المساعد الشخصي الرقمي

مشاهدة النسخة كاملة : كشري مصري



العسل المر
01-11-2008, 02:04 PM
من حبي واشتياقي الطاغيين له .. .. !!

دعبثت عليه وجبته .. .. !!

بس بردة مش هعرف اعمله :d: :4:



طبق الكشرى المصرى

،، المقادير :

يكفى لعمل 5 أطباق .
- ربع كيلو معكرونة ( يفضل المعكرونة الصغيرة )
- 2 بصلة كبيرة .
- نصف كوب عدس بجبة ( أى البنى الغير مقشور ) .
- 2 كوب أرز مصرى .
- زيت للتحمير .
- 3 ونصف كوب ماء .
- 1 ملعقة ملح كبيرة مملوءة .
- بهارات : ملعقة صغيرة فلفل أسود .
ملعقة صغيرة كمون مطحون .
قليل من الزنجبيل والقرفة .
- ربع كوب شعرية (هى المعكرونة الرفيعة القصيرة )
( حسب الرغبة ) .
- ثلث كوب زيت .

،، مقادير الصلصة :
- 4 فص ثوم مفرى .
- عصير طماطم ( حسب الرغبة ) .
-3 ملعقة كبيرة معجون صلصة طماطم .
- بهارات : ملعقة صغيرة ملح .
ملعقة صغيرة فلفل أسود .
ملعقة صغيرة كمون مطحون .
قليل من الشطة أو الفلفل الحار المجفف( حسب الرغبة)
- ثمرة فلفل أخضر مفرى ( حسب الرغبة ) .
- عصير ليمونة ( حسب الرغبة ) .
- ربع كوب خل أبيض .
- ربع كوب ماء .

،، طريقة التحضير :

- يغسل العدس وينقع فى ماء لمدة نصف ساعة ثم يصفى .
- تسلق المعكرونة فى ماء وقليل من الملح .
- ثم تصفى وتبرد بماء فاتر من الصنبور .
- يقطع البصل جوانح ويحمر فى الزيت حتى يصبح لونه ذهبى قاتم ويراعى عدم احتراقه .
- يغسل الأرز جيدا ً 4: 5 مرات ويصفى من الماء .
- توضع الشعرية مع قليل من الزيت على النار وتقلب حتى يصبح لونها ذهبى فاتح .
- يوضع إناء على النار به 3 ونصف كوب ماء وثلث كوب زيت ( وليس سمن ) والملح والبهارات حتى الغليان .
- يضاف للماء المغلى الأرز والعدس والشعرية ويترك على النار ويغطى الإناء حتى يختفى الماء ثم نخفض النار لأقل درجة حتى النضج حوالى 40 دقيقة .
- يتم اختبار النضج بأخذ عينة من الأرز والعدس فإذا كانت الحبة طرية عند الضغط عليها فقد تم النضج .
- بعد النضج نضيف المعكرونة إلى محتويات الإناء .
- نقلب المحتويات كلها مع بعضها البعض ثم نغطى الإناء ونطفأ النار ونتركه 5 دقائق لتأخذ جميع المكونات نفس درجة الحرارة .

،، تحضير الصلصة :
- نضع الثوم المفرى مع قليل من الزيت على النار ونستمر فى التقليب حتى يصبح اللون ذهبى فاتح .
- يضاف إليه عصير الطماطم والصلصة و الماء والبهارات والفلفل الأخضر المفرى ويترك حتى الغليان .
- يراعى أن يكون قوام الخليط متوسط السيولة بالتحكم فى كمية الماء .
- بعد الغليان يضاف الخل وعصير الليمون ويرفع من على النار .

،، طريقة التقديم :

- يوضع الكشرى فى أطباق ويجمل على الوجه بالبصل المحمر سابقاً .
- يفضل إضافة حمص الشام ( الحمص المسلوق ) على الوجه .
- نقوم بسكب الصلصة على الوجه أو توضع فى طبق منفصل وتضاف حسب الرغبة .

وبالهنــــــــــــــــــــــــــــــــــــــــــــ ـــــــــــــــــــــــــــــــــــــــــــااااااا ااااااااااااا



طبعا منقول :-s

سيمفونية كاتبه
01-11-2008, 03:12 PM
ياســـلام على الاكل إللى بعشقه

هو ده الكلام ياعسل

وادى صوره منى للكشرى الجميل

http://www.aminland.com/out.php/i4324_24046koshary1062004.jpg

عايزه اقول إن الكشرى من أكلاتى المفضله إللى بعشقها

وهو علطول مبوظلى الديت

بس اعمل ايه ضعيفه جداً أدامه

مشاركه جميله ياعسل تحياتى ... :f:

مملكة الحب

طـــــير في الســـما
01-11-2008, 09:21 PM
يا مساء الجوع.......:d

يعني كان لازم الطريقة و الوصفة دي!!!!!!!!أنا جعت جدا........لأني بحبه جدا،،،،*3*

عموما ..تسلم إيدك..*128*....اتمني إنك تاكله قريب*36*

تحيــ ـ ـ ـ ـاتي:f2:

nour2005
03-11-2008, 07:20 PM
ألعسل المر
من زمان متشوّقة أعرف ازاي الكشري بيتعمل
والنهارده طبخته ويا للهول عاللي حصل :d
الولاد شلفطوا من الشطّة أصلي زوّدتها شوية
وبدل ما يبطلوا ياكلوا يشربوا ميّة ويقولوا هل من مزيد :d
على فكرة هم بيشكروك وانا اشكرك على هذه الوصفة اللذيذة
تحيتي :f:

العسل المر
15-11-2008, 10:20 AM
ياســـلام على الاكل إللى بعشقه

هو ده الكلام ياعسل

وادى صوره منى للكشرى الجميل

http://www.aminland.com/out.php/i4324_24046koshary1062004.jpg

عايزه اقول إن الكشرى من أكلاتى المفضله إللى بعشقها

وهو علطول مبوظلى الديت

بس اعمل ايه ضعيفه جداً أدامه

مشاركه جميله ياعسل تحياتى ... :f:

مملكة الحب


يا صباح الكشري يا هايدي .. .. .. معلش اتأخرت - كنت مضيع خالص الاسبوع اللى فات كله !!

وانا والله بحب الكشري دا قوى ، وبموت ف الأكلات الشعبيه ( المفهوم من شعبية .. .. انها اللى بتميز مصر او البلد بتاعتها عن غيرها ) ممكن حد يفتكرنى من الأسرة المالكة واللا حاجة !!

وزاد حبي للأكلات دى لما اتغربت - شوفى بقالى قد ايه مأكلتش الكشري وأصحابه !!


اول مرة اعرف انك بتحبيه قوى كدا - بس كنت دايما بحس ان ريحة مشاركاتك مشطشطة !! :3:

العسل المر
15-11-2008, 10:30 AM
يا مساء الجوع.......:d

يعني كان لازم الطريقة و الوصفة دي!!!!!!!!أنا جعت جدا........لأني بحبه جدا،،،،*3*

عموما ..تسلم إيدك..*128*....اتمني إنك تاكله قريب*36*

تحيــ ـ ـ ـ ـاتي:f2:


اهلا يا أم سلمى ، يا صباح التوم !!


لقيت ان الطريقة دى والوصفة دى اللى بموت فيها .. اعمل ايه انا يعنى :hey:

نموت نموت وتحيا الدقه ، وبردة نموت وتحيا التقلية وبردة نموت تانى وتحيا الأكلات الشعبية الميه ميه ;)

شرفتينى يا دكتورة .. .. تقبلى تحية اخ جائع يشتاق لكل شئ يمت بأدنى الصلة لمصره ( بحبك يا مصر بكل ما فيكي ) !!

Masrawya
15-11-2008, 10:30 AM
الله الله الله
عماله ادور ريحة الكشرى ده منين اتاريها هنا فى المنتدى :d
و و صفة جميلة اوى تسلم ايدك على النقل
و على الفكره علشان اخلى ماما تطبخ كشرى عشان هى اكيد هتسألنى ناكل ايه انهارده :d

تسلم ايدك و ان شاء الله ترجع بالسلامة و تفطر و تتغدى و تتعشى كشرى :d
تحياتى لك.
:f2: :f2:

أنفـــــال
30-11-2008, 03:53 PM
انا نفسي آكل كشري ملوث من بتاع الشارع ..
ملوث ملوث كدة .. :)
مش من بتاع البيت النضيف دة .. لأ..
عهاوزة ملوث من اللي كله امراض دة ..
باحبه اوي اكتر من بتاع البيت .. :2:

شاعر الرومانسية
01-12-2008, 04:56 PM
أخونا العسل المر

نصيحة من أخوك .. لو ناوي تجربة زود على الصلصة
" بعد تحمير الثوم " معلقة كسبرة ناشفة مطحونة ...

هى دي اللي بتدي لصلصة الكشري الطعم المميز ... :y1:


بتاع الشارع يا انفـــال ... :1:

على فكرة عملتلك الوصفات اللى كنت طلبتها ياعم .. ومصورة كمان

ولا شفناك فيخا خاااااااالص ...:2:
ابقى شرفنا في الغرفة الرئيسية لمطبخنا العامر

"اكلات مصورة من مطبخ شاعر الرومانسية "


وربنا يجعله عااامر


خالص وأرق تحياتي،،،:f2:

زهرة الياسمينا
01-12-2008, 08:01 PM
ماشاء الله .... تسلم ايدك اخى الفاضل ..
طبعا اكله لذيذه وخصوصا لما تكون مع الدقه واللوازم .
ومشطشطه ديه اهم حاجة ...
الله ينور عليك...
فى انتظار المزيد من وصفاتك .. الجميله ..
:f2: