المساعد الشخصي الرقمي

مشاهدة النسخة كاملة : أكلات مصوّرة .. من مطبخ شاعر الرومانسية



الصفحات : 1 2 3 [4] 5 6

شاعر الرومانسية
05-01-2009, 02:23 PM
"ريحة البامية واصلة لغاية سانت لويس عندي ياحسن

شكل الطاجن جميل بس انا مش باحب الضاني
حاستخدم لحم عادي واقولك على النتيجة ولو ان ابو محمد حيتمسك بالضاني

تسلم ايديك ومانتحرمش من اكلاتك الحلوة ابدا "


أختي الغالية .. اوشا
انا كنت زيك برضه مكنتش بحب اللحم الضاني ..
وكمان بالدمعه :w00t1:
بس صدقينى جربتها بالطريقة دى ومع طعم البامية عجبتني

وبعدين ياستى معلش ..
تعالي على نفسك عشان عزيزي أبو محمد مايكولش لوحده:king:


على فكــــرة طريقة المسقعة بتاعتك تم تجربتها...
وجارى الاعداد لتنزيلها بالموضوع :smart:

شكراً لتواجدك ودعمك الدائم أختي العزيزة رشا..
وكــل عام وأنتي بخير:f:

خالص وأرق تحياتي،،،:f2:

mohammednaguib3
05-01-2009, 03:21 PM
شاعر الرومانسية ....
شوقتنا لعملك ...
و في الانتظار

mohammednaguib3
05-01-2009, 03:27 PM
شاعر الرومانسية ....
شوقتنا لعملك ...
و في الانتظار

النجمه الحائره
05-01-2009, 06:58 PM
ايه ده يا استاذ حسن مش عارفه انا كل مدى بكتشف فيك شئ جديد فعلا ونعم الابن البار باهله
و كمان ونعم الرجل الشاطر فى المطبخ يارب تكون كل الرجاله كدا
بس الباميه دى انا مش قادره اقوامها لانى بموت فيها وطلعتها فى دماغى اقوم واعملها دلوقتى و الحمد لله كل شئ متوفر
بس بجد انت التوب فى المطبخ ومستانيين نشوف منك احلى الاطباق وياريب لو فيه كمان قسم للمشروبات لانى بعشقها بس السخن منها
و دمتم

شاعر الرومانسية
06-01-2009, 09:02 PM
حذفت للتكرار

شاعر الرومانسية
06-01-2009, 09:04 PM
ايه ده يا استاذ حسن مش عارفه انا كل مدى بكتشف فيك شئ جديد فعلا ونعم الابن البار باهله
و كمان ونعم الرجل الشاطر فى المطبخ يارب تكون كل الرجاله كدا
بس الباميه دى انا مش قادره اقوامها لانى بموت فيها وطلعتها فى دماغى اقوم واعملها دلوقتى و الحمد لله كل شئ متوفر
بس بجد انت التوب فى المطبخ ومستانيين نشوف منك احلى الاطباق وياريب لو فيه كمان قسم للمشروبات لانى بعشقها بس السخن منها
و دمتم


اختي العزيزة .. النجمة الحائرة

ربنا يعزك ويكرمك على كلماتك الرقيقة
وبالنسبة لطاجن البامية ..
ياريت تجربيه .. وعلى ضمانتي:smart:

وماتبعديش بعيد...

أحدث الاطباق حتنزل قريباً جداً:1:

http://up.haridy.org/storage/وردة بلدى.gif (http://up.haridy.org)

خالص وأرق تحياتي،،،:f2:

شاعر الرومانسية
06-01-2009, 09:09 PM
شاعر الرومانسية ....
شوقتنا لعملك ...
و في الانتظار


اخي الكريم.. محمد نجيب

أعتذر عن التاخير في عرض المزيد من الوصفات والاطباق
لظروف انشغالي بالعمل ..

أخر العام بقى والميزانية مطلعه عيني ..

بس ان شاء الله أطباق جميلة في الطريق وحبدأها من الغد بمشيئة الله :smart:

ابقى معنا .. وشاركنا بأراءك وأفكارك

http://up.haridy.org/storage/وردة بلدى.gif (http://up.haridy.org)

خالص وأرق تحياتي،،،:f2:

الدكتورة نسيبة
07-01-2009, 12:14 AM
والله حرام هنحافظ ع الدايت ازاى وفيه حاجات حلوة كده ما شاء الله

عجبتنى كده الساندويتشات والفراخ (دى ممكن اعملها فى الدايت ان شاء الله واهو تغيير يمكن نحترم نفسنا زيادة فيه )والبيتزا غريبة هى وطاجن البامية بالنسبة ليا والمندى شكله جميل انا بموت فى الرز البسمتى

ما شاء الله اطباق حضرتك تشهد بتفننك ربنا يكرمك

تسلم ايدك يا استاذ حسن ويابخت المدام بتريح يوم ما بتنزل الاكلة فى المنتدى هههههه

متابعة مع حضرتك بس من غير ما اجرب وياسلام بقى لو تجيبلنا وصفات حلوة كده للدايت تبقى حضرتك عملت فينا جميل

صفحات العمر
07-01-2009, 10:02 PM
الحبيب / أبو على
شـاعر الرومانسية

http://img57.imageshack.us/img57/3416/0ebc4e1ym0.gif
الفوز بوسام التميز
حورس 2008
مع كل أمنياتى لك بدوام الرقى

عزة نفس
07-01-2009, 10:46 PM
الف مبروك شاعرنا الجميل:no1:

استاذ حســــــن
:f2::f2::f2::f2:
تستحق الوسام وعن جداره

وإسأل مجرب :good:


ولسه كمان يوم الجمعه الجايه هيجرب تاني :hey:

قصدي كلاكيت تالت مره هههههههههههه

الف مبروك اخي العزيز

وفي نجاح وتفوق وتميز واذدهار

دائمـــــــــاً وأبـــــــداً

:f2::f2::f2::f2:

شاعر الرومانسية
08-01-2009, 06:01 PM
والله حرام هنحافظ ع الدايت ازاى وفيه حاجات حلوة كده ما شاء الله

عجبتنى كده الساندويتشات والفراخ (دى ممكن اعملها فى الدايت ان شاء الله واهو تغيير يمكن نحترم نفسنا زيادة فيه )والبيتزا غريبة هى وطاجن البامية بالنسبة ليا والمندى شكله جميل انا بموت فى الرز البسمتى

ما شاء الله اطباق حضرتك تشهد بتفننك ربنا يكرمك

تسلم ايدك يا استاذ حسن ويابخت المدام بتريح يوم ما بتنزل الاكلة فى المنتدى هههههه

متابعة مع حضرتك بس من غير ما اجرب وياسلام بقى لو تجيبلنا وصفات حلوة كده للدايت تبقى حضرتك عملت فينا جميل


دكتورتنا الغالية .. نُسيبـــة

يا هلا ياهلا بالناس اللي مقاطعانا .. قال اية عشان الدايـــت :2:


طب اية رأيك بقى ح أعملك وصفات للدايت عشان مايبقاش ليكِ حجة:4:

وياري تجربي حاجة من اللي فات ..
ان شاالله حتي تفرقيهم على موائد للرحمن:1:
وأهو ناخد ثواب أنا وإنتِ :smart:

منتظر تواجدك اختي العزيزة .. واشوفك بكـــكل خيـــر
http://up.haridy.org/storage/وردة بلدى.gif (http://up.haridy.org)

خالص وأرق تحياتي،،،:f2:

شاعر الرومانسية
08-01-2009, 07:15 PM
الحبيب / أبو على
شـاعر الرومانسية

http://img57.imageshack.us/img57/3416/0ebc4e1ym0.gif
الفوز بوسام التميز
حورس 2008
مع كل أمنياتى لك بدوام الرقى


أخي الغالي .. محمــد سعيــد

ربنــــا يكرمك ويبارك في عمرك

منور الموضوع .. وأشكرك على تهنئتك الرقيقة

وماتتأخرش علينا يوم المقابلة زي عوايدك :smart:

جزاك الله خير الجـــزاء
http://up.haridy.org/storage/وردة بلدى.gif (http://up.haridy.org)

خالص وأرق تحياتي،،،:f2:

شاعر الرومانسية
08-01-2009, 07:20 PM
الف مبروك شاعرنا الجميل:no1:

استاذ حســــــن
:f2::f2::f2::f2:
تستحق الوسام وعن جداره

وإسأل مجرب :good:


ولسه كمان يوم الجمعه الجايه هيجرب تاني :hey:

قصدي كلاكيت تالت مره هههههههههههه

الف مبروك اخي العزيز

وفي نجاح وتفوق وتميز واذدهار

دائمـــــــــاً وأبـــــــداً

:f2::f2::f2::f2:




أختي الغالية .. عبيـــر

عقبال المرة المليون يافندم

انتِ بتنورينـــا والله بتواجدك الرقيق .. وروحك الجميلة
منتظرينك المرة الجاية بس ماتتأخريش..
المعاد 6 مساء عشان حالت الجو المتقلبة :smart:

http://up.haridy.org/storage/وردة بلدى.gif (http://up.haridy.org)

خالص وأرق تحياتي،،،:f2:

شاعر الرومانسية
08-01-2009, 07:50 PM
http://up.haridy.org/storage/_22DDo2.gif


مسقعــة
بطريقة أختنــا العزيزة " أوشا "

http://up.haridy.org/storage/flshadbar.gif


حنقدم إنهاردة حاجة جديـــدة ..
وهى وصفة شهيـــة لـــ " المسقعـــة "
مقدمة من أختنا العزيـــزة أوشا
تم تجربتها .. وهى شهيــة ولذيــذه فعلاً


نحضر المكونات التي تتكوّن من :
شرائح بازنجان مقلي +بطاطس مقلية طرنشات " بس أنا هنا عملتها صوابع"
لحمة عصاج


http://up.haridy.org/storage/Image1129.jpg


للصينية :
شرائح طماطم + شرائح فلفل رومي + شرائح بصل
كوب صلصة مسبك
( بصل وتوم وعصير طماطم وصلصة وتوابل عليها زعتر وريحان )
[/CENTER]
http://up.haridy.org/storage/Image1134.jpg

http://www.lakii.com/vb/smile/11_26.gif


نعمل العصاج عادى ببصلة مفرومة ولحمة و معلقة صلصة ومعلقة كسبرة ناشفة

http://up.haridy.org/storage/Image1130.jpg


بعد العصاج ما يستوى نحط بصلة مبشورة وفلفله رومي مبشور ونقلب ونطفى النار
كما هو موّضح :

http://up.haridy.org/storage/Image1132.jpg


في الصنية نرص البطاطس فى الاول كده..

http://up.haridy.org/storage/Image1135.jpg


نحط طبقة من شرائح البازنجان المقلية ..

http://up.haridy.org/storage/Image1136.jpg


ونغطيها بعد كدة باللحمة المعصجة وتكون بالشكل دة:

http://up.haridy.org/storage/Image1137.jpg


http://up.haridy.org/storage/000h.gif


بعد كدة بنرص شرائح شرائح الفلفل والبصل ..
ويبقى بالشكل دة ..

http://up.haridy.org/storage/Image1138.jpg


نضيف كوب الصلصة المسبكة :

http://up.haridy.org/storage/Image1139.jpg



نفرش طبقة اخيرة من شرائح الطماطم كما هو موضح :


http://up.haridy.org/storage/Image1140.jpg



ودة الشكل النهائي
بعد خروجها من الفرن :

http://up.haridy.org/storage/Image1141.jpg

http://up.haridy.org/storage/fasell4.gif

http://up.haridy.org/storage/Image1143.jpg


http://up.haridy.org/storage/muguet0111.gif


http://up.haridy.org/storage/sha3er--4.gif

النجمه الحائره
12-01-2009, 08:39 PM
فكره كويسه فعلا يا استاذ حسن و شكرا على فكره الاخت اوشا بس المسقعه ممكن اقلى كمان فلفل و نحط منه فيه ناس بتحب تاكله
بس فعلا شكلها شهى و كالعاده استاذ حسن بيجوعنى

طـــــير في الســـما
12-01-2009, 09:17 PM
طريقة جميلة جدا أستاذ حسن

شكرا لك و الشكر موصول للعزيزة أوشا

دايما مطبخك فيه الجميل مع الجديد

في انتظار المزيد من الطرق الجميلة

تحيـ ـ ـ ـ ـاتي

سيمفونية كاتبه
13-01-2009, 11:56 AM
اولاً مبروووووووك التميز وحورس

وبجد عن جداره وفوز مستحق

أما عن الاطباق فلا تعليق انا بجد بدخل هنا بجوع

من نجاح لنجاح ياشيف حسن ... :f2:

تحياتي

osha
13-01-2009, 05:14 PM
العزيز شاعر الرومانسية
انا اعترض واشجب
الصينية بتاعتك شكلها احلى من بتاعتي :@
تسلم ايديك وفي الطريق انتظر افتكاسات اكثر

اختي النجمة الحائرة
انا ماجربتش اقلي الباذنجان بس الاكل عاملة كله بيحتمل التجربة
جربي ولو عجبتك النتيجة قولي واحنا كمان نجرب

اختي ايمان الشامي
العفو والحقيقة انا اللي باعيد شكر اخويا العزيز شاعر الرومانسية على نشاطه الجميل في المطبخ
وفي انتظار المزيد من الوصفات

سيد جعيتم
13-01-2009, 08:43 PM
الحقيقة كل الصوانى حلوة .. المهم ناكل ونبحلق فى الأكل اللى جاى .
دمتم بخير

أم أحمد
13-01-2009, 10:30 PM
طبعا انا اتأخرت اوي في تهنئتك علي الفوز في مسابقة حورس
بس معلشي بقي المواصلات كانت صعبة
وانا بقي دوقت الأكل بنفسي
فتستحق الفوز عن جدارة
الف الف مبروك يا أستاذ حسن:f:
وتسلم ايدك علي الاكل الاكثر من رائع
ويسلم مجهودك الجميل
تقديري لك دائما:f:

الشحرورة
15-01-2009, 05:46 PM
http://up.haridy.org/storage/ush7rorad.gif

شاعر الرومانسية
17-01-2009, 03:04 PM
فكره كويسه فعلا يا استاذ حسن و شكرا على فكره الاخت اوشا بس المسقعه ممكن اقلى كمان فلفل و نحط منه فيه ناس بتحب تاكله
بس فعلا شكلها شهى و كالعاده استاذ حسن بيجوعنى


أختي الكريمة.. النجمة الحائرة

اضافتك للوصفة جميلة بالطبع لمن يحب الفلفل الرومي

منتظرين منك أية اراء وابتكارات جديدة

اعتذر عن تاخر الرد .. وسنستكمل قريبا باقي الوصفات

http://up.haridy.org/storage/وردة بلدى.gif (http://up.haridy.org)

خالص وأرق تحياتي،،،:f2:

شاعر الرومانسية
17-01-2009, 03:06 PM
طريقة جميلة جدا أستاذ حسن

شكرا لك و الشكر موصول للعزيزة أوشا

دايما مطبخك فيه الجميل مع الجديد

في انتظار المزيد من الطرق الجميلة

تحيـ ـ ـ ـ ـاتي


دكتورتنا الغالية .. إيمان الشامي

أشكر تواجدك .. ومتابعتك المستمرة للموضوع
واعتذر عن تأخر الجديد من الوصفات ..
جاري التحضير لللمزيد ان شاء الله



http://up.haridy.org/storage/وردة بلدى.gif (http://up.haridy.org)

خالص وأرق تحياتي،،،:f2:

شاعر الرومانسية
17-01-2009, 03:13 PM
اولاً مبروووووووك التميز وحورس

وبجد عن جداره وفوز مستحق

أما عن الاطباق فلا تعليق انا بجد بدخل هنا بجوع

من نجاح لنجاح ياشيف حسن ... :f2:

تحياتي


أختنا الغالية .. هايدي دياب

شكــراً لتهنئتك وكلماتك الرقيقة

وان شاء الله هناك المزيد من الوصفات الجميلة


http://up.haridy.org/storage/وردة بلدى.gif (http://up.haridy.org)

خالص وأرق تحياتي،،،:f2:

شاعر الرومانسية
17-01-2009, 03:14 PM
العزيز شاعر الرومانسية
انا اعترض واشجب
الصينية بتاعتك شكلها احلى من بتاعتي :@
تسلم ايديك وفي الطريق انتظر افتكاسات اكثر

اختي النجمة الحائرة
انا ماجربتش اقلي الباذنجان بس الاكل عاملة كله بيحتمل التجربة
جربي ولو عجبتك النتيجة قولي واحنا كمان نجرب

اختي ايمان الشامي
العفو والحقيقة انا اللي باعيد شكر اخويا العزيز شاعر الرومانسية على نشاطه الجميل في المطبخ
وفي انتظار المزيد من الوصفات


أختي الغالية .. اوشـــا

يا فندم المهم الوصفة والبداية كانت ايه

ومنتظرين المزيد من تجاربك المطبخية
وافتكاساتك المدهشة :1:

http://up.haridy.org/storage/وردة بلدى.gif (http://up.haridy.org)

خالص وأرق تحياتي،،،:f2:

شاعر الرومانسية
21-01-2009, 02:40 PM
الحقيقة كل الصوانى حلوة .. المهم ناكل ونبحلق فى الأكل اللى جاى .
دمتم بخير


أستاذي الغالي .. أ/ سيــد جعيتــم

اتفضل مد إيدك .. وكل براحتك
وأي اضافات او اراء .. إحنـــا ف الخدمـــة :2:

والطبق الجديد ح ينزل حاااالاً :smart:


أشكر تواجدك .. وكلماتك الطيبـــة :f:

خالص وأرق تحيــــاتي،،،:f2:

شاعر الرومانسية
21-01-2009, 02:45 PM
طبعا انا اتأخرت اوي في تهنئتك علي الفوز في مسابقة حورس
بس معلشي بقي المواصلات كانت صعبة
وانا بقي دوقت الأكل بنفسي
فتستحق الفوز عن جدارة
الف الف مبروك يا أستاذ حسن:f:
وتسلم ايدك علي الاكل الاكثر من رائع
ويسلم مجهودك الجميل
تقديري لك دائما:f:



أختي الغاليـــة .. أم احمــد

ولا يهمك يا فندم على التأخيـــر .. عٌذرك معاكِ :1:

بس اعملى حسابك الوصفة الجايـــة .. مش ح نقبل أي أعذار :2:


منتظرين أي ملاحظات أو طلبات:smart:

ربنـــا يسلمك ويبارك في عمرك :f:


خالص وأرق تحيـــاتي،،،:f2:

شاعر الرومانسية
21-01-2009, 03:31 PM
http://up.haridy.org/storage/ush7rorad.gif


اختي الكريمـــة ... الشحرورة

ألف شكــر على التهنئــــة .. والكارت الجميـــل :f:
وأعتذر عن تاخر ردي ..

منتظرينك معانا في باقي الوصفات

خالص وأرق تحياتي،،،:f2:

شاعر الرومانسية
21-01-2009, 04:13 PM
http://up.haridy.org/storage/_22DDo2.gif

قــوارب باذنجـــان باللحمة المفرومة
http://up.haridy.org/storage/flshadbar.gif



نحضر المكونات التي تتكوّن من :
لحم مفروم
بصل مقطع + زيت + توابل
بازنجان رومي مقطع أنصاف بالطول بدون تقشير
بالشكل دة


http://up.haridy.org/storage/Baz 1.gif (http://up.haridy.org)



وللتزيين :
شرائح طماطم رقيقة جداً + بشاميل مش تقيل ( خفيف نوعاً ما )
بيض مربوب + صنوبر ان وجد أو لوز مقشر ومقطع طوليا


http://up.haridy.org/storage/Baz 2.gif (http://up.haridy.org)
http://www.lakii.com/vb/smile/11_26.gif



يتم تجهيز الباذنجان بتقويره واخراج القلب
كما هو موضح

http://up.haridy.org/storage/Baz 3.gif (http://up.haridy.org)



ويتم تجهيز الحشو بتحمير البصل في قليل من الزيت حتى درجة الاصفرار فقط..

http://up.haridy.org/storage/Baz 4.gif (http://up.haridy.org)



يتم اضافة قلب الباذنجان الذى تم استخراجه للبصل المحمر يتم التشويح حتى يهبط البازنجان..

http://up.haridy.org/storage/Baz 5.gif (http://up.haridy.org)



نضيف اللحم المفروم للخليط ونتبل بملح وفلفل اسمر
وقرفة جوزة الطيب ..
ونقلب لحد اللحم ماستوى . وممكن نضيف معلقى صلصة حمرا

http://up.haridy.org/storage/Baz 6.gif (http://up.haridy.org)



ثم نقوم بعمل الشاميل بتحمير معلقتين دقيق في قليل من السمن واضافة اللبن بالبيض
زى ما احنا اتفقنا قبل كدة ونقلب.. بس نراعى ان قوامه يكون خفيف

http://up.haridy.org/storage/Baz 7.gif (http://up.haridy.org)


http://up.haridy.org/storage/000h.gif



نحشى قوارب البازنجان باللحم المعصج ..
ونضيف البشاميل واللوز المقطع على الوش ..

http://up.haridy.org/storage/Baz 8.gif (http://up.haridy.org)



نضيف على الوش البيض المربوب و شرائح الطماطم
وممكن شوية جبنة مبشورة وندخلها الفرن في صنية أو على شبكة الفرن

http://up.haridy.org/storage/Baz 9.gif (http://up.haridy.org)



ودة الشكل النهائي :

http://up.haridy.org/storage/fasell4.gif

http://up.haridy.org/storage/Baz 10.gif (http://up.haridy.org)


http://www.khayma.com/sweets/chef1.gif

http://forums.graaam.com/up/uploaded6/82904_01201135754.gif


الف هنا ..
ومنتظــر نتائج التجربــة
:1:




http://up.haridy.org/storage/sha3er--4.gif

طـــــير في الســـما
21-01-2009, 06:13 PM
ما شاء الله يا أستاذ حسن

و الله عايزة أقول لحضرتك غن أختي الكبيرة كام مرة غاظتني انها بتعرف تعمل الصنف ده و توصفهولي كده و تتوه في الوصف ، قال عشان معرفش اعمل زيه:l:

لكن على مين؟؟؟خلاص عرفنا الطريقة ، و بالصور كمان

و شكلي انا اللي هغيظها قريب:y:


تسلم إيدك يا أستاذ حسن

في انتظار تنصفنا على الأعادي بوصفات و لا أحلى.........

تحيـ ـ ـ ـ ـاتي:f2::f2:

العسل المر
22-01-2009, 11:31 AM
أخي الخلوق المتألق/ شاعر الرومانسية ،


تسلم ايديك يا مزنجفني !! :y:

عايزين نشوف حاجة من الكلام دا بقا ف الميتنج :d ،

ونكتر الشطه شويه لو سمحت :poster_oops:

افتكرت !! ،

فين الفهرس اللي كنت طلبته منك قبل كدا ؟؟
وفين الوصفات الخفيفة اللي ع السريع ؟؟


والشكر موصول طبعا لأختي الماهرة جدا أوشا ( ام محمد ) - على رمي بذرة المسقعة :d

شاعر الرومانسية
25-01-2009, 02:53 PM
أخي الخلوق المتألق/ شاعر الرومانسية ،


تسلم ايديك يا مزنجفني !! :y:

عايزين نشوف حاجة من الكلام دا بقا ف الميتنج :d ،

ونكتر الشطه شويه لو سمحت :poster_oops:

افتكرت !! ،

فين الفهرس اللي كنت طلبته منك قبل كدا ؟؟
وفين الوصفات الخفيفة اللي ع السريع ؟؟


والشكر موصول طبعا لأختي الماهرة جدا أوشا ( ام محمد ) - على رمي بذرة المسقعة :d


يا اهلاً بالغالي .. العسل الحلو :2:

منو يا فندم .. وربنا يكرمك على كلماتك الرقيقة

وبالنسبة للفهرس انا عملته يافندم فى موضوع " سر الطبخة " (http://www.egyptsons.com/misr/thread65570-8.html)
وادى الفهرس ..

أرشيف الوصفات في موضوع " سر الطبخة " (http://www.egyptsons.com/misr/thread112297.html)


كدة براءة يا فندم .. ومنتظرين تواجدك قريب ان شاء الله

خالص وارق تحياتي،،،:f2:

عذراء الروح
25-01-2009, 06:41 PM
بنبرى ننبتل هلخل

عذراء الروح
25-01-2009, 06:44 PM
خؤهتلنهخاا
هلههه
هغع
تمىت

عذراء الروح
25-01-2009, 06:45 PM
لنننىلا
ىم

النجمه الحائره
25-01-2009, 10:35 PM
تسلم ايديك يا استاذ حسن فعلا فكره حلوه جدا
و ده مش جديد عليك ولك الف شكر عليها
وان شاء الله سيتم تطبيقها و طبعا كالعاده بتجوعنى لما بشوف الاكل ده
ههههههههههههههههههههههه

الدكتورة نسيبة
25-01-2009, 11:22 PM
جميلة خالص تسلم الايادى انا كنت اعرفها بالكوسة بس برضه حلوة بالاذنجان تسلم ايدك بجد

وانا برضه لسه مستنية اكل الدايت

sea horse
26-01-2009, 07:41 AM
الغالى شاعرنا الجميل ابو على
بجد مجهود رائع وتصوير تحفه ولا اجمل ولا احلى من كده
تسلم ايدك وصوانيك واطباقك
صباح الفل
:eat:

محمد أمير
26-01-2009, 02:58 PM
الأخ الكريم شاعر الرومانسيه

تسلم ايديك يا أخى مجهود رائع
وصور شارحة الجمال بدون مجامله
عايزين الدروس تكتمل خلينا نستغنى بقى
عن سؤال حواء ويكون عندنا اكتفاء ذاتى
بارك الله لك بكل أعمالك

الله يديمك يا مطر

شاعر الرومانسية
28-01-2009, 07:19 PM
تسلم ايديك يا استاذ حسن فعلا فكره حلوه جدا
و ده مش جديد عليك ولك الف شكر عليها
وان شاء الله سيتم تطبيقها و طبعا كالعاده بتجوعنى لما بشوف الاكل ده
ههههههههههههههههههههههه


أهـــلاً بك أختنــا .. النجمه الحائرة من جديد

ومنتظرين تجاربك المطبخيــة في أقرب وقت :2:

خالص تحيـــاتي،،،:f2:

شاعر الرومانسية
28-01-2009, 07:23 PM
جميلة خالص تسلم الايادى انا كنت اعرفها بالكوسة بس برضه حلوة بالاذنجان تسلم ايدك بجد

وانا برضه لسه مستنية اكل الدايت


اهلاً بيكِ دكتورتنا العظيمـــة ... نسيبة

الكوسه دي أكلة تانية خاااااااااالص يا دوك:1:

ربنا يسلم عمرك .. ويبارك لك يارب

وجاري تحضيــر أكلة دايت عشان خاطر الماجيستير يا فندم :good:

عشان مايبقالكيش حجة بقى وتجيبلنا امتياز مع مرتبة الشـــرف:4:

خالص وأرق تحياتي،،،:f2:

شاعر الرومانسية
31-01-2009, 02:23 PM
الغالى شاعرنا الجميل ابو على
بجد مجهود رائع وتصوير تحفه ولا اجمل ولا احلى من كده
تسلم ايدك وصوانيك واطباقك
صباح الفل
:eat:


أستاذي الكبيــر .. سي هورس

نورت الموضوع .. والمطبخ كـــله :1:

وفي انتظـــار اي وصفة نتشارك فيها
( أنت الوصفة .. وانا التجربة والتصوير :smart: )

خالص وارق تحياتي،،،:f2:

شاعر الرومانسية
31-01-2009, 02:27 PM
الأخ الكريم شاعر الرومانسيه

تسلم ايديك يا أخى مجهود رائع
وصور شارحة الجمال بدون مجامله
عايزين الدروس تكتمل خلينا نستغنى بقى
عن سؤال حواء ويكون عندنا اكتفاء ذاتى
بارك الله لك بكل أعمالك

الله يديمك يا مطر



أخي العزيز ... أمير المطر

ربنا يسلمك .. ويبارك فيك يا باشا

ومعانا دايماً ان شاء الله ومع الذ الوصفات
( بس احنا برضة منقدرش نستغنى عن حواء :2: )

منتظر تواجدك الدائم .. وأي طلبات :smart:
والوصفة الجديدة ح تنزل قريب ان شاء الله


خالص وارق تحياتي،،،:f2:

نبع الوفاء
31-01-2009, 02:59 PM
http://up.qatarw.com/u/files/5vr1i8cswnfej2etwwgh.gif

أخي .. شاعر الرومانسية

http://up.qatarw.com/u/files/5fb6qwnolynykqnvxfz8.gif

الله أطباق شهية وطريقة عرضها جداً مرتبة .. بس لازم نتذوق :lookaround2:
ماشاء الله عليك لديك اهتمامات متنوعة ،
واغبطك على ذلك
وكم تمنيت ان اعرف كيفية اعداد الماكولات
فهو فن جميل وربما يكون خلقا
وبعث للمختلفات في طبقٍ انيق شهي .
اكرر شكري لك شاعر على هذه الأطباق
وفي الانتطار الجديد .

http://up.qatarw.com/u/files/nxchyj2tnluzlhnd5jvc.gif

:

نبع الوفاء

http://www.alfrasha.com/up/7131564601430152582.gif

Amira
02-02-2009, 11:29 AM
عجباني المسقعة بالبطاطس علشان سهلة و شكلها حلو
بس الموضوع فيه أوشا يعني كده حاجة تقلق :d
عموما أنا هاجربها و هاحملكم المسئولية كاملة :3: في حالة حدوث أضرار :d

تسلم الأيادي يا حسن :f:

شاعر الرومانسية
02-02-2009, 04:21 PM
http://up.qatarw.com/u/files/5vr1i8cswnfej2etwwgh.gif

أخي .. شاعر الرومانسية

http://up.qatarw.com/u/files/5fb6qwnolynykqnvxfz8.gif

الله أطباق شهية وطريقة عرضها جداً مرتبة .. بس لازم نتذوق :lookaround2:
ماشاء الله عليك لديك اهتمامات متنوعة ،
واغبطك على ذلك
وكم تمنيت ان اعرف كيفية اعداد الماكولات
فهو فن جميل وربما يكون خلقا
وبعث للمختلفات في طبقٍ انيق شهي .
اكرر شكري لك شاعر على هذه الأطباق
وفي الانتطار الجديد .

http://up.qatarw.com/u/files/nxchyj2tnluzlhnd5jvc.gif

:

نبع الوفاء

http://www.alfrasha.com/up/7131564601430152582.gif



أختي الكريمـــة .. نبع الوفاء

أهلاً بك ونوع اخر من الابداع ...
والابداع المطبخي ..:1:

ننتظر تشريفك .. وتواصلك الدائم ووصفاتنا المطبخية
وتحت أمرك في أي طلبات أو وصفات تحبيها :smart:

وبعد إذنك انا حبقى أقتبس صورة الطباخ الجميلة دي :2:
http://up.haridy.org/storage/وردة بلدى.gif (http://up.haridy.org)

خالص وأرق تحياتي،،،:f2:

شاعر الرومانسية
02-02-2009, 04:25 PM
عجباني المسقعة بالبطاطس علشان سهلة و شكلها حلو
بس الموضوع فيه أوشا يعني كده حاجة تقلق :d
عموما أنا هاجربها و هاحملكم المسئولية كاملة :3: في حالة حدوث أضرار :d

تسلم الأيادي يا حسن :f:


يااهلاً بالغاليـــة أميـــرة

فعلاً المسقعة دي جديدةولذليذة جداااااااااا
حتى أبقي إسألي الآولاد:y1:

اتكلي على الله يا فندم ولايهمك
دي وصفات اختنا اوشا مدمونة دايمااااااااااااا:glad:
مش كدة والا اييييييييييييه:king:


منتظرينك في باقي الوصفات ...
http://up.haridy.org/storage/وردة بلدى.gif (http://up.haridy.org)

خالص وارق تحياتي،،،:f2:

شاعر الرومانسية
02-02-2009, 04:47 PM
http://up.haridy.org/storage/_22DDo2.gif

مكرونة بالخضار والمايونيز


طبق شهي وسهل .. والأطفال ح تحبـــه

http://up.haridy.org/storage/flshadbar.gif



نحضر المكونات التي تتكوّن من :
كيس مكرونة 400 جرام - فلفل ألوان – شرائح كوسة كوب
زبادي – كوب لبن – مايونيز – جبن مطبوخ – شرائح زيتون أخضر
مكعب مرقة دجاج - توابل


http://up.haridy.org/storage/Mac & veg1.gif (http://up.haridy.org)



نسلق المكرونة ونصفيها جيدا م ن الماء ونتبلها بالملح والفلف


http://up.haridy.org/storage/Mac & veg2.gif (http://up.haridy.org)
http://www.lakii.com/vb/smile/11_26.gif



يتم تجهيز شرائح الخضروات بالتشويح في معلقة زبدة
وتتبيلها كما هو موضح

http://up.haridy.org/storage/Mac & veg3.gif (http://up.haridy.org)


يتم اضافة شرائح الزيتون لخليط الخضروات ..

http://up.haridy.org/storage/Mac & veg4.gif (http://up.haridy.org)


يتم مزج الجبن الكريمي والمايونيز ومكعب مرقة الدجاج كما هو موضح ..

http://up.haridy.org/storage/Mac & veg5.gif (http://up.haridy.org)


نضيف خليط الجبنة للخضروات المشوحة
ونضيف قليل من الزعتر ونقلب لحد ماتمتزج المكونات ويغلظ القوام

http://up.haridy.org/storage/Mac & veg6.gif (http://up.haridy.org)


http://up.haridy.org/storage/000h.gif




ودة الشكل النهائي :

http://up.haridy.org/storage/fasell4.gif

http://up.haridy.org/storage/Mac & veg7.gif (http://up.haridy.org)

http://up.qatarw.com/u/files/5fb6qwnolynykqnvxfz8.gif


http://up.haridy.org/storage/muguet0111.gif



http://up.haridy.org/storage/sha3er--4.gif

sea horse
03-02-2009, 08:39 AM
هايل يا ابو على
انا اكتشفت فيك كمان حرفية التصوير والزخارف
كده الطباخ الشامل ...قصدى الفنان الشامل
تسلم ايدك
صباح الفل
:eat:

أم أحمد
03-02-2009, 02:05 PM
روعة يا شيفنا
انا بعملها وبزود خضار مثلا جزر او بسلة او مشروم
وكمان قطع فراخ صغيرة متشوحة
بيكون طبق واحد شامل كل حاجة
مع شوية سلطة وتمام كده اوي
تسلم الايادي
تقديري:f: