المساعد الشخصي الرقمي

مشاهدة النسخة كاملة : حياة عاطل



طائر الشرق
20-11-2008, 09:34 AM
حياة عــــــــــــــــــــــــــــــــــاطل


اليكم احد المواقف اللى بتتكرر كتير مع ابويا من يوم ما اتخرجت وقعدتله فى البيت زى البت البايرة !
طالع اظبط الاريال بتاع التليفزيون الارضى بناءا على تعليمات مشددة من الحاج
المهم لكم مادار بينى وبينى والدى المبجل ....

ابويا : انت هاتدنك قاعدلى على المخروب ده طول النهار كدة
انا : ايه ياحاج فى ايه .. بخلص ليلة كدة وهاقوم
ابويا : ليلة ؟ ... طب قوم اعدل الاريال عشان عايز اشوف نشرة 9
انا : ماهى بتيجى على الفضائية اتفرج عليها
ابويا : لا .. مابفهمش فى ريموت الريسيفر .. مابعرفش اتعامل الا مع ريموت التليفزيون بس !
انا : طاب ثوانى بس ياحاج وجايلك على طول
ابويا : تقوم دلوقتى
انا : ياعمنا هاخلص موضوع كدة واطلع اعملك كل اللى انت عايزه ...
ابويا : انت هاتقوم وتسمع الكلام ولا لأ

***************************
طلعت على السطح وسبت الايميل شغال (نادجات) من البشر اللى انا سبتها وقمت فجأة !
المهم لسه بقول ياهادى فى الاريال لقيت ابويا بيقولى ... يمين شوية !!
انا : هو ايه اللى يمين شوية .. هو انا لسه عملت حاجة ياحاج ؟!!
ابويا : طب اخلص !
انا : كدة مظبوط ؟؟
ابويا : لا قولتلك يمين شوية ..
انا : !!!!!!!!
ابويا : لسه .. لسه ..
انا : هــــــــــــــــــــا .. خلاويص !
ابويا : لســــــــــــــــــــه !
امى بتبص من شباك المطبخ لقيتنى متشعلق على السطح : انت طالع تعمل ايه عندك يا مدهول ؟؟!!
انا : بحلق دقنى !! .. وفى سرى : عيلة ترفع الضغط !
ابويا : بــــــــــــس .. تمـــــــــــــــام .. هى الصورة كدة وحشة بارضو بس تتشاف !!

************************************
وانا جى اشيل السلم الخشب اللى طلعت بيه على السطح .. خبطت بالسلم فى الاريال وهـــــوب .. الاريال كان سبعتلاف حته فى قلب المنور !
ابويا : بـــــــــس ... كدة الصورة بقت مرايه !!!!!!!!!!!!!!!!!!!!!!!!!!!!!!!!!
امى بعد ماشافت اللى حصل من شباك المطبخ : مراية ايه ياراجل .. الموكوس ابنك طوح الاريال فى المنور !!
ابويا : يانهارك اسود .. طب والنبى لانت نازل جايبة وطالع مركبة تانى ..!
انا : طب بس سؤال ...
ابويا : عايز ايه ؟؟
انا : انت عايز انهى حته فى الاريال بالظبط !!
ابويا سمع السؤال ده وراح بص من الشباك ورجع بقرارا عاجل : بـــــــــــــــــــــــره !
عموما انا دلوقتى مستقر فى الكشك بتاع عم سالم البواب اللى عملهولى جنب الكشك بتاعه من كثرة اعتياده على هذه المواقف !
وانا حاليا بكلمكوا من على اللابتوب بتاعه !

هو انا كل ما اكلم حد فى البيت يقولى برة؟؟


منجوووووووووووووووووووول
:smart:

hazem3
20-11-2008, 06:39 PM
ههههههههههههههههههههههههههههههههه



لا بجد حلوة

وخليه يحجزلي كشك جنبه هجيله قريب

ههههههه

تسلم ايدك يا باشا

طائر الشرق
20-11-2008, 06:43 PM
تسلم يا مان على المرور

انا وانت فى كشك واحد ان شاء الله

nariman
20-11-2008, 07:15 PM
فعلا حوار دمه خفيف جداا:d
تسلم إيدك عالنقل يا هيثم

بس فيه كلمتين من نفسي.. هى البنت اللى قاعدة فى البيت إسمها بايرة :mm:

ندى الايام
20-11-2008, 07:50 PM
بس فيه كلمتين من نفسي.. هى البنت اللى قاعدة فى البيت إسمها بايرة

ههههههههههههههههه عسل يا ناريمان بتصطادى فى المية العكرة
استحمل يا فندم اللى هتسمعه من البنات هيسيبوا كل الموضوع ويمسكوا فى الكلمة دى وفيك
تحياتى للجميع

طائر الشرق
20-11-2008, 07:52 PM
يسلم وجود يا ناريمان

بس انا مفهمتش اخر حتى

اكيد انتى شغالة فى الحكومة

hazem3
20-11-2008, 08:24 PM
يسلم وجود يا ناريمان

بس انا مفهمتش اخر حتى

اكيد انتى شغالة فى الحكومة

ههههههه يا عمي ناريمان سابت الدنيا كلها وبتقلك ان مش اي بنت قاعدة في البيت تبقي بايرة

يعني معترضة علي التسمية الي في اول سطر

انت هتشوف حرب ولا حرب البسوس
ههههههههه

sameh atiya
20-11-2008, 10:32 PM
لا بجد جميلة قوي
ضحكتني جداً يا طائر:d
تسلم إيدك على النقل الجميل

مصراويةجدا
21-11-2008, 08:18 AM
هههههههههههههههههههههههههههههههههههههههههههههه
حلوة دي تسلم ايدك
علي قكرة يا ناريمان انا عندي استعداد يتقال عليه بايرة ولا اترمي في كشك جنب هيثم وحازم وعم سالم

هو صحيح يا بشمهندس انت فاضللك كام سنة وتخلص ؟؟ طب الله يكرمك لما تخلص عاوزة باكوين بسكوت وكيس شيبسي

هههههههههههههههههههههه:d:d:d
طبعا انا بهرج :d
صحيح يا هيثم هو اي بنت قاعدة في البيت تبقي بايرة ولا ايه :mm::mm::mm:
يمكن تكون غضبانة عند اهلها ولا حاجة هههههههههههههههههههههههههههههههههههههههههه


:4::4::4::4::4:

hazem3
21-11-2008, 01:41 PM
هههههههههههههههههههههههههههههههههههههههههههههه
حلوة دي تسلم ايدك
علي قكرة يا ناريمان انا عندي استعداد يتقال عليه بايرة ولا اترمي في كشك جنب هيثم وحازم وعم سالم

هو صحيح يا بشمهندس انت فاضللك كام سنة وتخلص ؟؟ طب الله يكرمك لما تخلص عاوزة باكوين بسكوت وكيس شيبسي

هههههههههههههههههههههه
طبعا انا بهرج
صحيح يا هيثم هو اي بنت قاعدة في البيت تبقي بايرة ولا ايه
يمكن تكون غضبانة عند اهلها ولا حاجة هههههههههههههههههههههههههههههههههههههههههه

والله قريب هتعرفي قيمة الكشك

ههههههههههههه

الكشك ده طلع عباقرة

كفاية انا وهيثم فيه عايزة ايه تاني

في رعاية الله

nariman
21-11-2008, 01:55 PM
ايه يا جماعة دول مش كلمتين قلتهم :d
الراجل ناقل الموضوع ..وأنا جيت أهدي النفوس وبالمره أجيب باكو لبان :d:d

طائر الشرق
21-11-2008, 02:39 PM
ما حصلش حاجة يا ناريمان

انا عارف انه هزار


وشكراً للجميع على المرور الطيب

M!sS Roro
24-11-2008, 02:49 AM
هههههههههههههههههههههههههههههه حلووووه موتني من الضحك يا خال بودو ..

بس الفرررررررررررق احنا البنات يقولولنا بــــــــــــــــــــــــــــره انقلعي ـروحي لاودتك ..

>>>>>> الحمدالله انها بنت .. ههههههههههه:p

طائر الشرق
24-11-2008, 07:07 PM
ههههه

شكرا على المرور يا ميس رورو

**أمة الله**
28-11-2008, 01:42 AM
موضوع لذيذ أوى يا بشمهندس هيثم
الله يعينك، بس خلى بالك؛ لإن الأكشاك بتبقى برد فى الشتاء
مشكووور

طائر الشرق
29-11-2008, 11:06 AM
هههههههههه

الله يكرمك يارب

ماتنسوناش بقى انا وحازم بجاكيت صوف ولا جلد معزة حتى

نــوران
03-12-2008, 11:22 PM
ابويا : لسه .. لسه ..
انا : هــــــــــــــــــــا .. خلاويص !
ابويا : لســــــــــــــــــــه !
امى بتبص من شباك المطبخ لقيتنى متشعلق على السطح : انت طالع تعمل ايه عندك يا مدهول ؟؟!!
انا : بحلق دقنى !! .. وفى سرى : عيلة ترفع الضغط !


ههههههههههههههههههههههههه

هههههههههههههههههه



وانا جى اشيل السلم الخشب اللى طلعت بيه على السطح .. خبطت بالسلم فى الاريال وهـــــوب .. الاريال كان سبعتلاف حته فى قلب المنور !
ابويا : بـــــــــس ... كدة الصورة بقت مرايه !!!!!!!!!!!!!!!!!!!!!!!!!!!!!!!!!


ههههههههههههههههههههههههههه

كده خلاص هو عمل اللي عليه و زيادة شوية


بجد تسلم ايدك يا هيثم


اضحك الله سنك

و كل سنة و انت طيب

طائر الشرق
04-12-2008, 01:58 PM
الله يكرمك يارب

واياكم دائماً ان شاءا لله

المحب الولهان
07-12-2008, 06:44 AM
الموضوع دمه خفيف و موتنى من الضحك بصراحة يعنى مقدرش أمشى من غير ما أسيبلك كلمة شكر على الموضوع المنجول دا بس يعنى إيه منجول هههههههههه
يلا سلام

طائر الشرق
07-12-2008, 09:48 AM
يعنى إيه منجول هههههههههه
يلا سلام

استر عليا ربنا يستر عليك

هههههههه

بارك الله فيك اخى الجميل

كراكيب
07-12-2008, 10:00 AM
قطعت قلبي يا طائر بس الكشك يساعدك في مصاريف الدراسة احسن ما تفضل قاعد في البيت زي الب...................! ومتنساش تركب اريل على الكشك
ما فيناش من زعل وكل عام وانت بخير


Photo Gallery