المساعد الشخصي الرقمي

مشاهدة النسخة كاملة : تيراميسو بالصور .. تأليفي طبعاً.. و ربنا ستر .. !



أنفـــــال
27-11-2008, 09:35 PM
بسم الله الرحمن الرحيم ..
حبايب قلبي .. :)
إزيكم .. عاملين ايه ؟؟
يا رب تكونوا بخير ..
النهاردة عملنا تيراميسو .. هو في الواقع تلات ترباع المقادير اللي طلبوها مني مالقيتهاش اصلا ..
و كنت راجعة من الشغل .. فاستسهلت و استقربت .. نقيت الموجود و خلاص .. همة اي نعم حصل حالة استغراب .. و حالة ايه العك اللي هتعكيه دة امال فين كذا و كذا و كذا .. و الناس و الضيوف ..و ووو ...
بس المهم .. لما خلوني اعمله .. قلت اصوره .. طلع حلو كدة و ينفع يتاكل .. احطهولكم ..
طلع وحش و اترمى و كسبوا همة رهانهم انه مش هينفع الا بالمقادير اللي طلبوها .. يبقى اسكت خالص و ماحطش الصور :)
اول ما عملناه و قطعناه و كدة .. طلع حلو جدا .. و احلى من الوصفة اللي احنا متعودين عليها ..


عاوزة انبه على حاجة مهمة .. التيراميسو ضار جدا .. باتكلم جد ..
الحتة الواحدة فيها 570 كالوري .. !! دة لو قسمنا الصينية على 12 قطعة !!
احنا مش بنعملها كتير .. يعني كل فين و فين .. زي التشيز كيك كدة .. مناسبة مثلا .. او ناس .. ضيوف ..
غير ان كلها كريمة و فيها كوليسترول عالي شوية .. و القطعة الواحدة على فكرة بتبقى تقيلة جدا ..
يعني يادوبك يتشرب جنبها قهوة خفيفة سودة .. او شاي خفيف ..

الحاجات دي لما باعملها في البيت .. بابقى مبسوطة اوي .. لأن محدش بيرضى ياكلها من برة بعد ما بيدوقها في البيت .. :)

المقادير ..
500 جرام Heavy Cream
400 جرام جبنة كريم .. انا استعملت فلادلفيا .. الوصفة الاصلية المفروض الماسكربون تشيز..
2 فنجان حليب ( فنجان القهوة )
2 فنجان سكر ( فنجان القهوة )
2 ظرف كريم شانتيه
4 معالق كبيرة حليب بودرة
رشة فانيليا
مج نسكافيه محضر من مية مغلية و معلقة و نصف نسكافيه ( و نسيبه يبرد خالص )
علبة بسكوت شاي
سويس رول كان عندنا .. ممكن تستبدلوه بطبقتين بسكوت على فكرة .

الطريقة ..

استعملت قالب التشيز كيك .. القالب المتحرك ..
قطعت السويس رول .. و غمسته في النسكافيه .. و رصيته في القالب ..

http://up.haridy.org/storage/CIMG0820.JPG (http://up.haridy.org)

خلطت ( الجبنة + الكريمة التقيلة + الحليب البودرة + السكر +الفانيليا + الحليب السائل + الكريم شانتيه ) مع بعض ..

http://up.haridy.org/storage/CIMG0822.JPG (http://up.haridy.org)

و حطيت نص المقدار فوق السويس رول كدة ..

http://up.haridy.org/storage/CIMG0823.JPG (http://up.haridy.org)

بعدين جبت بسكوت الشاي .. غمسته في النسكافيه برضه .. و رصيته فوق الخليط ..

http://up.haridy.org/storage/CIMG0825.JPG (http://up.haridy.org)

و بعدين كملت باقي المقدار ... كدة ... و دخلته التلاجة عشان يجمد .. يا دوبك ساعتين و نص ( التلاجة مش الفريزر )

http://up.haridy.org/storage/CIMG0826.JPG (http://up.haridy.org)

دة شكله بعد ما طلع من التلاجة .. زينته بشيكولاتة سوداء و بيضاء مبشورة و كاكاو و نسكافيه مطحون ..

http://up.haridy.org/storage/CIMG0828.JPG (http://up.haridy.org)

http://up.haridy.org/storage/CIMG0827.JPG (http://up.haridy.org)

و دي حتة .. بس ايدي اتهزت و انا باصور ..
http://up.haridy.org/storage/CIMG0833.JPG (http://up.haridy.org)

.......

بالهنا :)

:f2:

سمـاء
28-11-2008, 10:32 PM
أنفال

كل حاجة من إيدك حلوة...

أنا بحب جدا التراميسو.. بس المشكلة إن محدش فى البيت بيحب النسكافيه خالص... غيرى طبعا..

يعنى إذا عملتها هضطر آكلها كلها لوحدى...

وانت بتقولى حتة واحدة كفاية....

أيه رأيك ناكلها سوا؟؟؟

زهرة الياسمينا
29-11-2008, 06:34 PM
شكله شهى وكتير بحبه جداااا ..
تسلبم ايدك اختى العزيزه انفال ...
هجربه على طريقتك اكيد ...
شكرا لمجهودك الرائع...
http://www.uaeboys.net/vb/imgcache/7439.imgcache

طـــــير في الســـما
29-11-2008, 10:47 PM
شكلها جميل فعلا أنفال........

انا الحقيقة معرفش الصنف ده أصلا.........بس أوعدك إني هجربه على العيد..يا رب أعرف أعمله زيك.....بس لو حد جراله حاجه هجيب العيب على اللحمة....و أقول إن الخروف كان expierd

تسلم إيدك.........تحيـ ـ ـ ــاتي

مصراويةجدا
30-11-2008, 12:17 AM
إييييييييييييييه الحلاوة دي
شكله لذيذ قوي تسلم ايدك يا انفال هجربه شكلي كده هتعلم الطبخ علي ايديكوا هههههههههههههههههههههه

شاعر الرومانسية
01-12-2008, 04:07 PM
الله الله الله

في ناس بتصور من ورايا وإلا اييييييييييه


بس بجد ..

تسلم إيدك يا انفال :y1:

انا برضة مكنتش أعرفة زي إيمان
بس أكيد حجربة .. لأن شكله يستحق فعلا التجربة

بس بعد العيد طبعاً ..
كفاية كوليسترول اللحم والفتة :2:

خالص وأرق تحياتي،،،:f2:

صافيولا
01-12-2008, 04:26 PM
عذرا سيدتي اعتقدت من اسم الموضوع ان التيراميسو هو احد انواع الديناصورات المنقرضه

لكني وجدت نفسي داخل قسم المطبخ وامام وجبه شهيه

سلمت يداك سيدتي

الشيمـــاء
02-12-2008, 07:10 PM
يا باشا احنا بنقول حلويات قايلة السعرات .. عشان نخس .. و انتي جايبالنا صنية فيها يجي 7000 كالوري ..
ماشي يا باشا اي حاجة من ايدك حلوة .. بس انا مش ناوية اجربه خالص ..
حبيبة قلبي انفال .. تسلم ايديكي ..
خالص ودي ..