المساعد الشخصي الرقمي

مشاهدة النسخة كاملة : حلويات قليلة السعرات ..



الشيمـــاء
06-11-2008, 10:39 PM
السلام عليكم و رحمة الله و بركاتة ..
كلنا بنحب الحلويات جدا و لكن مشكلتها في السعرات الحرارية الكثيرة و التي تؤدي لزيادة الوزن بشكل مفرط جدا و الاضرار بالصحة ..

عشان كدة انا عملت الموضوع دة لنقل و ابتكار انواع جديدة من الحلويات قليلة السعرات الحرارية ..

و حبتدي معاكم بصنف من ابتكاري و عملته في البيت و اجمل ما فيه ان مفيهوش دقيق و لا زيت و لا سمن و لا سكر ..
و كمان مكوناته كلها مفيدة كقيمة غذائية و خاصة للاطفال ..
المقادير :-
1. كيلو بطاطا حلوة ..
2. ملعقتين عسل نحل ..
3. ملعقتين قرفة او اكتر ..
4. ملعقة زنجبيل ..
5. جوز هند و مكسرات حسب الرغبة ..

الطريقة :-
سلق او شوي البطاطا ثم هرسها جيدا مع باقي المقادير و دهن صينية بالزيت ثم فرد المقدار فيها و وضعها في الفرن حتي تحمر و تكون متماسكة ..
ممكن بعد خروج الصينية من الفرن بشر كمية من الشوكلاته عليها للاطفال عشان يحبوا طعمها ..

الوصفة دي انا فعلا جربتها و نالت استحسانهم في البيت و علي فكرة ممكن تيغيرو المقادير زي منتو عاوزين و تختاروا حاجات تانية تدي طعم للبطاطا ..

منتظرة وصافاتكم لحلويات قليلة السعر و مفيدة ..
خالص ودي

Amira
06-11-2008, 11:04 PM
عزيزتي أم الشهيد
فكرة جميلة و جديدة زي فكرة موضوع الاكل البايت :y1:

بس البطاطا متهيئلي انها من النشويات و فيها سعرات حرارية .. لأنها كانت في قائمة ممنوعات المتعوس اللي اسه رجيم :d
بس الوصفة جميلة و هاجربها إن شاء الله..

هافكر معاكي في وصفة لصنف حلو منخفض السعرات و اجي تاني اكتبها :)

تحياتي لكِ :f:

رباب سعودى
09-11-2008, 05:32 PM
فكرة جديدة انشاءاللةهجربها انشاء هطلع حلوة جدااااااااااا

طـــــير في الســـما
10-11-2008, 01:25 PM
بطاطا يا شيماء!!!!!!!!!!!!!

انت متأكده ان الاكلة دي مع المكسرات سعراتها قليلة؟؟؟؟؟؟؟؟؟

شوفي انها هجرب.......و لو زدت كيلو واحد......هحاسبك على روشتة الدكتور.......

شكرا لك،،،،،،،،،تحيـ ـ ـ ـاتي

nariman
10-11-2008, 08:11 PM
أنا سمعت فى التليفزيون دكتور مره قال ان البطاطا تنفع فى الريجيم بس بطريقه معينه

شكرا أم الشهيد ......طبعا حجرب طريقتك واضح انها لذيذه
تحياتى وحبى
:f:

أم أحمد
15-11-2008, 08:10 PM
موضوع حلو اوي يا ام الشهيد
والفكرة بتاعتك جميلة
يا ريت لو في طرق تانية
تجبيها علي طول
ولو وقع في طريقي طرق تانية برضه هاجيبها
ويبقي عندنا ملف متكامل من الحلويات قليلة السعرات
شكرا يا قمر:f:

أنفـــــال
24-11-2008, 05:32 PM
:)
تسلم ايديكي جدا جدا جدا ..
:f2:

الشيمـــاء
11-12-2008, 08:22 PM
الصديقات العزيزات ..
Amira
رباب سعودي
ايمان الشامي
nariman
ام احمد
انفال
اشكركم جدا علي المرور و المشاركة .. و يا رب دايما كدة منورين ..
الفكرة اننا ممكن نستبدل الحلويات الشرقية و الغربية عالية السعرات قليلة الفائدة بالنوع دة و علي فكرة البطاطا فيها حوالي 110 سعر حراري لكل 100 جرام في حين ان 100 جرام بسكويت مثلا فيهم حوالي 400 سعر حراري يعني 4 اضعاف ما بال البسبوسة و الهريسة و الجاتوهات و ما لذ و طاب من الحلويات ..
اذن النوع بتاعنا فيه سعرات فعلا بس مش بنفس النسبة في الانواع التانية .. غير ان نشويات البطاطا افيد من الدقيق و كمان تقدري تحطي الزنجبيل و القرفة و تستفيدي من فوائدهم .. و كذلك العسل .. ممكن تحطي المكسرات و الشوكلاتة او مش تحطيهم .. يعني لو للاطفال يفضل تحطي المكسرات لانها مفيدة جدا لهم .. و علي فكرة ممكن تغيري في الاكلة زي متحبي هي بس مجرد فكرة ..
عموما فكرة وجود حلويات بدون السمن او الزيت و الشربات و الدقيق فكرة تستحق التجربة ..
اشكركم مرة تانية ..
خالص ودي ..