المساعد الشخصي الرقمي

مشاهدة النسخة كاملة : لفائف الربيع ... أكله سهلة وخفيفة على المعدة



te3mah
09-11-2003, 08:19 PM
لفائف الربيع

المقادير :
1- لفة جلاش .
2- نص كيلو بسلة وجزر .
3- نصف دجاجة .
4- بيض ولبن ودقيق لزوم الباشاميل .
5- ملح وبهارات حسب الطلب .

الطريقة :
1- يتم سلق نصف الدجاجة بالطريقة المعتادة .
2- يُنشل الدجاج من مرقه ويقطع إلى قطع صغيرة .
3- ويوضع في المرق البسله والجزر لسلقهما .
4- يتم إخراج البسله والجزر بعد سلقهما ويتم إضافتهما إلى الدجاج المقطع .
5- يتم عمل الباشاميل بالطريقة المعتادة ثم يُضاف إليه الدجاج والبسله والجزر وتكوين خليط منهم جميعا .
6- يُفرد الجلاش ويوضع بداخله الخليط السابق ويُلف على هيئة أصابع حتى نفاد الكمية .
7- تُدهن صينية فرن بقليل من الزيت ثم تُرص الأصابع بها ويُدهن وجهها بالقليل من الزيت .
8- توضع الصيننة في الفرن حتى إحمرار الوجه ثم تُخرج من الفرن .
9- تُؤكل ساخنة أو باردة ففي كلا الحالتين سيكون طعمها لذيذ وبالهنا والشفا .

بنت مصر
09-11-2003, 09:00 PM
نلفوها يا طعطوعة وربنا يستر على معدتنا

بس انتي المفروض النهاردة تعملي لنا لفائف التورتة
مش عيد ميلادك النهاردة :5: كل سنة وانتي طيبة يا حبيبتي


بسنت

te3mah
09-11-2003, 10:18 PM
كاتب الرسالة الأصلية : بنت مصر
نلفوها يا طعطوعة وربنا يستر على معدتنا

بس انتي المفروض النهاردة تعملي لنا لفائف التورتة
مش عيد ميلادك النهاردة :5: كل سنة وانتي طيبة يا حبيبتي


بسنت
:5: :5: :5:
وانتي طيبة حبيبة قلبي :)

بس صدقيني والله أنا جربتها وطلع طعمها خرافة
وكنت خايفة لما تبرد تبقى وحشة علشان الباشاميل
بس لقيت طعمها جميل زي ما هو
جربيها ومش هتندمي أبدا إن شاء الله
وعلى ضمانتي ;)

العمدة
12-11-2003, 03:38 PM
مفيش حاجة من اللي بتجربوها للخيمة ؟؟

رمضان كريم وبيحب الكرم :)

te3mah
12-11-2003, 11:39 PM
كاتب الرسالة الأصلية : العمدة
مفيش حاجة من اللي بتجربوها للخيمة ؟؟

رمضان كريم وبيحب الكرم :)
أولا : هو انت كنت اديتنا عنوان الخيمة علشان نجيبلها حاجة ؟!!! :5:

ثانيا بقى وده الأهم : انت كاتب بخط إيديك " خيمة العمدة شاي وقهوة بس " :D