المساعد الشخصي الرقمي

مشاهدة النسخة كاملة : ~*¤®§][©][©< <وادكول مش معقول : على ذمة التحقيق >>©][©][§®



BLUE MAGIC
26-10-2003, 06:40 PM
استاندي بااااااااااااي
1


2



3


اكشششششششششششششن


مرحيا بكم يا اعضاء الكرام مع مذيعكم الكشخة blue magic بغرفة التحقيقات

اليوم معنا مشرف المنتدى محبوس
على ذمة التحقيق
والا فيه حرة او مقهور منه ويبي يطلع حرة يتفضل ويسال ويورطه :5::5::5:


المهم خذوا راحتكم بالاسئلة :D

مع تحياتي لكم blue magic
I WILL BACK

sherry
27-10-2003, 02:30 AM
اسمحولى ابداء انا



ماذا تفعل لو اكتشفت انك اتسرقت ولا تملك مليم واحد لترجع منزلك ومنزلك بعيد عن المكان الى انت موجود فية ب 30 كيلو متر؟


ملحوظة حدث معى؟

BLUE MAGIC
27-10-2003, 06:48 PM
سلام
ها وينك يا مشرف
ترى عندي اسال وايد

اخونا وعزيزنا وادكول مش معقول
اعترف وراح انخفف الحبس :5:



اول سؤال اهووووووووووو
1 اشلون وقع اختيارك على اسمك ؟؟ هل هي صدفة !!

2 ما دام انت مشرف منتدى المرح وفك التكشيرة فهل تعتبر نفسك مرح ؟؟ ومتى تكون جاد ؟؟

3 شنو اخر نكتة سمعتها ؟؟ ومتى؟؟؟؟

4 وادكول مش معقول اعترف ..من هو الشخص المرح بنسبة لك بالمنتدى ؟؟(قول اني وبعطيك حلاوة :4: )

5 شنو احلى ممثل كوميدي بنسبة لك على الصعيد العربي وعلى صعيد هوليود ؟؟؟


sherry شكرا على التجاوب معاي

مع تحياتي لكم
BLUE MAGIC
نحن بالابنتظار بالاعتراف
وانت على محبوس على ذمة التحقيق

ابن البلد
27-10-2003, 07:16 PM
أيه الموضوع يا كول :D
بلو ماجيك دي مش هاتجيبها البر
وشكلي أنا الي هحبسها :D
و هنهريها أسأله وإستجوابات

BLUE MAGIC
28-10-2003, 11:21 AM
سلام
انا اموت واعرف
واد كول وين راح . اعترف وخلصنا ترى ورانا محبوسين غيرك وايد :rolleyes:

مشرفنا ابن البلد ==============> لا اتخاف راح اتغذى فيك قبل ما تتعشي فيني ;) اللهم اني صائم :5::5:

يالله يا كوووووووووووووووووول نحن بالانتظار

مع تحياتي لكم BLUE MAGIC

ابن البلد
28-10-2003, 06:59 PM
أتغذي فيك :D
يارب والنبي :o

هههههههههههههه طيب ورينا شاطراتك بقه يا توتا هانم

سمسمة
28-10-2003, 07:02 PM
بسم الله

وصلوا على النبى

انا هاجيلك تانى ياكول

بس بكرة

وهتكون اول مشاركة ليا فى المنتدى:D

انتظرونا:5:

البروف سمسمة..:112:

العمدة
29-10-2003, 02:46 PM
في ناس بتختفي :)




ياولاد الحلال حدش شاف وادكوووووووول :)

shody20
29-10-2003, 03:16 PM
يا كووووووووووووووووووووووووووول...
شاكله كدة عنده عزومة جامدة جداً على الفطار و مش معبر حد....
حد يشوفه كدة في قاعة صحتك...

Mrs. Virgo
30-10-2003, 08:17 AM
نهارنا عسل .. كوووووول وصل :)


يا كووول .. ماذا تفعل لو .. !!

شهد عايزه تتجوز واحد انت مش بطيقه خالصصصصص :mad: !

وادكول مش معقول
30-10-2003, 08:28 AM
كاتب الرسالة الأصلية : sherry
اسمحولى ابداء انا



ماذا تفعل لو اكتشفت انك اتسرقت ولا تملك مليم واحد لترجع منزلك ومنزلك بعيد عن المكان الى انت موجود فية ب 30 كيلو متر؟


ملحوظة حدث معى؟


انا مش هاعمل حاجة غير اني اخد دور التهاب رئوي .... عاوز تعرف ازاي .... تعال اقولك

بص يا سيدي ...

من غير لا سرقة ولا حاجة ...

من كام سنة كنت انا و 2 اصحابي في حفلة في النادي الاهلي كان فيها محمد منير وعلي الحجار ووليد توفيق و حميد الشاعري ( ميغة يعني ) المهم كنا لسه في الجامعة ومفيش اختراع اسمه موبيل
ومفيش حاجة اسمها كل واحد يروح بعربيته علشان المصاريف ...

المهم الحفلة كانت في يناير ... في عز البرررررررررررررد
صاحبنا البيه المبجل صاحب العربية كبس عليه النوم فجاة وقالنا انا مروح ... وبما ان محمد بك منير لم يكن قد اعتلي خشبة المسرح حلفنا ما نتعتع الا لما نسمعه ..
وقلناله روح انت واحنا هناخد تاكسي ( جررررر بس خليك فاكرها ؟؟ )

المهم الحفلة خلصت الساعة 5 صباحا ..... ومع انصراف الناس بدات اللمة تخف وبالتالي الدفا يقل والبرررررررد يزيد ... لا ده زاد قوي .... ل ده بقه صقيع ... برررررررر

اذا بنا نصدم صدمة العمر .... الجاكتات .... يانهار اسود ... دي في العربية مع الواد ...
يا نهار اخبر ...

ده احنا حاطين فيها المحفظة و الفلوس علشان متقعش مننا في الزيطة بتاعت الحفلة والزحمة اللي جوه

هنعمل ايه ...

طيب ناخد تاكسي .... ونحاسبه عند البيت ...

ما هي هي .... انا قاعد في شقة مفروشة انا والواد لوحدينا ... يعني محدش هيحاسب عند البيت ؟؟


مفيش غير المشي .. امشي يا عم من الجزيرة عند النادي الاهلي ... الي ...





( مصاحب للمشي موسيقي تصويرية من الهواء و صفير الرياح ... وبعض التريبلات من قطرات المطر )













( تريبلات المطر اصبحت بيز ,,,,, من الامطار الغزيرة )


ما علينا احنا لسه ماشيين ...؟؟؟ من النادي الاهلي الي ......؟







آآآآآآآآآآآآآآآآآآآآآآآآآآآآآآآآآآآآخر الهرم .....

وبكده كانت اول مرة اصاب بالاتهاب الرئوي اللي خلاني اقعد في البيت انا وايمن اسبوع ... كامل

وادكول مش معقول
30-10-2003, 08:57 AM
كاتب الرسالة الأصلية : BLUE MAGIC

اول سؤال اهووووووووووو
1 اشلون وقع اختيارك على اسمك ؟؟ هل هي صدفة !!

2 ما دام انت مشرف منتدى المرح وفك التكشيرة فهل تعتبر نفسك مرح ؟؟ ومتى تكون جاد ؟؟

3 شنو اخر نكتة سمعتها ؟؟ ومتى؟؟؟؟

4 وادكول مش معقول اعترف ..من هو الشخص المرح بنسبة لك بالمنتدى ؟؟(قول اني وبعطيك حلاوة :4: )

5 شنو احلى ممثل كوميدي بنسبة لك على الصعيد العربي وعلى صعيد هوليود ؟؟؟



1 اشلون وقع اختيارك على اسمك ؟؟ هل هي صدفة !!

لا مش صدفة قوي ... انا من ايا م الكلية ... وانا اصحابي وخصوصا البنات كانوا مسميني كوووول علشان كنت هادئ قوي ( هادي بمعني اني مش عصبي ومش اي حد يقدر يستفزني ) ده بالاضافة لاني كنت باحب شخصية فيدو ديدو بتاع سفن اب قووووووووووي

وكنت باحب اجمع صوره قوي وباحب ارسمه باتقان جدا ...
http://www.egyptsons.com/misr/attachment.php?s=&postid=87262

لدرجة اني زجاج عربيتي اللي ورا ... كنت راسمه عليه واقف علي دماغه بقلم ابيض وبيقول
normal is boring


ومن يومها ... وانا واد كوووول ...


2 ما دام انت مشرف منتدى المرح وفك التكشيرة فهل تعتبر نفسك مرح ؟؟ ومتى تكون جاد ؟؟

انا لا اعتبر نفسي خفيف الدم لان من يعتبر نفسه خفيف الدم فهو اثقل خلق الله دما ... يعني دمه بيبقي يجي حوالي 15 كيلو كده رخامة والباقي غتاته ههههه

اما امتي ابقي جد .... تقريبا بابقي جد وقت الجد بس ... هتقولي امتي هاقولك مش فاكر ههههه

3 شنو اخر نكتة سمعتها ؟؟ ومتى؟؟؟؟
اخر نكته ؟؟ ليه هيا النكت خلصت ؟؟
تخيل مش هتصدق اخر نكته سمعتها من زمان قوي قوي قوي قوي ..
لاني مش باسمع حد دلوقت بحكم اني مليش اصدقاء هنا ...

لكن اخر نكته تبقي قريتها امتي مش سمعتها .... هتبقي في المنتدي اكيد ..


لكن ممكن اقولك نكته ... استحاله انساها ابدا ابدا ابدا ..
وانا في الكلية مرة كنا مطبقين 3 ايام من غير نوم انا والاتنين اللي كانوا معايا .... فوق .. فاكرين في الحفلة بتاعت منير هههههه ... المهم كنا بايظين خالص وعندنا حالة من السطلنه غير عادية وهنموت وننام ... المهم الواد امير بيقول كلام ملهوش معني ويسكت ومرة واحدة راح قايل ..

انا هاقولكم نكته ...


مرة اتنين قاعدين علي القهوة جه ابراهيم خد العجلة ومشي ... وفضل يكركع ضحك ودموعه تنزل

وبالتالي احنا بنضحك علي ضحكه ومن يومها كل ما تيجي علي بالي انا او هما نضحك ونبعت لبعض مسجات


4 وادكول مش معقول اعترف ..من هو الشخص المرح بنسبة لك بالمنتدى ؟؟(قول اني وبعطيك حلاوة :4: )

مش عاوز حلاوة يا عم انا صايم ... ههههه

بص يا سيدي انا شايف ان كل اعضاء المنتدي اللي اعرفهم او اللي ماعرفهمش فيهم مرح ... من نوع لان كل منهم داخل المنتدي للحصول علي المرح ...

سواء مرح من اجل المرح او مرح فكري .... ومنهم الجاد المرح ...

لكن لو انت عاوز تعرف مين من راي المرح ...


مرح قوي جدا خالص .... سمسمة


ونفسي في مرة ادب معاها خناقة علشان اشوفها ولو للحظة بتتكلم جد ههههه


5 شنو احلى ممثل كوميدي بنسبة لك على الصعيد العربي وعلى صعيد هوليود ؟؟؟

الكوميديا عندي بتعتمد علي العمل ثم الشخصية ... لكن لو العمل فهم كتير جدااااااا

ولو الشخصية اقولك ....
الصعيد العربي ...

عادل امام - دريد لحام - عبد الحسين عبد الرضا ( ولكن في شبابهم )
اشرف عبد الباقي - احمد حلمي - احمد رزق ( حاليا )

صعيد هوليود ..

قديما .... بيترسيلرز - بدسبنسر & ترانس هيل
حاليا .... ستيف مارتن - مارتن لويس - ايدي ميرفي - احيانا جيم كاري

وادكول مش معقول
30-10-2003, 09:09 AM
كاتب الرسالة الأصلية : Miss. Virgo
نهارنا عسل .. كوووووول وصل :)


يا كووول .. ماذا تفعل لو .. !!

شهد عايزه تتجوز واحد انت مش بطيقه خالصصصصص :mad: !

مش باطيقه خالص .... قصدك ابن البت سمسمة ههههه


لا نتكلم جد بقه ....

بصي لو هو ابن وزير وهي مش عاوزاه مستحيل
ولو ابن خفير وهيا رايداه يبقي مفيش مستحيل

وبعدين كفاية اللي اتعمل فينا زمااااااان ههههههه

بس ده مش معناه انها تجيبلي بلطجي ولا نصاب وتقولي بحبه يا بابا ...

هاقول الجوازه دي مش لازم تتم هههه


بصي انا اوافق عليه لو هيا عاوزاه ولو كان افقر خلق الله وحتي لو كان اغلس البني ادمين وانا مش طايقه ( ما عدا ابن سمسمة ) .... بس بشروط

اني اتاكد من انه هيراعي ربنا في بنتي ..
اني اتاكد من انه هيسعدها حتي لو لقمة تكفينا وعش العصفورة يكفينا ...
اني اتاكد من انه اخلاقه قوية التهذيب
اني اتاكد من انه مستقبلا وغير مطلوب حاليا انه يوفرلها الحياة الكريمة الحلال وحتي ولو بعد رحلة كفاح بينهم طوبة طوبة وهيلا هيلا الشدة يا ريس بس برضه يكون عن رضا منهم


وكفاية بقه ....

وادكول مش معقول
30-10-2003, 09:17 AM
كاتب الرسالة الأصلية : BLUE MAGIC
سلام
انا اموت واعرف
واد كول وين راح . اعترف وخلصنا ترى ورانا محبوسين غيرك وايد :rolleyes:
يالله يا كوووووووووووووووووول نحن بالانتظار
BLUE MAGIC


كاتب الرسالة الأصلية : العمدة
في ناس بتختفي :)
ياولاد الحلال حدش شاف وادكوووووووول :)


كاتب الرسالة الأصلية : shody20
يا كووووووووووووووووووووووووووول...
شاكله كدة عنده عزومة جامدة جداً على الفطار و مش معبر حد....
حد يشوفه كدة في قاعة صحتك...


اعتذر جدا علي تأخيري الكام يوم دول ....
بس انا كنت متأخر والله علشانكم....
لاني باجهزلمشروع قاعة جديدة بالتنسيق مع ابن البلد واسلام شمس الدين

بس يارب تنفع ... بس مش هنقول اكتر من كده لانها هتبقي مفاجأة العيد ان شاء الله ..

ابن البلد
30-10-2003, 06:45 PM
:)
يابني مش كنا سألناك قبل كده :> بس باين مكنش عندك لسه شهد

المهم سؤالي يا سيدي

أيه هو شعورك لما ابن البلد بالغط حذف موضوع حاول تتعرف علي الصورة :؟؟( ذكريات مؤلمة ;) )

سمسمة
31-10-2003, 01:42 AM
هههههههههههههههههههههههههههههه

ماشى ياكول

وانا اصلا اصلا اصلا

هاجوزها لابنى بردو

هيه

بس

بصلى كدة بقى

انا اجمع اسئلة كتير بس ربنا يسهلها ونجمع اسئلة

1-اليوم اللى بتعتبره افضل ايام حياتك؟
2-لو ماكنش اسمك واد كول مش معقول كنت هتسمى نفسك ايه؟
3-مين العضو اللى مابطقيوش فى المنتدى:33: ؟
4-مين اكتر عضو بتحبه فى المنتدى( اكيد ابن البلد:5: )؟
5-ايه هى اكلتك المفضلة؟
6-ايه اكتر حاجة بتخليك تتضايق؟
7-متى تصل الى اليأس؟
8-الممثل المفضل؟
9-ماهى مهنتك؟
10-متى ترفض الصداقة؟
11-بتحب المنتدى لدرجة ايه؟
12-بتقعد كام ساعة على النت؟
13-ماذا تمثل الاغانى بالنسبة لك؟
14-القاعة اللى مابتحبهاش فى المنتدى بتكرهها يعنى؟
15-ايه اللى نفسك تعمله فى المتتدى؟
16-كلمة عايز تقولها لاى حد من الاعضاء؟
17-كان نفسك تشتغل ايه لو ماكنتش فى الشغلانة اللى انت فيها؟
18-نفسك فى ايه؟؟ كماننا :5:
19-هوايتك ايه؟
20-بتحب تتفرج على قنوات ايه؟

ياااااااااه
جمعتهم بالعافية
بس لو فيه تانى هابقى اجى اشارك تانى:D

يالا كفاية دول:cool:

:33:

البروف سمسمة..:112:

BLUE MAGIC
31-10-2003, 01:21 PM
سلام عليكم
وتقبل الله اعمالنا واعمالكم

حياك الله يا اخي واد كوووووووووول مش معقول

وشكرا للاعضاء على التجاوب مع الربنامج

سمسمة
الا اقول
الله يهديش ما خلتين سؤال
ويش نسال الحين ؟؟!!:confused:

على العموم سؤال للمشرف فك التكشيرة
1 شنو يعني لك كل من
ابتسامة
ضحكة
منتدى فك التكشيرة
كمبيوتر
النت

2 انت تطبخ ؟؟ :4: انزين شنو تطبخ

3 ماهي ردة فعلك لو كنت بمجمع تتمشى يجيك واحد ما تعرفه و يضربك كف وهو ماشي انت ويش اتسوي بهاي الموقف ؟؟
انا لو بهذا الموقف اكعد على الارض واصيح من الفشلة :p

4 ولو كنت في مكاني ويش اتسوي :rolleyes:
وحدة ادوس بسيارتها على ارجولك واتمشي عاااااااادي كانها دعسة كارتون بالطريق؟؟؟

5 اهني عااااد اتخيل انك اتنظف سرداب بيت جدك وبالصدفة شفت فانوس قديم امغبر حده ومستحه بالغلط بثايبك
وطلع منه مارد يقول له شبيك لبيك خلصنا ويش تبي :5: لك 3 طلبات شنو تطلب فيها ؟؟؟ بصراحة


مع تحياتي للجميع
ختكم blue magic

سمسمة
31-10-2003, 01:23 PM
سمسمة
الا اقول
الله يهديش ما خلتين سؤال

اصل دة تار بايت ياحبيبتى:D

سمسمة
02-11-2003, 07:40 AM
رحت فين ياكول :7:

ماعدتش حد بيسمع عنك:7:

وادكول مش معقول
05-11-2003, 09:25 AM
كاتب الرسالة الأصلية : ابن البلد
:)
يابني مش كنا سألناك قبل كده :> بس باين مكنش عندك لسه شهد

المهم سؤالي يا سيدي

أيه هو شعورك لما ابن البلد بالغط حذف موضوع حاول تتعرف علي الصورة :؟؟( ذكريات مؤلمة ;) )

بطريقة وردة ....

شعوري ناحيتك ...

شعور اكيد اكيد ....


شعور ببلوتك .....



بطريقة عمرو دياب ...

ملهاش حل تاني ... ملهاش حل تاني ...

يا نعيد الموضوع من تاني يا تحل مكاني

وادكول مش معقول
05-11-2003, 10:08 AM
كاتب الرسالة الأصلية : سمسمة
هههههههههههههههههههههههههههههه

ماشى ياكول

وانا اصلا اصلا اصلا

هاجوزها لابنى بردو
:112:

بعينك ولما تشوفي حلمة ودنك ....؟؟؟



كاتب الرسالة الأصلية : سمسمة
هههههههههههههههههههههههههههههه
1-اليوم اللى بتعتبره افضل ايام حياتك؟
2-لو ماكنش اسمك واد كول مش معقول كنت هتسمى نفسك ايه؟
3-مين العضو اللى مابطقيوش فى المنتدى:33: ؟
4-مين اكتر عضو بتحبه فى المنتدى( اكيد ابن البلد:5: )؟
5-ايه هى اكلتك المفضلة؟
6-ايه اكتر حاجة بتخليك تتضايق؟
7-متى تصل الى اليأس؟
8-الممثل المفضل؟
9-ماهى مهنتك؟
10-متى ترفض الصداقة؟
11-بتحب المنتدى لدرجة ايه؟
12-بتقعد كام ساعة على النت؟
13-ماذا تمثل الاغانى بالنسبة لك؟
14-القاعة اللى مابتحبهاش فى المنتدى بتكرهها يعنى؟
15-ايه اللى نفسك تعمله فى المتتدى؟
16-كلمة عايز تقولها لاى حد من الاعضاء؟
17-كان نفسك تشتغل ايه لو ماكنتش فى الشغلانة اللى انت فيها؟
18-نفسك فى ايه؟؟ كماننا :5:
19-هوايتك ايه؟
20-بتحب تتفرج على قنوات ايه؟
البروف سمسمة..:112:

1- خخخ يوم الاجازة خخخخخ ...... ويوم ما ربنا رزقني بشهد
2- واد كول مش معقول اممممممممم يبقي مستركول مجنن العقول خخخخخ
3- اللي مبطقوش قولتله في وشه ( قصدي قلتلها ) وغااااااارت
4- كل اعضاء المنتدي بحبهم والله ... الا ..رد السجون خخخخخ
5- مكرونة + بطاطس محمرة + سلطة + بفتيك + بيبسي يكون ساقع قوي + وبعدهم سيجارة فل
6- الغباء والكدب ... واللي يضيايقني اكتر انه يبقي متآمر واهبل ههههه يعني كداب وغبي
7- اذا نسيت الله والحمد لله انا لا انساه
8- احمد زكي (سينما ) / يحيي الفخراني ( تلفزيون ) / ( السقا + مصطفي شعبان + احمد عز )
9- محاسب استثمار مالي ( تخصص بورصة واسهم وسندات )
10- لا يمكن رفض الصداقة -- ولكن هناك فرق بين التعارف والصداقة التي لا توجد حاليا كثيرا
11- لدرجة اني سايب شغل مهم جدا علشان ارد علي اسئلتك الكتير يا رغاية
12- قولي بتقعد كام ساعة بره النت ؟ في الشغل 8 ساعات وفي البيت حوالي 6 او 7
13- تمثل لي حالات مزاجية وتفريغ شحنات داخلية .... يعني باسمع حسب الحالة
14- قاعة .... خخخخخخخخ فك التكشيرة
15- خخخخخخخخ اولع فيه هههه لا بجد نفسي يبقي مرئ يعني تلفزيوني
16- كلمة لسمسمة .... قصري وكفاية رغي وجري في دماغي بقه
17- بصراحة انا اقولك ... انا مجموعي جاب هندسة وقبلت فنية عسكرية وبعدين كان نفسي في فنون جميلة او تطبيقية بس ملحتش امتحان القدرات ... مكنش قدامي غير هندسة بقه ... اخترت تجارة لانني باحب الرياضة والمحاسبة ... وعلي الرغم من اني قعدت في الكلية 6 سنين ونص ههه ( النص ده دور تاني ) الا ان درجاتي كانت في الرياضة والمحاسبة دايما بين 20 او 19 من 20 لكن كنت باسقط في السلوكية والقانون والحاجات النظري لاني مش باحفظ انا باحاول افهم ...
18-نفسك فى ايه؟؟ كماننا :5: نفسي القي نفسي واد مرتاح البال يا بيه
19- كتابة اغاني ... تقطيع ما كتب من الاغاني ههههه ... الرسم التخطيطي الكاريكاتيري ( بمعني الكتابة بخط كاريكاتير )
20- اي حاجة فيها كوميديا وحاجة عدلة بصراحة .... يعني بذمتك في الدش اللي فيه 400 قناة تقدري تختاري قناة غير وانتي بتقلبي بالصدفة ... ده الفيلم بيبقي لسه بادئ وعلي بال ما الف جولة اشوف حاجة احسن واتلكع شوية في السكة مع كاميرا خفية في السكة علي لقطة من مسلسل فاتتني علي الحاجة هيفاء وهبي في السكة علي شوية ياسلام ياسلام قد ايه حلو الغرام ....مبلحقش من الفيلم غير كلمة النهاية ..... وبتغاظ قوي لما مش بالحقها

وادكول مش معقول
05-11-2003, 10:35 AM
كاتب الرسالة الأصلية : BLUE MAGIC

على العموم سؤال للمشرف فك التكشيرة
1 شنو يعني لك كل من
ابتسامة
ضحكة
منتدى فك التكشيرة
كمبيوتر
النت

2 انت تطبخ ؟؟ :4: انزين شنو تطبخ

3 ماهي ردة فعلك لو كنت بمجمع تتمشى يجيك واحد ما تعرفه و يضربك كف وهو ماشي انت ويش اتسوي بهاي الموقف ؟؟
انا لو بهذا الموقف اكعد على الارض واصيح من الفشلة :p

4 ولو كنت في مكاني ويش اتسوي :rolleyes:
وحدة ادوس بسيارتها على ارجولك واتمشي عاااااااادي كانها دعسة كارتون بالطريق؟؟؟

5 اهني عااااد اتخيل انك اتنظف سرداب بيت جدك وبالصدفة شفت فانوس قديم امغبر حده ومستحه بالغلط بثايبك
وطلع منه مارد يقول له شبيك لبيك خلصنا ويش تبي :5: لك 3 طلبات شنو تطلب فيها ؟؟؟ بصراحة
blue magic


1 شنو يعني لك كل من
ابتسامة ............................ راحة البال
ضحكة ............................ صفاء القلب
منتدى فك التكشيرة ................ بيتي التاني
كمبيوتر .......................... متعة
النت ............................. حرامي الوقت

2 انت تطبخ ؟؟
انا لما دخلت الكلية قعدت لوحدي في شقق مفروشة مع اصحابي 6 سنين وبعد كده اخويا دخل الجامعة وقعدنا في شقتنا انا وهو بقيت الجامعة + سنة فراغ قبل الجيش وسنة جيش + 3 سنين شغل في مصر يعني حوالي 11 سنة طبخت فيهم اللي ما يطبخش وخصوصا ان امي اقتصاد منزلي وكتب التحضير بتاعتها كانت في البيت :4: ...

انا باعمل جميع انواع المكرونات بما فيهم المكرونة بالباشاميل ..
باعمل جميع انواع الخضار ( مسبك او نئ في نئ حسب الطلب ) ما عدا الملوخية والسبانخ
باعمل كوسا بالباشاميل او صينية بطاطس بالفرن وباعمل ارز ابيض وارز بالشعرية وارز بالكبد والكلاوي وارز بسمتي و باعمل فراخ فرن مشوية مسلوقة محمرة - كباب حلة - بفتيك - اسكالوب - استيك - موزة فرن - تتبيلة فخدة - اي حاجة انا دراعك + باعمل جمبري وكابوريا
باعمل بقه في الحلويات كيكة اسفنجية ( يعني كيكة من غير كريمة ولا الكلام ده ) + كريم كراميل + جيلي + كاستر + ارز بلبن
( ربنا يسامحك انا صايم وانتي جوعتيني مووووووووت)

3 ماهي ردة فعلك لو كنت بمجمع تتمشى يجيك واحد ما تعرفه و يضربك كف وهو ماشي انت ويش اتسوي بهاي الموقف ؟؟
علي فكرة انا في المواضيع دي هادي قوي قوي قوي ... وهارد بكل عقل بس لما ابص لعنيه ...
لاني حاجة من الاتنين ... يا اما اخده علي قد عقله واديله الخد التاني واخد حسنات علي قفاه لانه اكيد مريض نفسيا ...
او بالحته اللي فيها الحديدة وعلي دماغه ودماغ اللي معاه لانها اكيد الكاميرا الخفية خخخخخخ

4 ولو كنت في مكاني ويش اتسوي :rolleyes:
وحدة ادوس بسيارتها على ارجولك واتمشي عاااااااادي كانها دعسة كارتون بالطريق؟؟؟
وانا ايه اللي يخليني ادلدل رجلي في الشارع يعني .... ولا انتي مقاس رجلك مش 37 زي بقيت البنات ومقاسها 52 ولا ايه ...
علي العموم لو حصل كده .....معايا ... وواحدة اللي داست بسيارتها زي ما بتقولي ..

خخخخخ تبقي فرصة اتلكك واتعرف عليها ...
لكن لو واحد .... يا نهار طين علي كوتش العربيات اللي هيفرقع النهارده والشكمانات اللي هتطير في الهوا ولا عفريت اسفلت يعرف يرجع العربية بعدها لحالتها هههههه

5 اهني عااااد اتخيل انك اتنظف سرداب بيت جدك وبالصدفة شفت فانوس قديم امغبر حده ومستحه بالغلط بثايبك
وطلع منه مارد يقول له شبيك لبيك خلصنا ويش تبي :5: لك 3 طلبات شنو تطلب فيها ؟؟؟ بصراحة
تفتكر انا ممكن انظف سرداب جدي .... اما عمري ما عملتها حتي ونظفت درج المكتب خخخخخ
وبعدين اما اما ابوها مات وهي عندها 8 سنين هاعرف منين سرداب جدي اما انا عارف جدي بالحكاوي اساسا ووالله ولا حتي اعرف شكله .... باين علي ايامه مكنوش يعرفوا اختراع الكاميرات

وعلي العموم ... هاقول للمارد ... بصراحة

عاوز واسطة تشوفلي شغلانة بمرتب حلو وعربية حلوة بشرط تبقي في مصر ولو في اي حته تانية يبقي هاطلب منه مال قارووون وعربية رولز رويز وفيلا علي ضفاف البحر

شفت لو في مصر مش هاطمع ازاي ...



اه وهاطلب منه حاجة كمان .....


يشكرلي جدي علي الفانوس ويصورهولي صورة 4 في 6 هههههههه

BLUE MAGIC
05-11-2003, 07:12 PM
سلام
مشكور على تشرفك وردك علينا


كاتب الرسالة الأصلية : وادكول مش معقول
1 شنو يعني لك كل من
النت ............................. حرامي الوقت
....[/COLOR]
COLOR]
اي والله .. ولا يفوتك امي تبي تقطع النت عني ... راح تقطع ارسال حياتي :6:


كاتب الرسالة الأصلية : وادكول مش معقول
1 شنو يعني لك كل من



انا باعمل جميع انواع المكرونات بما فيهم المكرونة بالباشاميل ..
باعمل جميع انواع الخضار ( مسبك او نئ في نئ حسب الطلب ) ما عدا الملوخية والسبانخ
باعمل كوسا بالباشاميل او صينية بطاطس بالفرن وباعمل ارز ابيض وارز بالشعرية وارز بالكبد والكلاوي وارز بسمتي و باعمل فراخ فرن مشوية مسلوقة محمرة - كباب حلة - بفتيك - اسكالوب - استيك - موزة فرن - تتبيلة فخدة - اي حاجة انا دراعك + باعمل جمبري وكابوريا
باعمل بقه في الحلويات كيكة اسفنجية ( يعني كيكة من غير كريمة ولا الكلام ده ) + كريم كراميل + جيلي + كاستر + ارز بلبن
( ربنا يسامحك انا صايم وانتي جوعتيني مووووووووت)
.....

COLOR]

ما شاء الله طباخ نمرة واحد ها ..زين والله افتح مطعم بالمنتدى بعد الشهر الكريم انت اطبخ وانا الكونتر ;)
آآآآآآآآآآآه :6: بداية الشهر الكريم سويت فطاير .... مو فطاير هذي حصى ( ,شماتة اخواني قامت علي )


كاتب الرسالة الأصلية : وادكول مش معقول
1

3 ماهي ردة فعلك لو كنت بمجمع تتمشى يجيك واحد ما تعرفه و يضربك كف وهو ماشي انت ويش اتسوي بهاي الموقف ؟؟
علي فكرة انا في المواضيع دي هادي قوي قوي قوي ... وهارد بكل عقل بس لما ابص لعنيه ...
لاني حاجة من الاتنين ... يا اما اخده علي قد عقله واديله الخد التاني واخد حسنات علي قفاه لانه اكيد مريض نفسيا ...
او بالحته اللي فيها الحديدة وعلي دماغه ودماغ اللي معاه لانها اكيد الكاميرا الخفية خخخخخخ
..


صاااااااااااادوه :D



كاتب الرسالة الأصلية : وادكول مش معقول


ولو كنت في مكاني ويش اتسوي :rolleyes:
وحدة ادوس بسيارتها على ارجولك واتمشي عاااااااادي كانها دعسة كارتون بالطريق؟؟؟
وانا ايه اللي يخليني ادلدل رجلي في الشارع يعني .... ولا انتي مقاس رجلك مش 37 زي بقيت البنات ومقاسها 52 ولا ايه ...
علي العموم لو حصل كده .....معايا ... وواحدة اللي داست بسيارتها زي ما بتقولي ..

.....



قول ... اللهم لا شماتة
يا شماة لا تشمت اليوم انا باجر انت


كاتب الرسالة الأصلية : وادكول مش معقول
1

خخخخخ تبقي فرصة اتلكك واتعرف عليها ...
لكن لو واحد .... يا نهار طين علي كوتش العربيات اللي هيفرقع النهارده والشكمانات اللي هتطير في الهوا ولا عفريت اسفلت يعرف يرجع العربية بعدها لحالتها هههههه[/COLOR]

5 اهني عااااد اتخيل انك اتنظف سرداب بيت جدك وبالصدفة شفت فانوس قديم امغبر حده ومستحه بالغلط بثايبك
وطلع منه مارد يقول له شبيك لبيك خلصنا ويش تبي :5: لك 3 طلبات شنو تطلب فيها ؟؟؟ بصراحة
تفتكر انا ممكن انظف سرداب جدي .... اما عمري ما عملتها حتي ونظفت درج المكتب خخخخخ
وبعدين اما اما ابوها مات وهي عندها 8 سنين هاعرف منين سرداب جدي اما انا عارف جدي بالحكاوي اساسا ووالله ولا حتي اعرف شكله .... باين علي ايامه مكنوش يعرفوا اختراع الكاميرات

وعلي العموم ... هاقول للمارد ... بصراحة

عاوز واسطة تشوفلي شغلانة بمرتب حلو وعربية حلوة بشرط تبقي في مصر ولو في اي حته تانية يبقي هاطلب منه مال قارووون وعربية رولز رويز وفيلا علي ضفاف البحر

شفت لو في مصر مش هاطمع ازاي ...


.



الله يعطيك على كد نيتك .. والله كريم


مع تحياتي لكم ختكم BLUE MAGIC

وشكر على التجاوب معاي