المساعد الشخصي الرقمي

مشاهدة النسخة كاملة : يوميات صافيولا في مطبخ أم الدنيا (( المشبك ))



صافيولا
31-12-2008, 07:26 PM
http://www.falntyna.com/img/data/media/11/b80ee1da48.gif (http://www.fa6a.com/img)



وده اسمه المشبك مش حاجه تانيه



مش اجي الاقي جري على حبال الغسيل والاقيكم لميتوا




كل المشابك



بنقول مره تانيه اسمه المشبك بالكسره



ايه اتاخرت عليكم معلش كان عندي زياره لمفاعل قريب من هنا



ما علينا نشوف الاكله الجديده النهارده وطبعا هي نوع من انواع الحلويات



المشهوره كمان بس انتوا روحوا دمياط واسالوا بدال ما تتعبوني معاكم



ولو حابين تشتروا يبقي وفرتم عليا دش على الفاضي




طبعا كالعاده لازم لاحتياط الامن والامان لازم نعمل حسابنا في الاتي




1_ خوذه من الفولاذ الاصلي
2_ كمامه للانف والفم
3_ درع واقي عند الحاجه
4_ قفاز من الجلد الطبيعي



http://www.falntyna.com/img/data/media/73/105.gif



نشوف مع بعض المقادير



3 كوب زبادي ( وطبعا من اهم صفات الزبادي الجيده انه تلاقي لونها ابيض يعني مايضحكش عليكم البياع ويقولكم ده لونه اخضر وافيد وانتم بتصدقوا كل حاجه خصوصا لو كانت اغلى ما علينا )





¼ كوب دقيق ( ده ربع بس مش مستاهله غرف والله ربع كوب دقيق وخليك دقيق شويه )





4 كوب نشا ( وانا عارف في ستات بتعمل ايه بتحط دقيق بدال النشا قاصده طبعا وفي الاخر تقولك يوه نسيت افتكرته نشا كسل مش اكتر )




1 ملعقة صغيرة بيكنج صودا ( وده موجود في اي محل بلاي ستايشن )




زعفران ( هو اسمه يخوف بس اعتقد انه جميل حاولوا تجيبوا منه حزمه او اي حاجه ده بينفع للاسهال زي ماسمعت )




1 كوب ماء ورد ( وده موجود عند عبد الصمد القرشي ونازل عليه اوكازيون )




زيت للقلى ( بلاش اللي لونه اسود اللي انتي شايلاه في التلاجه دي حلويات ربنا يستر عليكي )



الطريقـة



- بواسطة المضرب اليدوي يُخفق الزبادي والدقيق والنشا و البيكنج صودا جيداً حتى تتداخل كل المكونات.



ولو ماعندكيش مضرب يدوي ممكن تجيبي مضرب تنس او راكيت وابقي اعملي نفسك قريتي غلط وبعدين عاوزك تقعدي تضربي فيهم للصبح يعني يرجع جوزك تقوليلي معلش حبيبي اصلي باحضرلك حلويات مشبك ينام ومايتغداش ويصحي يلاقيكي برضه شغاله ماهو لازم بقي يخفق جيدا وبكده عرفنا طريقه جديده وسريعه للتخلص من الزوج واقرب طريقه تعتبر للطلاق وتحياتي





- يُضاف الزعفران وماء الورد ويستمر بالخفق حتى يتجانس المزيج.



حطي حطي انتي خسرانه حاجه وماتنسيش العيال ولادك حطيلهم شويه في الببرونه ماهو زي ماقلت لك ده كويس للاسهال




- تترك العجينة لترتاح لمدة 5 دقائق .



في الفتره دي ممكن تشغلي نفسك باي حاجه تروحي تنكدي على الراجل او مثلا تزعقي للعيال اللي الزعفران اشتغل معاهم وجاب نتيجه والارضيه اتبهدلت اكيد بس مش مهم المهم انه عمل مفعول ممكن تستخدميه وتقدميه لاي ضيف انتي مخنوقه منه




- يُحمى زيت القلي.



حمي الزيت يعني حطيه على النار يحمي وانا وضحت اهو ومع ذلك هانشوف ستات قامت خدت الزيت للحمام وتحت الدش وبقزازه الشامبو الجديده اللي جابهالك جوزك في عيد جوازك وهاتك يا دعك مانا عارفك عاوزه تخلصيها علشان يجيبلك غيرها ماهي ريحتها مش عاجباكي ما علينا




- يُصب العجين داخل القمع الخاص بالمشبك وتشكل بشكل دائري متداخل داخل الزيت الحامي.



هاتعرفي تعمليها ولا هاتكسفينا زي كل مره يعني تجيبي قمع ولو ماعندكيش هاتي كيس بلاستيك واخرميه من تحت مكسوفه من ايه هو في حد شايفك ولو ماعرفتيش اتصرفي وانا مالي او بلاش الاكله من اصله انتي هاتتعبيني ليه





- تُرفع أقراص المشبك وهي ساخنة وتوضع في القطر



وطبعا افضل ميعاد انك تحطيه في القطر قطر الساعه تلاته بيبقي سريع ومافيهوش زحمه
ولا ااقولك استني القطر معناه الشربات يعني شويه سكر وميه ونص لمونه واغليهم لما يطقوا منك وطبعا انتم في السكر ماتتوصوش ادلقي ادلقي وانتي خسرانه حاجه



http://images.animationfactory.com/thw/thw10/AFCT/20081113/FPW/11948234.gif?autumn_turkey_waving_lg_wm


بقت ملحوظه صغيره



- يمكن استخدام قطاعه دائرية الشكل توضع داخل زيت القلي للتحكم في حجم أقراص المشبك.



يعني علشان ماتحرجيش نفسك قدام جوزك لو لقيتيهم طالعين سامبوكسات



الي هنا انا عملت اللي عليا والباقي ياستي عليكي انتي وربنا يستر على اللي في البيت
اوعي تكوني نسيتي رقم الاسعاف ده ضروري وانا من رايي تنحتيه على الحيطه قدامه وتخلي جوزك يمد لك وصله تليفون للمطبخ دي ضروري طبعا





وكل سنه وانتم طيبين
واللي اللقاء في طبخه جديده واكله جديده من ايدين صافيولا



تحياتي



صافيولااااا



http://images.animationfactory.com/thw/thw17/AFCT/20081204/FPW/12105465.gif?santa_popping_out_bag_lg_wm

أيمن خطــاب
31-12-2008, 08:02 PM
http://up.haridy.org/storage/c883624e85b.gif

الأخ الفاضل .. أحمد

http://up.haridy.org/storage/4355510.gifhttp://up.haridy.org/storage/4355510.gifhttp://up.haridy.org/storage/4355510.gifhttp://up.haridy.org/storage/4355510.gifhttp://up.haridy.org/storage/4355510.gif



http://up.haridy.org/storage/getm32sg.gif (http://up.haridy.org)


سلمت يداك على تلك الوصفه الجديدة

لطريقة عمل المشبك ( بالكســـــرة )

والأكثر من ذلك هو طرقة عرضك :)

والتي كانت كوميديه جداً في الحقيقة

ولقد ضحكت كثيــــــــــراً لتحذيراتك

تحياتي العطرية



http://up.q82.net/file.php?eup=13100600372874.gif
http://up.haridy.org/storage/69171_32546589.gif (http://up.haridy.org) كل عام وأنتم بخير http://up.haridy.org/storage/69171_32546589.gif (http://up.haridy.org)


مع تحياتي
http://up.haridy.org/storage/1004.gif
بدون ألقاب .. فقط .. أيمن خطاب

osha
02-01-2009, 01:13 AM
الاخ العزيز صافيولا
انا باموت في المشبك
بس انا اضطررت اقرا الموضوع اكتر من مرة
اول وتاني وتالت مرة عشان اضحك
والرابعة يادوب ابتديت استوعب الوصفة :d
سيتم التجربة وسنواليكم بالنتائج فورا

تسلم ايديك وكل سنة وانت طيب

صافيولا
02-01-2009, 08:46 AM
الأخ الغالي أيمن خطاب

الحمد لله ان الوصفه عجبت وطريقه العرض كمان

حاول تجربها بقي علي مسئوليتك

ههههههههههههههه

منورني ياغالي

صافيولا
02-01-2009, 08:52 AM
الأخت ام محمد

مره واتنين وتلاته واربعه مش كفايه انك تعرفي الوصفه

هههههههههههه

عموما منوره الصفحه ومستني التفاصيل وربنا يستر

ولو طلعت وحشه بلاش تفضحينا ياريت

اهلا بيكي مره تانيه ومنوراني اكيد

كاميليا
02-01-2009, 03:38 PM
تسلم الايادى

صافيولا
02-01-2009, 05:11 PM
كاميليا

نورتي الصفحه

الدكتورة نسيبة
07-01-2009, 12:28 AM
تسلم ايدك بس فيه حاجة غريبة المشبك بيتحط فيه زعفران ازاى

كتير جبناه ومكنش فيه زعفران لانه بيدى لون احمر وحتى لو كمية قليلة هتبان ... ده يبقى عادى ؟؟

وتسلم ايدك على الوصفة الحلوة والسهلة

صافيولا
09-01-2009, 02:14 PM
اهلا بيكي الدكتورة نسيبة

والله بالنسبه للزعفران اكيد انتي ادري

وجربيها بالطريقتين ودوقينا واحنا نشوف الفرق

تسلمي علي المرور الجميل ده

وكل سنه وانتي طيبه

نــوران
12-01-2009, 07:23 PM
مش اجي الاقي جري على حبال الغسيل والاقيكم لميتوا




كل المشابك



الله يعينك على عبقريتنا اللامحدودة :)


تسلم الايادي على الوصفة

بس الحقيقة لما اكل المشبك _ بالكسرة _ اسناني بتوجعني !!!! ههههههههه

نجرب و نشوف و مش هانكسفك و كله بثوابه



بنقول مره تانيه اسمه المشبك بالكسره

أم أحمد
14-01-2009, 02:05 PM
رووووعة
طريقة التقديم وعرض الموضوع لذيذة اوي
اهلا بيك صافيولا في المطبخ
وفي انتظار المزيد من يومياتك الجميلة
تحياتي:f:

صافيولا
18-01-2009, 12:26 AM
الله يعينك على عبقريتنا اللامحدودة :)



تسلم الايادي على الوصفة


بس الحقيقة لما اكل المشبك _ بالكسرة _ اسناني بتوجعني !!!! ههههههههه


نجرب و نشوف و مش هانكسفك و كله بثوابه




بنقول مره تانيه اسمه المشبك بالكسره





شكلك خبيره مشبك الحمد لله

وبكده بدأنا نكسب مشجعين جداد للوصفات المغريه بتاعتنا

ههههههههههههههه

نوران ابقي خلي بالك من سنانك

صافيولا
18-01-2009, 12:30 AM
رووووعة
طريقة التقديم وعرض الموضوع لذيذة اوي
اهلا بيك صافيولا في المطبخ
وفي انتظار المزيد من يومياتك الجميلة
تحياتي:f:


اهلا بيكي أم أحمد الاروع هو مرورك والله

والمطبخ منور باهله وناسه اكيد

وان شاء الله هايبقي في يوميات جديده

شرفني مرورك جدا

فرفوته
23-01-2009, 02:54 PM
- تُرفع أقراص المشبك وهي ساخنة وتوضع في القطر



وطبعا افضل ميعاد انك تحطيه في القطر قطر الساعه تلاته بيبقي سريع ومافيهوش زحمه
****************************هاهاهاهاهاهاهاها
طيب و لو القطر بيتاخر عن ميعاده المشبك هيكون مضبوط و لا ننتظر اللي بعده و بعدين بره مفيش زحمه بش تفتكر التذكره بكام ؟؟ اهه ندي الكومسري قطعتيين في سنانه و نضع المشبك
تسلم ايدك

صافيولا
24-01-2009, 02:07 AM
- تُرفع أقراص المشبك وهي ساخنة وتوضع في القطر



وطبعا افضل ميعاد انك تحطيه في القطر قطر الساعه تلاته بيبقي سريع ومافيهوش زحمه
****************************هاهاهاهاهاهاهاها
طيب و لو القطر بيتاخر عن ميعاده المشبك هيكون مضبوط و لا ننتظر اللي بعده و بعدين بره مفيش زحمه بش تفتكر التذكره بكام ؟؟ اهه ندي الكومسري قطعتيين في سنانه و نضع المشبك
تسلم ايدك



ههههههههههههههههههههه

فرفوته

انتي كل مره يفوتك القطر كده

طب اعملي حسابك المره الجايه وحاولي تصحي بدري

مش عاوزين الاكل يبوظ

منوراني والله يا فرفوته

النجمه الحائره
30-01-2009, 09:37 PM
لا فعلا وصفه جميله جدا تسلم اديك صافيولا
و نصائح مافيش بعدها ههههههههههههههههههههههه
ربنا يسترها باذن الله

صافيولا
30-01-2009, 09:53 PM
النجمه الحائرة

بصي هاقولك نصيحه طول مانتي بتقري وبترددي اذكارك مافيش

حاجه هاتصيبك

هههههههههههههههههههه

وماتقلقيش ربنا معاك

منوراني يانجمتنا (http://www.egyptsons.com/misr/member.php?u=197218)

caty mastar
01-02-2009, 12:15 PM
والله ميرسى كتير على الوصفه استاذ احمد
وكمان حاطط إحتياطات الأمن هههه
تسلم الأيادى

صافيولا
01-02-2009, 12:29 PM
مممممممممممم

استاذ واحمد

وكاتي وماستر

الاسامي دي مش غريبة عليا

ههههههههههههههههههههه

منوراني يا كاتي والله ويارب تكوني بخير

نورتي المنتدي

caty mastar
01-02-2009, 12:37 PM
مممممممممممم

استاذ واحمد

وكاتي وماستر

الاسامي دي مش غريبة عليا

ههههههههههههههههههههه
تصدق وانا كمان بقول شفتوهم فين قبل كده فكر كده معايا

منوراني يا كاتي والله ويارب تكوني بخير

نورتي المنتدي



ميرسى لحضرتك ده نورك ونور المشبك الريحته طلعت مش حتوقنى طيب نياهاهاهاها

صافيولا
01-02-2009, 12:56 PM
هههههههههههههههههه

بس كده

اخيرا لقيت حد عنده الجرأه وطلب يدوق

عينيا يا كاتي

اتسلي في دول علي ما الباقي يخلص

http://4.bp.blogspot.com/_Z9Wihl6VHi8/R9np_vN--yI/AAAAAAAAAVE/7Ti3MteAN3w/s320/%D9%85%D8%B4%D8%A8%D9%83.jpg

caty mastar
01-02-2009, 01:14 PM
هههههههههههههههه كل دول وتسليه كمان
ده كتير اوى طيب يلا مد إيدك
وتسلم اخى الفاضل

صافيولا
01-02-2009, 01:56 PM
لا انا سبقتك ومن الاخر

مش باكل حاجه من عمايل ايديا

هههههههههههههه

caty mastar
02-02-2009, 07:09 AM
لا انا سبقتك ومن الاخر

مش باكل حاجه من عمايل ايديا

هههههههههههههه

هههههههههه مش بتاكل حاجه من عمايل إيدك ياعقلى مش طباخ ال... بيدوقه ولا ايه
ده انا كنت حقولك عملنى ازاى الواحد يدخل المطبخ تطلع كده لالالا ده انا اخاف على نفسى

صافيولا
03-02-2009, 01:11 PM
ياستي اذا كان علي دخول المطبخ سهله هاعلمك بس حاولي تركزي معايا

بصي انتي اول حاجه تلبسي شبشب خفيف طبعا ماينفعش تدخلي وانتي حافيه

تاني حاجه تقفي قدام باب المطبخ وتمدي ايدك لاكره الباب وتفتحي الباب

وتاخدي خطوتين كده تلاقي نفسك جوه المطبخ

واي خدمه يا كاتي

لو حابه تتعلمي تطلعي علي البلكونه انا تحت امرك

طـــــير في الســـما
07-02-2009, 07:52 PM
برااااااااااااااااااااااااااااااااااااااااافو

طريقة عرض جميلة جدا جدا

و المشبك حاجة حلوة خاااااااااالص

لو تتم جميلك و تجبيلي وصفة " ودن القطة " يبقى كتر خيرك

عارفها؟؟؟؟؟؟؟؟؟؟؟؟؟ يا رب تكون عارفها

في انتظار المزيد............تحيـ ـ ـ ـ ـ اتي

صافيولا
07-02-2009, 09:07 PM
اهلا باختي الكريمه

تسلميلي علي المرور الحلو ده وان شاء الله اجيبلك طريقه

ودن القطه ولو تحبي القطه نفسها انا تحت امرك

منوره المطبخ والله

caty mastar
09-02-2009, 07:02 AM
ياستي اذا كان علي دخول المطبخ سهله هاعلمك بس حاولي تركزي معايا
حاضر شوفت انا شطوره ازاى وبسمع الكلام:ranting2:
بصي انتي اول حاجه تلبسي شبشب خفيف طبعا ماينفعش تدخلي وانتي حافيه
اه طبعاً ودى تيجى
تاني حاجه تقفي قدام باب المطبخ وتمدي ايدك لاكره الباب وتفتحي الباب

وتاخدي خطوتين كده تلاقي نفسك جوه المطبخ
لا ياشيخ

واي خدمه يا كاتي

لو حابه تتعلمي تطلعي علي البلكونه انا تحت امرك
هههههههههههههههههههههههه
والله انا لو جالى شلل يبئى بسببك بلكونه ايه بس لا انا بعرف ادخلها ههههه
كويس انك قوليتلى طريقه المطبخ قولى بقى طريقه الخروج منه هههههههههههههههههه:xx:

صمت الغدر
22-02-2009, 06:49 PM
سلمت يمينك اخى العزيز

بس بدام ما بتكولش الى انت بتعمله

اها فهيمت يبقى عايز تتخلص منا

هههههههههههههههههههههه

صافيولا
22-02-2009, 09:12 PM
كاتي لا انتي كده طماعه

وشكلك مش بتعرفي تعملي حاجه خالص

هههههههههههههه

نورتيني مره تانيه

صافيولا
22-02-2009, 09:13 PM
صمت الغدر

اسكتي الحيطان ليها ودان وبعدين بلاش تبقي تاكلي انت

اهو اي حد يونسني بدل ماااقعد في المنتدي لوحدي

اصل الكل تقريبا داق الوصفه دي

صمت الغدر
24-02-2009, 01:28 PM
ماشى حسكت بس فيها لخافيها

صافيولا
24-02-2009, 02:53 PM
مصممه تاكلي يعني

طيب انا كده مكتوب عليا افضل لوحدي هنا

انتي حره

صمت الغدر
27-02-2009, 10:46 PM
لا مش مصممه اكل يعنى تعمل نسبه من الفلوس او اى حاجه غير الاكل يعنى

( شكل الاخت دخله على طمع )


ههههههههههههههه

صافيولا
27-02-2009, 11:27 PM
مممممممممم

داخله علي طمع وفلوس ياصمت

مممممممممم

ماشي بس علي فكره

انا شاب مش بنت وعلشان كده مخصوم منك 30 %