المساعد الشخصي الرقمي

مشاهدة النسخة كاملة : اب بيتكلم مع ابنه بعد 50عام من الان



thereallove
19-04-2009, 07:16 PM
ايام زماااااااااااااااااااااااان


كان جدك يبني يدينى العشرة جنيه و انا رايح الجامعة كنت اركب بيها و اجيبلى كنزاية و سندوتش برجر و

يفيض معايا كمان مش زمانكم المهبب ده اللي مبيكفهوشي اي حاجه

و كان الواحد مننا يقدر كده ميقدرشي يدخل بيتهم بعد الساعه 5 الفجر يالهوووووووى من الساعة 4 يكون

الباب مفقول و لو جدع تتاخر بقى يا حلو تبات في الشارع علطول

و كان الواحد فينا ميقدرشي يعلى حسه على امه و لا يمد ايده على ابوه الا لما هو يبتدى كان فى حاجة

اسمها احترام و ادب يا استاذ

و مش عارف انا ايه التقاليع الفارغة اللى طلعينلى فيها الشباب بتوع اليومين دول كان على ايامينا يابنى

يدوبك الشاب مننا يلبس البادى الكات و يسقط البنطلون و يوقف شعره و خلاص سبايكى يعنى او لو كان

البنطلون اليوزد المقطع و البادي ابو ترتر والحظاظه امال ايه يا استاذ كان فى حاجة اسمها ادب و احترام شعور الناس اللي بيشوفوك في الشارع ......

و لا التعليم هقول ايه علي التعليم اللى باظ على ايامكم السوده ديه يا بنى على ايامنا كنا ناخد الدروس فى

كل المواد و شكرا على كده و الذاكرة كان اسمها مذاكرة تقعد بالنص ساعة و الساعة الكاملة كل يوم

عالكتاب ما تتحركش و كان اسمها وزارة التربية و التعليم و كان فعلا فى تربية و فى تعليم مش جيلكم البايظ ....

ومكانش فى حاجة اسمها تقعد فى البيت ده يبقى يوم اسود لو ابوك شافك قاعد فى البيت ده امال ايه يا

فندى معندناش رجالة تقعد فى البيت و كنا نرجع البيت مفيش وسائل الترفيه بتوع اليومين دول يدوبك على اد الدش و الكمبيوتر و البلاي ستيشن وبس

وياسلالالالالالام وانت قاعد بقى كده تطسلطن على اغانى الطرب بتاعت زمان الست هيفا و كوكب الغرب

روبى و لا العظيمة دانا ولا العندليب الاخضر الاستاذ سعد الظغنطط طرب من الى ينضفلك ودانك مش الكلام الفارغ بتاعكم ده

و السنة يا بنى كانت على ايامنا 365 يوم بلياليهم مش عارف انا ايه الى حصل و كانت الحاجة رخيصة كده

وفيها بركة يابنى ديه وجبة كنتاكى ديه كنت بجبها بعشرين جنيه و ايه اكل اسمه اكل و لا سندوتش التقاطيع

الى كان بجوز جنيهات من عند سيد تلوث غلى هو كمان ما شفتوش انتوا يابنى الخير الى كان على ايامنا

ولا الصحة يابني كنت تروح المستشفيات تلاقي تلاته او اربعه علي سرير واحد بس والعلاج بيوصل ليهم بعد يومين ولا تلاته ياااااااااه صحيح ايام خير


هقووولك ايييه ولا ايه خلاص يابني البركه صحيح قلت في الايام دي


ربناا يسترها

دكتور مهندس جمال الشربينى
20-04-2009, 10:27 AM
نسيت أهم حاجه فى كلام
الأب لأبنه
وهى مين من
"عائلة مبارك"
:plane:
حيكون بيحكم مصر وقتها
وأكيد الأب
حيتحسر على أيام الرفاهية
والعز
اللى كنا عايشنها
فى كنف
"أحمد عز"
وتحت رعاية
لجنة السياسات
ومجلس الموافقات على طول
الشهير
بمجلس
"سرور"
وأكيد الأب نسى
يحكى
حكاية
براءة
"هشام"
من دم
"سوزان"
!!

thereallove
20-04-2009, 11:41 AM
ههههههههههههههههههههههههههه

ربنا يجعلك كلامنا خفيف عليهم يا دكتور

وتصدق نسي يحكيله علي ايام العيش الموجود علي طول

وكمان الطوابير اللي بقت اكتر من اشارات المرور

دكتور مهندس جمال الشربينى
20-04-2009, 12:28 PM
ههههههههههههههههههههههههههه

ربنا يجعلك كلامنا خفيف عليهم يا دكتور

وتصدق نسي يحكيله علي ايام العيش الموجود علي طول

وكمان الطوابير اللي بقت اكتر من اشارات المرور


فى إعلان يجوب شوارع المحروسة وبيطلع فى الفضائيات بيقول:

http://i39.tinypic.com/122ncls.jpg (http://i39.tinypic.com/122ncls.jpg)

pussycat
20-04-2009, 04:09 PM
هييييييييييييييييييييه دنيااااااااااااااا

والله يا أحمد ضحكت ضحك وخصوصا موضوع الطرب الأصيل ده

بس الأب نسى برده يقول لإبنه أن على أيامنا الواحد كان يقعد تلات أربع سنين بس يدور على شغل

شكرا يا أحمد على الموضوع الجميل

thereallove
20-04-2009, 04:22 PM
هههههههههههههههههههههههه

الظاهر الاب نسي يقول حاجات كتير

الاجمل مرورك يا بوسي

دكتور مهندس جمال الشربينى
20-04-2009, 05:37 PM
بكل ثقة
أقولها
حتى لو بعد 100 من عام
من الآن
سيكون حديث الأب
لأبنه
هو نفس الحديث
سواء كانت المده
50 او 100 او حتى 200عام
نحن شعب "التغيير" مخاصمه
ونحب ونقدس
ونطبق
بحرفية شديدة جدا
مقولة
سعد زغلول باشا
"مفيش فايدة"
وأقوال خايبه كتير
منها
"اللى نعرفه أحسن من اللى منعرفهوش"

http://www.modon.org/uploads/post-4452-1205885039.jpg
مفيش فايدة ولو بعد 200 سنه
فات منهم 100
فاضل كمان
100


Photo Gallery