المساعد الشخصي الرقمي

مشاهدة النسخة كاملة : تحذير هام .. أوعي تخطب واحدة مثقفة ..



الشيمـــاء
23-12-2008, 02:26 PM
تحذير هام .. أوعي تخطب واحدة مثقفة ..

الخطيب : حبيبتي .. انتي النهاردة حلوة اوي بجد زي القمر.
الخطيبة : قمر انت بتقول قمر .. انت اتجننت انت متعرفش ان القمر دة كله نتؤات و مرتفعات .. و ان نصفه مظلم .. و ان كمان جاذبيته سدس جاذبية الارض .. يعني انت قصدك تقول اني وحشة و ضلمة و معنديش جاذبية..

:lol2::lol2::lol2:

الخطيب : حبيبتي نفسي احقق ليكي كل احلامك .. نفسي اجبلك نجمة من السما..
الخطيبة : نجمة .. انت بتقول نجمة .. انت ايه عاوز تخلص مني .. انت مش عارف ان النجوم دي نار و لهب و غاز الهيدروجين و الهيليوم و ان درجة حرارتها عالية جدا لو قربت من الارض ممكن تصهرها .. انت للدرجة دي بتكرهني و عاوز تخلص مني .. ليه؟

:lol2::lol2::lol2:

الخطيب : حبيبتي : انا خلاص مبقتش اقدر استغني عنك .. انتي خلاص بقيتي بالنسبالي زي الميه و الهوا ..
الخطيبة : انت بتقول ايه؟ انت مش مدرك خطورة اللي بتقوله؟ انت مش عارف ان الميه و الهوا بقوا خلاص ملوثين و بيتسببوا في الامراض .. قصدك يعني ان انا بجبلك المرض .. و انت بقي شايفني السحابة السودا و لا تلوث النيل ..

:lol2::lol2::lol2:

الخطيب: حبيبتي عيونك جميلة اوي بحب اشوف نفسي فيهم ..
الخطيبة : قصدك ان انا عنيا زي شاشة الكمبيوتر اللي بتطلع اشعاع .. يعني ايه قصدك اني مضرة بصحتك ..

:lol2::lol2::lol2:

الخطيب : حبيبتي انتي لا زي القمر و لا ميه و لا هوا و لا عاوزة اجيبلك حاجة و لا يهمني اشوف نفسي في عنيكي ..
الخطيبة : ايوة كدة اخيرا فهمتني ..
الخطيب : ايوة طبعا يا حبيبتي .. انا حقوم امشي ..
الخطيبة : اوكي يا حبيبي
الخطيب: اة بالمناسبة نسيت اديكي حاجة مهمة ..
الخطيبة: ايه هيا
الخطيب : دبلتك اهي .. اشوف وشك علي خير و لا اقولك بلاش اشوفه خالص .. اريح ..

اعزائي الرجال .. اوعي تخطب واحدة مثقفة ههههه

كتبتها النهاردة عشانكم ..يا رب تعجبكم

:lol2::lol2::lol2:

خالص ودي

سوما
23-12-2008, 03:55 PM
هههههههههه تحفة يا شيماء تسلم أيدك :f2:.. بجد دى تعقد الواحد وتخنقه كمان :d
هى الثقافة حلوة ومطلوبة بس مش للدرجة دى :d

سيمفونية كاتبه
23-12-2008, 04:18 PM
ههههههههه الله عليكِ ياشيموو

كلامك ميه ميه .... :$

بس تعرفى ساعات الثقافه بتكون حلوه

علشان نكشف الاسطوانه المعتاده :p

أضحك الله سنك أختى الفاضله

تحياتى

الشيمـــاء
23-12-2008, 07:22 PM
هههههههههه تحفة يا شيماء تسلم أيدك :f2:.. بجد دى تعقد الواحد وتخنقه كمان :d
هى الثقافة حلوة ومطلوبة بس مش للدرجة دى :d

اهلا يا سوما .. منورة يا قمر ..
يالله بقي عاوزين نبطل ثقافة و الا مش حنتجوز ههههههههههه ..
تسلميلي يا قمر و تدوم ضحكتك ..

الشيمـــاء
23-12-2008, 07:28 PM
ههههههههه الله عليكِ ياشيموو

كلامك ميه ميه .... :$

بس تعرفى ساعات الثقافه بتكون حلوه

علشان نكشف الاسطوانه المعتاده :p

أضحك الله سنك أختى الفاضله

تحياتى

هههههههههههههههههههههههههههه
اهلا يا هايدي .. دايما منورة يا قمر ..
انا خلاص قررت ابطل ثقافة هههههههههههههههه ..
و الاسطوانات زمان كانت مشروخة .. دلوقتي بقي عليها فايروس هههههههههههههه ..
تسلميلي يا قمر و تدوم ضحكتك ..
خالص ودي ..

طائر الشرق
23-12-2008, 08:07 PM
ههههههههههه

تسلم ايدك يا شيماء

بارك الله فيك

الشيمـــاء
23-12-2008, 08:27 PM
ههههههههههه

تسلم ايدك يا شيماء

بارك الله فيك

و يسلم بودو و خاله علي المرور ..
و اديني حذرتك من دلوقتي .. عشان تاخد بالك في المستقبل ههههههههههههههه.
اشكرك لمرورك .. خالص ودي ..

nariman
23-12-2008, 08:53 PM
ايه الثقافة العالية دي :d
بجد ضحكت من قلبي يا شيماء ..تسلم إيدك
:f2:

الشيمـــاء
23-12-2008, 09:13 PM
ايه الثقافة العالية دي :d
بجد ضحكت من قلبي يا شيماء ..تسلم إيدك
:f2:

اضحك الله سنك يا قمر .. ان شاء الله دايما تضحكي معانا ..
و يالله بقي خدي بالك من موضوع الثقافة دي .. بلاش تقري كتير ههههههه ..
ناريمان القمر اشكرك علي المرور الجميل ..
خالص ودي

Masrawya
24-12-2008, 06:00 AM
عسل يا شيماء عليكى كل نصيحه و التانيه :good:
وكويس يابنتى انك قولتى الموضوع ده علشان الواحد يلحق نفسه من البداية كده :d
ثانك يوو سوو ماتش يا جميل
:f: :f:

سامية أبو زيد
24-12-2008, 07:30 AM
هههههههههههههه
تجنن.

M!sS Roro
24-12-2008, 09:39 PM
هههههههههههههههههههههه حلووووووووووووووووووووووه .. يا شوشو ..

ياريت قبل ما يسيبها كان قالها انتي وشك زي سطح القمر .. مليان فوهات بركانيه هع هع ..

يالهووووووووووووي فين الواد ده انا ولا حتى اعرف اقرا بس بااكتب هعهع .اذا تعرفيه خليه يخش هنا ويتجنن اكتر . >>>>>>>>>> :$:$

يسلمــوؤوؤ حبيبتي .. فـديتش وفديت مصر .. :$

reda laby
25-12-2008, 10:45 AM
صدقينى يا شيماء
( وده بالصدفة إسم بنتى الحبيبة )
أنا ضحكت بصوت عالى
وأنا فى الغرفة لوحدى
شكيت إنى اكون إتجننت
أحسن لك تروحى تكتبى مسلسل ست كوم
اللى نازل موضة اليومين دول
وغرقى الفضائيات بيها

حقيقى موقف فظيع وربنا يكون فى عون الخطيب ( مش بتاع الكورة )
انا باحاسب على كلامى لاقع فى الغلط والاقى واحدة تصحح لى المعلومة
زى بطلتنا المثقفة
لنا الله نحن الرجال

الشيمـــاء
25-12-2008, 10:43 PM
عسل يا شيماء عليكى كل نصيحه و التانيه :good:
وكويس يابنتى انك قولتى الموضوع ده علشان الواحد يلحق نفسه من البداية كده :d
ثانك يوو سوو ماتش يا جميل
:f: :f:

اهلا يا فندم .. روحي في القاعة و شوفي الموضوع اللي عملتهولك انتي و زهراء .. بقي عاوزين تاخدو ميدو مداميدو روح قلب خالتو نووووووووو اند نووووووووووو اند ناين ..
و علي فكرة ميدو قاللي انا مش حتجوز واحدة مثقفة و خصوصا بقي لو اداب انجليزي هههههههههههههه .. مليش دعوة هو اللي قال كدة ..
انجي القمر دايما منوراني و سعيدة بوجودك .. دة طبعا بصرف النظر عن ميدو ..
خالص ودي ..

الشيمـــاء
25-12-2008, 10:45 PM
هههههههههههههه
تجنن.

استاذتي الحبيبة .. انا مبسوطة ان حضرتك ضحكتي .. بجد يا رب دايما حياتك سعادة و ابتسامات ..
و اشكرك لمرورك اللي بيزدني شرف ..
خالص ودي ..

الشيمـــاء
25-12-2008, 10:54 PM
هههههههههههههههههههههه حلووووووووووووووووووووووه .. يا شوشو ..

ياريت قبل ما يسيبها كان قالها انتي وشك زي سطح القمر .. مليان فوهات بركانيه هع هع ..

يالهووووووووووووي فين الواد ده انا ولا حتى اعرف اقرا بس بااكتب هعهع .اذا تعرفيه خليه يخش هنا ويتجنن اكتر . >>>>>>>>>> :$:$

يسلمــوؤوؤ حبيبتي .. فـديتش وفديت مصر .. :$

هههههههههههههههههههههههههههههه
لا لا لا يا رورو هو عايز واحدة امية مشافتش كتابة و لا حروف و لا سمعت تلفزيون و لا اي حاجة ..
الراجل يا ضنايا اتعقد هههههههههههههههههههه .. اقولك هو مش عاوز يتجوز اصلا ههههههههههه..
رورو القمر نورتيني بجد و يا رب تنوري مصر قريب ان شاء الله ..
و تسلميلنا و تسلمي لمصر ..
خالص ودي ..

الشيمـــاء
25-12-2008, 11:00 PM
صدقينى يا شيماء
( وده بالصدفة إسم بنتى الحبيبة )
أنا ضحكت بصوت عالى
وأنا فى الغرفة لوحدى
شكيت إنى اكون إتجننت
أحسن لك تروحى تكتبى مسلسل ست كوم
اللى نازل موضة اليومين دول
وغرقى الفضائيات بيها

حقيقى موقف فظيع وربنا يكون فى عون الخطيب ( مش بتاع الكورة )
انا باحاسب على كلامى لاقع فى الغلط والاقى واحدة تصحح لى المعلومة
زى بطلتنا المثقفة
لنا الله نحن الرجال

استاذي العزيز / رضا ..
اشكرك جدا علي مرورك و مشاركتك و بلغ تحيتي و سلامي لشوشو و يا رب تشوفها دايما متفوقة كدة و قمر و تفرح بيها .. بجد شرف ليا يكون اسمي علي اسم بنت حضرتك ..
تصدق لسة صديق قديم ليا مهتم بالكتابة لما شاف المقال اقترح فعلا اننا نكتب سيت كوم .. و علي فكرة النوعية دي من المسلسلات نجحت لانها فعلا تستحق النجاح .. لانها بتناقش مشاكلنا بطريقة مفيهاش تعقيد و بدون ميلخبط الجمهور و افضلهم طبعا مسلسل تامر و شوية و راجل و ست ستات و تشي توتو ..
يمكن الباقي مجرد تقليد للفكرة بدون مضمون ..
عموما اضحك الله سنك و انا و الله سعيدة بجد اني خليت حضرتك تضحك و تبتسم و يا رب دايما ..
اشكرك جدا ..
خالص ودي ..

القواس
27-12-2008, 12:22 PM
ههههههههههه
جميلة جدا
بس الثقافة مهمة للتواصل بين الطرفين (تقارب المستوى)

الشيمـــاء
28-12-2008, 09:06 PM
ههههههههههه
جميلة جدا
بس الثقافة مهمة للتواصل بين الطرفين (تقارب المستوى)

اضحك الله سنك اخي الفاضل ..
كلامك صح لو في قاعة المنافشات لكن فك التكشيرة لا ههههههههههههههههه..
امال نفك التكشيرة ازاي ..
مرورك اسعدني ..
خالص ودي ..

قطرات الندى56
30-12-2008, 07:57 PM
عجبنى جدا موضوعك اختى العزيزة
ساعات تكون الثقافه مطلوبه للعروسه
بس مش بالصورة ولا للدرجه دى
شكرا لك شيماء


:f2:

المحب الولهان
04-01-2009, 04:11 AM
السلام عليكم
إيه أخبارك يا الشيمـــاء إن شاء الله تكونى بخير .
بجد موضوع جامد و انا خلاص هسمع كلامك و مش هخطب واحدة مثقفة انا هتجوزها على طوووووووول إيه رأيك كدا :d:d

نــوران
06-01-2009, 08:04 PM
هههههههه :)


ايه ده يا شيماء كل ده يطلع من المثقفة !!! ههههههههههههه

خلاص بطلنا نتثقف و لتحيا الدهولة

لما اروح اتعلم اعمل المحشي و الممبار اللي انا فاشلة فيهم :)


و بعد كده اي حد يقول لي يا قمر هاعرف ارد عليه كويس


زي القمر ....!!!!

و احنا كنا غلابة و اتاري الجبابرة اقصدهم يبهدلونا هههههههههههه

mohamed salama
22-01-2009, 11:54 AM
جميله بجد والله ضحكت من قلبى

*شهد*
30-01-2009, 11:20 PM
ههههههههه
موضوع جميل

أنا كنت بجيب مجلات وكده
خلاص إستغنيت عنها مش عايزاها أحسن

ههههههههههههههههه


Photo Gallery