المساعد الشخصي الرقمي

مشاهدة النسخة كاملة : يوميات صافيولا في مطبخ أم الدنيا (( كاري الدجاج ))



صافيولا
18-01-2009, 01:37 AM
وحشتوني والله النهارده راجع من جديد ليوم جديد وطبخه جديده من يومياتي

يوميات صافيولا في مطبخ أم الدنيا

http://www.moveed.com/data/thumbnails/30/914.gif

والنهارده طبخه جديده وربنا يسترها معانا زي ماسترها قبل كده

اسمها

كاري الدجاج

http://www.moveed.com/data/thumbnails/30/919.gif

واللي هايعمل شاطر وناصح ويقولي هو ايه الكاري ده وهاجيبه منين هاقوله روح هاتلك اي كيس شيبسي

بطعم الدجاج بالكاري من اي سوبر ماركت وافصل الاتنين عن بعض

نبدأ بأدوات الامن والامان احنا طبعا عارفينها بس معلش يمكن في واحده غلبانه حبت تجرب

وصفه من بتوعي لاول مره لازم ننبهها

http://www.moveed.com/data/thumbnails/30/924.gif

ادوات الامن والامان
1- قناع واقي من النوع الصلب
2- انبوبه اوكسجين للطواريء ( اللي دايما بتحصل )
3- صديري من الصلب الخالص
4- قفاز من الحديد المجلفن
5- موبايل ومشحون ياريت للاتصال بالاسعاف او المطافيء عند اللزوم

http://www.moveed.com/data/thumbnails/30/864.gif

كده تمام وانا طبعا اخر مره اديت ملحوظه وفيها جميع نمر المطافيء والاسعاف

مش هاقولها تاني

http://www.moveed.com/data/thumbnails/30/834.gif

تعالو نشوف المقادير

اسمعي ياستي

كيلو دجاج مسحب مقطع مكعبات متوسطة الحجم ( وياريت تخلي بالك انفلونزا الطيور لسه موجوده
وعندي طريقه تكشفي بيها على الدجاجه علشان تعرفيها عندها انفلونزا طيور او لا تمسكي الفرخه كويس
وتبصيلها بعيون جريئه وتسأليها قوليلي يا شاطره اسمك ايه لو لقيتي وش الفرخه بقي لونه احمر كله
تبقي سليمه وده مجرد كسوف بس ولو الاحمرار على قد المنقار تبقي انفلونزا على طول هذا وللعلم )

نصف كوب بقدونس مفروم ناعم ( اموت واعرف ده بيتباع في كوبايات ازاي بس )

علبة لبن زبادي ( وياريت تكوني ناصحه وتعرفي الزبادي دي طازه ولا مش طازه انا من رأيي تسيبيها اسبوع لو
عفنت تبقي مش طازه ولو ماعفنتش اكيد طازه والله الموفق )

ربع كوب زيت ذرة أو دوار الشمس ( او زيت دوخيني يا لمونه وده موجود في كل مكان )

عدد 2 حبة بصل متوسطة الحجم مفرومة فرم ناعم ( ولو حبكت وعاوزه تعطسي ابقي ابعدي وشك عن الطبق )

عدد 4 ضروس تومه مفرو فرم ناعم ( يعني بصل وتوم وابو العيال هينام في البلكونه ان شاء الله النهارده )

عدد 4 قرون من الفلفل الحار ( ولو مابتحبيش الفلفل هاتي شويه كلور )

كوب ماء ( منزوع الدسم يعني خالي من الميكروبات )
بلاش تعملي زي مسرحيه المتزوجون والدقيق مابيكونش تحت الحوض وده للمعرفه ) ) ملعقتين طعام دقيق

ملح ( ياريت يكون مالح شويه )

ملعقة صغيرة كاري ( وده تلاقيه موجود عند باتا )

ربع ملعقة صغيرة قرفة ( ولو انتي حامل صافيولا بيقولك نصيحه ابعدي عن القرفه حتى اسألو اي واحده متجوزه )

ربع ملعقة صغيرة عُصفر ( اي نوع من انواع العصفر يعني عصفر زينه او عصفر بلدي مش مشكله )

نصف ملعقة صغيرة زنجبيل ( ممكن استبداله بقليل من الزنجبيل الطازج )
( او ممكن استبداله بورق صنفره ناعم )

نصف ملعقة صغيرة كزبرة ( ممكن استبداله بربع كوب من الكزبرة الطازجة
( وممكن استبداله كمان بنترات البوتاسيوم الفلزيه .... اوعوا تعملوها ده انا باهزر وانا ناقص مصايب )

مكعب ماجي ( واسألو عن ماجي دي ولو مالقتوش اسألو عن انجي اي حد فيهم يسد )

اف اخيرا تعالو نشوف الطريقه

http://www.moveed.com/data/thumbnails/30/15.gif

الطريقة

نقوم بوضع قطع الدجاج في وعاء الطبخ على النار مع الزيت ونحركه حتى يتغير لونه لمدة 5 دقائق
( ملحوظه صافيوليه للي ماتعرفش ازاي الالوان بتتغير تجيبي ريموت التلفزيون وتختاري نظام الالوان وتعملي ضبط على درجه الالوان بتاعت ..... يانهار ابيض ده موضوع تاني خالص )

خلال فترة تحريك قطع الدجاج على النار نقوم بوضع الدقيق في طبق صغير ونضيف عليه قليل من الماء ونحركه حتى يصبح قوامه لين ثم نضعه في طبق ونحركه مع اللبن بعدها نضيف عليهم الماء ونخلطهم ثم نقوم بإضافة باقي المقادير فوق الدجاج ثم نبدأ بالتحريك حتى يبدأ الخليط بالغليان
( هتلاحظي ان كل الحشرات اللي في البيت اتجمعت على الي بتعمليه عادي عاوزك تعملي نفسك
ماشفتيش اي حاجه ده فضول حشرات مش اكتر )

فنخفف عنه درجة حرارة النار ونغطي الوعاء ونتركه على النار لمدة نصف ساعة مع استمرار عملية التحريك كل خمس دقائق

يقدم مع الأرز أو الخبز
( او يقدم الارز والخبز وسيبك من اللي نيلناه دلوقتي العمر مش بعزقه )


اتمني لبخه النهارده قصدي طبخه النهارده تكون عجبتكم

والموضوع كده خلص بس ناقص شويه ملحوظات من صافيولا بسيطه

1- وانتي في وسط الاكل تقولي انك ماطبختيش اي حاجه الست شوزي جارتكم بعتت لكم الطبق ده

2- حاولي تخليكي بعيده عن متناول ايد زوجك ياستي احنا مش ناقصين اصابات لسه هانعلب النهائي

3- عيالك لو خايفه عليهم اعملي لهم ساندوتشات جبنه

4- بعد ماتخلصي الطبخه ماتفتحيش الشبابيك مره واحده لا حاولي تفتحيهم بالراحه واحده واحده كل
نص ساعه وده محافظه على العلاقات الجيرانيه

5- الباقي من الطبخه ماتخليهوش في البيت وروحي لاقرب حظيره فراخ واحفري حفره ااقل حاجه 3 متر تحت الارض وادفني الباقي من الاكل فيها

http://www.moveed.com/data/thumbnails/30/14.gif

واخيرا صافيولا بريء من ذنب اي شخص يحصله اي حاجه

وبالنسبه للاعراض الجانبيه للطبخه مافيهاش اي اعراض جانبيه خالص بس لو حصل شويه تشنجات حاولي تستلقي على ظهرك لمده 12 ساعه

http://www.moveed.com/data/thumbnails/30/13.gif

بس

خلاص

مع تحيات صافيولا والي يوم جديد

وطبخه جديده

من

يوميات صافيولا في مطبخ أم الدنيا

سلاااااااااااام

http://www.moveed.com/data/thumbnails/30/17.gif

أيمن خطــاب
18-01-2009, 07:13 AM
http://up.haridy.org/storage/c883624e85b.gif

الأخ الفاضل .. أحمد

http://up.haridy.org/storage/4355510.gifhttp://up.haridy.org/storage/4355510.gifhttp://up.haridy.org/storage/4355510.gifhttp://up.haridy.org/storage/4355510.gifhttp://up.haridy.org/storage/4355510.gif



http://up.haridy.org/storage/getm32sg.gif (http://up.haridy.org)


سلمت يداك على تلك الوصفه الجديدة

لطريقة عمل كـــــــــاري الدجــــــــاج

والأكثر من ذلك هو طرقة عرضك :)

والتي كانت كوميديه جداً كالعـــــادة

ولقد ضحكت كثيــــــــــراً لتحذيراتك

تحياتي العطرية



http://up.q82.net/file.php?eup=13100600372874.gif
http://up.haridy.org/storage/69171_32546589.gif (http://up.haridy.org) كل عام وأنتم بخير http://up.haridy.org/storage/69171_32546589.gif (http://up.haridy.org)


مع تحياتي
http://up.haridy.org/storage/1004.gif
بدون ألقاب .. فقط .. أيمن خطاب

صافيولا
24-01-2009, 02:10 AM
اهلا بيك يا استاذ أيمن منورني والله

والحمد لله ان الموضوع وطريقه العرض بيعجبوك

منور المطبخ كله والله

زي الملايكة
25-01-2009, 02:33 PM
ههههههههههههههههه
لا بقه
بعد كده مش هنعمل خواطر مع بعض
هنعمل طبخات مع بعض
انت تطبخ
وانا اغسل المواعين
ههههههههههههههههههه
اصلى فاشله ف الطبخ
مش قوى يعنى
بس حبه نونو
ههههههههههههههههههه
بالهنا والشفا
مش سمعتوا كلامه
اشربوا بقه
هههههههههههههههههههه

النجمه الحائره
27-01-2009, 09:08 PM
الاخ العزيز صافيولا
انا موت من الضحك لدرجه انى نسيت الوصفه
كل شويه ارجع اشوف الخطوه الى قبلها
بس فعلا فعلا روعه
و تسلم اديك وعقبال الطبخات التانيه
ههههههههههههههههههههههههههههه
وربنا يستر علينا
http://content.sweetim.com/sim/cpie/emoticons/0002024B.gif (http://www.sweetim.com/s.asp?im=gen&lpver=3&ref=10)

صافيولا
01-02-2009, 12:12 PM
ههههههههههههههههه
لا بقه
بعد كده مش هنعمل خواطر مع بعض
هنعمل طبخات مع بعض
انت تطبخ
وانا اغسل المواعين
ههههههههههههههههههه
اصلى فاشله ف الطبخ
مش قوى يعنى
بس حبه نونو
ههههههههههههههههههه
بالهنا والشفا
مش سمعتوا كلامه
اشربوا بقه
هههههههههههههههههههه

ههههههههههههههههههههه

بالطريقه دي يبقي نفض الشركه احسن

هههههههههههههههه

ولا ااقولك خليكي في المواعين احسن

ولعلمك انا باقلب الدنيا والمطبخ ورايا

شدي حيلك بقي

هههههههههههههههههههههههه

زي الملايكه نورتي المطبخ بجد

صافيولا
01-02-2009, 12:16 PM
الاخ العزيز صافيولا
انا موت من الضحك لدرجه انى نسيت الوصفه
كل شويه ارجع اشوف الخطوه الى قبلها
بس فعلا فعلا روعه
و تسلم اديك وعقبال الطبخات التانيه
ههههههههههههههههههههههههههههه
وربنا يستر علينا
http://content.sweetim.com/sim/cpie/emoticons/0002024b.gif (http://www.sweetim.com/s.asp?im=gen&lpver=3&ref=10)

الاخت الغاليه النجمه الحائره

والله يانجمتنا احسن حاجه في الطبخ بتاعي ده

انك ماتعرفيش راسك من رجليك

وفي الاخر تروحي تاكلي من الصدمه ماتحسيش باي الم في المعده وخليها علي الله

ههههههههههههههههه

نورتي الموضوع بجد والمطبخ نور بوجودك