المساعد الشخصي الرقمي

مشاهدة النسخة كاملة : #~* ربنا يسامحك يا جدتى*~#



sad man
14-04-2009, 02:46 PM
منك لله يا جدتى !!




الله أكبر الله أكبر..أذان الظهر..


-يارب.. يارب بحق ده الآذان تنجح يا نون يابن ابنى وأشوفك دكتور أد الدنيا

-ياجدتى بس أنا فى تجارة

-وماله يابنى هو يكتر على ربنا...... ده ربنا قادر على كل شئ

-ياجدتى ونعم بالله بس اللى بيطلع دكتور لازم يكون فى كلية الطب مش التجارة

-ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا

-ياجدتى التجارة اللى فى الوكالة حاجة واللى فى الكلية حاجة تانية

-ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق

-جدى إيه اللى هايخدنى معاه .....ده جدى مات من زمان ياجدتى

-يامصيبتى عبد الواحد مات..ياحبيبى ياأخويا..مكنش يومك ياسبعى

-ياجدتى ده ميت من تلاتين سنة

-تلاتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..ده ما عمره دخل عليا ببطيخة ولاكيس جوافة حتى...

-ياجدتى حرااام عليكى عايز أذاكر بقى

-يووه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون

-ياجدتى دبلوم إيه..أسمه البكالوريوس

-أنته هتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون

-خلاص دبلوم دبلوم ياجدتى ..سيبينى بقى عشان أذاكر

-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بنت رئيسه....دىإيه ياواد.. أدب- وأخلاق..وعلام كمان

-ياجدتى عبير دى معاها أعدادية

-وماله يابنى ...الراجل مايعبهوش إلا جيبه

-راجل ...راجل مين ياجدتى...عبير دى بنت

-عبير ...عبير مين ياوله..أنته بتعرف بنات من ورانا

-لا إله إلا الله....أبوس رجلك ياجدتى أرحمينى بقه

-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أتجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى

-ياجدتى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات

-صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان

-حراااااااااااااااااااااااااااااااااام ............جدتى ماتطلعى البلكونة شويه ...ده الهوا حلو بره

-لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى

-خلاص روحى المطبخ ...أهو زمان أمى خلصت الرز

-رز...رزإيه يابنى....هوأنا ليه سنان للرز...أناهطلع البلكونه أحسن

-طب أبقى خلى بالك م الهوى ياجدتى
-هوى لما يلطشك

الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها

ياترى أنا كان إسمى إيه؟؟ ياترى كان إسمى إيه؟؟

فرفوته
15-04-2009, 03:26 PM
حلوه جدا و ربنا يخلي الجدات خاصه اللي ذي جدتي عندما و قف الزمن عند ثوره 19 و سعد زغلول
و هي مصره ان الانجليزي لسه موجديين خاصه لما نكون خونه و بنتفرج علي فيلم اجنبي

sad man
15-04-2009, 10:44 PM
حلوه جدا و ربنا يخلي الجدات خاصه اللي ذي جدتي عندما و قف الزمن عند ثوره 19 و سعد زغلول
و هي مصره ان الانجليزي لسه موجديين خاصه لما نكون خونه و بنتفرج علي فيلم اجنبي


هههههههههههههههههههههه
ثورة 19
احمدى ربنا انها عدت مرحلة الملك
هههههههههههههه
ربنا يخليهالك فرفوته
نورتى ياقمر

M!sS Roro
16-04-2009, 10:07 AM
ههههههههههههههههههههههه هههههههههههههههههههههههههههه ههههههههههههههههههههههههههه ههههههههههههههههههههههه ههههههههههههههههههههههههههههه هههههههههههههههههههههه

بسراحه فكرتني بجدي .. بس نقعد معاه يقعد يحكيلنا عن بطولاته والحروب واهم حاجه عن البنت الي حبها وماقدرش يتجوزها واول ما تجوز جاب بنت سماها على اسمها البنت دي تبقى امي :d>> وانا طبعا معاااااااااه على الخط اسيبه وارجع وهوا مكمل الذكريات البطوليه :d

موضووع جمييييييييل يا هابي.. يسلموووووز :$

فرفوته
16-04-2009, 02:20 PM
مساء الفل علي التاريخ:mm: عدت مرحلة الملك اذاي يا عمنا دي و قفت عند سعد زغلول وثوره 19
مش ثوره يوليو !!:gp: بس برضه دمك خفيف

sad man
17-04-2009, 12:35 AM
ههههههههههههههههههههههه هههههههههههههههههههههههههههه ههههههههههههههههههههههههههه ههههههههههههههههههههههه ههههههههههههههههههههههههههههه هههههههههههههههههههههه

بسراحه فكرتني بجدي .. بس نقعد معاه يقعد يحكيلنا عن بطولاته والحروب واهم حاجه عن البنت الي حبها وماقدرش يتجوزها واول ما تجوز جاب بنت سماها على اسمها البنت دي تبقى امي :d>> وانا طبعا معاااااااااه على الخط اسيبه وارجع وهوا مكمل الذكريات البطوليه :d

موضووع جمييييييييل يا هابي.. يسلموووووز :$

هههههههههههههههههههههههههههههههه
الاجمل مرورك رووووووووووووووووروووووووووووووووووو
هوه جدك كان بطل حرب
هههههههههههه
ربنا يديه الصحه يارب ويخليهولك
نورتينى ياقمر

bOoObOo
18-04-2009, 05:02 PM
لوووووووووووووووول جده فتاااكه

ويسلموووو

sad man
18-04-2009, 05:27 PM
لوووووووووووووووول جده فتاااكه

ويسلموووو

ربنا يخليكى بوبو
نورتيى الموضوع اسعدنى مرورك


Photo Gallery