المساعد الشخصي الرقمي

مشاهدة النسخة كاملة : كيكة على شكل مسجد



sensitive2
13-11-2003, 05:40 AM
مجموعة طهاة من اندونسية قاموا بعمل شكل لمسجد الحسن الثانى بالمغرب ..هل انتهت الاماكن حتى نقوم بعمل كيكة كامسجد الحقيقة انا مش مقتنع نهائيا....:confused::mad:

بنت مصر
13-11-2003, 07:24 AM
ما شاء الله يا sensitive2

جميلة جدا تسلم ايدك يارب واهلا بيك معانا

:195:

Mrs. Virgo
13-11-2003, 08:46 AM
طبعا الله اعلم .. لأني مش مفتيه ..
اذا كان الحاجه دي مستحبه او مكروها .. او حلال او حرام ..

بس انا في اعتقادي الشخصي ..
ان الكيكه لا تدخل حيز انها مجسم
او صنم .. لأنها بالتأكيد ستأكل ..

وغير كده .. طيب ما الكعبه الشريفه
بيعملوها سلاسل .. وكلمة الله ..

مش عارفه .. يعني اذا تمثال المسجد مش حرام ..
يبقى ليه الكيكه حرام !!

معروف ان الطفل لما يكمل 10 سنين يبقى مكلف ..
بالصوم والصلاة .. وكان في اقتراح في احد المجلات
الاسلاميه .. ان عائلته تقوم بالاحتفال باول اقامة لفروضه كامله
وصومه شهر كامل (رمضان) .. في راي ان حضور كيكه على شكل مسجد
للطفل في هذا الحفل .. يعطيها شكلا اسلاميا اكثر ..

الدين ليس تعصب او تشدد .. وليس انفتاح وتهاون وتساهل ايضا ..
وانما الاعمال بالنيات في كل الاحوال ..

والله اعلم :)

بنت مصر
13-11-2003, 09:11 AM
المذاكرة يا لميس خلتك بيرفيكت :81:
تسلم ايديكي على التعليق الجميل دا

وعلى فكرة بقا منوووووووووووورة :42:

Mrs. Virgo
13-11-2003, 09:40 AM
والله انت الي على طول منوره يا بسبوسه .. :)

تعرفي .. فتحتي نفسي على البسبوسه والله :)

أشجان الليل
01-12-2003, 12:09 AM
أنا أعتقد فى رمزية الشيء لا يصح...

إزاى آكل المسجد.....!!!!!!!:eek:

حساه مش مريحه...

Mrs. Virgo
01-12-2003, 01:19 PM
أشجان الليل

تعليق كلمة الله في سلسله !! مريحه !!

بسمة أمل
14-12-2003, 02:55 AM
انا اول ما قريت العنوان صراحة ما عجبتنيش الفكرة
معرفش ليه ؟؟؟

بنت بس عسولة
30-12-2003, 11:53 AM
شوفوا يا جماعة
هو الموضوع غريب شوية
لو بصينا من ناحية انه مش حلو على اساس ان ممكن يكون فيها استهزاق شوية او على الاقل تشبيه المسجد باي حاجة تانية ممكن تتاكل و ده ممكن يؤثر في بعض الاحوال على قدسيته

و من ناحية تانية ان فيه عملية ترغيب للاطفال مثلا انهم يروحوا يشوفوا الكيكة دي في الحقيقة يعني ممكن نحببهم في المساجد عن طريق الموضوع ده و كل واحد و نيه و لا ايه.....

ماما زوزو
30-12-2003, 11:29 PM
بسم الله الرحمن الرحيم
لاتنسوا اخواتى ان اندونيسيا بلد اسلامى
ولا اعتقد بالمرة ان اى مسلم سوف يرضى بالاستهزاء
بمقدساتنا............
ولما لانفترض حسن النية لدى من قام بعملها........
:128:

بنت بس عسولة
31-12-2003, 06:12 AM
هو الموضوع لو اتاخد بنية حسنة هتكون فكرة حلوة و بعدين هي في الاول و في الاخر اكيد اتاكلت يعني خلاص بقى بس الفكرة هيا اللي هتفضل و لا ايه ؟؟؟؟

محمد شحاته
05-01-2004, 02:43 PM
الاخوات الاعزاء مشتركى الموضوع ممالاشك فيه ان حسن النيه متوفره عندكن جميعا ولكن كان لى موضوع وقد تم رفعه من ساحات النقاش وكان به صوره الكعبه الشريفه وحواليها بعض الحيوانات الغربيين بالات موسيقيه وقد رفعت بحجه ان نشرها يسىء الى حرمتها وقداستها عندنا كمسلمين الا ترون ان عمل مسجد على شكل كيكه هو برضه استهزاء بشعائر المسلمين ومقدساتهم اليس المسجد بيت كل منا وقبل ذلك فهو بيت الله وعلى فكره هذه البلاد نعم يوجد بها كتير من المسلمين ولكنهم فى افكارهم غربيين الا من رحم ربى؛ مع شديد اعتذارى لكاتب الموضوع ولكنها وجهه وجهه نظر

b_df
17-01-2004, 12:04 AM
ألم تسمعوا قول الله تعالى (ومن يعظم شعائر الله فإنها من تقوى القلوب)

zelsawaf
19-01-2004, 12:16 PM
مش عارف بس
مش قادر اتخيل شئ زى كده لان المسجد له مكانه خاصه
ده برضه بيت الله

Sheriff
16-08-2004, 05:25 PM
والله مش عارف أقول إيه

بس أنا مش مرتاح لموضوع المسجد ده

حاسس أن الموضوع فيه كلام

*14* *14* *14*

Abdou Basha
18-10-2004, 08:34 PM
والله اللي صنعها فنان..

العتماني
18-10-2004, 10:03 PM
احبتى في الله
الفكرة حلوه ومعمولة بحسن نية والي صنعها استاذ تصميم
بس الحكاية ازاي لما تيجى تاكل الترته اكيد طبعا هتهدم منها جزء جزء ازاي

طيب ازاي امام الاطفال تهدم المسجد
طبعا يخيل للطفل ان هذا الشي لا قيمة له
يعنى اذا شاف المسجد يهدم ويهان امام عينية في الحقيقة لا تؤثر فيه اطلاقا ُ
والله اعلم

هذه كانت مشاركتى ومش عارف ان كان كلامي صحيح ولا .........؟

هاشم العتمانى

sea_wolf
14-12-2005, 06:12 AM
انا لا اوافق
ولماذا على شكل مسجد ؟؟؟؟؟

أبو منار
15-12-2005, 04:02 PM
حلوة حلوة بجد

Hesham Nassar
15-12-2005, 07:30 PM
أنا موافق ..
مفيهاش حاجه ..http://smilies.sofrayt.com/^/aiw/ok.gif

هي التورته دي بدعه و للا كانت حاجه و حشه لا سمح الله ..http://smilies.sofrayt.com/^/aiw/biggrin.gif

http://www.egyptsons.com/misr/images/smilies/smile.gif

الدكتورة نسيبة
26-12-2005, 01:35 PM
فيه ايه يا جماعة

انا مش شايفه فيها حاجة

هما معملوش حاجة غلط يعنى وولا دنسوا القران لا سمح الله دى تورتة ربنا يكرمهم بقى على حسب نيتهم

بس تسلم ايدك الصورة حلوة قوى

بستانى نعمان
02-01-2006, 07:06 PM
يجب أن ننزه الكعبة و المسجد و المصحف عن مثل ذلك

وإذا أراد الطهاة نموذجا للتورتة فعندهم الهلال و الفانوس والمسبحة ، فلامانع من أكلها:2:

nour edeen
16-01-2006, 04:58 PM
شكرا لك اخى على هذا الموضوع ، ولكن ارى انه حرام ، لان المسجد بيت الله ، ولذلك فانى ارى الحرمانية

فى ذلك ، والله اعلم.

الصحاف
29-01-2006, 06:32 PM
ان عمل مسجد على شكل كيكه استهزاء بشعائر المسلمين

konouz
01-04-2006, 07:27 PM
الف شكر علي الصورة جميلة
انا شايفة انة فكرة حبو يعملوها وهم ونيتهم

Meiro
01-04-2006, 07:59 PM
السلام عليكم
من وجهة نظرى موضوع كيكة على شكل مسجد الله أعلم
بس شايفه مفيش فيها اساءة للاسلام والا فالمنبه اللى على شكل مسجد وغيره من الأدوات التى نستخدمها على أشكال اسلاميه فيها اساءة للاسلام.
ولكن الخوف اخوانى من يساء استخدام هذا الموضوع فيما بعد
كأن تستخدم الكيكة فى الأفراح وغيرها نسأل الله ما فيه خير ونفع للأمه الاسلامية

ميمو المصرى
07-05-2006, 03:58 AM
جميله خالص الكيكه دى
شكرا

moroccanfoufa
03-09-2006, 08:56 PM
مسجد الحسن الثاني احلى من الكيكة

سارة محسن
08-09-2006, 03:52 AM
يا خسارة الصورة مابنتش عندي
مش مشكلة يمكن تبان بكره لمجرد العلم بالشئ
وطبعا ما وافقش عالموضوع دا

بنت شهريار
15-11-2006, 03:34 AM
هى من ناحيه حلوة هى حلوة
بس عاوزة مناسبه معينه
مش اى مناسبه
تحياااااااااااااااااااتى

سلوى سالم
17-11-2006, 05:23 AM
بجد تورتة روعه الناس اللى عملوها عندهم فن راقى


تسلم ايدك على صور