المساعد الشخصي الرقمي

مشاهدة النسخة كاملة : مسابقة معارك عربية و اسلامية



الصفحات : 1 [2] 3 4 5 6 7

ابن رشد المصري
02-09-2008, 10:53 PM
الأعزاء ابن طيبة وقلب مصر.
مش مهم امكانية التجاوب مع الأسئلة .. كفاية علينا الجرعات المعلوماتية الجميلة دي والتنسيق الرائع اللي ما بينكم.
توكلوا على الله ونزلوا الأسئلة في أي وقت والله المستعان.
عايز اقولك ان حتى 10 دي طلعت مش كفاية بالنسبالي .. التراويح بتخلص عندنا 10 ونص وعقبال الواحد ميوصل البيت بقى مقولكش :).
صعب توفق بين الناس كلها .. علشان كده بقول خلاص متشغلوش نفسكم.
ألف مبروك أم أحمد على أول نقطة.

راجية رحمة ربها
02-09-2008, 10:57 PM
الأخت العزيزة قلب مصر كل عام وأنتي بخير أسعدني ردك كثيرا وحبيت أشكرك علي المسابقة فهي تضيف الكثير من المعلومات الهامة التي باتت غائبة عنا هذه الأيام فجزاكم الله عنا كل خيروكما قلتي ليس المهم الفوز بالمسابقة فالفوز الحقيقي هو المعلومات التي نكتسبها .

راجية رحمة ربها
02-09-2008, 11:04 PM
الأخ الفاضل ابن طيبة الشكر موصول لحضرتك سعدت كثيرا بتواجدي في المسابقة وفي قاعة التاريخ فقد استفدت كثيرا ولست وحدي ولكن أنا وأسرتي أيضا فلكم منا خالص الشكر والأحترام.

قلب مصر
03-09-2008, 08:11 PM
انتظرونا إن شاء الله يوميا

ميعاد مسابقتنا

من الساعة 11 م إلى الساعة 11.30 م

بتوقيت مصر

مع تمنياتنا للجميع بالفوز

ابن طيبة وقلب مصر

وريث من خبر رع
03-09-2008, 10:05 PM
فين المسابقة يا جماعة منتظر مخصوص أعوض إمبارح إللى فاتنى

وريث من خبر رع
03-09-2008, 10:10 PM
الساعة عندى 11.10

وأدينى منتظر

بس على الله تكون سهلة

وألحق أكسب نقطة كمان


كل عشر دقايق حأثبت حضور

ابن رشد المصري
03-09-2008, 10:11 PM
خلي عندك أحمر يا وريث وسيبهالي المرادي
ده أنا لسه مدخلك الجروب :)
عندي 11:11

زهــــراء
03-09-2008, 10:16 PM
11:15
أنا صاحية لكم هاتوا خمسة جنيه للفرد الواحد وأسيبهالكم :d

وريث من خبر رع
03-09-2008, 10:16 PM
يا صديقى سبقنى بكام لمبة خضرا
خليك شنتل
وسيبها لخوك علشان ربنا يباركلك فى لمباتك

وأهو أيام مفترجة وربنا بيجزى خير

وريث من خبر رع
03-09-2008, 10:17 PM
إتفضل عليت حسك
أهو الزباين سمعوا وإتلموا جرى على صوتك
كانت بينا لوحدنا بس
قلتلك وطى صوتك

وريث من خبر رع
03-09-2008, 10:19 PM
يا زهرتى
يا حلوتى

ربنا يخليكى
لعائلتكى


وميحوجكيش للمبتى


سيبهالى النهاردة
وكفاية عليك شريط القطار إللى يوصل إسكندرية

ابن رشد المصري
03-09-2008, 10:20 PM
منت مش عاااااااارف
أنا كان عندي لمبات كتيرة وولاد الحلال قصوهالي مرة واحدة
زهراء
حتى انتى؟ :)

ابن رشد المصري
03-09-2008, 10:21 PM
متهيألي نروح ننام يا وريث مش كده؟
ابن طيبة وقلب مصر الاتنين مش اون لاين
يلا يا زهراء انتي كمان
اخلدي للنووووم بشريط القطر بتاعك ده :)

وريث من خبر رع
03-09-2008, 10:22 PM
11.20 دقيقة يبقى فاضل عشرة وأخد نقطة على إنتظارى وضياع وقتى سدى

وريث من خبر رع
03-09-2008, 10:23 PM
شكلهم عاملين لنا فخ

نسيبهم من هنا وبعدين يروحوا عاملين المسابقة
واضح إنهم مستقسدينك
فقوم نام وخليهم يجوا

ابن رشد المصري
03-09-2008, 10:26 PM
هههههه او يمكن مستقصدينك انت

زهــــراء
03-09-2008, 10:27 PM
روحوا ناموا إنتوا أنا نايمة الظهر :p
قلب مصر بتدخل أوف لاين لزوم التمويه ..عيب تضحكوا على أختكم الصغيرة من أجل لمبة خضرا :d
حأديكم لمبة حمرا لو مش مشيتوا :girl16:

قلب مصر
03-09-2008, 10:29 PM
الحلقة الثالثة

الملخص
جرت رحي هذه المعركة في 12 رجب من سنة 479هجرية قرب مدينة تدعي بطليوس
و كانت هذه المعركة سببا لامتداد الوجود العربي الاسلامي في الاندلس لاربعة قرون اخري
و كانت بين تحالف سلطان دولة المرابطين في المغرب و الجزائر و تونس و بعض من امراء الطوائف بالاندلس من جهة و من الجهة الاخري تحالف ملوك الفرنجة بممالك اسبانيا و البرتغال
و كان قائد جيش المرابطين فيها يوسف بن تاشفين سلطان دولة المرابطين في المغرب والجزائر وتونس وموريتانيا و كان قائد الفرسان أبو سليمان داود بن عائشة و قائد قوات الاندلس المعتمد بن عباد
و كان علي راس جيش الفرنجة ألفونسو السادس ملك قشتالة الذي كان يحكم جليقية وجزءا ًمن البرتغال، مع سانشو الأول ملك أراجون ونافارا، والكونت برنجار ريموند حاكم برشلونة وأورجل
كانت قوات المسلمين لا تتعدي الخمسون الفا منهم عشرة الاف فارس
و كانت قوات الفرنجة مائة ألف من المشاة وثمانين ألفاً من الفرسان
انتهت المعركة بنصر مبين للجيش الاسلامي بقيادة يوسف بن تاشفين
استنجد ملوك الطوائف بالاندلس بسلطان دولة المرابطين بالمغرب العربي و لبي سلطان دولة المرابطين ندائهم و خرج علي راس جيش عبر البحر و قد كان هائجا مائجا فنهض "ابن تاشفين" ورفع يديه إلى السماء وقال: "اللهم إن كنت تعلم أن في جوازي هذا خيرًا وصلاحًا للمسلمين فسهِّل علي جواز هذا البحر، وإن كان غير ذلك فصعبه علي حتى لا أجوزه"؛ فهدأت ثائرة البحر، وسارت السفن في ريح طيبة حتى رست على الشاطئ، وهبط منها يوسف، وخرَّ لله ساجدًا

ملخص المعركة

التقي الجيشان في سهل سميت باسمه المعركة و فرق بينهما نهر صغير و كان ذلك مساء يوم خميس و بعث الفونسو الي ابن تاشفين يطلب منه ان تكون الحرب يوم الاثنين لان الغد هو الجمعة و هو عيد المسلمين و الاحد هو عيد المسيحيين و ووافق ابن تاشفين علي ذلك و لكن قاموا بارسال عيون تتلقف اخبار الفرنجة فوجدوهم يستعدون للمعركة فتاهب المسلمين للقتال و دارت المعركة بين كر و فر و كانت الغلبة لجيش المسلمين

ابن رشد المصري
03-09-2008, 10:30 PM
دي زهراء راخره طلعت بتدخل اوفلاين للتمويه
قولي اعمل فيها ايه دي؟
يابنتي منتي بتشاركي في سبع مسابقات تانيين .. بطلي طمع :) :) :)

وريث من خبر رع
03-09-2008, 10:31 PM
لالالا دول لو مستقصدينى مكنوش نجحونى فى أول يوم
شوف روح هاتلنا إتنين حاجة ساقعة وتعالى
ولو جم حأنده عليك

أم أحمد
03-09-2008, 10:32 PM
معركة الزلاقة

ابن رشد المصري
03-09-2008, 10:32 PM
معركة الزلاقة

ابن رشد المصري
03-09-2008, 10:34 PM
يا جماعة لو بصيتو على التوقيت هتلاقو توقيتي وأم أحمد نفس التوقيت
هتعملو ايه في الحالة دي؟

وريث من خبر رع
03-09-2008, 10:34 PM
11.30
على فكرة دخلت مخصوص النهاردة علشان مسابقة الأستاذ معتز والسيدة قلب مصر

عموما أشكرهم على الإهتمام

بس كدا ليا نقطة واخدها يعنى واخدها أنا والواد الغلبان إبن رشد المصرى

زهــــراء
03-09-2008, 10:35 PM
معركة الزلاقة :huh:

وريث من خبر رع
03-09-2008, 10:36 PM
عموما سلام النهاردة

زهــــراء
03-09-2008, 10:37 PM
تصوروا بقى أنا صممت أجاوب مع إني شايفاكم مجاوبين علشان بس كنت قائدة المعركة مينفعش أشوف معركتي وماأتكلمش عن أمجادي فيها :d

ابن رشد المصري
03-09-2008, 10:38 PM
واد؟!!
ههههه
ماشي يا سيدي مقبولة
شوفت ازاي المشرفين بيقطعوا على الأعضاء؟
عايزين يحتكرو الكور .. لأ وكلهم داخلين اوفلاين
ولا أم أحمد قاعدة تتفرج على الشات بتاعنا ومستنية اللحظة اللي تنقض فيها ^_^

ابن طيبة
03-09-2008, 10:39 PM
ابن رشد هارد لك
بس اختنا ام احمد سبقاك بثواني عشان كده مشاركتها ظهرت قبلك
تتعوض المرة الجاية
الف مبروك الفوز الثاني لاختنا ام احمد
و بكدة يكون توزيعغ النقاط كالتالي
ام احمد 2 نقطة
وريث من خبر رع 1 نقطة

ابن طيبة
03-09-2008, 10:41 PM
بصراحة انا سعيد جدا بجد و الله
بالحوار الجميل الرقيق الطيب
و التنافس الرائع بين وريث من خبر رع و ابن رشد و زهراء الشقية
مخليين للمسابقة طعم جميل جدا
بجد ربنا يكرمكم و يسعدكم دائما
في حفظ الله

ابن رشد المصري
03-09-2008, 10:44 PM
كده برضو يا أم أحمد دي عملة تعمليها فينا؟ :)
كده برضو ابن طيبة ده انا قلت هتقسمو الجايزة المرادي
على العموم مبروك تاني لام احمد
بس ايه رأيكم نسخن المسابقة أكتر من كده ونصعبها ونشوف مين هيعرف يستمر فيها؟
ايه رأيك يا أستاذ معتز متقولوش تاريخ المعركة وتكتفوا بالوصف؟
متهيألي فرصتي هتكبر كده وفرص ناس تانية هتصغر :)

قلب مصر
03-09-2008, 10:48 PM
ههههههههههههه
حقيقي أنا مش قادرة من اللي انتو عملتوه في بعض :p
بجد تبقى في بقك وتقسم لغيرك
ينفع مثل أهو لمسابقة حصل وحصل :d
انتو طبعا اتشغلتوا بانتظارنا ونسيتم أن في ناس تانية مستنية ومترقبة من غير كلام ههههههههه

حظ سعيد بكرة إن شاء الله :icecream:

ألف ألف مبروك أم أحمد على اقتناصك للنقطة من فم الأسد

أم أحمد
03-09-2008, 10:51 PM
هههههههه
والله ضحكتوني من قلبي وانا اصلا مصدعة خالص
انا لسه بفتح الموضوع لاقيتهم عمالين يتخانقوا مع بعض
وابص الاقي المسابقة اصلا نزلت وهما عملين مشاركتين بعدها
افتكرت اصلا المسابقة نزلت وهما جاوبوا عليها
اتاريهم بيقسموا النقطة عليهم
طيب يبقي اجاوب ولا ما اجاوبش:d
يلا بقي تبقي في بقك وتقسم لغيرك:d

ابن طيبة
03-09-2008, 11:08 PM
عشان يبقوا يركزوا بعد كده
و بطلوا يتعازموا علي بعد
مبروك اختنا ام احمد النقطة التانية

ابن رشد المصري
03-09-2008, 11:16 PM
هههههههه
والله ضحكتوني من قلبي وانا اصلا مصدعة خالص
انا لسه بفتح الموضوع لاقيتهم عمالين يتخانقوا مع بعض
وابص الاقي المسابقة اصلا نزلت وهما عملين مشاركتين بعدها
افتكرت اصلا المسابقة نزلت وهما جاوبوا عليها
اتاريهم بيقسموا النقطة عليهم
طيب يبقي اجاوب ولا ما اجاوبش:d
يلا بقي تبقي في بقك وتقسم لغيرك:d


هههههههههه
ماشي ماشي يا مشرفين :good:
عندكم لمض العيد بتنور وبتقطعوا على اتنين غلابة واحد عنده لمبتين والتاني اربعة :n:
انا والله مصدع انا كمان وبطني وجعاني وقاعد مستني السؤال علشان أجاوبه
بس لعلمكم أنا مش هسكت وان شاء الله بكره الاجابة من حظي ونصيبي :icecream:
بس بجد فكروا في فكرة انكم متقولوش التاريخ دي .. هتبقى أحلي بكتير والله
واللي هيجاوب هيبقى في الغالب عنده خلفية أو دور مخصوص وقرا وعرف .. علشان احنا كده ممكن ناخد التاريخ كوبي باست وخلاص عرفنا الحل
وتسلم ايديكم مرة تانية أستاذ معتز وأم يوسف على الروح الحلوة اللي بتساهموا في خلقها هنا في القاعة
ربنا يجمعنا في حبه دايماً .. اللهم آمين

boukybouky
03-09-2008, 11:19 PM
مش فاهمة عندك صداع خدي دوا و نامي يا سمسمة و ريحي يا ماما مش كده

صحتك بالدنيا مسابقة المعارك ديه مش هتنفعك :d

و سيبينا نلحق مرة ..الواحد هيلاقيها بس من مين و الا من مين يا ربي :mm:

في رعاية الله ،،،

أم أحمد
03-09-2008, 11:30 PM
مش فاهمة عندك صداع خدي دوا و نامي يا سمسمة و ريحي يا ماما مش كده

صحتك بالدنيا مسابقة المعارك ديه مش هتنفعك :d

و سيبينا نلحق مرة ..الواحد هيلاقيها بس من مين و الا من مين يا ربي :mm:

في رعاية الله ،،،

:lol2::lol2:
حتي انتي كمان عليا يا بوكي
ما انا شهدت لك بالعشرة في صندوق الدنيا
وشكلها هتبقي انفراد ليكي
سيبي حاجة للغلابة بقي
هو انا هلاقيها منك ولا من زهراء:xx:
اه يا دماغي:lol2:

أم أحمد
03-09-2008, 11:33 PM
قلب مصر
ابن طيبة
الله يبارك فيكم يا رب :f2:

ابن رشد
لو حصروا المسابقة علي الوصف فقط من غير تاريخ
كده المسابقة هتقتصر علي فئة معينة وهم دارسوا التاريخ
وكده مش هيبقي لينا عيش معاكم في المسابقة دي:helpsmilie2:

وبعدين ايه الحكاية معاكم
قولتم المسابقة تبقي بعد الفطار
سيبتوا المسابقة وقعدتم تتعازموا علي بعض:p
تيجي دلوقتي كمان عاوز تصعبها اكتر
اعترض واحتج واشجب كمان:lol2:

الشحرورة
04-09-2008, 12:16 AM
اهلا اهلا بالمسابقات

ويارب اكون من الفائزات

لو سمحتم سيبولى 3 حلقات

انا اصلى شاطرة بالمعارك

تعالى ياللا معانا وشارك

معركه حربيه

ومواقف ميه الميه

او حتى معركه من اللى هيه

يعنى زى معركة شجرة الدر

مش دى بردة تاريخية

الحبيبه قلب مصر

وأخى الكريم ابن طيبه

كل سنه وانتم طيبين ورمضان كريم

ينعاد عليكم بكل الخير

وكرم وفير

ممكن ضمن الهدايا كام علبة عصير

من أجل يعنى الجمال والتوفير

مبروك المسابقه

وربنا يوفقكم يا رب

لكم ودى واحترامى

ابن رشد المصري
04-09-2008, 12:25 AM
مين قال اني دارس تاريخ!
انا خريج هندسة .. يعني راجل بيتعامل مع اجهزة وبس

ابن طيبة
04-09-2008, 10:08 PM
اهلا اهلا بالمسابقات

ويارب اكون من الفائزات

لو سمحتم سيبولى 3 حلقات

انا اصلى شاطرة بالمعارك

تعالى ياللا معانا وشارك

معركه حربيه

ومواقف ميه الميه

او حتى معركه من اللى هيه

يعنى زى معركة شجرة الدر

مش دى بردة تاريخية

الحبيبه قلب مصر

وأخى الكريم ابن طيبه

كل سنه وانتم طيبين ورمضان كريم

ينعاد عليكم بكل الخير

وكرم وفير

ممكن ضمن الهدايا كام علبة عصير

من أجل يعنى الجمال والتوفير

مبروك المسابقه

وربنا يوفقكم يا رب

لكم ودى واحترامى


اهلا بك اختي الفاضلة الشحرورة
جميل اوي الزجل الجميل ده ربنا يخليك
و يجعل لك نصيب في الفوز معانا

:f2::f2::f2:

ابن طيبة
04-09-2008, 10:11 PM
الحلقة الرابعة


الملخص

جرت هذه المعركة في 25 من رمضان 658هـجرية في مكان بين بيسان ونابلس بارض فلسطين
كان علي راس الجيش المسلم السلطان المملوكي سيف الدين قطز و كان قائد قواته الامير بيبرس البندقداري
و علي راس جيش الاعداء كيتوبوقا و الذي سقط قتيلا في ارض المعركة
و كان النصر حليف جيش الاسلام و كانت هذه المعركة واحدة من أكثر المعارك حسمًا في التاريخ فقد أنقذت العالم الإسلامي من خطر داهم لم يواجه بمثله من قبل وأنقذت حضارته من الضياع والانهيار وحمت العالم الأوروبي أيضًا من شر لم يكن لأحد من ملوك أوروبا وقتئذ أن يدفعه.

ملخص المعركة

اقتضت خطة السلطان قطز أن يخفي قواته الرئيسية في التلال والأحراش القريبة من مكان المعركة وألا يظهر للعدو المتربص سوى المقدمة التي كان يقودها الأمير بيبرس وما كاد يشرق صباح يوم الجمعة (25 من رمضان 658هـ= 3 من سبتمبر 1260م) حتى اشتبك الفريقان وانقضت قوات الاعداء كالموج الهائل على طلائع الجيوش المصرية المسلمة حتى تحقق نصرًا خاطفًا وتمكنت بالفعل من تشتيت ميسرة الجيش غير أن السلطان قطز ثبت كالجبال وصرخ بأعلى صوته: "واإسلاماه!"، فعمت صرخته أرجاء المكان وتوافدت حوله قواته وانقضوا على جيش الاعداء الذي فوجئ بهذا الثبات والصبر في القتال وهو الذي اعتاد على النصر الخاطف فانهارت عزائمه وارتد مذعورا لا يكاد يصدق ما يجري في ميدان القتال وفروا هاربين إلى التلال المجاورة بعد أن رأوا قائدهم كيتوبوقا يسقط صريعًا في أرض المعركة.

أم أحمد
04-09-2008, 10:14 PM
معركة عين جالوت

ابن طيبة
04-09-2008, 10:19 PM
بما ان اختنا الفاضلة ام احمد كانت مستخبية في الدرة
و لحقت تجاوب كالعادة متقدمة علي وريث من خبر رع
و ابن رشد
و زهراء
و راجية رحمة ربها
فالف مبروك الاجابة الصحيحة

ابن طيبة
04-09-2008, 10:26 PM
و بكدة تكون نتائج المسابقة

ام احمد 3 نقاط

وريث من خبر رع 1 نقطة

زهــــراء
04-09-2008, 10:29 PM
أم أحمد روحي نامي أنا جايبة آخري منك :d
كنت بأرغي نسيت المسابقة :1:..

أم أحمد
04-09-2008, 10:57 PM
الله يبارك فيك يا استاذ ابن طيبة:good:


أم أحمد روحي نامي أنا جايبة آخري منك :d
كنت بأرغي نسيت المسابقة :1:..


زوزو كفاية رغي:@
ودانك هتوجعك
روحي صوري الاكل بدل ما اخنقك:lol2:

sameh atiya
04-09-2008, 11:24 PM
أم أحمد 3 نقاط
القر بتاع زهراء إتشال ولا إيه
إيه يا زهراء ما تقرى كويس وأنا معاكى أهو
قررررررررررررررررررررررررررر:evil:
سيبى حاجه للغلابه يا أم أحمد لو سمحتى
إعتزلى النت شهرين لا سنتين خليهم قرنين:hey:

ابن رشد المصري
05-09-2008, 04:10 PM
برافو أم أحمد لحقتي تحطي تاريخ المعركة في محرك البحث أسرع من الباقيين :o
ههههه لأ أنا بهزر اوعي تزعلي
مبروك عليكي التلاتة وبجد مبسوطليك
بس والله الأسئلة التلاتة سهليين وحلويين وعارفهم من غير جوجل والبحث بواسطة التاريخ
حظكو حلو بس ان مشرفيين القاعة ناس لذيذة بيبسطوها عليكم
لكن لو أنا اللي علي قاعة التاريخ :evil:

أم أحمد روحي نامي أنا جايبة آخري منك
كنت بأرغي نسيت المسابقة ..
وأنا كنت بتسحر مع 13 واحد من صحابي في محل فول عشرة على عشرة :ala:

قلب مصر
05-09-2008, 04:17 PM
والله فيك الخير أخى العزيز ابن رشد فكرتني اقولكم
ولقد بعذر من بنزر :d

النهاردة انا معزومة على الفطار برة
لو اتأخرت عليكم متقلقوش المسابقة حتنزل حتنزل
حتى لو اليوم خلص
مفيش فايدة من كل التوهان اللي بتوهوهولي
يعني اللي بتوهه في الآخر علشان انا مش عارفة كتبتها ازاي بتوهوهولي دي :d

يالا أشوفكم على خير في المسابقة بالليل :d