المساعد الشخصي الرقمي

مشاهدة النسخة كاملة : مواقف شبر ونص *.*



همسه 2010
02-07-2008, 09:38 AM
اسمحولي انقلكم مواقف الشبر ونص ... اللي قبل الـــــ kg1 علي طول





هي حاجه زغنطوطه قد القطقوطه جيت اقولهالكم يمكن تعجبكم ..

هي يوميات ضحك وعياط وبس يابابا وبس ياماما ومعلش وخلاويص

وشويه ننه هوووووووه



وشويه تاكل مام؟؟ وشويه (؟؟؟؟) وياميس

تواليت بليييز لحسن(؟؟؟؟) وطبعا انتو عارفين ؟؟













ولما نحاول نديها جد شويه ونبتدي نقول (أ ب ..) تقلب بـــــ.....





يتربي في عزوه حماده عزو ...

وشخبط شخابيط ........










طبعا الكلام ده كله رموز بالنسبالكم وبيتهيألي كده شايفه بوادر

استغراب علي وجهكم من كلامي ؟؟


طيب تعالو نشوف مع بعض عالم (((( الشبر ونص اللي قبل الــkg 1)))

بيكون فيه ايه من مواقف وطرائف بحزافيرها...










بدايه ومن صفحتي هذه باعلن اني بشتغل مع احلي ميني بني ادمين

(طبعا الاطفال )

واتعلمت منهم لغه جميله جدا تقريبا كده معندهمش غير حرفين تلاته

بيستخدموهم في كل كلامهم وانتم بقه عليكم تخمين معني كلامهم وتعملو

اللي هما عاوزينه وبيقولو عليه والا هتلاقي دموع منهمره لا يمكن ايقافها

الا بتلبيه الغرض المراد ..












طب نبتدي الحكايه من البدايه وتعالو نشوف كل يوم بيومه حصل فيه ايه معايا

في بدايتي معاهم طبعا مكنتش بفهم ولا كلمه من كلامهم ومعرفش بس غير

اني بحبهم وعاوزه اكون معاهم وخلاص وسعات كتير بهاود واقول حاضر وطيب

وتجيب نتيجه ويسكتو وسعات تقلب بعياط وزننننن حاد لحد ما استعين بصديق

عشان افهم هما يقصدو ايه ....












المهم بقه ندخل في المواقف سريعا قبل ما الملل يصيبكم..

في يوم من الايام وانا قاعده لابيه ولا عليا في اخر اليوم

رن جرس موبايلي عادي وكنت سايباه في الشنطه في ال( كلاس) وانا والاطفال

بنتفرج علي كرتون في ( التي في) وسمعت الرنه وسيبته يرن عادي جدا

فجأه لقيت طفل من الاطفال ويدعي محمد ( مودي ) جايبلي شنطتي

(طبعا عشان انا بس لسا جديده في المكان ) وكان عمال يقول

( بايل بايل ) طبعا خمنتها وربط بين رنت الموبيل في الشنطه وكلمته

طبعا ده بس اللي بيعمله مع الجداد اللي زي حلاتي لكن القديم معاه ليه طرق تانيه

وعدت علي خير والحمد لله...











مواقف تانيه كتيره ولهجات اكتر غريبه هنقلهالكم موقف موقف كل ما اقابل

حاجه جديده وانتو كمان كل واحد يدخل يقول موقف حصل معاه مع الاطفال

او كلمه جديده غريبه او نطق كلمه غلط سمعتوها منهم ومفيش مانع

اذا كان اكتر من موقف ده احلي حاجه طبعا

وسأوافيكم بالاخبار اول باول ان شاء الله











كنتم مع


مواقف وطرائف شبر ونص اللي قبل الـــــ kg1 علي طول

شكرا واللي اللقاء

بنت شهريار
02-07-2008, 10:05 AM
هههههههههههههههههههههههههههههههههههههههههههه
ياهلا ياهلا همسة 2010
موضوع جميل وما ادراااااااااااااااااااكِ ما فيه من خبايا واسرار
وعالم مجنون مجنون مجنون

لو عودة مع طرائف معاهم خلت شكلى وحششششششششششششششششششششش :d

تسلم ايدك همسة
تحياتى
:f2:

ريـم
04-07-2008, 09:22 AM
موضوع جميل قوي يا همسة..
طب عارفة؟!
امبارح ابن خالتي كان عندنا، و هو يادوبك 4 سنين..
لقيته جايلي و معاه اجندة و فاتح على خريطة العالم،
و كان عايزني اوريله فين مصر الجديدة :d
مش دي المشكلة.. المهم انه بعد ما قعدنا نشرح انه ده العالم
و انه مصر جديدة جوه ايه و ايه و ايه دخلنا في قصة تانية..
و هي اني عايشة بره مصر..
فبأقوله و احنا رايحين بقى (الحتة الفلانية) بنعدي على البحر و كل البلاد دي
راح قايلي و بمنتهى البراءة و التلقائية "بتعدوا عالبحر، بترفعوا البنطلون؟"
و راح شادد بنطلونه من تحت..
و أنا رحت ضاحكة :d بس هو اتضايق، رحت شرحتله اننا بنركب طيارة..
بجد العيال دي زي السكر..
ربنا يخليهم لكا امهاتهم و اباهتهم..
و موضوعك جميل قوي يا همسة..
اسفة اني طولت عليكي..
مع خالص تحياتي.. :f:

noogy
05-07-2008, 06:25 PM
هههههههه جميلة اوى ياهمسة

بس حلوة اوى حكاية البحر والبنطلون دى ياريم هههههههههههههه

يلا ياهمسة كملى مواقفك مع المينى بنى ادميين ههههههههه

pure-love
09-07-2008, 09:36 AM
ههههههههههههههههه
موضوعك حلو جداااااااااااااااا
واكيد ممتع جدااااااااااا
انا بموووووووووووت في الاطفال
لان التعامل معاهم بيكون ديما ممتع جداااااا
شكراااااااااا يا همسه
دمتي في رعايه الله

بنت شهريار
10-07-2008, 11:36 AM
موضوع جميل قوي يا همسة..
طب عارفة؟!
امبارح ابن خالتي كان عندنا، و هو يادوبك 4 سنين..
لقيته جايلي و معاه اجندة و فاتح على خريطة العالم،
و كان عايزني اوريله فين مصر الجديدة :d
مش دي المشكلة.. المهم انه بعد ما قعدنا نشرح انه ده العالم
و انه مصر جديدة جوه ايه و ايه و ايه دخلنا في قصة تانية..
و هي اني عايشة بره مصر..
فبأقوله و احنا رايحين بقى (الحتة الفلانية) بنعدي على البحر و كل البلاد دي
راح قايلي و بمنتهى البراءة و التلقائية "بتعدوا عالبحر، بترفعوا البنطلون؟"
و راح شادد بنطلونه من تحت..
و أنا رحت ضاحكة :d بس هو اتضايق، رحت شرحتله اننا بنركب طيارة..
بجد العيال دي زي السكر..
ربنا يخليهم لكا امهاتهم و اباهتهم..
و موضوعك جميل قوي يا همسة..
اسفة اني طولت عليكي..
مع خالص تحياتي.. :f:
كميييييييييييييييييييييل :baby:
يالا بينا نعدى معاه البحر
عسل ياريم
ربنا يخليه ليكم يارب

مصراويةجدا
11-07-2008, 09:10 AM
هههههههههههههههههههههههههههه

حلوة اوي المواقف دي يا همسة وجميل كمان موقف البنطلون والميه ده يا ريم هههههههههههههههههههه

السن ده فعلا احلي سن ربنا يحرسهم ان شاء الله

طب بصوا الموقف ده

بنت خالي عمرها سنة و8 شهور يعني لسة بتتعلم الكلام

فوجئت مرة ان هية بتقولي الكلمة دي ( بت سالا ) وتضحك جدا

وانا بقي اتجننت واموت واعرف البنت دي بتقول ايه بيضحكها كده

اكتشفت اللي فطسني من الضحك انا كمان

اتاري الهانم بتندهلي وبتقولي بت يا سارة ( بت سالا ) مفهومة جدا :l2:

وطبعا انا ممسكتش نفسي من الضحك ومبقتش اعرف انام قبل ما اسمع منها كلمة ( بت سالا )

الطريف بقي ان مامتها قالتلها عييييييييييييييييب اسمها ابلة سارة

فبقت تقولي ( أبرة بت سالا ) :biggrin:

ريـم
11-07-2008, 09:41 AM
شوفتوا بقى ؟!
محمد ده مجرممممممم :d
فظيع، كل يوم يطلع لنا بحاجة جديدة
و كل الأشياء عنده الحمد لله جمع مؤنث سالم
الخيارات، الصوتات، القلمات، كله :d
..
ربنا يخليها لكم يا سارة ..
:f::f::f:

عبده الدرملى
21-07-2008, 02:58 AM
جمييييييييييييل اوى
تسلم ايدك

عاصم ابوندي
25-07-2008, 11:26 PM
اجمل سن للاطفال
فهم بتلقائية وبصفاء نفس يجعلون الواحد يشعر بجمال الحياة
بنتي ندي وهي صغيرة لها مواقف كثيرة معي لا استطيع ان انساها
كانت تحب المانجو وطبعا كان اسمها منته:l:
وفي يوم قالت منته تليل
ايه بس ياندي فيه ايه:excl::excl:
وظلت علي هذا الحال نصف ساعة حتي نامت... وذهبت امها لتضعها علي السرير
واذ بعصير المنجو مسكوب علي اليسرير
منتهتليل:mazika:http://img242.imageshack.us/img242/2750/15qf8.jpg

همسه 2010
28-07-2008, 09:39 AM
شكرا لردودكم الجميله ومواقفكم الاجمل

احكلكم النهارده موقف حصل معايا امبارح

ولد عنده 3 سنوات لقيته جاى بيقولى يا ميس انتى بتعرفى تعملى اكل؟
قولتله اه
قالى طيب علمينى علشان ماما مش راضيه

قولتله ليه عايز تتعلم؟
قالى علشان لما اتجوز اساعد مراتى
وبيقولها بتلقائيه جدا
انا فعلا مقدرتش امسك نفسى من الضحك....

وقولتله حاضر هعلمك هههههههههه

وان شاء الله هقولكوا الجديد فى هذا العالم.........


Photo Gallery