المساعد الشخصي الرقمي

مشاهدة النسخة كاملة : ^*^ امتحانات الثانويه العامه 2009 ^*^



sad man
23-05-2009, 01:38 PM
امتحان اللغة العربية ثانوية عامة 2009







السؤال الأول: التعبير
اكتب ما لايقل عن 650 سطر فى أحد الموضوعات التالية
لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة


شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز


بعد انتشار ظاهرة أكل لحم الكلاب والحمير..من وجهة نظرك تكلم عن هذه الظاهرة ومن المتسبب فيها بدون غلط..الورق متراقب
ــــــــــــــــــــــــــــــــــــــــــــــــــ ـــــــ
السؤال الثانى: القصة
من قصة ' وعهد الله ما انت داخل الانتخابات' .. اقرأ القطعة وأجب عن الآتى
ثم أتى إليه وضربه بال.... وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟

ما هى اللحمة؟ أو على الأقل حدد أقرب معنى خيالى لها

مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت

لماذ ضربه الرجل بال.... وليس بالعصى مثلا؟؟
أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة مع واحد تانى.. افهم انت بقى اختر

حلل بمزيد من التفصيل جملة ضربه بال.... ومدى توافقها مع جملة مصر بتتقدم بينا
ــــــــــــــــــــــــــــــــــــــــــــــــــ ــــــــــ
السؤال الثالث القراءة
من موضوع ( الزعيم..و الفنان.. والقدوة) اقرأ القطعة وأجب
وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة



دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟

أكيد معزوم – طبيعى معزوم – وربنا معزوم.. اختر على أن تضع إيدك على المصحف وانت بتحلف للمراقب بتاع اللجنة
ــــــــــــــــــــــــــــــــــــــــــــــــــ ــــــــــــ
السؤال الرابع النصوص
أجب عن أحد النصين الآتيين
من نص ( ماشربتش من نيلها)..اقرأ ثم أجب
ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها

بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟

المسيسبى - الأمازون – يونج يانج

هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من خده ورجَّعُه مكانه

أكمل الأبيات إلى آخر كحكة فى الكليب

قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى
ــــــــــــــــــــــــــــــــــــــــــــــــــ ـــــــ
من نص (حين ميسرة)..أجب عن الآتى

اذكر اسم مصيبة واحدة محصلتش فى النص الأسود ده

وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى

سبب وجود الشرطة كل خمس دقائق فى النص

موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص اختر
ــــــــــــــــــــــــــــــــــــــــــــــــــ ـــــــــ
السؤال الخامس النحو

أعرب ما تحته خط.. لو مالقيتش القطعة أصلا ..اتصرف

ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا

كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده

فُرِضت الضرائب علينا ببشاعة ..أعرب الجملة .. وارفع الضرائب أبوس إيدك
ــــــــــــــــــــــــــــــــــــــــــــــ
السؤال السادس الخط

كوز المحبة انخرم..طرطش على كمى..ياحبيبى بطل جفا وارحم عذاب امى

اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء

لمسه
23-05-2009, 02:26 PM
مستر محمد:f:

بجد ليك وحشه كان الجهاز بايظ :uff:

بس اقولك انا مقرتش ولا كلمه من الامتحان ده

عشان الشعاع ده بيهنج الجهاااااااااز ومش بعرف اقرى:biggrin:

بس طالما موضوع من مستر محمد اكيد حلووووووووووووو

هههههههههههههههههههههه

سلامات كده:f:

sad man
23-05-2009, 02:46 PM
ربنا يخليكى يالموسه
والله الكلام ده كتير عليا
واقل حاجه انى اعدل الموضوع عشان خاطرك ياقمر
يالا اقرى وقوليلى رايك

أخت ضابط شرطه
23-05-2009, 05:39 PM
ههههههههه
طب ليه ماكانتش الامتحانات دى على أيامنا كنا جبنا مجموع كويس
يلا معدتش تفرق

حلوة أوى يا مستر محمد

AMYM
23-05-2009, 07:57 PM
جامده قوى تسلم ايدك انا فضلت اضحك جامد

sad man
23-05-2009, 09:04 PM
ههههههههه
طب ليه ماكانتش الامتحانات دى على أيامنا كنا جبنا مجموع كويس
يلا معدتش تفرق

حلوة أوى يا مستر محمد

ربنا يخليكى اخت ضابط
نورتى

sad man
23-05-2009, 09:07 PM
[quote=amym;1249563]جامده قوى تسلم ايدك انا فضلت اضحك جامدشكرا
amym
نورتى الموضوع ياجميل

لمسه
24-05-2009, 12:10 PM
ربنا يخليكى يالموسه
والله الكلام ده كتير عليا
واقل حاجه انى اعدل الموضوع عشان خاطرك ياقمر
يالا اقرى وقوليلى رايك




يااااااااااااااه انا غاليه عندك كده :f2:

واكيد انت كمان غالى قوى تسلم لى:f2:


هههههههههههههههههههه
بس امتحان خفيف دمه ظرييييييييييييييف

الف شكر ياسكررررررر:f2:

sad man
24-05-2009, 01:17 PM
نورتى يالموسه
الاجمل مرورك ياقمر

حنييييين الشوق
25-05-2009, 01:30 PM
يا سلام لو الامتحانات كلها كدا
ابقى قابلنى لو حد بات فى بيته

كله هيروح ورا الشمس

بس بجد امتحان لذيذ
تسلم ايدك

sad man
25-05-2009, 03:31 PM
يا سلام لو الامتحانات كلها كدا
ابقى قابلنى لو حد بات فى بيته

كله هيروح ورا الشمس

بس بجد امتحان لذيذ
تسلم ايدك


هههههههههههههه
انتى خفتى ياحنين ولا ايه
ههههههههههههههههههههه

عالعموم نورتى
ومش هفتن عليكى ولا هجيب سيرتك
ولا هعترف انك شريكتى فى الامتحان ده من اول قلم
ممكن من التانى
هههههههههههههههههههه

ThE GhOsT1320
25-05-2009, 09:29 PM
أحمد عز :d
غشتها غشتها معرفتهاش لوجدي :d

sad man
26-05-2009, 03:47 PM
أحمد عز :d
غشتها غشتها معرفتهاش لوجدي :d

ليه كده ياعم
انت عايز تودينا ورى الشمس ولا ايه
مين اللىى اجب سيرته ده
هههههههههههههههههه

ااااااااه ولا انت عشان جوست مش هامك يعنى
هههههههههههههه

نورت ياباشا

حنييييين الشوق
26-05-2009, 08:04 PM
ايه دا انا اخاف انا

ما عاش ولا كان اللى يخوفنى

كل الحكايه ان امتحانك دا ها ؟

اللى هو بتاعك لوحدك دا

امتحان زياده عن اللزوم

اوفر حبتين

ماشاء الله عليك مخلتش حد مجبتش فى سيرته

وربنا يجعل كلامنا خفيف عليهم

متهيألى اننا نتلم بقى وكفايه كدا

sad man
27-05-2009, 11:38 PM
ايه دا انا اخاف انا

ما عاش ولا كان اللى يخوفنى

كل الحكايه ان امتحانك دا ها ؟

اللى هو بتاعك لوحدك دا

امتحان زياده عن اللزوم

اوفر حبتين

ماشاء الله عليك مخلتش حد مجبتش فى سيرته

وربنا يجعل كلامنا خفيف عليهم

متهيألى اننا نتلم بقى وكفايه كدا

ههههههههههههههههههههههههههههههههههههههههههههههه

وبتقولى قال اخاف قال
ههههههههههههههههههههههههههه

ماشى


Photo Gallery