المساعد الشخصي الرقمي

مشاهدة النسخة كاملة : (## )~سبع فوايد للامتحانات ~(##)



sad man
14-04-2009, 02:54 PM
بمناسبه الامتحانات والايام السوده الي احنا عايشين فيها
اليكم هذا الموضوع
------------------------------------
أولاً
موسم الامتحانات أعظم فرصة على الإطلاق للنوم،ولا نوم أهل الكهف كده، أول ما يبدأ الشهر اللي قبل الامتحان تلاقيك بتنام بالعشرين ساعة وبتصحى ساعتين علشان ترجع تنام تاني كنوع من التغيير يعني، والحجة الجاهزة: امتحانات.. والواحد بيعوّض في النوم عشان يعرف يذاكر
*******
ثانياً
الامتحانات فرصة هايلة لهواة الاكتئاب والسوداويين لممارسة هوايتهم المفضلة في الاكتئاب والإكئاب في نفس الوقت.. لو حد سألك مالك؟ متسيبهوش إلا وهو متأكد إنك ساقط ساقط وإن مستقبلك ذهب مع الريح بلا رجعة وإنك"مفقود مفقود مفقود" ياولدي، ومتقلقش.. براحتك أوي في العياط لو عايز واللطم كمان مفيش مانع
*******
ثالثاً
لو طبقت القاعدة اللي فاتت باحترافية هتلاقي القاعدة التالتة هلت عليك بفوايدها، بما انك هتعيش دور المكتئب المخنوق اللي مش طايق نفسه ولا حياته ساعتها ممكن تتسرب من البيت كل يوم باليل بحجة إنك متضايق ومحتاج تشم هوا بعيد عن الكتب والبيت والمذاكرة أو ترجع برضو للفايدة رقم واحد، عندك أوبشنز كتير.. وهيّص ياعم براحتك.. دي امتحانااااات
*******
رابعاً
وانطلاقا من القاعدة التالتة ممكن تستهلك حجة إنك مش فاهم حاجة في المادة وعايز تذاكر مع اصحابك، وقتها بقى ممكن تعيشوا براحتكوا على أي قهوة أو مول، ولو الأمور ماتظبطتش ابقوا برروا حكاية المول دي إن عندكم مادة مقررة اسمها علم الاجتماع في ظروف مواتية للتواصل مع قوى الشعب، طبعا الظروف دي عبارة عن السجاير أو وجود النصف الثاني من المجتمع
*******
خامساً
عندك نت؟.. حلو أوي، الامتحانات بتهيأ لك الفرصة عشان تستخدم جملة: بجيب حاجات للمادة من على النت.. كل ما تحب تقعد عليه بس خلي بالك لازم تكون منطقي ومقنع لأن مفيش حد بيقعد ست سبع ساعات بيجيب في صفحتين من النت، الأهالي مبقوش طيبين وبيصدقوا الحاجات دي زي زمان للأسف
*******
سادساً
الامتحانات بتتيح لك الفرصة تعيش حياة بوهيمية خالصة، ولمناهضي النضافة ممكن تستعبط وتسيب فروتك.. شعرك يعني.. زي ماهو من غير حلاقة بحجة إنك معندكش وقت تسرّحه والتفاهات دي، أو تطلق لدقنك العنان وأهو بالمرة بتدّي منظر وقور.. قال يعني الواد طاحن نفسه في المذاكرة وهلكان ياحبة عيني
أما لهواة ترييح الجمجمة ممكن تروح تجيب شعرك ع الزيرو بحجة برضو إنك مش فاضيله، بكدة هتوفر تمن كيلو الجيل اللي بتنقع شعرك بيه كل مرة وانت نازل الشارع
*******
سابعاً
مخك شغال طول السنة زي النحلة في التفكير، بمعنى انك بتفكر في كل حاجة إلا الدراسة ولا تقلق خااالص في الامتحانات مش هتلاقي وقت تهرش أصلاً، يعني لا هتفكر في البت اللي سابتك ولا الواد صاحبك الندل، ولا انتي هتفكري في العريس اللي مبيجيش وعلانة اللي اتجوزت قبليكي مع انك احلى منها
*******
شفتوا بقى ان انتوا اللي بتتبطروا ع النعمة وتقعدوا تلعنوا في ايام الامتحانات وسنين الامتحانات و الكلية والدراسة والعيش والعيشة واللي عايشينها؟.. انا متأكد ان موسم الامتحانات اللي جاي هتحسوا بقيمة امتحاناتكم وتقولوا ياريت السنة كلها امتحانات، وعلى رأي المثل اللي بيقول: ياناكر خيري بكرة تشوف زمني من زمن غيري.. بكرة اما تتخرجوا هتحسوا بالضياع والوحدة من غيرها
ملحوظة: غير مسؤول عن نتائج الموضوع ده
العمر مش بعزقه

bOoObOo
14-04-2009, 03:57 PM
لوووووووووول
موضوع جميل يسلموووو
بس برضووو لو ايش كان السبب مانحب الامتحنااااااااات جد كأأأأأبه

jasmine rose
14-04-2009, 08:58 PM
ضمنّا نطلع بمادتين السنة دي :d

محمدرجب مهدية
15-04-2009, 08:48 AM
ايه يا محمد انت عايز العيال يشيلوا مواد ولا ايه
دانت فكرت للي عايز يهرب من البيت
وبتقول في الاخر انا برئ
وخايف علي نفسك شوف يا صاحبي
غدا القاك وانت مع نفسك وانا معرفكش لو حد سال عليك
دا انت طلعت مبررات لاي قط ولا قطة عايزين يخلعوا
سلام يا عم انا مش معاكم
لو خلصوا عليك الاباء والامهات هبقي اقرالك الفاتحة
لو عشت وسجنوك يبقي هزورك انا وخالتك نفيسة وهنجيب لك طبيخها الازرق

sad man
15-04-2009, 12:50 PM
لوووووووووول
موضوع جميل يسلموووو
بس برضووو لو ايش كان السبب مانحب الامتحنااااااااات جد كأأأأأبه

ربنا يخلكيى bOoObOo

نورتينى واسعدنى مرورك

sad man
15-04-2009, 12:51 PM
ضمنّا نطلع بمادتين السنة دي :d

ليه يابنتى
دىنصايح غاليه ومجربه واكيده
بس جربى انتى بس وهتدعيلى
هههههههههههههه

sad man
15-04-2009, 12:54 PM
ايه يا محمد انت عايز العيال يشيلوا مواد ولا ايه
دانت فكرت للي عايز يهرب من البيت
وبتقول في الاخر انا برئ
وخايف علي نفسك شوف يا صاحبي
غدا القاك وانت مع نفسك وانا معرفكش لو حد سال عليك
دا انت طلعت مبررات لاي قط ولا قطة عايزين يخلعوا
سلام يا عم انا مش معاكم
لو خلصوا عليك الاباء والامهات هبقي اقرالك الفاتحة
لو عشت وسجنوك يبقي هزورك انا وخالتك نفيسة وهنجيب لك طبيخها الازرق



كده يابو رجب
بتخلع من اولها وانا اللى بقول انت اللى هتقف جمبى
وبعدين خلاص تووووووووووبه
قال طبيخ نوفا قال
لا ياعم انا تبت الا الله
كله كوم وطبيخها كوم

فرفوته
15-04-2009, 03:13 PM
يا صباح الزوغان و الله كل الي قلته صح عن هذا الموسم
موسم ابو النوم كما كانت تطلق عليه امي
اما عن الاكتئاب فانا مختلفه معاك ده بيقلب معايا هستريا و ضحك عمال علي بطال خيبه بعيد عنكم
و رابعا تتسرب من البيت هو احنا قطط يا عمنا ده احنا في حصار حتي البواب بيقولي رايحه فيين ركزي في المذاكره مع اني خلصت بس امتحانات و موسم ده حتي الشحات بيدعي لي رايح جاي انجح

sad man
15-04-2009, 10:50 PM
يا صباح الزوغان و الله كل الي قلته صح عن هذا الموسم
موسم ابو النوم كما كانت تطلق عليه امي
اما عن الاكتئاب فانا مختلفه معاك ده بيقلب معايا هستريا و ضحك عمال علي بطال خيبه بعيد عنكم
و رابعا تتسرب من البيت هو احنا قطط يا عمنا ده احنا في حصار حتي البواب بيقولي رايحه فيين ركزي في المذاكره مع اني خلصت بس امتحانات و موسم ده حتي الشحات بيدعي لي رايح جاي انجح

هههههههههههههههه
موسم ابو النوم
عشان بتقضيها نوووووووم
نورتى ياقمر

thereallove
16-04-2009, 02:13 AM
ههههههههههههههههههههههههههههههههه

انت يا واد بتقول اللي كنا بنعمله وترجع تقول انت ملكاش ذنب

لازم تسيطلنا كده هههههه

فعلالالالالالالالالالالالا النووووووم كييييييييف في ايام الامتحانات

وربنا يخليلنا النت بوظنا اكتر واكتر

sad man
17-04-2009, 12:42 AM
ههههههههههههههههههههههههههههههههه

انت يا واد بتقول اللي كنا بنعمله وترجع تقول انت ملكاش ذنب

لازم تسيطلنا كده هههههه

فعلالالالالالالالالالالالا النووووووم كييييييييف في ايام الامتحانات

وربنا يخليلنا النت بوظنا اكتر واكتر

هههههههههههههههههه
ياعم هوه انت كنت بتنجح اصلا
مانت كده كده ميت
هههههههههههههههههه

نورت ياحبى
ابقى تعالا كل يوم


Photo Gallery