شوية نكت حلوين صح بس الصعايده ما يزعلوش

**أمة الله** · 07-04-2005 01:06 PM

ليه الصعيدي الصغير أذكي من الصعيدي الكبير .؟؟؟؟؟ لأنة مابقالوش كتير صعيدي.
__________________________

كيف تعرف البواب الصعيدي ....؟؟؟؟؟ يقوم بتنظيف المصعد في كل دور
__________________________

صعيدي سألوة أية رأيك في الزواج المبكر...؟؟؟؟ قال لهم في أي ساعة
__________________________

أية هو المكتوب علي قاع زجاجة المياه الغازيه في الصعيد...؟؟؟؟ مكتوب : الفتح
من الناحية الأخري.
__________________________

صعيدي لغي موعده مع الدكتور لأنة مريض
__________________________

مره واحد بلديتنا طوبه جت في صدره بص وراه
__________________________
واحد بلدياتنا عمل 2 إيميل، واحد دوت كوم للشتاء وواحد نص كوم للصيف
_______________________
مره واحد بلديتنا كان بيدق مسمار فى الحائط فالمسمار وقع منه فقال له :تعالى
فلم يجي, فقال له: تعالي فلم يجى. فراح بلديتنا رامي على المسمار شوية مسمامير
وقال: هاتوه.
_____________________
اربعه بلدياتنا بيلعبو علي الطريق السريع الي العربيه تخبطه مرتين يطلع بره
________________________
عشرين واحد من بلدياتنا غرقوا في غواصه ليه؟؟ سمكه خبطت عليهم!!
_______________________
واحد بلدياتنا عازم صحابه على السطح ليه؟ أصدقاء سطحيين
___________________
واحد بلدياتنا رجع من امريكا قاعد بيحكي لأبوه وأمه الحاجات الغريبة اللى
شافها .
- دانا شفت هناك واحد وقع من فوق عمارة طويييلة.. قعد ثلاث ايام لحد ما وصل
الأرض.
أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد يموت
_______________________
واحد بلدياتنا عنده ارق ومش عارف ينام....قال له صاحبه عندي لك طريقة للنوم
مؤكدة...عد من واحد الى خمس ميه... بلدياتنا مكدبش خبر... وأول ما الدنيا ليلت
راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...
جـاه النوم … قـام غـسـل وشه ورجــع للـسـريـر يـكـمـل الـعـد
____________________
بلدياتنا تاجروا في الموز خسروا علشان
بيرمو الموز المعوج
______________________
واحد بلدياتنا في مسابقة من سيربح المليون اتصل بصديق وقال له الو محمدين
معانا 30 ثانية رايك احذف اجابتين ولا استخدم الجمهور!
________________________
بلدياتنا مبيعرفشى يعوم وقع فى البحر مات محروق
____________________
واحد بلدياتنا وقع في خلاط الأسمنت طلع منه قال يخرب بيت الملاهي.
______________________
مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة
البقال نعم عندى فقال الطفل طيب بكام
_____________________
واحد بلدياتنا رجع من السفر لقى الشقة مليانه صراصير.. غير قفل الباب
_____________________
واحد بلدياتنا اشتري كمبيوتر... شال الماوس وحط جاموسة
___________________
بلدياتنا أول مرة يشوف واحد فلبيني قال يا بخته ده شبعان نوم
______________________
واحد بلدياتنا راح يتمشى جابوه من على الحدود
______________________
مرة واحد بلدياتنا عرف ان الجلد موضة مشى عريان
___________________
جماعة بلدياتنا عملوا أتوبيس بالعرض عشان يركبون كلهم قدام
____________
اتنين بلدياتنا عاوزين يشربو سجاير ومش معاهم قالو ندخل ميتم بيوزعو سجاير
هناك ، دخلو قعدو جمب واحد فى الصوان بيدخن قال الاول : انفاس معدودة وقال
التانى : كلنا لها رد الراجل : محدش واخد منها حاجة
___________________
مره واحد بلدياتنا ركب دماغه عمل حادثه
_______________
مرة واحد بلدياتنا نزل في محطة الرمل رجلة غرزت
________________
واحد بلديتنا اتعزم على حفلة تنكرية بعت اخوه
___________________
واحد بلدياتنا دخل جنينة الحيوانات ودخل راسه في قفص الاسد، الحارس جري عليه
قاله انت بتعمل ايه، قاله ايه يابا يعني هناكله.
___________________
واحد بلديتنا كبر دماغه معرفش يخرجها من التيشرت

**الصعيدي** · 07-04-2005 04:36 PM

بلاش يا داليا .. مون تيرز عملها من كام يوم .. هيييييييييه .. الله يرحمه بقى كان راجل طيب .. !!

**نادر فؤاد** · 07-04-2005 11:37 PM

هههههههههه

**lost** · 08-04-2005 12:20 AM

ههههههههههههههههههه

بس بجد انا ضحكت من قلبى

**حنـــــان** · 09-04-2005 11:11 AM

خطيره النكت دي!

**أمة الله** · 09-04-2005 12:08 PM

المشاركة الأصلية كتبت بواسطة الصعيدي

بلاش يا داليا .. مون تيرز عملها من كام يوم .. هيييييييييه .. الله يرحمه بقى كان راجل طيب .. !!

عزيزى الصعيدى صدقنى احب الناس الى قلبى بعد الإسكندرانيه هم الصعايده ده انا كاتبه عنهم من حبى فيهم بس

**عاشقه السراب** · 09-04-2005 01:04 PM

هه هه هه هه هه هه هه هه هه هه هه هه هه
كر كر كر كرركركركركركركركرركركرككركرركرككرركرك
النكته دى جديده
عاشقة السراب

**محمود المصري** · 09-04-2005 06:16 PM

هيهيهيهيهيه هاهاهاها هوهوهوهوهو
حلوة

**معاذ رياض** · 10-04-2005 11:07 PM

نكت حلوة طحن موت ..

**أمة الله** · 11-04-2005 10:20 AM

مبسوطه انى أسعدتكم و ربنا يجعلكم دايما سعداء

**الصعيدي** · 11-04-2005 10:44 AM

المشاركة الأصلية كتبت بواسطة dahlia ezzat

عزيزى الصعيدى صدقنى احب الناس الى قلبى بعد الإسكندرانيه هم الصعايده ده انا كاتبه عنهم من حبى فيهم بس

يعني افهم من كده ان الدور علينا وللا إيييييييييييييييييييييييه .. لا خللي بالك الاسكندرانية بيردوا جامد .. ههههههههه

**أمة الله** · 11-04-2005 11:08 AM

لأ و الف لأ لو إسكندريه بياخدلها جنسية انا كنت اتجوزت اسكندرانى هى دى الكلمه اللى كنت باقولها طول عمرى و فى الأخر اتجوزت اسكندرانى من بولكلى
اللى عايزه اقوله انى باحب الإسكندرانيه جدا جدا و باحب الصعايده جدا جدا

**سـيف الديـن** · 30-03-2009 02:21 AM

المشاركة الأصلية كتبت بواسطة أمة الله

ليه الصعيدي الصغير أذكي من الصعيدي الكبير .؟؟؟؟؟ لأنة مابقالوش كتير صعيدي.

بجد شوية نكت حلوة

متعك الله بالصحة والسعادة أختنا الفاضلة أمة الله

**لمسه** · 30-03-2009 02:35 AM

ههههههههههههههههههههه

تحفه ضحكتينى بجد

وانا افتكرت نكته هههههههههههههه

الصعايده سمعو عن الاختراع اللى اسمعه السيفون

قالو هريدى يسافر امريكا يشوف ايه الاختراع ده

سنه وسنتين وجه هريدى

سالوه ايه الاخترع ده

قالهم

يابووووووووووووووووووى
اما الاختراع ده يابووووووووى

قالوله ماله

قالهم تدوس على الزر .... ياتلحق تشرب ياما تلحقش

**سـيف الديـن** · 30-03-2009 04:04 AM

المشاركة الأصلية كتبت بواسطة لمسه

قالهم تدوس على الزر .... ياتلحق تشرب ياما تلحقش

انا سمعت إنه لما ضغط زرار السيفون طلع جري على البلد ولما شافوه خايف سألوه مالك قالهم أمريكا زمانها غرقت

الموضوع: شوية نكت حلوين صح بس الصعايده ما يزعلوش

أدوات الموضوع

تقييم هذا الموضوع

عرض

شوية نكت حلوين صح بس الصعايده ما يزعلوش

ضوابط المشاركة