لانتاج عصير يساوى 6 كوبايات بعد كده
ونحط فى الفريزر طبقه واحده لسرعة التجميد
وكل سنه وانتم طيبين
:eat:

عاشقة للبحر
03-06-2009, 12:08 PM
مبروك على الموضوع الجديد

sea horse
03-06-2009, 12:53 PM
شكرا للعزيزه عاشقة البحر
ومستنيين بصماتك
صباح الفل
:eat:

fishawy
03-06-2009, 01:45 PM
كل سنة وانتم طيبين
ومطبخكم دائماً عامر

sea horse
03-06-2009, 08:58 PM
العزيز فيشاوى
منور والله الموضوع الجديد
وياريت تقولنا على استعدادات رمضان عندك
اكيد فيه شئ مختلف
كل سنه وانت طيب
:eat:

sea horse
04-06-2009, 06:23 AM
الاراصيا(للبرقوق او المشمش باعملها للخوخ والزبيب)كيلو البرقوق بغسلة كويس يكون جامد مش مستوى ممكن يتغزز 3مرات بدبوس نضيف متعقم او تسيبية ذى ما هو عادى بدون....هنجيب كيلو مية يعنى اربع كوبايات ونحط فيهم 200 جرام سكر يعنى برضة كوباية ونسيبهم يغلوا على النار 10 دقبقة ونكون ضيفنا عصير لمونة هغلى فية البرقوق او الفاكهة التانية لمدة 5 دقيقة وهطلعها علة ورق زبدة ينشف ويجف وبعدين هدخلة الفرن على درجة حرارة100 او اقل درجة حرارة عندك لمدة من 5-6 ساعات وبعدين يبرد واحطة فى الاكياس واخزنة وبس
عن: همزة

سمـاء
04-06-2009, 08:45 PM
كل سنة وانتم طيبين...

بس هو رمضان قرب؟؟؟؟؟؟؟؟؟؟ مش لسه شهرين برضه؟؟؟؟؟؟؟؟ :2:

عموما انا بجهز معاكوا الحاجات اللى بالفاكهة فى الموسم بتاعها

تلحق رمضان أو تخلص قبل رمضان................ مش مضمونة.. :eat:

وانا فعلا بعمل كده دايما فى العصاير، اجهزها وقت ما تكون كتير و فى كيس فى الفريزر

ولما اطلعها ممكن اضربها مع شوية مية او لبن وازود سكر أو عسل، أو مع ايس كريم فانيليا... حسب الموجود..

جيهان محمد على
04-06-2009, 09:41 PM
موضوع رائع
تسلم ايدك عليه فعلا
تحياتى ومتابعة ان شاء الله معاكمِِ

sea horse
04-06-2009, 10:25 PM
العزيزه سماء
دايما منوره اى موضوع واى مطبخ
صحيح فاضل حوالى شهرين بس نلحق الخامات المتوفره
وطبعا عندك حق لازم نستغل فرصة توفر الفاكهه دلوقت ونحفظها
وافضل الطرق واحسنها هى تجميد العصائر المركزه او الفاكهه نفسها
ومستنيين تجاربك ومشاركاتك الجميله
مساء الفل
:eat:

sea horse
04-06-2009, 10:26 PM
العزيزه جيهان
شكرا لذوقك
تواجدك معانا دايما بينجح الموضوعات
ومستنيين مشاركاتك الجميله
مساء الفل
:eat:

اليمامة
05-06-2009, 05:07 PM
ياااااااه....انتوا هنا وانا بدور عليكوا ..اخيرا لقيتكوا
مبروك على الموضوع ..يارب يكون موضوع صحى ومفيد علينا كلنا
صحيح لسة بدرى على رمضان بس فية مثلا مخللات بتاخد وقت واصناف تانية ليها مواسم الايام دى...وبعدين دوامة الايام هتخلى الشهرين يعدوا ذى الهواء ...مش كدة برضة؟
كل سنة وانتم طيبين دايما ..ويارب يكون موضوع عامر فية ناس كتير ومشاركات اكتر حتى ولو بس بابداء الراى....

sea horse
05-06-2009, 09:33 PM
العزيزه همزة
اخيرا نورتى الموضوع؟؟
ياللا عايزين الهمه هنا ونبدأ بالمخللات اللى تصبر شهرين
مساء الفل
:eat:

اليمامة
06-06-2009, 11:08 PM
اوك يا سى هورس ..انا جاهزة وهبتدى بالخيار المخلل وطبعا مبيخدش شهرين ولا حاجة وموجود طول الوقت بس خلينا نقولة هنا يمكن الناس تحب تعمل الايام دى
علشان نعمل مخلل الخيار كويس لازم الاول ننقى الخيار الناشف السليم الطازة حجم واحد ياريت صغير نغسلة كويس ونشيل العنق اقصد الوردة اللى فوق... حلو؟ نغزغز الخيارة بسن السكينة على خفيف مرتين تلاتة علشان متتمليش مية فى التخليل وغازات وتبوظ هنجهز بقة المهم ...محلول الملح ...لتر المية ياخد 4 معالق كبيرة ملح ومعلقتين صغيرين سكر ومعلقة بقة يا حلوين ملح كلوريد الكالسيوم طيب دة فايدت اية ؟ دا مهم جدا ودى التكة انة بيساعد ان الخيار يفضل ناشف متماسك صلب ميطراش وبنضيفة معلقة صغيرة للتر المية طبعا كل دة يدوب كويس ونحط الخيار فى البرطمانات ونضيف المحلول بتاعنا يغطى الخيار تماما لازم...ومفيش داعى لعملية البيضة لانها بتتاثر بالخزين وبتدى نتايج مش صح وعلشان متتكونش طبقة العفن فوق البرطمان نحط طبقة زيت هتحجز الهواء فميحصلش تعفن ونسيبة اسبوعين تلاتة عادى فى المطبخ ونفتح بعد كدة وبالهنا والشفا وبنفس الطريقة نعمل كل الخضروات مخلل زى الجزر والارنبط والكرنب والفلفل والطماطم الخضرا وممكن تشكيلة متنوعة ماعدا طبعا الليمون والزيتون والبصل

عاشقة للبحر
07-06-2009, 12:59 PM
همزة ........... هو ليه مافيش خل فى مخلل الخيار
انا باحط خل وكام فص توم مدقوقين بقشرهم وفلفل شطة ولسة قريب حد قالى انى احط كمان معاه كسبرة ناشفة صحيحة مش مطحونة

لكن هاجرب طريقتك بس اكديلى فيها خل ولا لأ كمان ملح كلوريد الكالسيوم ده بيتجاب منين العطار ولا الصيدلية

حساكى انتى وسى هورس بدخلونا معامل الكيمياء كتير الايام دى مرة كلوريد كالسيوم وهناك سكر جلوكوز وسكروز ههههههههههههه

sea horse
07-06-2009, 08:03 PM
العزيزه همزه
رضاعة ايه بس ...ده انتى شيف درجه اولى وكلنا بنستفيد من بعض
العزيزه عاشقة البحر
مخلل الخيار ده اسرع مخلل فى المجموعه
بس فعلا الكالسيوم بيخللى الخيار يستحمل فترة اطول
وتجيبيه منين طبعا مش سهل بس تستغنى عنه بقرص كالسيوم من الاجزخانه يدوب كويس
والخل بيخليه يستوى ويطرى اسرع
فحسب مانتى عايزه ...سرعة التخليل
لكن انا باستعمل التوم والشطه اساسى مع الخيار ..بس من غير كسبره ..دى جديده
وضبط الملح له طريقه تانيه وهو 10% يعنى ادوب 120 جرام فى لتر ميه
او بالاسهل كيس 500 جرام فى 4 لتر وده لان خامة التخليل بتسحب جزء من الملح
فلو ضبطناه 10% من الاول هايبقى 8% خلال يومين ويهرى الخامه
فنبدأ ب 12%
و مساء الفل
:eat:

ghazala son
07-06-2009, 10:41 PM
يا سلام اشكرك علي موضوعك الجميل تسلم ايديك فكرتنا بايام رمضان الجميلة

http://bateye.jeeran.com/images/%D9%83%D9%84%20%D8%B9%D8%A7%D9%85%20%D9%88%D8%A7%D 9%86%D8%AA%D9%85%20%D8%A8%D8%AE%D9%8A%D8%B1.gif

sea horse
08-06-2009, 11:35 AM
العزيز غزال .... نخليها كده احسن
:f:
الف شكر لذوقك وكلامك الجميل وياريت تنور معانا على طول
مساء الفل
:eat:

اليمامة
08-06-2009, 05:54 PM
اعزائى...رجعنا للمخللات وعايزة اقول على الزيتون على طريقتى بعملة بطريقة بسيطة وبحبها
فية نوعين من الزيتون انا مش خبيرة فى الانواع بس هو التفاحى وبيستوى بسرعة لحمة طرى والعجيزى القاسى شوية دة .....الحقيقة مبحبش اخرم الزيتون بشوكة ولا اشقة بالسكينة لو حبكت الرصع يعنى الدق على كل زيتونة دقة خفيفة بحب احتفظ بشكل الزيتونة سليم واة بياخد وقت بس عادى بالنسبة لية بنقع الزيتون فى مية عادية لمدة ممكن 10-15 يوم متشتغربوش وبغيرعلية اكتر من مرة فى اليوم دة بيساعد ان المرارة تخف بعد كدة بحطة فى محلول الملح اللى قولنا علية قبل كدة تقريبا كل لتر مية بياخد 4 معالق ملح كبيرة وبسيبة شهر واجى تانى بعد الشهر ارمى المية دى واحط مية بملح تانية بس مع نسبة كبيرة من عصير الليمون بس كدة وعلى الوش طبقة الزيت وباقفل علية كويس واسيبة يستوى مثلا شهرين يصفر ويكون جميل
انا عارفة انة بيتغير علية المية بالملح اكتر من مرة ونسب الملح بتختلف فى كل مرة والاضافات كتييرة زى الكرفس والتوم والجزر والشطة وقشر الليمون فية انواع كتير وفى زيتون بيتلف فى الملح والشطة الحمراء الحامية المفرومة ناعم ويتشال لمدة كبيرة وفية زيتون بيتخلى من البذرة ويتحشى بحتة الجزرة والكرفس فية انواع كتيرة اسهلها واطعمها بالنسبة لية اللى قولتها فى الاول وبيكون زى الجاهز طبعا مش هقدر اكتب كل الانواع ياريت اللى عايز نوع محدد يقولى ...انتوا عارفين ان المصانع بتعالج الزيتون بقلوى زى الصودا الكاوية بتاعة الصابون فىاول مرحلة ودة علشان تعادل المرارة ويكون سريع وبيقعد فى القلوى يومين تلاتة لغاية لما يوصل قريب من البذرة بياخدوة معالجة تانى شطف شديد بالمية علشان القلوى ينزل بس اوعوا تعملوا كدة....احنا بيتهيالى منعرفش فى التصنيع دة وعلشان كدة بحطة منقوع فى المية كتير وبغير علية وباقى الخطوات عادى
الحقيقة انا بعشق فى الاصل الزيتون الاسود رغم انى عارفة الغش التجارى فية وورنيش الاحذية الرخيص وبيادى الغرض فى اعطاءة اللون الاسود وبحاول برضة اعملة فى البيت والفرق بين الاخضر والاسود ان الاسود بيتهيالى بيتعالج بالبخار الاول وباقى الخطوات عادى وانا بعملة انى باحطة لمدة دقيقة فى مية مغلية او فى مصفاة على البخار ودة بعد النقع اللى فى الاول وباسيبة فى الشمس 3-4 ايام وبعدين بخللة بمحلول الملح والليمون والزيت بس ونجح معايا..دى كل خبرتى فى الحكاية دى ..وانا على يقين ان سى هورس عارف جدا وخبير جدا وبالنسب والمعايير الدقيقة ولو فيها تعب شوية ممكن تقولى بالضبط وكل الشكر ليك...وانا مستنية

sea horse
09-06-2009, 05:53 AM
العزيزه همزه
كل اللى قولتيه صحيح بالنسبة لاشكال التخليل
بس بالنسبه للنقع وتغيير الميه ايام كتير هيه بتختصر بان الميه يكون فيها ملح
لان الماء المملح بيكون اسرع جدا فى سحب المرارة
يعنى تغييرتين ميه بملح كل يومين بتادى نفس الغرض
ويكون كيس الملح النص كيلو على 20 كوباية ميه كبيره
اما الاضافات فطبعا اختيارية وانا بحب اوى الكرفس والشطه الخضرا والليمون
بالنسبة للزيتون الاسود انتى بتعمليه صح اوى وزى ما بيتعمل فى اليونان
لان التنشير فى الشمس ده اساسى لعملية الاكسده وحفظ اللون الغامق
بس بيبقى طبيعى ... يعنى مش اسود زى الجزم ههههههه لا بيكون بنفسجى غامق
وده احلى زيتون طبيعى
صباح الفل
:eat:

اليمامة
09-06-2009, 08:32 AM
شكرا على الرد السريع...انا هشتغل بالمية والملح خلاص بدل التغيير كل شوية
ساعات بزهق فعلا ...بس برضة يا سى هورس
فكر فى موضوع المعمل ..لو مش موجود اعمل...هننفعك والدعايا علينا ومستعدة اشتغل عندك الواد بلية الطورشجى المتنيل على عينة وببلاش كمان ههههههههههه

sea horse
09-06-2009, 09:56 PM
خلاص اتفقنا عالمشروع
Mekhalelat Lallo
ML
Trade Mark
oooof
ندور بقى عالمكان اللى ينفع
مساء الفل
:eat:

اليمامة
09-06-2009, 10:07 PM
مساء الخير عليكوا
التجهيزات تجرى نظريا على قدم وساق ...ويارب يكون رمضان حلو علينا كلنا ان شاء الله
حبيت اقولكوا على طريقة الكاتشب الحريف ذى بتاع برة ومش عارفة اذا كان دة ملائم لرمضان واللا لا...بس عارفة ان فية ناس كتير بتحبة وعلشان كدة حبيت انزلهلكوا
5 كيلو طماطم حمراء مستوية سليمة متماسكة نقطعها حتت عادى وتتحط على النار لغاية لما تتهرى خالص وتكون سائل ناخدها نصفيها ونحط عليها البهارات الاتية فى قطعة شاش او كيس قماشمعلقة كبيرة قرفة ومعلقة صغيرة زنجبيل بودر وزيها قرنفل وزيهاشطة كل دة يتحط فى الكيس القماش وعلى صلصة الطماطم المتصفية وعلى النار لغاية لما تركيز الطماطم يكون بنسبة 36% يعنى اقل من نصها ب 14% سهلة وتخضع لتقديركم او على حسب السمك اللى انتوا عايزينة بس اثناء الوصول للتركيز دة بنحط بالتريج نص كوباية سكر وربع كوباية ملح وبقول بالتدريج علشان تفضل النسبة متعادلة لا تقل ولا تخف ودة اثناء مرحلة الغليان والتركيز ويا ريت النار تكون هادية علشان طعم الطماطم الفريش وصلنا للسمك اللى احنا عايزينة هنحط 20 جرام توم مهروس يمكن حوالى معلقة كبيرة واتاكدوا من الموازين ونص كوباية بصل مبشور 135 جرام ومعلقة كبيرة فلفل احمر فريش او بودر اللى هو الفلفل الحلو البابريكا مفيش مشاكل ومعاهم تلتين كوباية خل وتاخد الحكاية دى غلوتين على النار وتتصفى تانى وهى سخنة ونحطها فى البرطمانات بعد ما تبرد وتتشال فى التلاجة وبس

اليمامة
09-06-2009, 10:12 PM
الله على المشارع الجامدة
اية رايك فى الكيلو مش عارفة اية طريق مصر اسماعيلية الصحراوى واهو نقسم البلد نصين..ونسوق عندك وعندى وهشتغل ببلاش يوميا بس فى نهاية المشروع ربع الربح ليك والباقى لية ومفيش عدل اكتر من كدة ...انا اللى بخلل..فكر والقرار النهائى ليك بس بسرعة علشان وصلتنى من هنا طلبات ..هههههههههه

اليمامة
10-06-2009, 06:23 AM
صباح القشطة بالعسل
شكلكم كدة مش عايزين تنجحوا مشروعتا (مخللات لالو) فين الطلبيات....ههههههه؟
تيجى نقول على طريق البقلاوة يعنى لقمة القاضى يعنى الزلابية ...مش كدة برضة؟
معلقة كبيرة خميرة على معلقة صغيرة سكر وشوية مية دافين ونقلب ونسيبهم 10 دقايق يتفاعلوا مع بعض ويخمروا نقول مثلا ان كمية المية الدافية اللى حطيناها على الخميرة نص كوباية اوك؟ هنجيب3كوبايات ونص دقيق وعلية ذرة ملح بسيطة هنعجن هم بكوبيتين مية دافية ونضيف طبعا الخميرة بالسكر العجين يكون متجانس اشبة بالسائل ولافضل النتائج اضربوة فى الخلاطوفى حاجتين هنا مهمين ممكن تضربوا مع العجينة بطاطساية متوسطة مسلوقة كويس وممكن مكان البطاطس نشيل كوباية ونص دقيق ونحط مكانهم كوباية ونص دقيق السيمولينا الناعم بتاع البسبوسة بس يكون من النوع الناعم من عند العلاف او العطار ومعاة هنحط معلقتين كبار نشا وسواء البطاطس او السيمولينا بالنشا بيدى هشاشة وشكل مدور حلو للبقلاوة وصلابة واحلى حاجة ان دقيق السيمولينا بيخلى القطعة مليانة وتقطم ومتماسكة وبتكون خطيرة يا ريت تكونوا فاهمين انا قصدى اية المهم عملنا العجينة نحطها فى مكان دافى تخمر وهنا بقة كل ما تخمر ننزلها بايدينا 3-4 مرات ونسيبها تخمر تانى اوك؟ بمعلقة صغيرة مبلولة بالمية او الزيت هناخد من العجينة على الزيت الساخن العميق ومنحطش كتير فى المرة الواحدة ونوطى النار فى مراحل الوضع ...هههههه وضع العجينة يعنى...متفهمونيش غلط....ودة علشان الكور متتلهفش فى النار ونحتاس ونزروت الدنيا حوالينا ونتعكنن وان شالله ماحد كل بقلاوة...اتفقنا؟ الشربات بيكون تقيل يعنى المية ضعفها سكر والنوع دة من الشربات بيكون مع الحلويات المقلية بشرط ان المقلى يكون طالع ساخن ويتحط فى الشربات البارد 2-3 دقيقة وبعدين يتنشل على مصفاة اما الشربات اللى كمية السكر فية بتساوى كمية المية دة بيكون بتاع الحلويات الشرقى زى البسبوسة واسمة شربات خفيف وبيتحط وهو سخن والصنف الحلو سخن وبعدين برضة نصفى الشربات منة ومسالة الليمونة مشتركة فى الحالتين والبقلاوة تنفع تترش بالسكر البودرة وينفع من غير حاجة سادة وينفع بالمنكهات المختلفة قرفة مثلا مع الشربات او السكر البودرة او تتزوق بالكريمة وتتفتح نعمل فيها حركات بالكريمة والمكسرات ...كلة شغال والاختيار والابداع بتاعكوا

sea horse
10-06-2009, 09:18 AM
صباح الفل همزه
ايه ده بقى ؟؟؟ ماحبش حد يعلمنى غلط
:mm:
بقى البقلاوه هيه لقمة القاضى ؟؟
اللى وصفتيه صح وجميل و 100% للقمة القاضى
لكن البقلاوه هيه طبقات كتير من جلاش او عجين فرش
اكيد غلطه مطبعيه
وتسلم ايدك على لقمة القاضى تجنن وتتخن
:f:
صباح الفل
:eat:

اليمامة
10-06-2009, 09:37 AM
انا عارفة البقلاوة الطبقات بس الناس العاديين ذى حالاتنا فى المناطق الشعبية بيعرفوها بالبقلاوة ومعلش انا اسفة نسيت انى بخاطب صفوة المجتمع...ههههههه .....بس بيتهيالى انها برضة الزلابية ....صح

sea horse
10-06-2009, 11:57 AM
زلابيه طبعا تمشى لقمة القاضى
بس لا شعبيه ولا صفوه برضه البقلاوه مش دى
امال البقلاوه اسمها ايه ؟؟؟

مساء الفل
:eat:

اليمامة
11-06-2009, 06:49 PM
شوف يا سى هورس البقلاوة هية كل واشكر ...يارب ما اكون غلطانة بس انا متاكدة
اما لقمة القاضى او حتى الزلابية فهى بقلاوة الناس الغلبانين ودة لمزيد من التوضيح ..هههههههه
اما البقلاوة اللى هيية كل واشكر...اللى مليانة سمنة بلدى ومكسرات من اللى قلبك يحبها دى بقة بتاعة الناس....الغلبانيين برضة ولا تزعل نفسك...ومعلش الكلام دة فى اماكن اماكن حفاظا بس على المصطلحات المطبخية والسلام عليكم ورحمة الله وبركاتة

sea horse
12-06-2009, 12:17 AM
برضه ؟؟؟
كل واشكر موضوع تانى خالص
لكن نعديها عشان السلام الكبير
ومش مهم المسميات لكن اهم حاجه التذوق والافترا فى السمن والسكر
مساء الفل
:eat:

نيجا3
13-06-2009, 04:32 PM
مبروك على الموضوع الجديد الجامد ده . وشكرخاص لكى ياهمزة على الكوكتيلات الجميلةو اللهم بلغنا جميعا رمضان!

sea horse
13-06-2009, 09:50 PM
ورق العنب
طبعا دا الموسم بتاعة ويا سلام لو احنا خزنا شوية يطلعوا فى رمضان والعيد الكبير والمناسبات والعزومات واللاذى منة وطريقة تخزينة سهلة بس الاول لازم مننخدعش نجيبة من مصدر موثوق فية..علشان منلاقيهوش فراولة مثلا..وبعديننغسلة كويس اوى تحت المياة الجارية بينزل طين كتير هناخدة نصفية فى مصفاة او ننطرة على فوطة مثلا ينشف وبعدين نبدا نرص فية فوق بعضة على ناحية ثابتة ونثبت الشوية اللى رصناهم بعنق ورق عنب اللى هي العصاية بتاعة الورقة بنحطها من الوسط لو مش فاهمين احنا عايزين نوصل لطريقة ان ورق العنب فى المية المغلية يفضل محافظ على الرصة وعادى ممكن نحط بدون رص ونطلعة نرصة بعد السلق ...فى المية المغلية هنحط عصير ليمونة وشوية زيت وشوية ملح وننزل بورق العنب ونتابعة بحيت يدوب لونة بس يتغير ويكون 75% سواء ويطلع نحط على طول تحت مية ساقعة جارية علشان نوقف عملية التسوية ونحافظ على صلابتة ولونة والزيت وظيفتة التطرية وبيسهل فى فصل الورقات بعد كدة باخدة لو مش مرصوص بارصة فى اطباق الفل بكسر الفاء البييضاء اللون وبدخلة الفريزر وساعة الاستخدام بطلعة يفك لوحدة بدون اى تدخل وبيكون كانى لسة جيباة وجربوا هتدعولى

فية طريقة تانية كلكوا اكيد بتشوفوها فى السوبر ماركت وهى عبارة عن غمر ورق العنب فى محلول ملحى بنفس نسب بتاع المخلل..وراجعوا وصفات سى هورس للتخليل او ممكن معلقتين كبار ملح على اربع كوبايات مية..بنجيب ورق العنب النضيف ونرصة فى البرطماناتبلاستيك او قزاز والاخير احسن ونضغط علية ونغطية بالمحلول الملحى وتانى يوم نفتح علية ونزود ورق العنب لغاية لما يتملى ونزود المحلول لو محتاج ونقفلة كويس وساعة لما نستخدمة ننقعة فى مية لمدة ساعتين تلاتة علشان الملح ولو لاحظنا ظهور ريم عليية نشيلة ونزود المية بالملح وضرورى ورق العنب يكون متغطى كويس بالملح علشان يعيش وممكن نزود شوية زيت من فوق منعا لنمو العفن ونقفل كويس وخلاص

عن : همزه

مساء الفل

اليمامة
13-06-2009, 11:04 PM
العزيزة نيجا3
ميرسى يا حبيتى على ذوقك وميرسى على ان االكوكتيلات عجبتك ...تابعى معانا واطلبى طلبات ونزلى وصفات..ونورينا دايما
العزيز سى هورس...دايما منور ونشيط ..شكرا ليك على تعبك معانا

sea horse
14-06-2009, 09:12 PM
يا جماعه الحقوا المشمش واعملوا عصير وقمر الدين ومربه
وصل السعر 2-2 ونص جنيه ومش هايقعد كتير كده
بالكتير 10 ايام
مساء الفل
:eat:

اليمامة
15-06-2009, 12:24 PM
العزيز سى هورس
عندك حق السعر بيزيد والكمية بتقل...انا الحمد لله عملت شوية وبعد ما عملت جالى شوية مشمش بلدى معتبر كادو ..عملت سلطة فواكة..وعملت فى الفرن شوية ..المهم يعنى بهدلت الدنيا
المهم السؤال ...فية مشمش متكحرت كدة وكبير اوى ..دا اخبارة اية؟ انا مبعزوش اوى بخاف من اى حاجة كبيرة رغم انة بيكون مسكر بس بيتهرى على طول...هل دة حلو؟ واللا نستصغر احسن؟ والكبير دة اية كبرة ان شاء الله ؟ هوالصغير يعنى يتيم الام والاب وابن البطة السوداء؟...ارجو الافادة..وشكرا مقدما

اليمامة
15-06-2009, 04:13 PM
رجعت تانى ..لان بمناسبة ورق العنب ومحاشية وطواجنة كان لازم علشان عزومات رمضان تبقى خمس نجوم نقول المقبلات والسلطات وفواتح الشهية علشان مكونش خليت فى نفسكوا حاجة
الكرنب بالقشطة
هنجيب كرنبة محترمة بلدى وناخد بس القلب الابيض المليان ونسلقة عادى فى مية مغلية ونضيف ليها شوية خل ابيض بيدى طعم حلو للكرنب وبعد السلق ناخدة نقطعة مربعت متوسطة تميل للصغر ونبدا نحشية بس مش رز لا اصحوا معايا قشطة سمعاكوا بتقولوا هتخربى بيتنا هقولكوا دى مرة واحدة فى السنة فى العزومة الجامدة ودة نوع من المقبلات يعنى كل واحد بياخد واحدة وخلاص يعنى الكمية مش هتبقى كتيرة المهم نحشية بالقشطة ونلفة كويس ونرصة فى طبق غويط ونغطية بالخل وزيت الزيتون وعصير الليمون وممكن نخفف بشوية مية ونسيبة على الحالة دى يومين تلاتة فى التلاجة علشان الطعم الجامد وساعة التقديم نقدمة بالخلة ونرصة فى الصينية وحلو بجد

اليمامة
15-06-2009, 04:46 PM
نقول الشكلمة واهو صنف من اصناف رمضان
4 بياض بيض هنحطهم فى طاسة على نار هادية جدا جدا والطاسة فى الاول تكون باردة ومن غير زيت ولا اى حاجة واخفق فية شوية شوية مش هيستوى على النار الهادية دى واراعى انة يوصل لمرحلة انة يكون مستوى نص نص فى النهاية هستمر فى الخفق ميستويش بياض البيض ذى ما قولنا هننزل بنص كوباية سكر ناعم شوية صغيرين بشوية صغيرين واخفق هيسيح مع بياض البيض وبعد ما اخلص الكمية انزل بكوبيتين ونص جوز هند ناعم برضة شوية شوية ومعاهم معلقة صغيرة فانيليا واقلب كويس لغاية لما تتماسك بس مش قوى تكون العجينة بقت دافية ومتماسكة وفى كيس الحلوانى ببلبلة واسعة احط العجينة واشكل وردات واحطها على صينية مدهونة زيت وازوقها باى حاجة زى الكريز او من غير عادى واحطها فى الفرن الهادى هتستوى وتتحمر ولونها هيصفر شوية وممكن نعملها بالشيكولاتة بنضيف معلقتين كبار بودرة الكاكاو للعجينة ونزود بياض بيضة ونفك ايدنا فى الفانيليا او مكانها ممكن نحط روح اللوز القوية وبس

sea horse
16-06-2009, 05:14 PM
معلش يا جماعه واسف واعتذر بشدة
فى وصفة قمر الدين حصل غلطه انى قلت السكر قد لحم المشمش
يعنى لو خمسه كيلو مشمش يطلعوا 4 كيلو لحم نحط عليهم 4 ك سكر
فى قمر الدين الخمسه كيلو مشمش هانستعمل معاهم كيلو ونص سكر بس
النسبه الاولانيه دى بتاعة مربة المشمش
لكن قمر الدين بنحط التلت سكر بس
بجد مش عارف اعتذر ازاى
خايف يكون حد عمل كميه كبيره ..هيه صحيح طلعت مربه بس مش ده المطلوب
:mazika2::mazika2::mazika2:
مساء الفل
:eat:

اليمامة
17-06-2009, 10:14 PM
مساء الخير
خير يا جماعة محدش رد عليا ....ولا اى حاجة...ولا حتى عن استفسارى عن المشمش
فين الخبراء بتوع المطبخ
فين الناس الموسوعة يا سى هورس
على اى حال ...اعتذارك مقبول ...جل من لايسهو...بس برضة مش عايزين العين الحمراء تدخل فى المسائل ...عايزين صحصحة وبلاش زهايمر ...
ومستنية الرد والا.......

اليمامة
17-06-2009, 10:16 PM
نسيت اسال محدش عندة طلبات لرمضان
اى طلبات اى وصفات..واكلات
مجانا والله

sea horse
17-06-2009, 10:31 PM
العزيزه همزه
انا اعتذرت وقبل ما حد يقول ومن نفسى
واعتذار شديد جديد مديد
وماتنسوش انى رئيس جمعية محبى الزهايمر
:cool:
مساء الفل
:eat:

sea horse
19-06-2009, 10:15 PM
النهارده خزنت نوعين عصير هايلين
عصير البطيخ وعصير الكانتالوب
الاتنين بنقشر ونشيل البذور ونقطع قطع صغيره
وعالخلاط نحط البطيخ ومعاه نص كوباية ميه عشان الخلاط يشتغل
ونضرب جامد شديد اوى ونصفى
وناخد العصير المتصفى ونعبيه فى ااكياس باى حجم وبعدد كوبايات الاسرة
ونفس الكلام عملته مع الكانتالوب
كده الفريزر بقى فيه عصاير كانتالوب و بطيخ وفراوله ومشمش
ياللا الحقوا موسم تخزين العصاير
مساء الفل
:eat: