المساعد الشخصي الرقمي

مشاهدة النسخة كاملة : حوار بين الجدة والحفيدة عام 2051



lina
04-11-2003, 08:06 PM
السلام عليكم جمييييعا,, ازيكم عاملين ايه؟؟,, ليكم وحشةةة واللهي :9:

ده حوار لطيف (يا لتيف يا لتيف :D ) بين تيتة و حفيدتها ,, يمكن قديم شوية بس مش مشكله :5:


المكان أحد أحياء القاهرة

الزمان يوم من أيام صيف عام 2051

حفيدة في سن المراهقة (16سنوات) تجلس مع جدتها (70 سنة) ويدور بينهما هذا الحوار:

--------------------------------------------------------------------------------

الحفيدة: تيته ميرو إزيك..بقى لي زمان ما قعدتش معاكي

الجدة: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني

الحفيدة: ومابتفتحيش الدش ليه يا تيته

الجدة: التليفزيون بقى ممل خالص مافيهوش غير 9700 محطة بس!.وأنا كمان ما بعرفش أغير المحطات!

الحفيدة: وإيه الحلاوة دي؟ حلو البدي اللي انتي لابساه ده..بس ده موضة قديمة قوي ياتيته !

الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد القديمة بتاعتنا

الحفيدة : أيوه بس مش حاسة إنك مخنوقة وانتي لابساه؟

الجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين أيام زمان لما كنا نلبس البدي اللي مبين البطن والظهر بس، مع البنطلون السترتش الجلد …كانت حاجة آخر روشنة

الحفيدة : ياه يا تيته.. ده انتوا كان ليكم تقاليد غريبة خالص !

الجدة: أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول..يعني الجيبة كان ما يقلش طولها عن شبر وربع .. وكانوا الستات يلبسوا فوقيها بلوزة باستمرار ..مش زي دلوقتي! حسبي الله ونعم الوكيل!

الحفيدة : يا خبر .. وإيه كمان ياتيته

الجدة: ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر وعمرو دياب وطبعاً كانت سيدة الغناء "شاكيرا"، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن، حسبي الله ونعم الوكيل!

الحفيدة : وبعدين ياتيته

الجدة : وبعدين كنا نسمع على حاجة اسمها اسطوانات ليزر، ودي صحيح انقرضت، بس كان ليها طعم عن دلوقتي، يا سلام لما كنا نحطها في الووكمان ونعلقها في حزام البنطلون كده ونمشي في الشارع كده، كانت أيام جميلة. حسبي الله ونعم الوكيل!

الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى المدرسة لأنه بايت معايا في الأودة من امبارح ..أصل الإنسان الآلي بتاع الصحيان بايظ ولازم نصلحه النهاردة

الجدة: طيب ياحبيبتي روحي

(بعد عدة دقائق)

الحفيدة: هيه يا تيته.. وبعدين

الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زي دلوقتي، وكانت الشوارع أيامها فاضية يعني كانت إشارة المرور تقعد ساعة إلا ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل!

الحفيدة : 80 مليون بس؟!!

الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة بـ 250 جنيه، وكان الواحد يقدر يشتري شقة تمليك بـ 150 ألف جنيه بس..وكان الدولار بسبعة جنيه و نص بس تخيلي بقى؟

الحفيدة : ما هو علشان كده الجواز على أيامكم كان سهل خالص، إحنا بقى خلصنا من العُقد دي

الجدة : يا بنتي إحنا اتربينا على الأخلاق والفضيلة والعادات والتقاليد . يعنى كان أهل الفن محتشمين جداً وكانوا دايماً يطلعوا بالمايوهات والمذيعات كانوا يقعدوا جنب الضيف مش زي دلوقتي.. هيـ يـ يـ يـ ـه الله يرحم دي أيام.. فكرتيني بالذي مضى حسبي الله ونعم الوكيل!

(تمسك الجدة بتليفون محمول في حجم علبة الكبريت)

الحفيدة : ح تكلمي مين يا تيته

الجدة : الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ ..

الحفيدة: (تنهض من مكانها) تشاو سي يو تيته!

الجدة: سي يو

وبعد مرور عدة ساعات انتابت الجدة خلالها غيبوبة بسبب الشيخوخة

و في المساء دار هذا الحوار بين الجدة والحفيدة:

الجدة: إنتي كنتي فين يا فتفت؟

الحفيدة :أصل إحنا أخدنا الولد من الحضانة ..

الجدة : ولد !! ولد إيه اللي أخدتوه من الحضانة؟

الحفيدة : آه صحيح أنا نسيت أقول لك .. أصل أنا جبت ولد من سمسم صاحبي

الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل!

الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز أنا شخصياً عملتها ونفعت

الجدة : مشكلتي إني ما باعرفش أزعل منك يا فتفت يا عكروتة ..وسميتوا المحروس إيه بقى

الحفيدة : سميناه (دوت كوم) ..

الجدة : نعم . دوت كوم؟ نظام هاي تك بقى؟ يعني لما تعوزي تنادي له تدوسي (إنتر) ولا إيه بالضبط ؟

الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له أدوس إنتر .. ولما أحب أقول له روح أودتك أدوس (ألت و إف4)

أفتح لك التليفزيون يا تيته عشان تشوفي نشرة الأخبار

الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوبا بلقطات للأنباء تقول:

المذيعة : هاي شلة! إليكم عناوين أخبار الفن

- زفاف المطربة صباح على حفيد الفنان الراحل راغب علامة

- الفنان محمد هنيدي يهاجم نجوم الكوميديا الجدد

المذيعة: فينيش باي

الجدة: لأ بقى حسبي الله ونعم الوكيل فيكم فعلا! (يغمى عليها)

الحفيدة : تيته..تيته!!





و لا حول و لا قوة إلا بالله

ربنا يستر علينا و على جميع المسلمين و يحفظهم من الفتن ما ظهر منها و ما بطن اللهم آمييييييين

سلام
لينا :)

sherry
06-11-2003, 03:01 AM
تيتا تيتا



عندها حق تيتا


نسينا نسال تيتا كانت بدخن شيشة اية

وفاضية ولا معمرة


حسبى الله ونعمة الوكيل

وائل الحريران
06-11-2003, 07:16 PM
تسلمي يالينا

lina
09-11-2003, 06:16 PM
نسينا نسال تيتا كانت بدخن شيشة اية

وفاضية ولا معمرة


حسبى الله ونعمة الوكيل


خساره ياما نفسي اسأل السؤال ده :5::5::5:

شكرا على مشاركتك يا شيري

سلام
لينا

lina
09-11-2003, 06:29 PM
تسلمي يالينا



الله يحفظك يا وائل شكرا على مرورك يا اخي :)

باي باي
لينا

سمسمة
15-11-2003, 08:15 PM
ههههههههههههههههههه

والله موضوع عسل يالينا:d

بس طويل اوىىىىىىى:D

حسبى الله ونعم الوكيل;)

:141:

الله يرحم ايام زمان

احنا اللى هنكون فى السن دة يالينا ..صح

واحنا اللى هنقول كدة لاحفادنا:d

:D

:43::42:

تسلم ايديكى ياروح قلبى:9:

البروف سمسمة..:112:

ماركيـــز
15-11-2003, 08:50 PM
اللي ما تعرفيهوش بقي يا لينا ان تيتة لما فاقت سمعت جدو تامر جارهم بيتكلم مع حفيده سمسم... "صاحب الحفيدة" في نفس الموضوع ده...
وكان جدو تامر معترض قوي علي سلوك شباب اليومين دول..

وكان بيقول انه حتي أيام ماكان علي علاقة مع تيتة ميرو جارتهم قبل ما تتجوز ابن خالتها وتفضل العلاقة شغالة برضه...

عمرهم ماكانوا بيتصرفوا تصرفات الشباب الطايش بتاع اليومين دول...

.................................................. .....
.................................................. .....

أصلهم كانوا من عيلة محافظة شوية

ديدي
19-07-2005, 11:49 AM
للرفع
شكرا يا لينا

ديدي
20-01-2006, 07:43 PM
للرفع مرة تانيه

أم أحمد
08-03-2006, 11:23 PM
للرفع

دلوعة مصر
09-03-2006, 01:03 PM
ميرسي يا لينا

بس معتقدش فير تيتة زي التيتة دي

شكرا لى الموضوع دة

Mr.X
12-03-2006, 08:07 PM
:hey: :hey: :hey: حكاية حلوة اوي:hey: :hey: :hey:
:evil2: :evil2: :evil2: :evil2: :evil2: :evil2: :evil2:
:f2:

انا السراب
13-03-2006, 06:08 PM
مشكور ما قصرت ههههههههههههههههههههههههههههههه

badry_1986
15-03-2006, 02:19 PM
حوار جامد
ربنا يحفظنا
مشكوره عليه

ماما زوزو
15-03-2006, 05:30 PM
هههههههههههههههه
أبنتى الحبيبة الغائبة الحاضرة
وحشتيييييييييييييييييييييييييينى
جدا جدا جداااااااااااااااااااااا
نفسى ترجعى لينا تانى ...
أضحك الله سنك ...
:f2: :f2: :f2:
............................

ويلا
15-03-2006, 05:46 PM
:hey: :hey: :hey: :hey: موضوع حلو اوى اوى انا موت على روحى من الضحك:hey:

كدة التيتات ولا بلاش

بس احلى حاجة انى اتصور تيتة لابسة بدى :nono:

الله يخليكى ياماما زوزو:f2:

دمــ الوطن ــوع
16-03-2006, 06:07 AM
هههههههههههههههههههههه

مستغربين ليه يا جماعه
اذا كان نيتا كانت بتلبس بدي مبين الظهر والبطن بس والجيبة شبر ونص
يبقي حفيدتها هتعمل ايه
حسبي الله ونعم الوكيل
لنا الله
الف شكر يا لينا
موضوع بجد يجنن

*شهد*
16-03-2006, 07:00 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههه
يخرب بيتك يا بنتى جيبتى الكلام ده كلة منين؟؟!! ههههههههههههههههههههههههههههههههه


مش قادرة أمسك نفسى م الضحك ههههههههههههه * هههههههههههههه * ههههههههههههههه


تحياتى:::*شهد*::: فاطمة الزهراء
:bye: :bye: :bye:

kaboka
19-03-2006, 10:31 PM
bgd dh to7faaaaaaa..we rbna ystorha 3alena mn el ftn

lina
20-03-2006, 05:40 PM
سمسمسة - ماركيز - ديدي - ام احمد - دلوعة مصر -MR_X - انا السراب - بدري - ماما زوزو ويلا - دموع الوطن - شهد - كابوكا

الف شكر على مداخلاتكم اللذيذه عجبتني كتير:good:

وزي ماقلتوا ربنا يستر على لاايام الجاية ولو اني الحمدلله بحس ساعات بصحوة اسلامية في كتير من الناس يعني الدنيا مازالت بخير ومتنسوش ان احنا في اخر الزمان ونبينا صلى الله عليه وسلم القابض على دينه كالقابض على الجمر:no1:
اللهم انا نسألك الثبات آمين

تحياتي ليكم جميعا
لينا:2:

eng mahmoud
20-03-2006, 07:07 PM
يا رب اوعدنا بالايام دى و كل عام وانتو بخير

كريم محمود
21-03-2006, 11:29 PM
شكرا يا لينا
بس انتى مش شايفه ان تيتا كانت محبكاها اوى على فتفت (ومضيقه عليها الحصار)
ربنا يرحمنا والمسلمين جميعا من شر رؤيه هذا اليوم