المساعد الشخصي الرقمي

مشاهدة النسخة كاملة : اللى ما يعرفش يقول عدس



ابوالحيلة
13-04-2009, 06:33 PM
بسم اللة الرحمن الرحيم
احيانا نتعجب من بعض امور قام بفعلها احدنا لان ظاهرها يدعو الى ذلك اما الحقيقة اللى لا يعرفها الا الذى تعجبنا منه واللة طبعا ونتعجب كثيرا وبدون تريث او صبر حتى نتسائل عن الدوافع فيرد الانسان الذى تعجبنا من تصرفه قائلا (ما اللى ما يعرفش يقول عدس)
والحكاية انه فى الريف معظم المزارعين عندهم مخازن بيخزنوا فيها محاصيلهم لحين بيعها واحيانا بيكون فيها المحاصيل اللى بتعيش عندهم من السنه للسنه زى الحبوب والغلال زى العدس( واحيانا بتكون فاضيه) وهذة المخازن بيسموها الشونه
وفى مره من المرات دخل فلاح الى شونته فوجد فيها احد العمال الاجريه اللى عنده بيتصرف تصرف غير اخلاقى مع ابنته على اكوام العدس فلما رأوه هربت البنت الى بيتها وفر العامل وطلع الفلاح يجرى ورأه وطبعا كانت هدوم العامل كلها عدس وجيوبه كذلك فكان العدس يتساقط منه وهو بيجرى والناس شايفه المنظر وشايفه الوضع فتعجبوا من الفلاح بقى ياراجل عاوز تقتل الراجل علشان حفنة عدس فبصلهم الفلاح مدغدغ الكلام ومتغاظ منهم وغير قادر على الافصاح منعا من الفضايح وهو يردد ما هو اللى ما يعرفش يقول عدس