المساعد الشخصي الرقمي

مشاهدة النسخة كاملة : ربنا يسامحك ياجدتى ( 2)



sad man
02-05-2009, 12:49 AM
واحد صاحبنا ربنا كرمه زى ما كرم كل شباب اليومين دول وأشترى تليفون محمول يتشخرم بيه طبعآ ..
وكعادة كل شهر أتزنق فى قرشين
( قرشين يعنى فلوس بالمصري ومساري باللبنانى وبرادس بالصعيدي ههههههههه )
صاحبنا إتزنق في قرشين وعايز يشحن رصيد التليفون بتاعه ..
أبوه حالف على امه بالطلاق إنه ما هايديلوه مليم أحمر واحد يشحن بيه ولا حتى يحوله رصيد بخمسة وسبعين قرش يرن بيهم
لأنه كل شهر يشحن وعلى حساب أبوه كمان ويضيع رصيده على الـ ........... ههههههههه
وطبعآ أنتوا عارفين الشباب بيخلصوا رصيدهم على مين ..
هما فيه غيرهم اللى مخلصين على فلوسنا قبل الجواز ومخلصين علينا وعلي صحتنا بعد الجواز !! هههههههههههه .
وأم صاحبنا ما بيدها حيله هاتديله يشحن من مصروف البيت يعنى ؟!
لأ طبعآ .. يولع التليفون وصاحب التليفون كمان!!!!
صاحبنا مالقاش قدامه غير ( ستو) { جدته يعنى } قرر يعمل عمليه إنتحاريه ويكلمها..
شرب شريط برشام مهدئ للأعصاب وإتشاهد علي روحه وراااااااااااااااااااااااااااااااااااااااح
لأ لأ لأ مش مات راح عشان يكلم ستو..
وكان هذا الحوار


هو : إزيك يا ستى .
هى : بنتى .. إيه بنتى دى يا قليل الأدب .
هو : يا ستى بقولك إززززززززززيك يا ستتتتتتتتتتتتى .
هى : أنت بتزعق ليه يا واد أنت أنا بافتكر بتقول بنتى .
هو : بتفتكرى إيه !! هو أنتى يا ستي حتى بتفتكرى إسمك .
هى : جسمك .. ماله جسمى يا قليل الأدب .
هو : يا ستى إرحمينا شويه بقي وشيلى الزلط اللى فى ودانك .
هى : قدامك !؟ هو إيه اللى قدامى يا واد أنت .
هو : يووووووووووووه يادى النيله .
هى : البليله .. أه البليله حلوه والله.. دا حتى أنا نفسي في طبق بليله باللبن كده يا واد وعليها شوية مكسرات وكده يعنى .
هو : يا حول الله يا رب هو حد جاب سيرة البليله يا ناس .
هى : القلقاس !؟ أه بأحب القلقاس أهو كله نعمة ربنا .
هو : يا ستى ابوس ايديكي أرحميني أنا لا جيبت سيرة قلقاس ولا أناناس .
هى : لأ لأ لأ عيب يا بنى ..عيب لما تجيب فى سيرة الناس .
هو : يا ستى هو أنا جيبت في سيرة حد .
هى : أه يوم الحد كان إمبارح بس والنبى يا بنى ما أنا فاكره النهارده إيه!!؟ يكونش النهاردة الجمعه يا واد .
هو : لا يا ستى النهارده الخميس .
هى : البوليس!! وعايز منك أيه البوليس إنت عملت إيه يا منيل على عينك؟
هو : يييييه بقولك إيه يا ستى نفضى ودانك وطرطقيهم كده وإسمعينى .
هى : رضعينى !! أرضعك إيه ياواد أما إنك قليل الأدب صحيح .
هو : يا ستى أنا إتفطمت من زمان الحمد لله بس عايز منك قرشين كده سلف .
هى : علف !! إنت بتربى بهايم يا واد ؟؟
هو : يا ستى بقولك سلف !! سلفينى خمسين جنيه عايز أشحن التليفون .
هى : كومبيليزون !! كومبيليزون إيه يا للى مش متربى .
هو : يا ستى حرام عليكى الرحمة حلوة برضه أبوس ايد اللى خلفوكى عايز خمسين جنيه سلف علشان أشحن .
هى : أشتم !! وكمان عايز تشتم يا قليل الأدب .
هو : بقى كده يا ستى طب ماشى خدي عندك بقا !! بقولك إيه يا ستى .
هى : وظيفتى .. وظيفة إيه يا بنى أنا طالعه علي المعاش من زمان .
هو : رمان إنتى عايزه يا ستى تاكلى رمان .
هى : أه نفسي في السمان .. هو فيه سمان دلوقتى يا بنى من بعد أنفلونزا الطيور .
هو : أه العبور !! أه ده كان سنة تلاته وسبعين .
هى : سامعين ؟؟ سامعين إيه خير الله إما إجعله خير هو فيه حاجه .
هو : بتقولي ايه يا ستى ..عايزة قهوة سادة .
هى : عياده ..عايز تودينى العيادة ليه يا بنى هو أنا عيانه .
هو : صقعانه .. صقعانه ليه بس يا ستى دا حتى الجو النهاردة حر .
هى : كفالله الشر !! شر إيه يا بنى اللى بتقول عليه ده .
هو : بقولك إحنا على البرررررررر .
هى : أه يابنى منا عارفه الخروف ليه فرو .. وبيبقي كمان تخين .
هو : أه إبنك حسين !!..ماله إبنك حسين .
هى : العجل سمين !! أه هانجيب إن شاء الله في العيد عجل ندبحه ولازم يكون سمين .
هو : إيه يا ستي بتقولي ايه .. أسفين .. طب أسفين ليه !!
هى : عايز خمسين جنيه !! طب مش تقول كده من الأول هو أنت مكسوف منى يا واد ههههههههه .
هو : ياااااااااااااااااااااااه أخيرآ يا ستى الحمد لله .. هاتى بقى .
هى : أجيب إيه ؟
هو : هاتى الخمسين جنيه !!
هى : تحسين بيه .. تحسين بيه مين يا واد .
هو : يالاهووووووووووووووووووووووووى .


**************************

المأسوف علي شبابه دلوقتى في
مستشفى المتاهة للأمراض النفسيه والعصبيه والعقلية كمان
غرفه رقم 11 بالدور الثالث
تليفون محمول رقم
( عفوآ هذا الرقم غير موجود بالخدمه برجاء التأكد من الرقم المطلوب )
تيت تيت تيت تيت

*شهد*
04-05-2009, 10:33 AM
ههههههههههههههههههههه
يعنى هو عمل المتاهه دى كلها عشان تعرف إنه عايز خمسين جنيه؟؟
ولا هى جت كده بظروفها
؟؟

بس جميله
مرسيه أوى يا ساد

*شهد*

M!sS Roro
06-05-2009, 09:12 PM
هههههههههههههههههه ههههههههههههههههههههههههه واحسرتااه شبابه ضاع في الكوسا هع هع ..

انا هاروحله واخد جدي معايا .. علشان خلااص يبقى رسمي مجنون ههههههههههههههههههههااي :d

sad man
07-05-2009, 12:07 AM
ههههههههههههههههههههه
يعنى هو عمل المتاهه دى كلها عشان تعرف إنه عايز خمسين جنيه؟؟
ولا هى جت كده بظروفها
؟؟

بس جميله
مرسيه أوى يا ساد

*شهد*

مش عارف انا تهت انا كمان
نورتى ياشهد ياقمر

sad man
07-05-2009, 12:16 AM
هههههههههههههههههه ههههههههههههههههههههههههه واحسرتااه شبابه ضاع في الكوسا هع هع ..

انا هاروحله واخد جدي معايا .. علشان خلااص يبقى رسمي مجنون ههههههههههههههههههههااي :d

ههههههههههه
ربنا يستر يارورو
نورتى ياقمر

حنييييين الشوق
07-05-2009, 11:52 PM
ههههههههههههههه
ياعينى على شبابه اللى راح هدر
يلا فدا جدته
تسلم ايدك يا ساد

همس المشاعر
08-05-2009, 07:02 PM
مسكين الولد المستشفى مره واحده وهو معذور يروح لمستشفى انامش مكانه وصابني صداع من جدته
يسلمووووووووووووووووووووو ساد
تقبل مروري

sad man
09-05-2009, 01:55 PM
ههههههههههههههه
ياعينى على شبابه اللى راح هدر
يلا فدا جدته
تسلم ايدك يا ساد



ههههههههههههههههههه
فداكى ياحنيييييين
نورتى ياجميل

sad man
09-05-2009, 01:59 PM
مسكين الولد المستشفى مره واحده وهو معذور يروح لمستشفى انامش مكانه وصابني صداع من جدته
يسلمووووووووووووووووووووو ساد
تقبل مروري

ههههههههههههههههههههههههه
نورتى ياهمس

M!SS FOFO
12-05-2009, 12:27 AM
ههههههههههههههههههههههههههههههههههههه
ربنـــــــا مايحكـم علينا بست <جده> خرفـــــانة زي مابتلى صاحبنى
المتنيل على عينه خخخخخخخخخخخخخخخ والله وضاع شبابه هدر
ميرسي اوي sad man
والله بطني وجعتني من الضحك ههههههههههههههههههههههه

sad man
12-05-2009, 02:16 PM
ههههههههههههههههههههههههههههههههههههه
ربنـــــــا مايحكـم علينا بست <جده> خرفـــــانة زي مابتلى صاحبنى
المتنيل على عينه خخخخخخخخخخخخخخخ والله وضاع شبابه هدر
ميرسي اوي sad man
والله بطني وجعتني من الضحك ههههههههههههههههههههههه

الف سلامه عليكى فوفو
نورتى التوبيك ياقمر

فرفوته
13-05-2009, 07:51 AM
الله يكون قي عونه دي جده شربات مكرر وهو صبور (مين منصور ده..........هاهاهاهاهاهاها)
منصور ميين ياابني قصدي صابر علي بلوته (ليه هتجوز عمته قال من همه اتجوز قد امه ....)
الظاهر انها عدوه الحق اخذ الدواء(مش قلت لك اقفل الشباك لتاخذ هواء هاهاهاهاهاها)

sad man
16-05-2009, 05:23 PM
الله يكون قي عونه دي جده شربات مكرر وهو صبور (مين منصور ده..........هاهاهاهاهاهاها)
منصور ميين ياابني قصدي صابر علي بلوته (ليه هتجوز عمته قال من همه اتجوز قد امه ....)
الظاهر انها عدوه الحق اخذ الدواء(مش قلت لك اقفل الشباك لتاخذ هواء هاهاهاهاهاها)

عجبتك اوى فرفوته
ههههههههههههههههههههههههههه
نورتى ياقمر

thereallove
16-05-2009, 08:49 PM
نحله يا شنووووووبي

قصدي يا حبي

تسلم الايادي

sad man
17-05-2009, 12:19 AM
نحله يا شنووووووبي

قصدي يا حبي

تسلم الايادي

تسلم ياحبى
نورت

أخت ضابط شرطه
19-05-2009, 12:39 PM
ههههههههههههه

ما هوا لو كان فودافون كان استلف منهم 3 جنيه وسدهم لما تفرج


بس حلوه أوى يا مستر محمد

sad man
21-05-2009, 03:55 PM
هههههههههههه
مش كده برده
ولا كان شاف المرار من جدته
هههههههههه
نورتى اخت ضابط
ربنا يخليكى ياجميل


Photo Gallery