المساعد الشخصي الرقمي

مشاهدة النسخة كاملة : عايزة اعمل قرصة......ممكن تساعدوني



طـــــير في الســـما
21-01-2009, 09:46 PM
يا جماعو لو سمحتوا حد يساعدني

عايزة اعمل قرصة صفرا

و عايزة طريقة حلوة

و كمان عندي سؤال

لو عندي مغات جميل جدا

ينفع استخدمه بدل التحويجة في القرصة

و شكرااااااااااااااا:4:

sea horse
21-01-2009, 10:02 PM
العزيزه ايمان
القرصه سهله وهاجيبلك الوصفه بكره انشاء الله
بس متاكد ان المغات لا ينفع بديل للتحويجه
وياريت تكون من عند البلاسى العطار من بورسعيد
لان القرصه دى تخصص بورسعيدى وطبعا دمياطى
مساء الفل
:eat:

sea horse
22-01-2009, 07:35 AM
العزيزه ايمان
جبتلك الوصفه الاصلية وانشاء الله تعجبك
القرصه
2 ونص كيلو دقيق - كيلو وربع زيت - كيلو سكر - ربع كيلو سمسم
100 جرام جوز هند مبشور - 100 جرام تحويجة قرصه - 3 كوبايات عسل اسود
( المكونات دى تطلع حوالى 5 كيلو قرصه )
نشيل كبشة سمسم على جنب ونخلط الباقى مع التحويجه وجوز الهند والدقيق
ونسخن الزيت لدرجة تحمير قطعة خبز - ونصبه فوق الدقيق المخلوط
ونقلب كويس بعد كده الفرك بالايد
ثم يضاف السكر ثم العسل ويفرك جيدا للتجانس
نفرد العجين ( بيكون يابس شويه ) فى صاج الفرن
ونرش السمسم على الوش ويضغط عليه اوى عدة مرات
ويخبز فى فرن حار حتى احمرار الاطراف واكتسابه اللون الذهبى
صباح الفل
:eat:

طـــــير في الســـما
22-01-2009, 10:04 AM
مش عارفة أقولك ايه و الله

ألف شكر لك جدا جدا

هو للدرجة دي البليسي مشهور في الجمهورية!!!!!!!!!!!!!

عموما هجرب الوصفة ، يس لو طلعت مش تمام هبعتلك الصينية زي ماهي

تحيـ ـ ـ ـاتي

sea horse
22-01-2009, 10:29 AM
طبعا البليسى مشهور جدا جدا
وانا مستنى الصينية
صباح الفل
:eat:

العسل المر
22-01-2009, 11:10 AM
العزيزه ايمان
جبتلك الوصفه الاصلية وانشاء الله تعجبك
القرصه
2 ونص كيلو دقيق - كيلو وربع زيت - كيلو سكر - ربع كيلو سمسم
100 جرام جوز هند مبشور - 100 جرام تحويجة قرصه - 3 كوبايات عسل اسود
( المكونات دى تطلع حوالى 5 كيلو قرصه )
نشيل كبشة سمسم على جنب ونخلط الباقى مع التحويجه وجوز الهند والدقيق
ونسخن الزيت لدرجة تحمير قطعة خبز - ونصبه فوق الدقيق المخلوط
ونقلب كويس بعد كده الفرك بالايد
ثم يضاف السكر ثم العسل ويفرك جيدا للتجانس
نفرد العجين ( بيكون يابس شويه ) فى صاج الفرن
ونرش السمسم على الوش ويضغط عليه اوى عدة مرات
ويخبز فى فرن حار حتى احمرار الاطراف واكتسابه اللون الذهبى
صباح الفل
:eat:


لو سمحتم يا اسيادنا محدش يجيب سيرتي في المواضيع الشائكة دي !!


قرصة ايه بس يا دكتورة !! ، قرصة سعيدة ونضيفة بصراحة :wacko:

ايه الكلام العجيب دا :shutup2: ، ومين البليسي !! هوا في ايه

البورسعيدية احتلوا البلد :sorry: !!


وبعدين قرصة ليه ؟؟ انتا هتروحي بيها ترب الغفير !! ؟؟


تسلم الأيادي يا سي هورس .. ، ( وحمدالله ع السلامة :stpd: ) وياريت متحرمناش من وجودك اللي كفاية بصراحة عشان نشبع !!

هنقول امتا تسلم ايدك يا أم سلمى :sad:

sea horse
22-01-2009, 12:58 PM
معلش يا عم العسل
بس القرصه غير القرص بتاعة الترب
:huh::huh::huh:
ومانقدرش نستغنى عنك ابدا
والف شكر لذوقك وردك الجميل
مستنيين الطلبات
صباح الفل
:eat:

طـــــير في الســـما
22-01-2009, 02:15 PM
يعني يا عبد الرحيم انت لو راسم على موضوع القرص

يبقي لازم تيجي مصر الاول.:poster_oops:......و بعدين مش لما ابقي اعمل الديك، تبقي بعدها تحلى بالقرص

مش عايزة اقول طلباتك كترت

و شكلك راجع مصر طمعا في الاكل

ثم ان لو البورسعيدية ما أبدعوش في الاكل أومال مين اللي هيبدع!!!!!!!!!!:smart:

ملكش دعوة بالبورسعيدية يا عسل يا مش مر:poster_spam:

عموما هجرب القرص الاول.......و أكيد هقولكوا على اللي حصل

لو في العمر بقية

فرفوته
23-01-2009, 02:41 PM
اول مره اسمع موضوع قرصة صفرا دي ؟؟
هو انا بره البلد بقالي كتيير و لا ايه
الاحتلال اكل البلد في غيابي و بدل قرص الرحمه بقي قرصة صفرا

علي العموم انا كنت عامله شملوله هانم و جاي اقول علي القرص ام عجوه اللي بعرفها
يا لا نجرب و بعدين نسال من هو البليسى؟؟ مؤسس الاسره القرصيه الصفراء الرابعه عشر ؟؟
اللي طلبت الوصفه مرجعتش من امبارح يارب تكون بخيير !!

طـــــير في الســـما
23-01-2009, 02:55 PM
يا أهلا يا فرفوتة

واضح انك بعيدة شوية

القرصة الصفرا يا ستي دي اختراع نحفة تحافة فوق الفظيعة

بس ايه

متدوسيش اوي لأن طبعا واضح من المكونات انها بتخن جدا

و البليسي يا ستي من اشهر العطارين في بورسعيد

جربي كده و تبقي تقوليلنا

تحيـ ـ ـ ـ اتي

فرفوته
23-01-2009, 03:00 PM
شكرا يا ايمان و ان شاء الله هجرب و من جهه الدوس انا دايسه علي الرابع و مفيش فرامل هاهاهاهاها
البليسي طلع اخو رجب العطار
و ان شاء الله لم ارجع مصر ازور بور سعيد اجدع ناس

abdo nour
23-10-2010, 01:27 PM
ممكن عنوان البليسى

abdo nour
23-10-2010, 01:49 PM
معلش ممكن حاجة تانية
هو سسعرها كام

sea horse
24-10-2010, 01:15 PM
العزيز عبدو
البليسى تلاقيه على ايدك الشمال لما تدخل شارع التجارى من محمد على
وهاتلاقيه فى التلت الاول من شارع التجارى
وطبعا لو سالت اى حد فى التجارى هايقولك بسهوله
وسعر تحويجة القرصه حوالى 3 جنيه لما يكفى 2 كيلو دقيق
وتجيب من عنده كيس كركم زياده وكمان السمسم الابيض
وبالهنا
مساء الفل
:eat: