المساعد الشخصي الرقمي

مشاهدة النسخة كاملة : حلم جمييييييييييييييييييييييييييييل



جارة القمر
30-10-2003, 08:53 PM
كل مرة ننام ونحلم على مزاج حضرة العقل الباطن
ايه رايكم انا عزماكم المرة دى على حلم جمييييل اوى
حلم كده حسب الطلب بس مش حسب طلب حضراتكم اوى يعنى لازم شوية غلاسه كده على خفيف
يعنى انا هحلم الاول لانى صاحبة الدعوه
حلمى عن الزواج مثلا
يعنى هغمض واحلم واحكى لكم
انا دلوقت دخلت البيت لقيت جوزى رجع بدرى ومحضر لى الغدا على السفره
الله السفره شكلها رائع ورد وشمع (مع ان احنا فى عز الضهر )
ولادى رجعوا من الحضانه وناموا
الجو هادى وجميل
:1:

ده محضر الغدا بسلامته عشان حماتى حتى فى الحلم قاعده قدامى
والله ما انا واكله وعقابا ليكم هحدد للى بعدى يحلم بايه (لازم تتخيل يوم جميل مع حماتك)وبعد الحلم اقترح على الى بعدك يحلم بايه
ها ايه رايكم حد عايز يحلم ويتفزع معايا؟:105:

العمدة
30-10-2003, 09:02 PM
أول حاجة جارة القمر منوره :)

الخط بس ياريت :) علشان مش واضح أوي :)

هاحلم معاكِ :)

دخلت البيت وقال إيه حماتي عندنا :)

وبسلامتها عامله كل أصناف الأكل اللي بحبها :) والبيت هادي وجميل

والأولاد بيهمسوا همس وقاعدين قدام التلفزيون وبيشوفوا كرتون ..

استبلتني حماتي بقبلة .. وبسمة ... وترتيب للبيت بشكل مدهش ..

في كل ركن من أركان البيت ورد بلدي .. رائحة البخور في البيت كله ..

أه نسيت كنت باحلم ههههههههههههههه

حد يحلم ورايا :)

جارة القمر
30-10-2003, 09:56 PM
اولا ربنا يخليك يا عمده ده نورك انت يا يا باشا
وبالنسبه للخط يا سيدى حقك عليا نحطه فى الرده يكبر شويه عشان عيون حضره العمده
انت سبتنى احلم بمزاجى وانا اشكرك بس المره الجايه حددالحلم للى بعدك لزوم الغلاسه شويه
هحلم معاك تحب اكمل لك الحلم بتاعك؟
هعتبرك موافق
حماة حضرة العمده كانت منوره عنده فى البيت وعامله له جو رائع خدته بالحضن وباسته وهو مش مدى خوانه يا عينى
اتاريها كانت عاوزه تدبسه فى توصيله بالعربيه لحد شط اسكندريه عشان يعزمها على المصيف فى شقته وكانت موضبه الشقه يا سيدى عشان بنتها الكبيره الى مسافره رجعت على غفلة وهتقعد عندهم فى البيت كام شهر اجازه
وكانت مخبيه ورا ضهرها سكينه كبيره لو وافق تبقى عشان توضب اللحمه لزوم الرحله ولو مش موافق تتحول السكينه لاداة تعذيب
وصحى العمده من الحلم على صوت التليفون
الو مين ؟:1:
حماتى؟:eek:
لا النمرة غلط يا حياتى;)

سمسمة
31-10-2003, 02:02 AM
موضوعك جميل ياحارة القمر<----------------حارة ولا جارة ماتفرقش فى نقطة:5:

ماقولتيش هاحلم بأيه

مش مشكلة عشان احلم براحتى

حلم اهبل اوى وعبيط بس يالا هتجرأ واقوله

بصى ياستى

انا نفسى فى اودة فاضية فيها سرير وكمبيوتربانترنت طبعا:5:

وقناة تجيب افلام هندية على مزاجى وبس

تهيتهيتهتيهتهيتهتيهتهيتهتيتهتيتهتيتهت

:o:o:o:o

اللى بعدى يحلم ببكرة:5:

البروف سمسمة..:112:

جارة القمر
05-11-2003, 12:01 AM
احلم انا بقى بما ان ما فيش حد عايز يحلم معايا
احلم ببكره؟;)
اه بكره اروح الشغل الاقى حضرة المدير ( سيد اذيه) طلع معاش مبكر
وايه ده المكتب هادى مافيش خناق
والساعى الله يكرمه منظف المكاتب وحاجه اخر هنا
يا سلام الشغل قليل اوى وسهل ولذيذ وكل ورقه فى مكانها
ياااااااااااااااااه سبحان الله الواد محمد صاحى النهارده مش نايم:D
وكل واحد فطر فى بيته مش عاملين المكتب مطبخ
احلى حاجه ان مافيش مدير اخرج بقى اشرب النسكافيه بتاعى فى المكتب الى جنبنا مع اصحابى من غير غلاسه المدير
الله نسكافيه دافى وجمييل :4:
ااااااااااااااااااااااااااه اتلسعت :eek:
لا مش النسكافيه الى اندلق عليا دى الهانم بنتى عملتها على ايدى اصلى نسيت البسها بامبرز قبل ما تنام
الىبعدى لو فى حد عايز يحلم يحلم باييييييييييييييييييييييييييييه
اه يحلم بشقه جديده عشان يتجوز على مراته:p

محمد بدير
07-11-2003, 08:57 PM
السلام عليكم

الحلم بتاعى مش بعيد عن حلم اختى ايمان

اه لو الواحد لقى سيد ابو لهب طلع معاش مبكر والله ده


كفايه مفيش حلم احلى من كده

وبالمره السوسه غباشى النتن يكون راح اى حته تانيه ويسيبنا فى حالنا


ولو بالمره ياخد معاه صاحبه العيون الدائريه

"الست تماضر " اللى عنيها بسم الله ما شاء الله :

ممكن لو شافت نفسها فى المرايه تتحسد

ياااه يا ايمان ده كان يبقى حتة حلم يجنن

جارة القمر
10-11-2003, 09:10 PM
والله يا محمد كويس انك ما حلمتش الحلم الى انا قلت عليه والا ام محسن كانت قتلتنى
وادينا بنحلم بان الشر يختفى من المكتب
او يختفى من العالم مش هيحصل يا سى محمد لكن اهى احلام
وادى اخواننا فى المنتدى ما فيش حد عايز حتى يحلم
نحلم احنا بقى بجنه على الارض يمكن نصدق نفسنا ونلاقيها
حاولوا يا جماعه تحلموا
يمكن نحققها مرة:5: :8: :33:

محمد بدير
17-11-2003, 07:49 PM
ياه يا ايمان لو تعرفى قد ايه مصر تبقى حلوه لو الحلم ده اتحقق

حلمى المره دى هو ان الحراميه تبطل تسرق يوم واحد بس فى الاسبوع


ده كان يكون حلم رهيب بس يا ريت يتحقق

محمد بدير
19-11-2003, 01:41 AM
اه لو يرجع وزمن السيوف تانى


وتبقى الحروب سيف لسيف وفارس لفارس والميدان واسع :p


ده احنا كنا نرجع تانى اسياد العالم ومحدش يقدر يدوس لينا على طرف:4:


وكل ده والسلام العادل الحقيقى موجود فى ظل شريعه سمحه

والبلطجيه بقى يبطلوا بلطجه ويعيشوا فى حالهم ويبعدوا عننا

ويعيشوا بادب :mad::mad::mad:

محمد بدير
19-11-2003, 02:15 AM
وكده مايبقاش فيه فرض للراى بالقوه ومفيش حد يتدخل فى الشئون الداخليه لحد سيف لسيف فكره جميله :24:

:18:
فارس بيحارب بسيفه

جارة القمر
24-11-2003, 10:33 AM
احلامك جميلة اوى يا حمادة ولو انها صعب تتحقق
وحتى لو اتحققت
لو الحرامية بطلوا سرقة يوم يا اما يعوضوها تانى يوم
يا اما تتطلع فرق حرامية احتياطى تسرق فى ايام الاجازة بس





ولو زمن السيوف رجع تانى هيلاقينا كسالى نايمين
والغرب هيصدروا لنا سيوف مضروبه ندبح بيها نفسنا




العيب فينا احنا يا حمادة مش فى السيف ولا المدفع;);):)